Biblia mak NAROMAN ba ita-nia dalan

Maromak Ninia lia-fuan iha Salmo 119:105 dehan "Ita-nia liafuan mak ahi-oan neʼebé leno haʼu-nia ain, No naroman ba haʼu-nia dalan"

Salmo 119:105

Versíkulu ne'e hatudu buat ida importante tebes. Maromak nia Liafuan, Biblia, mak hanesan ahi-oan. Imajina to'ok la'o iha kalan nakukun. Ita labele haree atu la'o ba ne'ebé. Karik Ita bele sama sala buat kro'at ruma ka monu ba ba kuak ruma. Maibé se ita iha ahi-oan, ita bele la'o ho seguru tanba naroman leno dalan. 

Nune'e mós, moris ne'ebé la iha Maromak nia Liafuan mak hanesan la'o iha nakukun laran. Ema bele fasilmente komete eru, monu ba pekadu, ka la'o sala dalan. Maibé kuandu ita lee Biblia no halo tuir buat ne'ebé Biblia hatete, Maromak fó naroman mai ita. Ninia Liafuan hatudu ba ita dalan ne'ebé mak ita tenke tuir, desizaun saida mak ita tenke foti, no oinsá atu moris iha dalan ne'ebé halo Maromak kontente. 

Dalaruma ita hakarak haree ita-nia viajen moris tomak. Maibé haree versíkulu ne'e hatete katak "Lampu ba ha'u-nia ain". Normalmente lampu ka ahi-oan hatudu pasu ida ida iha tempu ida. Karik Maromak la hatudu buat hotu hotu kona-ba ita-nia futuru, maibé nia fó naroman ne'ebé sufisiente ba ita kada loron. Bainhira ita tau fiar ba Maromak loron-loron, Nia sei gia ita pasu pur pasu. 

Mai ita hadomi Maromak nia Liafuan, lee loroloron, no halo tuir Biblia. Kuandu ita halo nune'e, ita sei nunka lakon iha nakukun laran. Jesus rasik hatete iha João 8:12: “Hau mak naroman mundu nian. Ema nebee tuir Hau sei la lao iha nakukun laran, maibee nia sei iha naroman moris nian.”

Orasaun: Nai, obrigadu tanba fó Ita-nia Liafuan, Biblia ba ami. Ne'e mak naroman ba ami-nia dalan no ahi-oan ba ami-nia ain. Ajuda ami lee no halo tuir buat ne'ebé Biblia hanorin loroloron. Kuandu ami-nia moris sai nakukun, fó-hanoin ami katak Ita sei direzi ami. Nai Jesus, sai ami-nia naroman, nune'e ami sei la la'o iha nakukun laran. Ami halo orasaun hodi Ita-nia naran santu, Amen.

Salmo 119:105

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Kuidadu! Diabu lao ba-mai hanesan liaun

Hanoin di-diak no matan moris ba. Tanba imi nia inimigu Diabu lao ba-mai hanesan liaun ida nebee hasai lian makaas no buka ema atu haan. 1 Pedro 5:8 BK

1 Pedro 5:8 

Versíkulu ne'e fó alerta ne'ebé maka'as. Diabu no Demonia ka anju aat sira ne'e real, no sira sempre koko atu lori ema dook husi Maromak. Apóstolu Pedro kompara anju aat ho leaun ne'ebé hamlaha. Leaun buka animál ne'ebé fraku no bila'an atu han. Hanesan ne'e mós, Diabu buka ema ne'ebé fraku no sira ne'ebé la alerta ka la matan moris ba sira-nia fé ka vida espirituál.

Tan ne'e mak apóstolu Pedro haruka ita atu matan-moris no neon nain. Ita tenke matan moris signifika ita nafatin alerta espirituálmente, ita la baruk atu dezenvolve ita-nia relasaun ho Maromak liuhosi orasaun no lee Sagrada ESKRITURA. Neon nain signifika, hanoin ho klaru atu la permiti pekadu, hirus, ka hahalok-aat kontrola ita. Bainhira ita matan-moris no neon nain, ita bele rekoñese Diabu nia lasu sira. 

Demonia ka anju aat bele uza lia-bosok, tentasaun, ka ta'uk atu ataka ita. Maibé ita la mesak de'it. Maromak sei fó forsa mai ita liuhusi orasaun, ninia Liafuan, no espíritu santu. Se ita hakbesik nafatin ba Jesus, diabu sei la manan ita atu monu ba sala. Tiago 4: 7 hatete: "Nee duni hakruuk ba Maromak. Kontra hasoru Diabu, no nia sei halai hosi imi" Tiago 4:7 BK

Tan ne'e, mai ita hametin ita-nia fiar, matan-moris espiritualmente, no tau fiar ba Maromak nia kbiit. Kuandu ita matan-moris nafatin no hamriik metin iha Jesus, leaun ka diabu sei la tata ita tanba Jesus manán ona diabu iha foho kalvariu.

Orasaun: Nai, ajuda ami atu matan-moris nafatin iha ami-nia fiar. Fó ami-nia neon ne'ebé moos no forsa atu kontra Diabu. Ajuda Ami sempre besik ba Jesus. Amen.

1 Pedro 5:8 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Ksolok ba ema neʼebé hetan kbiit husi Maromak

Ksolok ba ema neʼebé hetan kbiit husi Ita, No sira-nia laran hakarak atu laʼo iha dalan ba Ita-nia uma. Salmu 84:5 TMF

Salmu 84:5

Versíkulu ne'e ko'alia mai ita katak ita-nia kontente maihosi tau fiar ba Maromak Ninia forsa. Dala barak iha ita-nia moris, ita sente fraku. Problema, moras, preokupasaun, ka ema sira ne'ebé hale'u ita bele halo ita sente kole. Maibé Biblia hatete katak sira ne'ebé hetan forsa hosi Maromak sei hetan bénsaun. Ne'e signifika katak sira kontente no seguru maski hasoru susar iha moris. 

Parte segundu hosi versikulu ne'e hatete katak "sira-nia laran hakarak atu laʼo iha dalan ba Ita-nia uma". Iha tempu Biblia nian, ema halo viajen ba Jeruzalein atu adora Maromak iha templu. La fasil atu halo viajen liuhosi rai-fuik, foho no perigu sira iha dalan. Maibé sira kontinua la'o tanba sira-nia laran fikasa no hakarak hasoru Maromak. 

Ita-nia moris nu'udar ema kristaun mós hanesan pregrinasaun ida. Ita-nia ojetivu moris mak atu la'oba lalehan, iha ne'ebé ita sei hamutuk ho Maromak ba nafatin. Iha dalan, iha susar no tentasaun barak. Maibé se ita-nia hanoin fiksa ka fokus ba Maromak, no se ita tau fiar ba Ninia forsa, ita sei la rende. 

Iha libru Isaias 40:31 hatete " Maibee sira nebee hein Nai sei hetan forsa foun, sira sei sae ho liras hanesan makikit nian; sira sei halai no la sai kole, sira sei lao no la sai fraku.Isaias 40:31 BK. Maromak fó kbiit foun ba sira ne'ebé depende ba Nia. 

Mai ita fiksa ka fokus ita-nia matan ba Maromak. Kuandu ita sente fraku, mai ita halo orasaun no tau fiar ba Nia. Nia sei fó forsa mai ita atu kontinua ita-nia viajen to'o iha lalehan. 

Orasaun: Nai, ajuda ami atu sempre hetan ami-nia forsa hosi Ita. Kontinua fiksa ami-nia hanoin nafatin ba ami-nia viajen ba Lalehan. Fó korajen mai ami kuandu ami sente fraku. Amen.

Salmu 84:5

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More