Matan-moris nafatin bá, kaer metin ba imi-nia fiar, sai aten-brani bá, sai forte liután. 1 Korinto 16:13 TMF
Bainhira Paulo hakerek karta primeiru ba igreja Korinto, nia hakerek karta ba ema kristaun sira ne'ebé esperiénsia divizaun maka'as.
Podér no politik iha komunidade igreja laran kauza ema Kristaun dook hosi Na'i Jesus Ninia hanorin no sira kompete ba malu. Tanba ne'e, ema kiak sira hetan terus, ema sai konfuzaun, no hahalok imorál mós sira tolera.
Hafoin apóstolu Paulo fo sai tiha sira-nia sala no hatudu ba sira oinsá atu moris ho espíritu santu, nia halo sumariu kona-ba ninia dezezu ba ema Korinto hanesan tuir mai:
"Matan-moris nafatin bá, kaer metin ba imi-nia fiar, sai aten-brani bá, sai forte liután" 1 Korinto 16:13 TMF
"Matan-moris nafatin bá" Paulo uza liafuan ne'e atu fó-hanoin ninia kolega sira atu tau matan nafatin ba sira-nia moris, sira-nia komunidade, no sira-nia desizaun. Nia hatene katak se sira la matan-moris, sira sei la haree lia-bosok, lasu, ka lohi ne'ebé Diabu uza atu tama ba ka infiltra ba sira-nia komunidade fiar nian.
"Kaer metin ba imi-nia fiar" Iha igreja Korinto, problema ne'ebé boot liu mak hahalok seksual imoralidade ka halo sala-fo'er. Envez sira rezolve problema ne'e sira tolera fali hahalok aat ne'e. Ema kristaun iha Korinto lakohi rezolve problema ne'e. Tan ne'e, apóstolu Paulo fó-hanoin sira katak sira espiritualmente isin ida de'it. Se ema ida ita permiti la hatudu respeitu ba Maromak, entaun sira hotu sai parte husi problema ne'e. Sira-nia última dezezu mak atu halo Maromak kontente, la'ós ema.
"Sai aten-brani bá, sai forte liután" Atu bele rezisti atake espirituál, ema Korinto nomos ita presiza hamriik metin hamutuk. Sira presiza uza sira-nia talentu hotu ho aten-barani hodi haforsa sira-nia komunidade igreja nian no ajuda sira atu krese liután, maski sira la komfortavél.
Entaun, pasu saida de'it mak ita sei halo atu hamriik metin iha buat ne'ebé ita fiar ho forsa no aten-barani? Bainhira ita halo desizaun saida mak ita presiza halo, hanoin-ba katak Maromak luta ba ita no Ninia Espiritu hamutuk ho ita.
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
#dalanbalalehan.blogspot.com
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
0 comments:
Post a Comment