Hanoin-hetan buat ne'ebé Maromak halo ona

Hau sei hanoin hetan buat nebee Nai halo ona, tebes hau sei hanoin hetan O nia milagre sira hosi tempu antigu. Hau sei medita kona ba O nia servisu hotu, no konta kona ba buat furak nebee O halo ona. Salmu 77:11-12 BK

Dala ruma ita esperiensia tempu susar iha ita-nia moris. Iha tempu susar sira ne'e ita husu "Maromak iha ne'ebé? Tanbasá mak ida-ne'e akontese?" Iha Salmo 77, hakerek-nain ba Salmo ne'e mós sente hanesan ne'e. Nia halerik ba Maromak no sente hanesan Maromak la hatán ba ninia orasaun sira. Maibé depois ne'e, nia hili buat ne'ebé loos. Nia hili atu hanoin fali buat ne'ebé Maromak halo ona iha tempu uluk ba ninia moris. 

Nia hatete: "Hau sei hanoin hetan O nia milagre sira hosi tempu antigu" Nia hanoin-hetan oinsá Maromak ajuda Ninia povu, oinsá Maromak halo milagre sira, no oinsá Maromak sempre fiél ba nia. 

Kuandu ita hanoin-hetan Maromak nia hahalok sira iha tempu uluk, ita-nia laran sai forte fali. Ita hanoin-hetan katak Maromak ajuda ona ita iha pasadu, no nia bele halo fila fali buat sira ne'e. Maromak nunka muda, Jesus nunka muda (lee Ebreu 13:8, Tiago 1:17). Nia nafatin laran-di'ak, poderozu, no nakonu ho domin. 

Ohin loron, gasta tempu balu hodi hanoin to'ok kona-ba buat ne'ebé Maromak halo ona ba ita-nia moris. Karik nia uluk kura ita, fó ai-han ba ita kuandu ita hamlaha, ka fó dame ba ita kuandu ita hanoin barak. Fo obrigadu ba Maromak tamba buat sira-ne'e. 

Kuandu ita ko'alia kona-ba Maromak nia laran-di'ak, ita-nia fiar sei krese liután. Tan ne'e, maski ita-nia moris susar, kontinua hanoin no ko'alia kona-ba Ninia hahalok di'ak sira. 

Orasaun: Aman Maromak, obrigadu ba buat di'ak hotu ne'ebé Ita halo ona iha ami-nia moris. Ajuda ami atu hanoin-hetan Ita-nia laran-di'ak bainhira ami triste ka ta'uk. Ami hatene katak Ita sempre hamutuk ho ami. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

FÓ SASIN BA EVANJELLU

Maibee hau la foo folin ba hau nia moris se hau bele kontinua too rohan no halo kompletu ministériu nebee hau simu hosi Nai Jesus, atu foo sasin ba evanjelhu kona ba Maromak nia grasa. Apostolu 20:24 BK 

Versíkulu ne'e hatudu ba ita kona-ba apóstolu Paulo nia laran, ema ne'ebé tuir Jesus ho buat hotu ne'ebé nia iha. Apóstolu Paulo hatete katak ninia moris rasik la importante. Buat ne'ebé importante liu mak halo serbisu ne'ebé Na'i Jesus fó mai nia, ne'e mak atu fó sai liafuan di'ak kona-ba Maromak nia domin no grasa ba ema. 

Apóstolu Paulo prontu atu hetan terus no mate, naran katak nia bele halo hotu ninia serbisu ba Na'i Jesus. Nia hatene katak moris iha mundu ne'e badak, maibé Maromak Nia rekompensa mak eterna. Paulo nia hakarak mak la'ós atu sai riku ka famozu, maibé atu halo kontente Na'i Jesus no ajuda ema seluk atu hatene Nia. 

Ita bele aprende husi apóstolu Paulo nia ezemplu. Maromak mós iha ojetivu ba ita-nia moris mós. Karik Ninia ojetivu mak atu ita hatudu laran-di'ak ba ema seluk, serbí iha ita-nia igreja, ka fahe evanjellu iha ita-nia komunidade. Karik Ita-nia serbisu sira ne'e haree hanesan la vale ka ki'ik, maibé buat hotu ne'ebé ita halo ba Maromak ne'e importante ba Maromak. 

Mai ita la ta'uk atu moris ba Jesus. Maski susar, ninia grasa fó forsa mai ita. Hanesan apóstolu Paulo, ita bele hatete: "Hau sei remata ha'u-nia halai taru. Ha'u sei la rende" 

Orasaun: Na'i Jesus, ajuda ami atu moris ba Ita-boot, la'ós ba ami-nia an rasik. Fó korajen mai ami atu halo serbisu ne'ebé Ita fó mai atu halo. Husik ami-nia moris hatudu Ita-nia domin ba ema seluk. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

OBRIGADU BA MAROMAK BA VITÓRIA

 Maibee agradese ba Maromak, nebee foo vitória ba ita liu hosi ita nia Nai Jesus Kristu. 1 Korinto 15:57 BK

Moris bele sai susar tebes. Dala ruma ita sente fraku, triste, ka ta'uk. Karik ita hasoru problema kona-ba osan, família, moras, ka sala. Maibé Biblia fó liafuan di'ak mai ita: Maromak fó ona vitoria ba ita! 

Ne'e signiika sáida? 

Ne'e signiika katak ita la luta mesak de'it. Jesus manán ona funu boot liu hotu, funu ne'e mak funu hasoru pekadu no mate. Nia mate iha krús no moris fali. Tanba Kristu moris fali, ita la presiza ta'uk mate ka infernu. Se ita fiar ba Jesus, ita iha esperansa no moris ba nafatin hamutuk ho Maromak. 

Versíkulu ne'e fó-hanoin ita atu agradese. Maski moris ne'e la fasil, maibé ita bele dehan: "Hau agradese ba Ita, Maromak!" tanba nia hamutuk ho ita no ajuda ita. Vitória ne'e la'ós tanba ita ne'e ema forte ka di'ak. Vitoria ne'e mai husi Jesus. Nia mak ita-nia Salvador no ita-nia ajuda-nain. 

Kuandu ita sente kole ka ta'uk, hanoin versikulu ne'e. Ita la mesak de'it. Jesus hamutuk ho ita. Nia manán ona funu. Ita iha parte manán nian. 

Entaun ohin, fó obrigadu ba Maromak. Tau fiar ba Jesus. La'o hamutuk ho nia loroloron. No kuandu ita hasoru susar ruma, ko'alia lia-loos ne'e no dehan: "Agradese ba, Maromak, tanba fó ba ha'u vitoria liuhusi Jesus!" 

Orasaun: Aman Maromak, obrigadu fo ona vitoria mau ha'u liuhosi Jesus. Ajuda ha'u tau fiar ba Ita maski hasoru susar iha moris. Obrigadu ba Ita-nia domin no kbiit. Hodi Jesus nia naran, Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More