Matenek ne'ebé loos hatudu iha hahalok

See mak iha matenek kle'an no kompriensaun iha imi-nia leet? Husik nia hatudu hahalok di'ak liuhosi buat ne'ebé nia halo ho laran maus ne'ebé maihosi matenek kle'an. Tiago 3:13 BK

Tiago 3:13 

Tiago fó-hanoin ita katak sabedoria ka matenek la'ós de'it kona-ba koñesimentu ka ko'alia liafuan barak. Sabedoria ne'ebé loos hatudu liuhosi oinsá ita hala'o ita-nia moris loronloron. Ema ne'ebé matenek la foti-an, maibé nia haraik-an, laran-di'ak no la'o tuir matadalan husi Maromak. Ita-nia sabedoria, ema bele haree hosi asaun sira - hanesan oinsá ita trata ema, oinsá ita rezolve problema, no oinsá ita halo desizaun ba ita moris loronloron. 

Evanjelu Lukas 6:45 esplika katak ita-nia liafuan no hahalok ka asaun sira maihusi ita-nia laran: "Ema di'ak fó sai buat di'ak hosi riku-soin di'ak ne'ebé iha ninia fuan laran, no ema aat fó sai buat aat hosi riku-soin aat iha ninia fuan laran. Tanba ema nia ibun sei ko'alia sai buat ne'ebé nakonu hela iha ninia fuan laran" Se ita-nia laran nakonu ho Maromak Nia lia-loos, sabedoria, no domin, ita-nia moris sei hatudu ho hahalok-di'ak. Maibé se ita-nia laran nakonu ho hirus, foti-an, ka hanoin an de'it, ida-ne'e mós sei hatudu iha ita-nia hahalok loronloron. 

Iha ne'ebé mak ita bele hetan sabedoria ka matenek kle'an ne'ebé loos? Proverbios 1: 7 hatete: "Hamtauk ba Nai mak matenek nia huun, maibee beik-teen sira despreza matenek klean no instrusaun" Sabedoria ne'ebé loos hahú ho fó onra ba Maromak, respeitu Ninia lia-fuan no prontu atu halo tuir Ninia hanorin sira. Se la ho Maromak, ita-nia sabedoria sei mamuk. Maibé kuandu ita tau uluk Maromak iha ita-nia moris, nia sei hanorin ita oinsá atu moris ne'ebé loos. 

Ohin loron, mai ita husu ita-nia aan: Serake ita-nia hahalok hatudu Maromak nia sabedoria?, ka ita moris tuir mundu nia matenek? Biarba Ita-nia laran nakonu ho Maromak nia Liafuan, no biarba haraik-an gia ita-nia pasu sira iha ita-nia moris loronloron. Bainhira ita halo buat sira ne'e, ita-nia moris sei nabilan ho matenek ne'ebé mai husi leten.

Tiago 3:13 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Iha Kristu ema Judeu no Jentiu ida de'it

Tanba liu hosi Nia, grupu rua ne'e agora tama iha Espíritu ida de'it hodi hetan dalan ba Aman. Efezu 2:18 BK

Efezu 2:18 

Versíkulu ne'e iha kbiit boot tanba fó-hanoin kona-ba buat ne'ebé Jesus halo ona ba ita. Antes Kristu mai, iha moru ida entre Maromak no povu. Pekadu haketak ita husi Maromak (Isaias 59:2), no la'ós ema hotu bele hakbesik ba Maromak. Maibé liuhusi Jesus Nia mate no moris-hias, moru ne'e rahun ona. Agora, ema hotu ne'ebé fiar Maromak bele Livremente hakbesik ba Maromak la haree ba sira-nia background. 

Paulo hatete katak "grupu rua" iha asesu. Nia ko'alia kona-ba ema judeu no ema jentiu, grupu rua ne'ebé haketak malu. Maibé iha Kristu, sira sai família ida de'it. Ohin loron, lia-loos ne'e sei aplika nafatin. La prekupa ka la haree ba ita-nia rasa, kultura, edukasaun, ka status sosiál - Liuhosi Kristu ita hotu iha direitu atu hakbesik ba Aman Maromak.

Asesu ne'e la'ós liuhusi ita-nia servisu di'ak ka esforsu pesoál sira. Jesus mesak de'it mak halo ida-ne'e sai realidade iha ita-nia laran liuhusi espíritu santu. Bainhira ita halo orasaun, adora, ka husu ajuda, ita la presiza amlulik, kostume, rituál ka fatin espesiál ida. Ita bele diretamente hakbesik ba Maromak, hanesan labarik sira ko'alia ba sira-nia Aman. 

Ne'e mak priviléjiu boot tebes! Ema barak koko atu buka dame ho Maromak iha dalan seluk, maibé so Jesus de'it mak loke dalan ba ita. Nia hatete: “Hau mak dalan, lia loos no moris. Ema ida la bele hakbesik ba Aman, só deit liu hosi Hau.” João 14:6.

Ohin loron, agradese ba prezente furak ne'e. Ita bele hetan asesu ba Maromak - iha kualkér tempu, iha fatin ne'ebé de'it. Mai ho aten-barani, tanba ita-nia Aman hein hela atu rona ita-nia lian.

Efezu 2:18 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Buat hotu bele de'it ba ema ne'ebé fiar.

Jesus dehan ba nia, “‘Se Ó bele’ ka! Buat hotu bele de'it ba ema ne'ebé fiar.” Marcos 9:23 BK

Marcos 9:23

Iha istória ne'e, aman ida lori ninia oan-mane ba Jesus. Labarik ne'e hetan terus boot, no aman ne'e desperadu tebes. Nia husu Jesus atu ajuda, maibé nia dehan: "Se Ó bele halo buat ruma, hanoin ami no ajuda ami ba" Marcos 9:22. Jesus hatán: “Se Ó bele’ ka! Buat hotu bele de'it ba ema ne'ebé fiar.”

Ida-ne'e hatudu katak fiar mak xave atu experiensia Maromak Ninia podér. Fé la signifika katak ita hetan buat hotu ne'ebé ita hakarak, maibé ita fiar katak la iha buat ida mak susar liu ba Maromak atu halo. Nia bele kura, fornese, fó perdua, no muda ita-nia moris. 

Dala ruma ita mós hanesan aman iha istória ne'e. Ita halo orasaun maibé ita sei iha dúvida iha ita-nia laran. Ita hanoin: "Maromak bele halo ida-ne'e duni ka lae?" Maibé Jesus fó-hanoin ba ita katak ita lta-nia fokus labele ba ita-nia problema ka ita-nia forsa rasik, maibé ita-nia fokus tenke ba Maromak Ninia podér. 

Aman ne'e hatán ho laran-moos hodi dehan: “Nai, hau fiar ona; ajuda ba bainhira hau la fiar!” Marcos 9:2. Ne'e mak orasaun ne'ebé ita mós bele halo. Maski ita-nia fiar fraku, maibé ita bele husu Maromak atu ajuda ita tau fiar liután ba Nia. 

Ohin loron, hanoin-ba katak la iha situasaun ida ne'ebé boot liu ba Maromak. Ita-nia saúde, ita-nia família, ita-nia susar no ita-nia futuru hotu iha Maromak nia liman. Lori ita-nia presiza hotu ba Maromak ho fé no fiar katak Nia bele halo buat ne'ebé ita la bele halo. 

Ho Maromak, buat hotu bele, ba ema ne'ebé fiar.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More