Na'i Jesus mai atu salva, la'ós atu kondena

Tanba Maromak haruka Ninia Oan Mane mai iha mundu, laos atu foo sala ba mundu, maibee atu mundu bele hetan salvasaun liu hosi Nia. João 3:17 BK

João 3:17 BK

Versíkulu ne'e hanorin buat importante ida kona-ba Na'i Jesus. Na'i Maromak la haruka Na'i Jesus mai atu fó kastigu ema ka atu hatudu ba ema katak sira aat tebes. Maromak haruka Na'i Jesus mai atu ajuda ita no atu salva ita husi sala no mate. Ida-ne'e hatudu oinsá Na'i Maromak hadomi tebes mundu ida ne'e, signifika katak Nia hakarak ema hotu atu hetan salvasaun, la'ós atu hetan destroi. 

Bainhira ita lee kompletu tiha Joao kapítulu 3, ita haree mane ida naran Nicodemus ko'alia ho Na'i Jesus. Nicodemus mak ulun-nain relijiaun ida, maibé nia ladun komprende didi'ak se mak Na'i Jesus. Na'i Jesus esplika katak ema tenke "moris fali" - ne'ebé signifika ita tenke iha laran foun no moris foun liuhusi Espiritu Santu. 

João 3:17 BK

Iha versíkulu 16, versikulu ida-ne'ebé ema barak hatene iha Biblia, dehan: "Tanba Maromak hadomi tebes mundu, too Nia foo Ninia Oan Mane mesak, atu ema hotu nebee fiar ba Nia sei la lakon, maibee sei hetan moris rohan laek" João 3:16 BK. Ida-ne'e hatudu katak Na'i Jesus mai tanba domin. Tuirmai iha versíkulu 17 hatete ba ita ojetivu hosi domin ne'e mak - Nia mai atu salva ita, la'ós atu kondena ka fó kastigu. 

Dala ruma ita sente sala demais ka moe atu mai hasoru Na'i Maromak. Maibé Na'i Jesus la mai atu duni ita dook hosi Maromak, maibé Nia mai atu ita hakbesik liu ba Maromak. Nia hakarak fó perdua, kura, no fó moris foun mai ita. 

Reflesaun: Se Ita sente dook husi Maromak, hanoin-ba katak Na'i Jesus mai atu lori ita fila fali ba Maromak. Keta ta'uk atu mai hasoru Maromak liuhosi orasaun. Nia prontu atu fó perdua, hadomi no salva ita. Tau fiar ba Maromak ohin loron.

João 3:17 BK

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

KETA RENDE HALO BUAT DI'AK

Mai ita keta sai baruk atu halo buat diak, tanba iha tempu loos ita sei koa rezultadu, se ita la rende. Galásia 6:9 BK

Galásia 6:9

Iha versíkulu ne'e, apóstolu Paulo hakerek karta ba igreja iha Galasia. Nia enkoraje ema kristaun sira atu labele sai kole ka laran-tun halo buat ne'ebé loos no di'ak. Dala ruma susar atu halo buat ne'ebé loos. Bainhira ita hakarak halo buat ne'ebé loos, ita sente izoladu ka mesamesak, dala ruma ema la apresia ka la agradese ba ita-nia di'ak, no bele hamosu problema. Maibé apóstolu Paulo dehan: Kontinua halo di'ak. Iha tempu ne'ebé loos, Maromak sei fó kolen ba ita. 

Iha versíkulu sira molok ida ne'e (Galasia 6: 1-8), apóstolu Paulo hanorin ita atu ajuda malu, lori todan sira hamutuk, no fahe ka ajuda sira ne'ebé hanorin Maromak Nia Liafuan. Nia fó-hanoin ita katak ita sei koá buat ne'ebé ita kuda. Se ita kuda buat-aat, ita sei hetan rezultadu-aat. Maibé se ita kuda buat di'ak hanesan domin, laran-di'ak no ajuda ema seluk, ita sei hetan bénsaun di'ak husi Maromak. 

Galásia 6:9

Versikulu ne'e enkoraje ita atu la rende bainhira hasoru susar iha moris. Maski la iha ema ida mak haree Ita-nia laran-di'ak, maibé Maromak haree ida-ne'e. Maski la iha ema ida mak agradese, maibé Maromak sei lembra. Nia sei fó kolen ba ita iha Ninia tempu ne'ebé perfeitu. 

Tan ne'e, kontinua hadomi Ita-nia família. Kontinua ajuda ita-nia maluk sira. Kontinua halo orasaun. Kontinua serbí iha igreja. Hanoin ba katak Ita-nia serbisu la saugati de'it. Maromak promete katak loron ida, ita sei hetan rezultadu di'ak husi ita-nia serbisu. 

Orasaun: Nai, ajuda ami atu labele rende halo buat ne'ebé loos no di'ak. Maski ami kole no hetan insulta, ajuda ami atu kontinua halo buat ne'ebé loos no di'ak. Ami fiar katak Ita haree ami-nia serbisu di'ak sira no sei haraik bénsaun mai ami iha Ita-nia tempu. Amen.

Galásia 6:9

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

EMA SEI LA MORIS LIU HOSI PAUN DEIT

Maibee Nia hataan, “Profeta hakerek nanis ona, Ema sei la moris liu hosi paun deit, maibee liu hosi liafuan ida-idak nebee sai hosi Maromak nia ibun.’” Mateus 4:4 BK

Mateus 4:4

Iha Mateus kapítulu 4, Jesus iha rai-fuik maran durante loron 40 no kalan 40. Nia hamlaha no kole. Diabu mai atu koko Nia. Buat primeiru ne'ebé Diabu hatete mak: "Se Ita mak Maromak nia Oan-Mane, halo fatuk sira-ne'e sai paun." Diabu hatene katak Jesus hamlaha ona. Maibé Jesus la rona ba Diabu. Nia hatán ho Maromak nia Liafuan: "Ema sei la moris liu hosi paun deit, maibee liu hosi liafuan ida-idak nebee sai hosi Maromak Nia ibun.’” Mateus 4:4 BK

Jesus sita ka foti versikulu ne'e hosi Testamentu Antigu (Deuteronomio 8: 3), iha ne'ebá Maromak hanorin Ninia povu katak tau fiar ba Maromak mak importante liu fali hahán. Ai-han importante ba ita-nia isin, maibé Maromak nia Liafuan importante liutan ba ita-nia moris. 

Mateus 4:4

Ida ne'e signifika katak ita-nia moris la depende de'it ba ai-han. Ita presiza Maromak nia Liafuan loroloron iha ita-nia laran. Kuandu ita lee Biblia, halo orasaun, no rona Maromak Nia futarlia, ita sai forte liután iha ita-nia laran. Ita aprende oinsá atu luta hasoru pekadu no halo desizaun di'ak iha ita-nia moris loronloron. 

Iha kapítulu Ida ne'e, Jesus hatudu oinsá mak ita bele manán tentasaun. Nia la diskute malu ho Diabu. Nia uza Biblia. Ita mós tenke halo hanesan ne'e. Kuandu ita sente fraku ka hetan tentasaun, ita presiza hanoin Maromak Nia promesa sira. 

Keta fó de'it ai-han ba ita-nia isin fiziku, fó-han ita-nia vida espirituál mós. Hanesan ita han ai-han loroloron, ita mós tenke lee Biblia no ko'alia ho Maromak loroloron. Ne'e mak dalan moris ne'ebé loos. 

Orasaun: Nai, ajuda ami atu hadomi liu Ita-nia Liafuan duke hahán. Hanorin ami atu moris tuir Ita-nia futarlia. Fó forsa mai ami atu hatete lae ba pekadu. Hodi Jesus nia naran, Amen.

Mateus 4:4

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹

Read More