Mate atu bele moris

Ha'u mate tiha ona hamutuk ho Kristu iha krús. La'os ha'u mak moris, maibé Kristu mak moris iha ha'u. No agora ha'u-nia moris iha isin ne'e, ha'u moris liuhosi fiar iha Maromak nia Oan, ne'ebé hadomi ha'u, no fó ona Ninia aan tanba ha'u. Galásia 2:20 BK

Galásia 2:20 

Bainhira apóstolu Paulo hakerek liafuan sira-ne'e, nia esplika lia-loos ida kona-ba moris kristaun nian. Lia loos nee mak: atu bele moris, ulukliu ita tenke mate, la'ós fizikamente maibé espirituálmente. Bainhira ita simu Jesus nu'udar ita-nia Salvador, ita-nia hahalok pekador tuan sira ita "prega ba krús ho Kristu". Ida ne'e signifika katak ita la moris tan atu halo ita-nia an kontente, maibé atu halo Maromak kontente. 

Mate ida hanesan ne'e, la'ós lakon maibé liberdade. Hahalok tuan sala nian ne'ebé ita halo ona no hanoin an de'it lakon ona no moris foun hahú. Jesus la'ós de'it fó perdua ba ita-nia sala sira, maibé nia muda ita-nia laran. Ninia espíritu hahú moris iha ita-nia laran hodi dirije ita-nia hanoin, liafuan no hahalok sira. 

Agora, ita moris liuhusi fé ba Jesus, fiar ba Nia loroloron. Maibé fiar ne'e mós tenke lori ita atu halo tuir Ninia hanorin sira iha Sagrada Eskritura. Se Kristu moris duni iha ita, ita-nia hahalok sei hatudu. Ita sei hasees an husi sala, ita sei hadomi ema seluk, no la'o tuir Ninia lia-loos hotu iha Sagrada Eskritura. Se ita halo ida ne'e, ita-nia moris sei refleta Jesus Ninia karakter di'ak sira. 

"Mate ba ita-nia an rasik" signifika katak ita rende ita-nia hahalok foti-an, hirus, kaan-teen, hakarak hanoin an de'it, no husik Jesus kontrola ita-nia moris. Ida ne'e sei la fasil ba ita, maibé ida ne'e mak dalan uniku ba ita atu hetan ksolok ne'ebé loos, dame no moris rohan-laek. 

Tan ne'e, bainhira ita mate ba ita-nia hahalok aat sira, ita komesa moris espirituálmente, tanba Kristu moris iha ita-nia laran. Ida ne'e mak segredu ba moris foun hodi la'o iha dalan ba lalehan. 

Orasaun: Nai Jesus, obrigadu tanba mate ona ba ami. Ajuda ami atu mate ba ami-nia hahalok aat sira kada loron, nune'e ita bele mai moris iha ami-nia laran. Hanorin ami atu hatudu ami-nia fiar liuhusi halo tuir ita-nia hanorin sira iha Sagrada Eskritura no direji ami atu sempre la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

JUSTIFICADOS PELA FÉ

Ne'e duni tanba ita sai loos ona liu hosi fiar, ita iha dame ho Maromak liu hosi ita-nia Na'i Jesus Kristu. Roma 5:1 BK

Tendo sido, pois, JUSTIFICADOS PELA FÉ, temos paz com Deus, por nosso Senhor Jesus Cristo. Romanos 5:1 NVI

Romanos 5:1 

Justificados (sai loos) signifika halo sai loos ho Maromak - ka deklara hanesan pekadu la iha. Antes ita hatene Jesus, pekadu haketak ita husi Maromak (Isaias 59:2). Ita la bele salva ita-nia an, maski ita koko atu halo buat di'ak barak. Maibé tanba Jesus Ninia mate no moris hi'as, agora Maromak bele fó perdua no simu ita. 

Bíblia hatete katak ita sai loos (justificados) tanba fé - la'ós tanba ita-nia hahalok di'ak sira. Fé signifika katak tau fiar kompletamente ba buat ne'ebé Jesus halo ona ba ita iha kruz. Liuhusi fé mak ita simu Ninia perdua no sai Maromak nia oan sira. 

Maibé fé ne'ebé loloos la para iha fiar de'it, maibé fé ne'ebé loos lori ita atu halo tuir Maromak Ninia hanorin sira. Kuandu ita fiar duni ba Jesus, ita-nia laran muda, no tuir mai ita-nia hahalok mós muda. Ita komesa hadomi ema seluk, fó perdua, serbí no la'o iha lia loos hotu, la'ós atu hetan salvasaun, maibé tanba ita simu ona SALVASAUN ne'e. Hanesan Tiago 2:17 hatete, " Fiar ne'ebé la iha asaun mak mate" 

Fé ne'ebé loloos hamosu mudansa ne'ebé reàl. Bainhira ita halo tuir Maromak, ita hatudu katak ita-nia fiar ne'e moris no ita mak Maromak nia ema. Bainhira ita halo tuir Ninia Liafuan sira, ita bele refleta Maromak Ninia karakter ba mundu. 

Liuhusi fé no obedese (halo tuir Maromak), ita goza dame ho Maromak - la sai Maromak Nia inimigu, maibé sai Ninia oan doben sira. Dame ne'e fó forsa, esperansa no ksolok mai ita bainhira ita kontinua la'o ho laran-metin iha dalan ba lalehan. 

Orasaun: Nai, obrigadu tanba salva ami liuhusi fé ba Jesus. Ajuda ami atu hatudu ami-nia fiar no domin loroloron liuhusi halo tuir ita-nia hanorin sira, atu nune'e ami-nia moris bele hatudu katak ami mak Ita-nia oan sira ne'ebé la'o iha dalan ba lalehan. Amen.

Romanos 5:1 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak ita presiza enxe ba ita-nia neon?

Ikus mai, maun-alin sira, buat hotu ne'ebé tuir lia loos, buat hotu ne'ebé iha onra, buat hotu ne'ebé loos, buat hotu ne'ebé moos, buat hotu ne'ebé furak, buat hotu ne'ebé bele dehan diak, no se iha buat ruma ne'ebé la'o diak, no se iha buat ruma ne'ebé bele hahi'i, hanoin kona ba buat sira ne'e. Filipe 4:8 BK

Filipe 4:8 

Hanesan ita-nia isin presiza hahán di'ak atu ita bele sai saudavel, ita-nia neon mós presiza buat ne'ebé loos atu ita bele iha forsa no moris hakmatek. Apóstolu Paulo hanorin ita iha versíkulu ne'e kona-ba "hahan espirituál" ne'ebé ita tenke fo han ba ita-nia hanoin loroloron. 

Ita moris iha mundu ne'ebé nakonu ho novidades aat, lia-bosok no negatividade. Se ita kontinua enxe ita-nia neon ho ta'uk, gossip, lia-bosok, ka hirus, ita-nia laran sei sai todan no la kontente. Maibé kuandu ita enxe ita-nia hanoin ho buat ne'ebé tuir lia loos, onra, loos, moos, furak, no hahii, ita-nia neon sei sai saudavél no nakonu ho dame. 

Apóstolu Paulo hatete mai ita atu hanoin liután kona-ba buat di'ak sira ne'ebé mai husi Maromak - hanesan lia-loos husi Biblia, Ninia domin ne'ebé Jesus hatudu, no Ninia bénsaun sira iha ita-nia moris loroloron nian. Kuandu ita hili atu hanoin kona-ba buat sira-ne'e, ita-nia laran sai kontente liután, no ita komesa haree ita-nia moris hanesan saida mak Maromak haree. 

Kada loron, ita iha desizaun atu halo: ita bele husik mundu forma ita-nia hanoin, ka ita bele husik Maromak nia Liafuan enxe ita-nia neon. Saida mak ita hanoin afeta oinsá ita moris. Tan ne'e, mai ita enxe ita-nia hanoin kona-ba buat di'ak sira - hanesan buat ne'ebé fó glória ba Maromak no buat ne'ebé halo ita hakbesik liután ba Maromak.

Kuandu ita hanoin kona-ba Maromak nia hanoin sira, ita la'o iha naroman, dame, no lia-loos, no ida-ne'e halo ita la'o iha dalan ba lalehan. 

Orasaun: Nai, ajuda ami atu enxe ami-nia neon ho hanoin ne'ebé di'ak no moos. Hanorin ami atu fokus kona-ba Ita-nia lia-loos no hakonu ami-nia laran ho dame bainhira ami la'o tuir Ita iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Haree ba buat ne'ebé ita labele haree

Nune'e ita la hateke ba buat sira ne'ebé ita bele haree maibé ba buat sira ne'ebé ita la bele haree. Tanba buat sira ne'ebé ita bele haree ne'e sei hela to'o tempu nee deit. Maibé buat sira ne'ebé ita la bele haree sei hela too rohan laek. 2 Korinto 4:18 BK

2 Korinto 4:18

Versíkulu ne'e haree hanesan estrañu uitoan - oinsá mak ita bele haree buat ne'ebé ita labele haree? Maibé apóstolu Paulo la ko'alia kona-ba ita-nia matan fiziku, maibé kona-ba matan fiar nian. Nia fó-hanoin ita katak buat sira ne'ebé ita haree iha mundu ne'e hanesan osan, uma, susesu, ka problema sira-ne'e temporariu de'it. Buat sira ne'e hotu sei lakon hotu loron ida. Maibé buat ne'ebé ita la bele haree - hanesan Maromak nia domin, ninia promesa, lalehan, no moris rohan-laek, sei iha ba nafatin. 

Apóstolu Paulo hasoru susar barak hanesan hamlaha, tama komarka, moras, no presegisaun. Maski nune'e, nia la rende, tanba nia la hateke ba problema ne'ebé nia hasoru maibé ba buat ne'ebé Maromak prepara ona ba nia. Nia haree ho fé katak Maromak prepara ona ninia kolen iha Lalehan. Ne'e mak buat ne'ebé fó korajen ba nia atu kontinua la'o ba oin. 

Ita mós hasoru susar no problema barak iha ita-nia moris. Dala ruma ita sente katak mundu ne'e atu rahun ona. Maibé kuandu ita fiksa ita-nia matan ba Jesus no ba esperansa lalehan nian, ita hetan forsa atu tahan. Terus ohin loron sei la iha komparasaun ho ksolok ne'ebé sei mosu mai. 

Haree ba buat ne'ebé ita la haree signifika katak moris ho fé, la'ós ho buat ne'ebé matan bele haree. Ida-ne'e signifika katak fiar ba Maromak maski ita la komprende saida mak nia halo. Ida-ne'e signifika katak fiar katak Maromak nia promesa sira ne'e loos, maski ita-nia matan seidauk haree. 

Tamba ne'e, hateke ba buat ne'ebé eternal - hanesan Jesus, ita-nia Salvador. Nia mak esperansa ne'ebé ita la bele haree ho matan ne'ebé sei gia ita ho seguru iha dalan ba lalehan. 

Orasaun: Nai, ajuda ami atu haree ho matan fiar nian. Hanorin ami atu fokus ba ita-nia promesa sira, la'ós fokus ba ami-nia problema sira, no atu moris loroloron hodi hateke ba dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Orasaun no hahi'i

Iha ema ruma iha imi-nia leet ne'ebé iha susar ka? Nia bele halo orasaun. Iha ema ruma ne'ebé haksolok ka? Nia bele kanta hahi'i Na'i. Tiago 5:13 BK

Tiago 5:13

Versíkulu ne'e fó-hanoin ita katak saida de'it mak ita hasoru iha moris - atu susar ka haksolok, ita tenke lori buat hotu ba Maromak liuhosi orasaun. Kuandu moris susar, halo orasaun. Kuandu moris di'ak, hahi'i Maromak. Orasaun no hahi'i halo ita hakbesik liu tan ba Maromak. 

Kuandu ita hasoru problema ruma, fasil atu hanoin -resin no murmura. Maibé apóstolu Tiago hanorin ita dalan ne'ebé di'ak liu - lori ita-nia problema sira ba Maromak liuhosi orasaun. Orasaun la'ós de'it atu husu ajuda - bainhira ita halo orasaun, ita fiar katak Maromak rona, komprende no kuida. Liuhusi orasaun, ita bele hetan dame iha ita-nia laran maski problema ne'e seidauk rezolve. 

No kuandu buat sira hotu la'o di'ak iha ita-nia moris, labele haluha atu hahi'i Maromak. Dala ruma ita agradese ba ema sira ne'ebé hale'u ita maibé ita haluha Ida ne'ebé fó bénsaun hotu mai ita. Hahi'i fó-hanoin ita katak buat hotu ne'ebé di'ak - saúde, família, serbisu, no ksolok sira mai husi Maromak. Hahi'i halo ita-nia laran nakonu ho sentimentu agradese no hadook ita hosi foti aan. 

Orasaun liga ita ho Maromak iha ita-nia luta sira; hahi'i liga ita ho Maromak bainhira ita haksolok. Orasaun no hahi'i hamutuk hametin ita-nia relasaun ho Kriador. Maski ita tanis ka haksolok, fatin ne'ebé di'ak liu atu ba mak sempre Maromak. 

Entaun ohin loron, se ita-nia laran kanek karik, ko'alia ba Maromak. Se ita hamnasa karik, kanta ba Maromak. Iha momentu hotu, loke ita-nia laran hodi halo orasaun no hahi'i. Ida-ne'e mak segredu atu la'o besik ho Maromak - pasu pur pasu la'o iha dalan ba lalehan. 

Orasaun: Nai, hanorin ami atu halo orasaun bainhira ami hasoru susar no hahi'i kuandu ami kontente. Ajuda ami atu nafatin hakbesik ba Ita iha ami-nia moris tomak. Ajuda ami atu nafatin la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Korajen bainhira hein Na'i

Forsa ba, no hetan korajen iha imi nia fuan laran, imi hotu ne'ebé hein Na'i! Salmu 31:24 BK

Salmu 31:24 

La fasil atu hein. Karik, ita hein hela resposta ba orasaun, kurativu, oportunidade foun, ka mudansa iha ita-nia situasaun difisil sira. Iha situasaun sira hanesan ne'e, susar ba ita atu hatudu pasiénsia. Dala ruma ita sente katak Maromak nonok de'it ka dook hosi ita. Maibé iha versíkulu ne'e, liurai David fó-hanoin ba ita atu forsa no iha korajen bainhira ita hein hela, tanba ita-nia esperansa iha Na'i. 

Liurai David hatene oinsá hein ne'e. Nia ordena ona nu'udar liurai ba Izrael, maibé nia tenke hein tinan barak antes promesa ne'e sai loos. Durante tempu ne'e, nia hasoru sentimentu ta'uk, hasoru inimigu, no esperiensia tristeza barak. Maibé, liuhusi esperiensia sira ne'e, nia aprende atu fiar katak Maromak nia tempu sempre perfeitu. 

Kuandu ita hein ho fiar, Maromak serbisu iha kotuk, fatin ne'ebé ita la haree. Nia hametin ita-nia laran, forma ita-nia karakter, no prepara ita ba buat ne'ebé boot liu ne'ebé sei mai iha futuru. Tempu ne'ebé ita hein, sei la saugati de'it - tamba liuhosi hein Maromak hanorin ita oinsá atu depende ba Nia liu tan.

Nia xave mak iha ne'ebé no iha se ita tau ita-nia esperansa. Se ita tau esperansa ba ema ka situasaun, ita sei falla. Maibé se ita tau esperansa ba Maromak, ita sei forsa nafatin maski haree hanesan buat ida la akontese. Ninia promesa sira nunka falla, no ninia domin rohan la iha. 

Entaun ohin loron, se ita hein hela resposta balu ba ita-nia orasaun, keta rende. Sai forte, iha korajen nafatin, no tau ita-nia esperansa iha Maromak. Iha Nia tempu rasik, Maromak sei hatán, no Ninia planu sira sempre di'ak ba sira ne'ebé la'o ho fiél iha dalan ba lalehan. 

Orasaun: Nai, fó korajen mai ami bainhira ami hein. Ajuda ami atu tau fiar nafatin ba Ita-nia tempu no kaer metin ba Ita-nia promesa sira, bainhira ami la'o dadauk hamutuk ho Ita iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hatais armamentu Maromak nian

Hatais Maromak nia armas tomak, atu imi bele hamriik hasoru Diabu nia planu aat. Éfezu 6:11 BK

Éfezu 6:11

Iha versíkulu ne'e, apóstolu Paulo fó-hanoin ita katak sai Jesus nia dixipulu mak hanesan soldadu iha funu espirituál nian. Ita la'ós funu hasoru ema, maibé hasoru sala, tentasaun, no Diabu ne'ebé koko atu dada ita sai husi Maromak. Atu ita bele nafatin forte, ita tenke hatais Maromak nia armas tomak. 

Armas ne'e la'ós halo husi besi ka kulit. Liuhosi armas ne'e mak Maromak fó protesaun espirituál ba ema fiar-na'in hotu. Apóstolu Paulo esplika kona-ba armas sira ne'e iha Efeso 6:13-17 - armas sira ne'e mak: sintu lia-loos nian, besi belar hirus matan lia loos ka justisa nian, sapatu dame nian, eskudu fiar nian, kapasete salvasaun nian, no surik espíritu nian - ne'e mak Maromak nia Liafuan. 

Kada parte hosi armamentu ne'e importante: 

 - Lia-loos halo ita onestu no firmi iha saida mak ita fiar.  

 - Moris ka hahalok loos proteje ita-nia laran husi sala. 

 - Dame ajuda ita fahe Maromak Nia domin ba ema seluk. 

 - Fé ka fiar proteje ita husi duvida no ta'uk. 

 - Salvasaun fó-hanoin ita katak ita mak Jesus nian. 

 - Maromak nia Liafuan fó forsa mai ita atu luta kontra lia bosok ho lia-loos. 

Kuandu ita hatais ita-nia armas sira-ne'e liuhusi orasaun, fé, no obedese, ita bele hamriik metin hasoru inimigu nia atake hotu. Maromak lakohi ita atu ta'uk, maibé nia hakarak ita prontu hasoru funu ne'e. 

Entaun kada loron, antes ita sai ba mundu, keta haluha tau Maromak nia armas sira. Ho Maromak nia protesaun, ita bele la'o ho seguru no fiar-aan iha dalan ba lalehan. 

Orasaun: Nai, ajuda ami atu hatais Ita-nia armas tomak loroloron. Hametin ami-nia fiar atu firmi iha lia-loos, atu nune'e ami bele hamriik hasoru diabu no kontinua la'o iha dalan ba lalehan. Amen.

Éfezu 6:11

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Dalan fila fali ba Lalehan

Jesus dehan ba nia, “Ha'u mak dalan, lia loos no moris. Ema ida la bele hakbesik ba Aman, só deit liu hosi Ha'u.” João 14:6 BK

João 14:6

Molok ema hedi Jesus ba krús, Nia ko'alia liafuan sira-ne'e ba ninia dixipulu sira. Sira triste no iha konfuzaun laran tanba Nia hatete ona ba sira katak lakleur tan nia sei husik hela sira. Tomé husu: "Nai, ami la hatene Ita ba ne'ebé, entaun oinsá mak ami bele hatene dalan ne'e?" Jesusfo resposta no dehan: "Hau mak dalan, lia-loos no moris." 

Iha versíkulu ne'e, Jesus hatudu ho klaru katak nia la'ós de'it dalan ida, maibé so Nia mesak de'it mak dalan ba Maromak. Tanba sala tama ona iha mundu liuhusi Adão no Eva, nune'e dalan ba lalehan lakon ona. Ema koko atu hakbesik ba Maromak liuhusi sira-nia hahalok di'ak sira, relijiaun, ka tradisaun rasik, maibé buat sira ne'e la bele halakon ita-nia sala ka restaura fali relasaun ne'ebé lakon entre ita ho Maromak. 

Tan ne'e mak Jesus mai - atu hatudu dalan fila fali ba Lalehan. Liuhusi Ninia mate iha kruz, Nia selu folin ba ita-nia sala sira. Liuhusi Ninia moris-hias, nia loke odamatan ba moris rohan-laek. Ema se de'it ne'ebé fiar ba Jesus no la'o tuir Nia, agora bele fila fali ba Aman Maromak Nia uma - ita-nia uma ne'ebé loos iha lalehan. 

Ita hotu presiza dalan ne'e tanba ita hotu halo ona sala (Roma 3:23). Maibé liafuan di'ak mak ne'e: dalan ne'e nakloke ba ema hotu. Ita la presiza sosa - ita presiza simu de'it Jesus ho fé no halo tuir Nia hanorin sira. 

Nia mak dalan atu fila fali ba Lalehan, lia-loos ne'ebé fó liberdade mai ita, no moris ne'ebé sei la iha rohan. 

Orasaun: Nai Jesus, obrigadu tanba sai dalan ba ami atu bele fila fali ba Lalehan. Ajuda ami atu la'o hamutuk ho Ita loroloron no lori mós ema seluk atu la'o tuir Ita, dalan úniku ba moris rohan-laek. Amen. 

João 14:6

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hola parte atu fahe lia-fuan di'ak

No Nia dehan ba Ninia eskolante sira, “Loos duni, toos nee boot, maibé ema hodi servisu mak uitoan deit. Nune'e halo orasaun ba Toos Nain hodi Nia bele haruka ema hodi servisu iha Ninia toos.” Mateus 9:37-38 BK

Mateus 9:37-38

Kuandu Jesus hateke ba ema sira ne'ebé hale'u nia, nia haree katak ema barak lakon ojetivu moris nian, konfuzaun, no barak mak laran kanek. Sira hanesan bibi-malae ne'ebé la iha bibi-atan - sira presiza domin, matadalan, no esperansa. Ninia laran nakonu ho kompaixaun. Iha tempu ne'e mak Nia hatete ba Ninia dixipulu sira katak "Koileta barak (toos boot" , serbisu na'in (ema hodi servisu) mak uitoan deit" 

"Koileta" mak ema barak ne'ebé prontu atu rona kona-ba Maromak nia domin no salvasaun. "Serbisu na'in" mak ema ne'ebé fahe lia-fuan di'ak - mensajen katak Jesus mai atu salva ema sala-na'in sira no fó moris rohan-laek. Triste katak ohin loron ema uitoan de'it mak prontu atu fahe mensajen ne'e. 

Jesus hakarak ita ida-idak atu sai serbisu-nain ba toos ne'e. Ita la presiza sai pastor ka sai misionáriu atu fó-hatene ema seluk kona-ba Jesus. Ita bele fahe lia-fuan di'ak liuhosi hatudu laran-di'ak, fó perdua ba ema seluk, ajuda ema mukit sira, ka simplesmente dehan de'it ba ema seluk katak Jesus hadomi sira. Maski ita hatudu domin uitoan de'it, ida-ne'e bele halo ema ida hakbesik liután ba Maromak. 

Kuandu ita fahe Jesus nia mensajen, ita hola parte ba Maromak Nia planu atu lori ema ba SALVASAUN. Ida-ne'e mak priviléjiu no responsabilidade ida ba ema kristaun hotu. 

Tan ne'e, mai ita halo orasaun atu husu serbisu-nain barak liután, no ita mós hola parte. Mai ita hatete ba ema seluk katak Jesus de'it mak dalan, lia-loos no moris. Tanba lori ema seluk atu hatene Jesus ne'e fó ksolok ne'ebé boot liu no ojetivu ne'ebé loloos hosi dalan ba Lalehan. 

Orasaun: Nai, obrigadu tanba Ita bolu ami nu'udar Ita-nia serbisu-nain sira. Fó aten-barani no domin mai ami atu fahe Liafuan Diak ba ema seluk, atu nune'e sira mós bele hetan dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Na'i besik ba sira ne'ebé laran kanek

Na'i besik hela ba sira ne'ebé laran kanek, no Nia salva sira ne'ebé iha espiritu rahun. Salmu 34:18 BK

Salmu 34:18

Moris la'ós sempre fasil. Dala ruma ita lakon ema ne'ebé ita hadomi, sente laran-tun, ka sente ema haluha ita. Iha situasaun sira hanesan ne'e, ita-nia laran sente todan no ita-nia laran sente rahun. Maibé Biblia fó ba ita promesa furak ida: Maromak besik ba ema ne'ebé laran-kanek. 

Kuandu ita-nia laran kanek, karik ita hanoin katak Maromak dook hosi ita, maibé ida-ne'e la loos. Maromak mai besik liu bainhira ita sente moras. Nia haree matan-been hotu, rona ita-nia halerik hotu, no Nia komprende ita-nia laran ne'ebé tanis nonok. Nia la haluha ita-nia triste. Maromak fó komfortu ba ita no Ninia domin nunka falla. 

Liurai David, autór salmu ne'e, hatene saida mak laran-kanek. Ninia inimigu sira duni tuir nia, ninia kolega halo traisaun ba nia, no dala barak nia sente mesamesak. Maibé nia hetan esperansa tanba nia hatene katak Maromak sei hamutuk nafatin ho nia. Maski David iha situasaun ne'ebé nakukun liu, nia fiar katak Maromak sei salva nia.

 Kuandu ita sente ita-nia espiritu rahun ka senti laran-tun, hanoin-ba katak Maromak la dook. Nia iha ita-nia sorin, kaer ita-nia liman, no bisibisi lia-fuan dame ba ita-nia laran. Nia bele foti ita-nia laran kanek no halo Ita-nia laran-susar sai forte. 

Ohin loron, se ita sente laran kanek, mai hasoru Maromak. Nia mak kura ita-nia laran kanek no fó esperansa ba ita. Ninia besik fo komfortu ba ita no Ninia domin lori ita ba dame, ksolok no moris rohan-laek. 

Ne'e mak promesa ba ema hotu ne'ebé la'o hamutuk ho Maromak, ne'ebé la'o iha dalan ba lalehan. 

Orasaun: Nai, obrigadu tanba Ita besik bainhira ami laran kanek. Kura ami-nia laran-kanek sira no hakonu ami ho Ita-nia dame. Ajuda ami atu tau fiar ba Ita-nia domin loroloron iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Segredu atu sai forsa no susesu

Nai Nia anju hatudu aan ba nia no dehan, “Na'i hamutuk ho ó, asuwain ne'ebé iha forsa.” Juis 6:12 BK

 Juis 6:12

Bainhira anju ne'e bolu Gideão nu'udar "asuwain ne'ebé kbiit boot", nia subar hela ho ta'uk. Ninia povu, ema Izrael, hetan atake husi sira-nia inimigu, no nia sente fraku, ki'ik, no la importante. Maibé Maromak haree buat balu ne'ebé Gideão rasik laharee. Maromak haree buat ne'ebé bele akontese bainhira Nia hamutuk ho Gideão. 

Segredu atu iha forsa no susesu la'ós tanba ita-nia forsa rasik, ita-nia podér no ita-nia skill. Ita bele hetan forsa no susesu tamba Maromak Nia prezensa. Anju ne'e hatete: "Nai hamutuk ho ó." Ne'e mak buat ne'ebé halo Gideao sai forsa no susesu - la'ós ninia aten-barani, la'ós ninia tropa, la'ós ninia kilat - maibé tamba Maromak hamutuk ho nia. 

Iha inisiu, Gédeão dúvida no sente katak nia la merese. Maibé kuandu nia tau fiar ba Maromak no halo tuir Maromak nia instrusaun sira, nia hetan vitoria mesmu ho tropa ki'ik ida. Ida-ne'e hatudu katak kuandu ita sadere ba Maromak duke sadere ba ita-nia an rasik, Nia fó forsa mai ita atu halakon ta'uk, sala, no dezafiu saida de'it ne'ebé ita hasoru. 

Dala ruma ita sente fraku - ta'uk, kole, ka la serteza - maibé hanoin lia-loos ida ne'e: kuandu Maromak hamutuk ho ita, ita nunka mesak no sempre iha forsa no susesu. Ninia Espiritu fó aten-barani, sabedoria, no vitoria. 

Forsa no susesu ne'ebé loos iha ita-nia moris la mai husi buat ne'ebé ita iha, maibé husi se mak hamutuk ho ita. Kuandu ita la'o hamutuk ho Maromak, Nia halo ita-nia fiar sai metin no vitoria. Ne'e mak segredu ne'ebé loos atu hetan forsa no susesu - no ida-ne'e lori ita ho susesu la'o ho seguru iha dalan ba lalehan. 

Orasaun: Nai, obrigadu tanba hamutuk ho ami maski ami sente fraku. Ajuda ami atu tau fiar ba Ita-Nia forsa, la'ós ba ami-nia an rasik no ajuda ami la'o ho aten-barani hamutuk ho Ita iha dalan ba lalehan. Amen.

 Juis 6:12

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Prezente ne'ebé boot Liu

Tanba liu hosi grasa mak ita hetan salvasaun, ne'ebé mai liu hosi fiar. No ida ne'e la mai hosi ita rasik, maibé ida ne'e mak prezenti hosi Maromak, la'os hosi hahalok, hodi ema ida la bele gaba aan. Éfezu 2:8-9 BK.

Éfezu 2:8

Ema hotu gosta simu prezente. Prezente ne'ebé loos mak buat ne'ebé ita simu tanba domin, la'ós buat ne'ebé ita simu tamba ita-nia kolen. Bíblia hatete katak ita-nia salvasaun - perdua ba ita-nia sala no promete kona-ba moris rohan-laek mak prezente ne'ebé boot liu hotu ne'ebé ita simu.

Apóstolu Paulo fó-hanoin ita iha versíkulu ida-ne'e katak ita hetan salvasaun liuhusi grasa. Grasa mak Maromak nia laran-sadi'a no domin ba ita, maski ita la merese. La iha ema ida mak bele hetan dalan ba lalehan liuhosi ninia esforsu rasik ka liuhosi hahalok relijius sira. Maski ita haka'as oinsá mós, ita-nia esforsu nunka sufisiente atu hasai ita-nia sala. So Maromak nia grasa de'it mak bele. 

Prezente SALVASAUN ne'e sai ita-nian liuhusi fé - bainhira ita fiar ba Jesus Kristu, ne'ebé mate iha kruz no moris hi'as ba ita. Kuandu ita tau fiar ba Jesus, Nia fó perdua ba ita-nia sala sira, fó moris foun mai ita, no halo ita sai Maromak nia oan sira. 

Tanba salvasaun ne'e prezente ida, la iha fatin ba ita atu gaba-an. Ita la bele gaba an kona-ba ita-nia hahalok-di'ak sira. Entaun buat ne'ebé ita bele halo mak agradese ba Maromak tanba nia hadomi tebes ita. 

Prezente ne'ebé boot liu mak la'ós prezente ne'ebé falun ho surat-tahan kores oinoin no kesi ho fita furak sira - maibé prezente ne'ebé boot liu maihosi salvadór ida ne'ebé fó ninia moris ba ita. Simu prezente ne'e liuhusi fiar - loke dalan ba dame, ksolok no moris rohan-laek. Ne'e mak dalan ne'ebé loos ba lalehan. 

Orasaun: Nai Jesus, obrigadu ba prezente ne'ebé boot liu - Ita-nia grasa ne'ebé salva ami liuhusi fiar. Ajuda Ami atu tau fiar tomak ba Ita no atu moris loroloron hodi agradese hodi la'o ba dalan ba lalehan. Amen.

Éfezu 2:8

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hakarak fuan-laran ne'ebé moos?

Kria fuan laran ida ne'ebé moos iha ha'u, Oh Maromak, no halo espíritu foun ne'ebé loos iha ha'u-nia laran. Salmu 51:10 BK

Salmu 51:10

Liurai David hakerek liafuan sira-ne'e bainhira nia halo sala fo'er. Nia halo desizaun ne'ebé la loos ne'ebé hakanek ema seluk no viola Maromak nia ukun-fuan. Bainhira profeta Nathan fo hanoin nia, nia la koko atu subar buat ne'ebé nia halo ona. Maibé, nia halo orasaun ho onestu no husu Maromak atu fó perdua no fó laran-moos ba nia. 

Liurai David hatene katak so Maromak de'it mak bele muda ninia laran. Nia la husu de'it perdua, maibé nia husu Maromak atu kria laran foun iha nia laran. Liafuan "kria" katak halo buat foun, buat ne'ebé so Maromak de'it mak bele halo. Liurai David hatene katak sala halo ninia laran sai fo'er ona, no nia presiza Maromak nia laran-sadi'a atu hamoos fali nia laran.

Ita mós hanesan liurai David. Dala ruma ita ko'alia ka halo buat ne'ebé halo Maromak la kontente. Ita-nia laran bele sai fo'er tamba: hirus, jelozu/laran moras ba ema nia sasan ka susesu sira, bosok, ka foti-an. Maibé liafuan di'ak mak ne'e: kuandu ita mai hasoru Maromak hodi arrepende an ho laran, nia fó perdua kompletamente ba ita. Liuhusi Jesus, ita-nia sala sira fase moos ona, no ita-nia laran sai foun no moos. 

Laran ne'ebé moos lori dame, ksolok, no relasaun di'ak ho Maromak. Laran ne'ebé moos, ajuda ita atu hanoin no moris iha dalan ne'ebé halo Maromak kontente. 

Se ita hakarak iha laran ne'ebé moos ohin, mai ba Jesus. Nia sei la fila oin ba ita. Nia prontu atu fó perdua, hafoun fali, no fó matadalan ba ita kada pasu iha dalan ba lalehan. 

Orasaun: Nai, kria ami-nia laran ne'ebé moos no fó espiritu foun iha ami-nia laran. Fase tiha ami-nia sala sira no ajuda ami la'o iha Ita-nia naroman iha dalan ba lalehan. Amen.q

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Razaun atu fo agradese ba Maromak

Bainhira ha'u hanoin imi, ha'u sempre fó agradese ba ha'u-nia Maromak. Filipe 1:3 BK

Filipe 1:3

Bainhira apóstolu Paulo hakerek versikulu ne'e, nia tuur hela iha komarka laran. Maski nia iha terus laran, maibé nia laran nakonu ho gratidaun. Duke murmura, apóstolu Paulo hili fó agradese ba Maromak tanba ema fiar na'in sira iha Filipe ne'ebé fó suporta no halo orasaun ona ba nia. Ninia laran ne'ebé nakonu ho agradesementu fó lisaun di'ak ba ita - lisaun mak ne'e: sempre iha razaun atu fó agradese ba Maromak. 

Apóstolu Paulo nia moris la fasíl. Nia esperiensia hamlaha, moras, no hetan terus oinoin. Maibé nia la fokus ba ninia problema sira. Nia fokus liu ba Maromak nia bénsaun sira. Nia agradese ba Maromak tanba ninia belun sira ne'ebé fiél, tanba igreja ne'ebé krexe, no liuliu tanba Jesus Kristu Nia grasa. Gratidaun no sentimentu agradese halo nia kontente maski iha susar laran. 

Kuandu ita uza tempu atu hanoin Maromak Nia laran-di'ak, ida ne'e transforma ita-nia laran. Ita hatene katak maski ita hasoru susar barak, maibé Maromak nafatin hamutuk ho ita. Kada loron foun ne'ebé ita simu, kada iis ne'ebé ita dada, kada asaun di'ak hotu, no kada resposta ba ita-nia orasaun mak sai razaun atu fó agradese ba Maromak.

Hanesan apóstolu Paulo, ita bele agradese ba Maromak tanba Nia tau ona ema balu iha ita-nia moris - hanesan ita-nia família, kolega no ema ne'ebé ajuda ita krexe iha fé. Ita-nia laran ne'ebé nakonu ho agradesementu lori dame no fó-hanoin ita katak Maromak serbisu hela, maski moris ne'e susar.

Kuandu ita moris ho gratidaun no sempre agradese, ita la'o ho ksolok no esperansa. Ita-nia laran ne'ebé sempre agradese halo ita-nia fokus nafatin ba Jesus, hanesan fonte ba bénsaun hotu no Ida ne'ebé lori ita ho laran-metin atu la'o iha dalan ba lalehan. 

Orasaun: Na'i, obrigadu ba bénsaun hotu ne'ebé fó mai ami, liuliu ba Jesus no ba ema ne'ebé hametin ami-nia fiar. Ajuda ami atu sempre iha laran ne'ebé agradese bainhira Ami la'o iha dalan ba lalehan. Amen.

Filipe 1:3

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Na'i mak fatin ne'ebé seguru

Nai Nia naran mak uma-aas ne'ebé forti, ema moris loos halai ba Nia, no hetan seguransa. Provérbiu 18:10 BK

Provérbiu 18:10

Iha tempu antigu, kuandu inimigu ataka ema, sira halai ba tore ka uma-aas ne'ebé metin harii hosi fatuk. Ne'e mak fatin seguru ida-ne'ebé sira bele subar no hetan protesaun husi perigu. Iha versíkulu ne'e, Biblia hatete katak Nai nia naran mak hanesan uma-aas ne'ebé forte ba Ninia povu. 

Maromak Nia naran reprezenta Maromak Nia podér, domin, laran-sadi'a no fidelidade. Kuandu ita bolu Ninia naran iha orasaun no tau fiar ba Nia, ita hetan seguransa ba ita-nia laran no dame ba ita-nia moris. Nia sai ita-nia fatin subar bainhira ita sente ita-nia moris iha perigu laran, konfuzaun, ka todan. 

Dala ruma, ita haka'as an buka seguransa hosi buat seluk, hanesan osan, kolega, ka ita-nia forsa rasik, maibé buat sira ne'e bele falla. So Maromak Nia protesaun mak nunka falla. Kuandu susar mosu mai, duke halai ses ho ta'uk, ita bele halai ba Maromak ho fé. Nia sei fó korajen, komfortu, no sabedoria atu hasoru situasaun saida de'it. 

"Moris loos" iha versíkulu ne'e la signifika katak ita moris ho perfeitu, maibé ida ne'e signifika katak ita tau fiar ba Maromak no la'o tuir Ninia dalan sira. Sira ne'ebé halo ida ne'e sei sempre hetan seguransa iha Maromak Nia prezensa. 

Ohin loron, maski ita hasoru anin-fuik oioin, hanoin-ba katak Maromak mak ita-nia tore ka uma-aas ne'ebé forte. Ninia naran iha podér boot, Ninia domin ne'e serteza, no Ninia liman sempre nakloke atu simu ita. Bainhira ita halai ba Nia, ita sei hetan la'ós de'it seguransa iha mundu ne'e, maibé mós dame no seguransa ne'ebé direji ita atu la'o iha dalan ba lalehan. 

Orasaun: Nai, Ita mak ami-nia tore ka uma-aas ne'ebé forte no ami-nia fatin seguru. Bainhira ami ta'uk ka fraku, ajuda ami halai ba Ita no tau fiar ba Ita-nia protesaun bainhira ami la'o dadauk iha dalan ba lalehan. Amen.

Provérbiu 18:10

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Jesus mak paun moris

Jesus dehan ba sira, “Hau mak Paun moris nian. Ema ne'ebé mai ba Ha'u sei la hamlaha tan. No ema ne'ebé fiar ba Ha'u sei la hamrook tan.” João 6:35 BK

João 6:35 

Depoisde Jesus fó-han ba ema rihun lima liu ho paun lima no ikan rua, ema-lubun la'o tuir Nia hodi hein atu hetan ai-han barak liután. Maibé Jesus hakarak sira atu komprende buat ne'ebé kle'an liután. Nia hatete ba sira katak Nia rasik mak paun moris nian. 

Paun mak ai-han báziku ida-ne'ebé fó forsa ba ema atu moris. Nune'e mós, Jesus mak paun espirituál ne'ebé fó moris ba ita. Hahán fíziku hakonu ita-nia kabun ba tempu uitoan de'it, maibé Jesus de'it mak bele fo satisfasaun ba ita-nia laran ne'ebé hamlaha. 

Kuandu Jesus hatete: "Ema ne'ebé mai ba Ha'u sei la hamlaha tan", Nia la ko'alia kona-ba hamlaha fiziku nian. Nia ko'alia kona-ba SENTIMENTU MAMUK NE'EBÉ KLE'AN BAINHIRA EMA DOOK HUSI MAROMAK. Ema barak koko atu hakonu sentimentu mamuk ne'e ho osan, ksolok, ka susesu, maibé la iha buat ida mak bele fó satisfaz. So Jesus de'it mak bele hakonu fatin mamuk ne'e, tanba Nia fó perdua, dame no moris rohan-laek. 

"Mai" ba Jesus signifika katak tau fiar ba Nia no sadere ba nia loroloron - hanesan ita han paun loroloron atu moris, nune'e mós ita presiza Jesus loronloron. Kuandu ita fiar ba Nia, ita hetan ai-han husi Ninia domin, husi Ninia Liafuan no husi Ninia Espiritu. 

Jesus mak paun loos ne'ebé tun mai husi lalehan. Ema ne'ebé simu Jesus espirituálmente sei nunka hamlaha tan, tanba Nia fó moris-rohan laek. Tuir Jesus mak dalan uníku ne'ebé lori ita ba ksolok, dame, no dalan ba lalehan. 

Orasaun: Nai Jesus, Ita mak paun moris nian. Favór, hakonu ami-nia laran ho Ita-nia prezensa no ajuda ami atu depende ba Ita loroloron bainhira ami la'o dadauk iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak Nia Oan-Mane halo aan ba ema

Liafuan nee sai ema ida, no Nia hela iha ita nia leet. Ita haree tiha ona Ninia glória, glória nu'udar Aman Nia Oan Mane Mesak, nakonu ho grasa no lia loos. João 1:14 BK

João 1:14 

Versíkulu ne'e hatudu milagre ida-ne'ebé boot liu iha Biblia - Maromak halo aan ba ema. Palavra "liafuan" iha ne'e signifika Jesus, ne'ebé sempre ezisti ho Maromak no Nia mak Maromak. Maibé tanba domin, Nia husik hela Ninia kadunan iha lalehan no tun mai mundu hodi moris iha ita-nia leet nu'udar ema ida. 

Jesus la moris hanesan ema baibain. Maski Nia mai nu'udar bebé ida iha Belein, maibé Nia mak Maromak nia Oan-Mane eterna. Nia halo Nia aan sai ema nune'e Nia bele moris hamutuk ho ita, komprende ita-nia susar sira, no salva ita husi sala. Nia mak kompletamente Maromak no kompletamente ema - Maromak ne'ebé iha forma ema. 

Kuandu Jesus moris iha mundu, Nia hatudu ba ita Maromak ne'e oinsá. Nia nakonu ho grasa, hatudu laran-sadi'a, domin, no perdua ba ema hotu ne'ebé mai hasoru Nia. Nia nakonu ho lia-loos - hanorin buat ne'ebé loos no lori ema sai husi nakukun laran. Liuhusi Jesus nia moris, mate, no moris-hias, Jesus revela Maromak Nia laran. 

Relijiaun mundu nian, koko atu hakbesik ba Maromak, maibé iha Jesus, Maromak hakbesik aan ba ita. Nia la'o iha fatin ne'ebé ita la'o, sente buat ne'ebé ita sente, no fó Ninia moris atu ita bele hetan moris rohan-laek. 

Kuandu ita fiar ba Jesus no halo tuir Ninia Liafuan, ita la'o hamutuk ho ida ne'ebé Maromak maibé mós ema - ida ne'ebé mak bele lori ita ho seguru iha dalan ba lalehan. 

Orasaun: Nai Jesus, obrigadu tanba Ita mai iha mundu no sai ema ida entre ami. Ajuda ami atu moris tuir Ita-nia lia-loos no simu Ita-nia grasa bainhira ami la'o tuir Ita iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More