Hadomi hanesan Jesus hadomi

Ha'u fó ukun fuan foun ida ba imi hodi imi sei hadomi malu: hadomi malu hanesan Ha'u hadomi imi. João 13:34BK

João 13:34

Antes Jesus ema hedi iha krús, Nia fó mandamentu importante ida ba Ninia dixipulu sira. Nia haruka sira atu hadomi malu. Domin ne'ebé  Jesus dehan la'ós de'it liafuan, maibé domin ho asaun. Ida-ne'e signifika katak tau matan ba ema kiak sira, ajuda ema ne'ebé presiza, fó perdua ba ema ne'ebé halo sala ba ita, no serbí ema seluk hanesan Jesus. 

Jesus hatudu Ninia domin hodi fase Ninia dixipulu sira-nia ain maski Nia mak sira-nia Na'i. Nia hatudu Ninia domin liuhosi kura ema moras, fó-han ba ema ne'ebé hamlaha, no fó perdua ba ema sala-na'in sira. Domin ne'ebé boot liu hotu ne'ebé Nia hatudu mak kuandu Nia mate iha krús iha foho kalvariu atu sou ita ema sala na'in. Nia fó Ninia moris ba ita atu ita bele hetan salvasaun. 

Jesus hatete: "Hanesan ha'u hadomi ona imi, imi mós tenke hadomi malu." Ida ne'e signifika  ita tenke halo tuir Ninia ezemplu sira. Ita tenke hadomi maski dalaruma ida-ne'e la fasil. Dala ruma ema hakanek ita-nia laran, maibé Jesus bolu ita atu fó perdua. Dala ruma ema presiza buat ruma, no ita bele hatudu domin liuhosi fó buat  ne'ebé ema presiza. Domin mak sinál husi Jesus nia dixipulu ne'ebé loos. 

João 13:34

Kuandu ita hadomi ema seluk, ema sei haree Jesus iha ita-nia moris. Ita-nia família, viziñu, no belun sira sei hatene katak ita mak Maromak Nia oan sira, la'ós tanba buat ne'ebé ita hatete, maibé tanba  oinsá ita hatudu ita-nia domin liuhosi  asaun karidade sira.

Ohin loron, hanoin kona-ba ema ne'ebé ita bele hatudu domin ba. Karik liuhusi liafuan ne'ebé di'ak, perdua, ka ajuda. Hanoin-ba katak hadomi ema seluk mak halo tuir saida mak Jesus haruka.

João 13:34

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube:  Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak segredu ba planu ne'ebé susesu?

Entrega ó-nia servisu ba Na'i, no ó-nia planu sei la'o di'ak. Provérbiu 16:3 BK

Provérbiu 16:3 

Loron-loron ita halo planu. Ita hanoin kona-ba saida mak ita hakarak halo, ba fatin ne'ebé ita hakarak ba, ka planu kona-ba atu sai saida iha futuru. Maibé dala ruma, maski ita esforsu an maka'as, maibé ita-nia planu sira falha. Ida-ne'e bele halo ita sente triste ka laran-tun. Proverbio 16: 3 fó-hanoin ita kona-ba buat importante ida: ita tenke intrega ita-nia planu sira ba Maromak. 

 "Entrega ka komete" signifika katak tau buat ruma iha Maromak nia liman tomak. Ne'e signifika katak: "Nai, ha'u hakarak halo ida-ne'e, maibé ha'u intrega ba Ita-boot atu lidera ha'u." Kuandu ita halo ida-ne'e, Maromak sei dirije ita-nia hakat sira no hametin ita-nia planu sira iha dalan ne'ebé di'ak liu ba ita. 

Maromak hatene buat hotu. Nia haree futuru, maibé ita bele haree de'it ohin loron. Dala ruma buat ne'ebé ita hakarak la di'ak ba ita. Maibé kuandu ita tau fiar ba Maromak iha ita-nia planu sira, nia sei fó buat ne'ebé loos no buat ne'ebé sei fo bénsaun ba ita, iha tempu naruk. 

Versíkulu ne'e hanorin ita atu halo orasaun antes foti desizaun. Molok atu halo desizaun kiik ka boot, ita tenke husu: "Nai, serake Ita-nia hakarak mak ida ne'e?" Kuandu ita husik Maromak lidera ita, ita bele hetan dame, maski buat sira-ne'ebé ita planu la la'o tuir saida mak ita-nia planu ona.

Ohin loron, hanoin kona-ba Ita-nia planu sira - Ita-nia serbisu, Ita-nia família, Ita-nia mehi sira. Lori buat sira ne'e hotu ba Maromak liuhusi orasaun. Tau fiar ba Maromak atu loke odamatan ne'ebé loos no taka ida ne'ebé sala. Kuandu ita tau ita-nia planu ba Maromak nia liman,Nia sei ajuda ita hetan susesu.

Provérbiu 16:3 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hatudu laran-di'ak no fó perdua

Hatudu laran di'ak ba malu, no laran luak. Fó perdua ba malu, hanesan mós Maromak fó ona perdua ba imi iha Kristu. Efezu 4:32 BK

Efezu 4:32

Bíblia hatete katak nu'udar Jesus nia dixipulu, ita tenke hatudu laran-di'ak no perdua ema seluk. Perdua ema ne'e la'os fasil. Dala ruma ema hakanek ita-nia laran ho sira-nia liafuan ka hahalok. Ita-nia sentimentu naturál mak atu sai hirus ka atu ataka fila fali. Maibé Maromak bolu ita atu halo buat ne'ebé diferente.

Efeso 4:32 hatete katak ita tenke hatudu laran-di'ak no laran-luak. Laran-di'ak katak hatudu respeitu no domin ba ema, maski sira la merese. Ema ne'ebé laran-luak ka laran mamar katak ita hatudu laran-maus no kuida ba ema seluk. Perdua katak husik tiha hirus no keta kaer metin ba sala ne'ebé sira halo. 

Tanbasá mak ita tenke perdua? Tanba Maromak fó perdua uluk ba ita. Ita hotu halo ona sala ba Maromak. Maibé liuhusi Jesus, Maromak hatudu laran-sadi'a mai ita. Nia fó perdua mai ita kuandu ita la merese. Se Maromak fó perdua ba ita, ita mós tenke fó perdua ba ema seluk. Se lae, Maromak mós sei la perdua ita.

Kuandu ita fó perdua, ita-nia laran sai livre. Ita la lori tan laran hirus ka laran-nakali. Perdua lori dame ba ita-nia neon no kura ita-nia relasaun. Liuhosi fo perdua mós ita hatudu Jesus nia domin ba mundu.

Ohin loron, hanoin kona-ba ema ida ne'ebé ita presiza fó perdua. Halo orasaun ba sira no husu Maromak atu fó laran-maus ba ita. Hatudu laran-di'ak iha Ita-nia liafuan no hahalok sira. Hanoin-ba katak perdua la signifika ita ema ne'ebé fraku, maibé bainhira ita fo perdua, ita hatudu moris hanesan Kristu.

Efezu 4:32

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More