Iha versu iha leten, Na'i Jesus hatete katak "Ema neʼebé hela nafatin hamutuk ho haʼu, no haʼu hamutuk ho nia, ema neʼe fó fuan barak".
Fuan saida mak ita bele haree? Fuan espiritu Maromak nian, alista iha Galatia 5:22-23 mak hanesan: 1. domin, 2) ksolok, 3) dame, 4) pasiénsia, 5) laran-diʼak, 6) hahalok diʼak, 7) fiar, 8) laran-maus no 9) kontrola an.
Kualidade sira ne'ebé temi iha leten mak forma fuan Espiritu nian.
Bainhira fuan espiritu ne'ebé temi iha leten hatudu iha ita nia moris loronloron, ida ne'e hanesan sinál ida katak Espiritu Maromak mak lidera ita nia moris. Hanesan sanak uvas nian tenke junta hó uvas nia hun atu bele fó fuan, fuan espiritu ne'ebé temi iha leten hanesan evidensia katak ita iha ligasaun hó Na'i Jesus.
Mai ita mantein ita ligasaun hó Na'i Jesus atu bele fó fuan Espiritu nian.
✝️✝️✝️✝️✝️✝️✝️✝️✝️✝️✝️✝️✝️
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15
Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16
Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7
Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12
Maromak akonpaña ita hotu nia moris ohin loron no ba oin.
Mídia Dalan ba Lalehan.
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
 |
| João 15:5 |
0 comments:
Post a Comment