Hanesan Na'ok teen Mai iha kalan

Iha orasaun kredo ema reza katak Loron ida Na'i Jesus sei mai -fali atu halo justisa ba di'ak no ema aat, hafoin ema di'ak ba lalehan no ema aat hetan kastigu. Maibé loron ida ne'e mak bainhira? No oinsá?

Loron Ida ne'e mak "mundu ninia rohan" mundu ninia rohan seidauk to'o mas ema barak fiar katak bainhira ema mate ona ba kedas kadunan santu. Fiar ne'ebé kontrariu ho Bíblia ninia hanorin.

Mai ita haree saida mak bíblia ko'alia kona-ba oinsá "mundu ninia rohan" sei to'o mai. Mundu ninia rohan mak bainhira Na'i Jesus fila-fali mai ba daruak.

Bíblia hanorin katak,  Na'i Jesus sei fila-fali mai hanesan ema na'ok teen mai iha kalan.

Iha versikulu 2 iha testamentu foun mak uza lia-fuan "Na'ok teen mai iha kalan" Mai ita haree:

Dahuluk: "Maibé hatene ida-neʼe bá: Se uma-naʼin hatene ona oras saida mak naʼok-teen sei mai, nia sei hadeer nafatin no la husik naʼok-teen tama ninia uma, Mateus 24:43 no 

Daruak: “Tanba imi rasik hatene ho didiʼak katak Na'i nia loron sei toʼo mai hanesan naʼok-teen iha kalan” 1 Tes. 5:2

Iha Mateus 24, Na'i Jesus ko'alia katak Nia sei fila-fali mai iha tempu susar ninia rohan. Saun Paulo bolu ida ne'e "Loron Na'i Maromak Ninian  1 Thes 5. Iha tempu ne'e sinál  Oan-mane mosu Mai sei mosu iha lalehan  (Mateus 24:29–30). Jesus hatete ida ne'e sei akontese depoisde tempu susar” (Mateus 24: 29). 

Oinsá Na'i Jesus kompara katak Nia sei fila-fali mai hanesan Na'ok teen iha kalan?

Saida mak Na'i Jesus hakarak hatete ba fiar na'in sira ne'ebé hein Nia atu fila-fali Mai mak " laiha ema ida mak sei hatene oras no loron ne'ebé Nia sei mosu mai daruak. Hanesan na'ok teen ne'ebé ba sobu ema-nia Uma derepente, Na'i Jesus sei fila-fali mai derepente bainhira ema la espera. Tuir Mateus 24:38 iha tempu ne'eba ema Han no hemu, kaben no fo kaben hanesan tempu baibain iha mundu. Maibé  molok sira hatene, loron julgamentu  to'o mai ona (Mateus 24:40-41). Saun Paulo deakrebe hanesan tuir mai: "Bainhira sira dehan: “Dame no hakmatek!”, tuirmai sira sei lakon derrepente deʼit, hanesan feto isin-rua neʼebé sente moras tuur-ahi nian derrepente deʼit, no sira labele halai sees" (1 Tes. 5:3).

Mesmu tempu ne'e sei mai derepente, ema fiar na'in sira la presiza ta'uk. Na'ok teen ne'ebé sei mai iha kalan sei la fo surpreza ba ema fiar na'in sira. Tanbasá? Bíblia hatete "Maibé imi, maun-alin sira, imi laʼós iha nakukun laran, atu loron neʼe la kaer toman imi derrepente deʼit hanesan naroman toman naʼok-teen sira (1 Tes. 5:4). Sira ne'ebé surpreza mak sira ne'ebé moris iha nakukun laran, maibé ita hanesan oan loron nian ita la partensi ba kalan Ka nakukun nian (1 Tes. 5:5). Agradese ba Maromak, Na'i Maromak  aponta ita ba moris rohan-laek liuhosi Kristu Jesus (1 Tes. 5:9).

Karik agora dadauk ita la halo tuir saida mak Na'i Jesus hanorin iha Bíblia Sagrada,tempu sei iha no preparaan ba tanba Na'i Maromak dehan "Nuneʼe mós hatudu imi-nia an prontu bá, tanba iha oras neʼebé imi la hanoin Oan-Mane  atu mai, iha oras neʼe mak nia sei mai (Mat 24:44)

Oinsá ita prepara ita-nia an? Na'i Maromak fornese ona dalan atu hasés an hosi loron julgamentu ne'e. Dalan ne'e mak Na'i Jesus Kristu (João 14:6). Liuhosi simu Na'i Jesus hanesan ó-nia salvadór, ó hetan perdaun hosi ó-nia sala, grasa no salvasaun ho promesa moris rohan-laek (João 3:16; Efeso 2:8–9). 

Na'ok teen sei mai, maibé Se sai oan loron nian. Labele sai oan kalan Ka nakukun tanba  agora ne'e tempu ida ne'ebé"... Na'i hatudu ninia laran-diʼak (Lukas 4:19).

 ✝️✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e: 

Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:

Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?

Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏