Molok ida ne'e, Na'i Jesus reklama katak so Nia de'it mak fonte Lia Loos espirituál nian no sira ne'ebé simu Nia sei hetan liberdade hosi pekadu (João 7:37–38; João 8:12). Na'i Jesus hatudu katak pekadu mak tuir buat nakukun nian la'os Na'i Maromak Nia naroman (1 João 1:5-10). Definisaun pekadu mak hili buat nakukun mundu nian la'os buat naroman Maromak nian.
Klaru la iha ema ida iha mundu mak nunka halo sala tanba Bíblia hatete "Ema hotu halo ona sala no labele haleno Maromak nia glória (Roma 3:23).
Seráke ida ne'e signifika katak, se ita sidi no monu ba sala ita la iha ona relasaun hó Kristu? Tradusaun hosi lian Grego ba João 8:34 "Pas ho poiōn ho hamartia doulos ho hamartia" Literalmente, ida ne'e signifika "ema se de'it mak KONTINUA halo sala, sira ne'e atan ba Sala". Sira ne'ebé la'o tuir Kristu bele dalaruma sidi no monu ba sala, maibé sira la kontinua prátika la'o iha sala ne'e (João 8:12).
Se kontinua la'o iha sala ne'e mak sai atan ba sala. Se kontinua la'o iha sala laran ne'e finje halo sala. Bíblia ko'alia kona-ba pekadu ne'ebé ita finje halo, Na'i Jesus Nia sakrifisiu sei la bale ba ema ne'e
"Tanba se ita halo beibeik sala ho neon bainhira ita hetan ona koñesimentu neʼebé loos kona-ba lia-loos, sei la iha tan sakrifísiu ba sala" Ebreu 10:26.
Ita hatene katak Na'i Jesus ne'e mak Bibi-Oan ne'ebé kasu mundu nia sala (João 1:29), se Nia sakrifisiu la bale ba ita, ita nia pekadu sei hela nafatin hó ita. No sala ne'e mak haketak ita hosi Maromak (Isaias 59:2). No konsekuensia hosi sala ne'e mak mate (Roma 6:23).
Maun-alin sira iha Kristu, karik agora dadauk, ita balu sai atan ba sigaru, droga, sex, porno, tua, TV, etc, karik nune'e ita tenke husik an libre hosi buat nakukun sira ne'e. Oinsá ita bele libre hosi buat nakukun nian? Liuhosimedita Na'i Maromak Nia futarlia atu bele hetan liberdade hosi hahalok nakukun nian no sai atan ba Na'i Maromak.
Ema balu hatete, hau koko ona, atu para sigaru, etc maibé hau labele. Karik nune'e, Na'i Maromak Nia futarlia hatete "Ha'u bele halo buat hotu-hotu, tanba Kristu ne'ebé fó forsa mai ha'u" Filipenses 4:13.
✝️✝️✝️✝️✝️✝️✝️✝️✝️✝️✝️✝️✝️✝️✝️✝️
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15
Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16
Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7
Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12
Maromak akonpaña ita hotu nia moris ohin loron no ba oin.
Mídia Dalan ba Lalehan.
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
 |
| João 8:34 |
0 comments:
Post a Comment