Maromak mak ita-nia fatuk murak

La iha ida nebee santu hanesan Nai, la iha ida seluk nebee hanesan O, la iha Fatuk ida hanesan ami nia Maromak. 1 Samuel 2:2 BK

Ana mak feto ida-ne'ebé hadomi tebes Maromak. Maibé nia iha problema boot - nia la bele iha oan. Ida-ne'e halo nia triste tebes. Ema mós goza nia tanba problema ida-ne'e. Tinan-tinan, nia ba Maromak nia uma ka templu no halo orasaun ho matan-been. Ana husu Maromak atu fo labarik ida ba nia no promete katak nia sei fó fali labarik ne'e atu serbí Maromak. 

Maromak rona Ana nia orasaun no fó oan-mane ida ba nia. Nia hanaran oan mane ne'e Samuel. Bainhira Samuel moris ona, Ana kumpre ninia promesa. Nia lori nia ba templu atu serbí Maromak. Tuirmai nia halo orasaun furak hodi hahi'i Maromak. Iha ninia orasaun, nia hatete: "la iha Fatuk ida hanesan ami nia Maromak"

Tanbasá mak Ana bolu Maromak nu'udar "Fatuk"? Tanba Maromak fó forsa ba nia kuandu nia fraku hela. Nia fó esperansa ba Ana kuandu nia la iha esperansa. Kuandu ema seluk hakanek nia, Maromak fó kmaan ba nia. Maromak hatán ninia orasaun. Hanesan fatuk ida-ne'ebé forte no la bele muda, Maromak mak forte no nunka muda. 

Dala ruma ita hasoru problema hanesan Ana, ne'ebé triste, moe, no laran kanek. Karik ema la komprende ita. Maibé Maromak haree ita. Nia rona ita-nia orasaun. Nia santu, nia besik ita, no nia forte hanesan fatuk ida. 

Tan ne'e, kuandu hasoru susar iha moris, hanoin Ana. Ko'alia ho Maromak. Tau fiar ba Maromak. Nia mak Maromak hori uluk to'o agora. Nia mós Ita-nia Fatuk. La iha ema ida mak bele kompara ho Maromak. 

Orasaun: Nai, obrigadu tanba Ita mak ami-nia fatuk-murak. Kuandu ami sente fraku, ajuda ami atu tau fiar ba Ita hanesan Ana. Ita mak santu no forte. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Se mak ita-nia inimigu loloos iha mundu?

Tanba ita halo funu, laos hasoru isin no raan, maibee hasoru ukun sira, podér sira no ukun nain sira iha fatin nakukun nee, no mos ita hasoru forsa espirituál aat nian iha fatin lalehan sira. Efezu 6:12 BK

Dala ruma iha ita-nia moris, ita hanoin katak ema ka ita-nia maluk sira mak ita-nia inimigu - karik ema ida hakanek ita ho sira-nia liafuan ka hahalok. Maibé iha Efeso 6:12, Paulo hatete ba ita katak inimigu ne'ebé loloos mak la'ós ema, maibé kbiit espirituál husi nakukun laran mak Satanas no ninia forsa aat sira. 

Se ita haree versikulu sira antes ne'e (Efeso 6: 10-11), Paulo hatete: "Ikus mai, sai forti iha Nai, ho podér hosi Ninia forsa. Hatais Maromak nia armas tomak, atu imi bele hamriik hasoru Diabu nia planu aat" Ida-ne'e hatudu katak ita iha funu espirituál ida. Hanesan soldadu sira presiza sasán atu proteje sira-nia an, ema kristaun presiza Maromak nia arma atu hamriik metin hasoru Diabu. 

Diabu la funu ho kilat ka tudik, maibé ho lia-bosok, ta'uk, hirus no tentasaun. Nia hakarak halakon ita-nia fé, halakon ita-nia dame, no hapara ita atu la hadomi Maromak no ema seluk. Funu sira-ne'e akontese loroloron iha ita-nia laran no iha ita-nia neon. 

Tan ne'e mak ita labele luta hasoru diabu ho odi ka halo vingansa. Maibé, ita tenke hakbesik nafatin ba Jesus, lee Ninia Liafuan, halo orasaun beibeik, no hatais Maromak Ninia Arma sira" Maromak Nia armamentu ka kilat mak lia loos, justisa, fé, salvasaun, no Maromak nia Liafuan). Se ita halo buat sira ne'e, ita bele hamriik metin. 

Entaun ohin loron, se ema ruma hakanek ita-nia laran, hanoin-ba katak sira la'ós inimigu ne'ebé loloos. Halo orasaun ba sira. Tau fiar ba Jesus hodi ajuda ita atu luta hasoru forsa nakukun ho domin, fé, no Maromak nia forsa. 

Orasaun: Nai, ajuda ami atu haree katak ami-nia funu loloos, la'ós ho ema. Fó forsa mai ami atu luta hasoru buat aat ho armamentu Maromak nian no domin maski susar. Hodi Jesus nia naran, Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Esperansa ba ema ne'ebé hamrook & hamlaha

Tanba Hau sei foo resin ba klamar nebee hamrook, no Hau foo too bosu ba klamar nebee fraku. Jeremias 31:25 BK

Maromak ko'alia sai lia-fuan ne'e liuhusi profeta Jeremias durante tempu susar ba ema Izrael sira. Ema sira-ne'e kole, laran susar, no dook husi sira-nia uma. Sira halo ona sala no hetan kastigu. Ema barak mak refujia ka hela iha rai seluk (Babilonia). Maibé iha versikulu ne'e, Maromak promete katak Nia sei lori fila fali sira no kura sira-nia laran kanek no tristi. Nia haree sira-nia triste no dehan: "Tanba Hau sei foo resin ba klamar nebee hamrook, no Hau foo too bosu ba klamar nebee fraku" Jeremias 31:25 BK. Maromak la hirus ba nafatin. Nia hakarak fó deskansa, dame no esperansa fali ba sira. 

Ida-ne'e hatudu oinsá Maromak hadomi tebes Ninia povu. Maski sira halo sala, maibé Maromak hakarak atu hadi'a ka restaura fali sira. Nia hanoin kona-ba sira-nia terus no promete katak Nia sei fó forsa no kmaan ba sira.

Versikulu ne'e kumpri liutan iha Jesus. Iha João 6:35, Jesus hatete: “Hau mak Paun moris nian. Ema nebee mai ba Hau sei la hamlaha tan. No ema nebee fiar ba Hau sei la hamrook tan.” Hanesan Maromak promete ona atu fó kmaan ba ema Israel sira iha Jeremias nia tempu, Jesus mós promete katak Nia sei fo satisfasaun ba ita-nia nesesidade boot sira ohin loron. Nia fó dame, ksolok, no moris ne'ebé nunka hotu. 

Kuandu ita sente kole, laran susar, ka mamuk, hanoin-ba katak Jesus iha ne'ebá. Nia hakonu ita ho esperansa. Nia fó deskansa ida ne'ebé ema seluk la bele fó. Mai hasoru Nia liuhusi orasaun. Tau fiar ba Nia loroloron. Nia sei nafatin kumpre ninia promesa atu fó kmaan no hametin ema hotu ne'ebé iha susar laran. 

Orasaun: Nai Jesus, obrigadu tanba Ita mak paun moris nian. Bainhira ami sente kole no triste, favór, hakonu ami ho Ita-nia dame no ksolok. Ajuda ami tau fiar ba Ita loroloron. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More