João 11:24 NVI (Marta hatán: "Haʼu hatene katak nia sei moris fali iha tempu moris-hiʼas nian iha loron ikus" João 11:24)
Tuir versu ne'e, ema sira ne'ebé mate iha Kristu sei moris hi'as iha loron ikus, la'os liu loron 3 moris kedas no ba Lalehan. Ita lee tan iha João 5:28-29 no 1Tesalonika 4:16 mós konfirma kona-ba ida ne'e.
Na'i Jesus ko'alia kona-ba mate no moris Rohan-laek. Na'i Jesus mós hanorin kona-ba konseitu moris Rohan-laek (João 3:16; 5:24; 10:28). Sira ne'ebé tau fiar ba Kristu iha moris ne'ebé ema ida labele foti hosi sira (João 10:29), moris ne'ebé ezisti depoisde moris iha mundu ida ne'e (2 Kor 5:1–5) alias moris Rohan-laek.
Klaru saida mak Bíblia deskrebe iha João 11:24 dalaruma lahanesan hó ita nia fiar komún. Agora ita bele hili, hakarak fiar Na'i Nia futarlia ka lae?
✝️✝️✝️✝️✝️✝️✝️✝️✝️✝️✝️✝️✝️
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15
Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16
Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7
Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12
Maromak akonpaña ita hotu nia moris ohin loron no ba oin.
Mídia Dalan ba Lalehan.
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
 |
| João 11:24 |
0 comments:
Post a Comment