HAKSOLOK BA EMA NE'EBÉ HALO DAME

Haksolok ba sira nebee lori dame, tanba sira sei sai Maromak nia oan. Mateus 5:9 BK

Iha versíkulu ne'e, Jesus hanorin ita katak ema ne'ebé halo dame sei hetan bénsaun. Liafuan "Haksolok" ne'ebé tradus iha lian- Ingles "blessed" maihosi lian-gregu "makarios", ne'ebé signifika la'ós de'it katak ita kontente de'it, maibé kontente tebes tanba Maromak hamutuk ho ita no Maromak simu ita  

Jesus hatete katak "ema ne'ebé lori dame" hetan bénsaun. Liafuan gregu ba "lori dame" ka peace makers iha Ingles mak "eirēnopoioi". Lia-fuan ne'e signifika la'ós ema ne'ebé nonok de'it atu evita problema. Ema ne'ebé Lori dame mak ema ne'ebé lori dame iha fatin ne'ebé iha konflitu - dame entre ema, dame iha família, no mós dame ho Maromak. Ema ne'ebé lori dame haka'as an atu hadi'a relasaun di'ak ho ema seluk ho domin, pasiénsia, no laran-di'ak. 

Jesus hatete katak ema sira ne'ebé lori dame sei hanaran "Maromak nia oan sira". Iha lian-gregu, liafuan "huioi" signifika oan ka oan mane no feto sira. Ida-ne'e hatudu relasaun ne'ebé besik ho Maromak. Kuandu ita lori dame, ita hatudu ba mundu katak ita mak Maromak nian. Ita hatudu hahalok hanesan ita-nia Aman iha lalehan, ne'ebé mak lori dame. Liuhusi Jesus, Maromak halo dame ho ita (Roma 5: 1). 

Oinsa ita Lori dame iha moris loronloron?Ita bele hatudu Ida ne'e liuhosi hahalok sira hanesan: labele habelar gossip ka lia-bosok, la istori-malu, ka hamosu divizaun. Duke halo nune'e, ita tenke fó perdua, ajuda ema seluk fó perdua, no lori ema atu hamutuk. Kuandu ita moris hanesan ne'e, ita moris hanesan Jesus. 

Orasaun: Nai, ajuda ami atu lori dame. Hanorin ami atu fó perdua no hadomi ema seluk hanesan Ita hadomi ami. Halo ami sai naroman ba dame iha ami-nia uma, igreja, no ami-nia komunidade. Hodi Jesus nia naran, Amen. 

Reflesaun: serake iha ema sira ne'ebé hale'u ita ne'ebé presiza dame? Husu Maromak atu ajuda ita lori dame ba sira ohin.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏