Saida mak bele hapara ita atu krexe espiritualmente?

Versu referensia: 1 Korinto 3:1-4

"Maun-alin sira, ha'u la bele ko'alia ho imi hanesan ema espirituál, maibé hanesan ema isin nian, neʼebé hanesan bebé iha Kristu. Hau fó susu been ba imi, laos ai haan toos. Tanba imi seidauk toman atu haan ai haan toos. No to'o agora mós imi seidauk prontu atu haan ai haan toos. Tanba imi sei ema isin nian. Tanba bainhira imi sei laran moras no istori malu hela, la'os imi ema isin nian no la'o nu'udar ema deit? Tanba bainhira ema ida dehan hela, “Hau tuir Paulo,” no ema seluk dehan, “Hau tuir Apolo,” la'os imi moris hanesan ema isin nian deit?"

                               1 Korinto 3:1

Paulo hadomi ema kristaun sira iha Korintu. Maibé nia sente desapontadu tanba sira-nia fiar la krexe. Nia bolu sira nu'udar "bebe iha Kristu". Sira sai ona ema kristaun ba tempu naruk, maibé sira-nia hahalok nafatin hanesan labarik ki'ik. 

Oinsá mak Paulo hatene katak sira-nia fé la krexe? 

Nia haree sira sei iha laran-moras, diskute malu no haketak malu. Ema balu hatete: "Ha'u tuir Paulo." Sira seluk hatete: "Ha'u tuir Apolo." Duke hamutuk la'o tuir Jesus, sira hili halo grupu oinoin (1 Korinto 3: 3-4). 

Ohin loron, buat ne'ebé hanesan mós bele akontese. 

Ema ida bele ba igreja iha tinan barak ona, maibé nia bele fasilmente hirus lalais, lakohi fó perdua, gossip, kritika ema seluk, ka sente orgullu. Ba igreja iha tinan barak nia laran, la sempre signifika ita krexe espiritualmente. Maromak haree ba ita-nia laran, la'ós total tinan ne'ebé ita ba igreja.

Entaun, saida mak hapara ita atu krexe espiritualmente?

Dala ruma buat ne'ebé hapara ita mak sentimentu orgullu. Ita hanoin ita hatene ona buat hotu. Dala ruma pekadu ne'ebé ita kontinua halo fila-fila. Dala ruma ita ladún uza tempu hamutuk ho Maromak. Se ita raramente halo orasaun ka lee Biblia, ita-nia fiar sei sai fraku. Hanesan ita-nia isin presiza ai-han loroloron, ita-nia klamar presiza Maromak Nia Liafuan loroloron (Mateus 4: 4). 

Maromak hakarak ema kristaun hotu atu krexe. Pedro hatete: "Maibé haburas ba iha grasa no iha konhesimentu kona ba ita nia Nai no Salvadór Jesus Kristu." 2 Pedro 3:18. Bainhira ita lee Biblia, halo orasaun, halo tuir Maromak Nia Liafuan, no husik Espíritu Santu transforma ita, ita sai hanesan Jesus. 

Ohin loron, husu ba ita-nia an: "Serake ha'u hakbesik liután ba Jesus ka ha'u nafatin de'it hanesan uluk?" Se ita sei iha laran-moras, hirus, foti-an, ka la fó perdua iha ita-nialaran, husu Jesus atu hasai tiha buat sira-ne'e. Nia prontu atu fó perdua ba ita no fó laran foun ba ita. 

Maromak lakohi ita nafatin sai bebé kristaun. Maromak hakarak ita atu sai ema kristaun ne'ebé maduru no hadomi Nia, hadomi ema seluk, no moris hanesan Jesus loroloron. 

Bainhira ita kontinua krexe iha Kristu liuhusi Ninia Liafuan no Espíritu Santu, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Tanbasá mak unidade importante tebes entre ema kristaun sira?

Atu nune'e sira hotu sai ida de'it. Hanesan Ó, Aman, iha Ha'u, no Ha'u iha Ó, nune'e mós sira bele hela iha Ita. Nune'e mundu bele fiar katak Ó mak haruka Ha'u mai. Ha'u fó ona ba sira glória ne'ebé Ó fó mai Ha'u, atu nune'e sira bele sai ida de'it, hanesan Ita mak ida de'it. Ha'u iha sira, no Ó iha Ha'u. Nunee sira bele sai perfeitu nudar ida de'it. No mundu bele hatene katak Ó mak haruka Ha'u, no katak Ó hadomi sira hanesan mós Ó hadomi Ha'u. João 17:21-23 BK 

                                João 17:21

Antes Jesus ema hedi ba krús, Nia halo orasaun ba Ninia dixipulu sira. Nia harohan: "Atu sira hotu bele sai ida de'it... atu mundu bele fiar katak Ita haruka Ha'u mai." Ne'e mak Jesus Nia orasaun ikus ida. Ida-ne'e hatudu katak unidade mak importante tebes ba Jesus. 

Tanbasá mak importante atu iha unidade? 

Kuandu ema kristaun hadomi malu, fó perdua ba malu, no serbisu hamutuk, ema bele haree Jesus iha sira-nia moris. Jesus hatete: "Nunee ema hotu sei hatene katak imi mak Ha'u-nia eskolante sira, se imi hatudu domin ba malu." João 13:35.. Domin no unidade mak sasin ne'ebé forte. Domin no unidade hatudu katak Evanjellu iha kbiit atu muda ema nia laran. 

Maibé kuandu ema kristaun baku malu, funu malu, diskute malu, odi malu, ka haketak malu, ema  li'ur haree no sai konfuzaun. Sira bele husu: "Se ema kristaun la bele hadomi malu, tanbasá mak ita tenke fiar ba sira-nia mensajen?" Divizaun bele hapara ema mai ba Jesus. 

Ida-ne'e la dehan katak ita tenke ignora lia-loos husi Biblia atu labele iha debate ka atu evita hirus malu. Jesus mós halo orasaun hodi dehan: "Halo sira santu liu hosi lia loos. Ó-nia liafuan mak lia loos." João 17:17 BK. Unidade kristaun ne'ebé loos  bazeia  ba  Maromak nia lia-loos, la'ós tuir ema nia opiniaun ka tradisaun. 

Igreja iha tempu uluk mak ezemplu di'ak ida. Ema fiar-na'in sira iha unidade iha orasaun, adorasaun, no fahe Evanjellu (Apos 2: 42-47). Tanba sira iha unidade, ema barak fiar ba Jesus loroloron. 

Satanás hatene katak igreja ne'ebé haketak malu mak igreja ne'ebé fraku. Tan ne'e mak nia haka'as an atu kria divizaun  liuhosi haburas laran-moras, foti-an, ko'alia lia-bosok, hirus malu, no la fó perdua ba malu. Bíblia hatete: "Hakaas aan atu moris ho unidade Espíritu nian no lao hamutuk iha dame." Éfezu 4:3

Ohin loron, husu ba ita-nia an: "Serake hau ajuda  harii unidade, ka ha'u kria divizaun?" Ko'alia ho laran-di'ak.Perdua lalais. Halo orasaun ba malu. Serbisu hamutuk atu fahe Jesus nia liafuan di'ak ka Evanjellu. 

Bainhira igreja iha unidade iha Kristu no fiél ba Ninia Liafuan, mundu bele haree katak Jesus mai duni husi Maromak no sai nu'udar Salvador ba mundu. 

Bainhira ita hadomi malu, hamriik hamutuk iha Maromak nia lia-loos, no serbí Jesus ho laran ida de'it, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube:  Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Serake ita-nia naran hakerek livru moris nian?

Se ita konfesa ita nia sala, Nia mak fiél no justu no Nia sei fó perdaun ba ita-nia sala, no hamoos ita hosi hahalok aat hotu. 1 João 1:9 BK 

                               1 João 1:9 

Ema kristaun barak husu: "Oinsa mak ita bele hatene katak ita-nia naran sei hakerek iha livru moris nian? Dalaruma ita hatete ba ita-nia an "Ha'u hadomi Jesus, maibé dala ruma ha'u sei halo sala nafatin." 

Ne'e mak pergunta importante ida. Liafuan di'ak mak neʼe: katak ita-nia esperansa la bazeia ba ita-nia laran-di'ak rasik. Ita-nia esperansa mak iha Jesus Kristu. 

Kuandu ita simu Jesus nu'udar ita-nia Salvador, arrepende ba ita-nia sala, no fó ita-nia moris ba Jesus, ita-nia naran sei hakerek iha lalehan. Jesus hatete ba Ninia dixipulu sira: "Haksolok ba tanba imi-nia naran hakerek iha lalehan." Lucas 10:20 

Serake ida ne'e signifika ema kristaun nunka halo tan sala? Lae. Bíblia hatete katak se ita dehan ita la iha sala, ita lohi ita-nia an (1 João 1:8). Mesmu ema Kristaun ne'ebé di'ak mós, dala ruma bele monu ba sala. Maibé, iha diferensa boot entre ema ne'ebé hadomi sala no ema ne'ebé hadomi Jesus. Ema kristaun ne'ebé loos arrepende ninia sala no fila fali ba Jesus. 

Bíblia fo promesa ida-ne'e: "Se ita konfesa ita nia sala, Nia mak fiél no justu no Nia sei fó perdaun ba ita-nia sala, no hamoos ita hosi hahalok aat hotu" 1 João 1:9 BK . Jesus la husik sira ne'ebé mai hasoru Nia ho haraik-an. Nia fó perdua ba sira no fó forsa ba sira atu moris di'ak liután. 

Ohin loron, Jesus mak ita-nia Amlulik Boot iha lalehan. Nia halo orasaun ba ita no ko'alia ba ita iha Aman Maromak nia oin. Nia la buka razaun atu rejeitaita. Nia hakarak salva ema hotu ne'ebé tau fiar ba Nia no fiél nafatin ba Nia. 

Ne'e la signifika ita tenke kontinua halo sala. Maromak Nia grasa hanorin ita atu halo tuir Nia no atu moris santu. Loron-loron ita tenke halo orasaun, lee Biblia, konfesa ita-nia sala, no husu Espíritu Santu atu ajuda ita hasoru tentasaun oinoin.

Keta moris iha ta'uk nia laran. Moris ho fé ba Jesus. Hakbesik nafatin ba Nia loroloron. Se ita monu ba sala, keta halai dook husi Nia. Halai ba nNa. Nia prontu atu fó perdua, restaura, no lori ita ho seguru to'o loron ne'ebé Nia sei fila fali mai ba daruak 

Orasaun. Aman lalehan, obrigadu tanba haruka ona Jesus mai salva ami. Obrigadu tanba Nia fó perdua mai ami bainhira ami konfesa ami-nia sala ho laran-moos. Ajuda ami atu hakbesik nafatin ba Ita loroloron. Fó forsa mai ami atu tahan hasoru tentasaun no atu fiél nafatin to'o Jesus mai fali. Favór hakerek ami-nia naran iha Livru moris nian liuhusi Jesus Ninia hahalok loos sira. Ami halo orasaun hodi nia naran. Amen. 

Dalan ba lalehan . Dalan ba lalehan la'ós hetan liuhosi tau fiar ba ita-nia an rasik. Maibé dalan ba lalehan ita bele hetan liuhusi tau fiar ba Jesus loroloron. Hakbesik nafatin ba Nia, konfesa Ita-nia sala, halo tuir ninia Liafuan, no nunka rende an. Jesus ne'e fiél , no Nia sei lori ita ba lalehan ho seguru. Biarba Maromak haraik bénsaun ba ita bainhira ita kontinua fahe devosaun simples ida-ne'e, ne'ebé sei dirije ema ba Jesus no dalan ba lalehan.

MAROMAK FO BENSAUN

🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More