Orasaun no hahi'i

Iha ema ruma iha imi-nia leet ne'ebé iha susar ka? Nia bele halo orasaun. Iha ema ruma ne'ebé haksolok ka? Nia bele kanta hahi'i Na'i. Tiago 5:13 BK

Tiago 5:13

Versíkulu ne'e fó-hanoin ita katak saida de'it mak ita hasoru iha moris - atu susar ka haksolok, ita tenke lori buat hotu ba Maromak liuhosi orasaun. Kuandu moris susar, halo orasaun. Kuandu moris di'ak, hahi'i Maromak. Orasaun no hahi'i halo ita hakbesik liu tan ba Maromak. 

Kuandu ita hasoru problema ruma, fasil atu hanoin -resin no murmura. Maibé apóstolu Tiago hanorin ita dalan ne'ebé di'ak liu - lori ita-nia problema sira ba Maromak liuhosi orasaun. Orasaun la'ós de'it atu husu ajuda - bainhira ita halo orasaun, ita fiar katak Maromak rona, komprende no kuida. Liuhusi orasaun, ita bele hetan dame iha ita-nia laran maski problema ne'e seidauk rezolve. 

No kuandu buat sira hotu la'o di'ak iha ita-nia moris, labele haluha atu hahi'i Maromak. Dala ruma ita agradese ba ema sira ne'ebé hale'u ita maibé ita haluha Ida ne'ebé fó bénsaun hotu mai ita. Hahi'i fó-hanoin ita katak buat hotu ne'ebé di'ak - saúde, família, serbisu, no ksolok sira mai husi Maromak. Hahi'i halo ita-nia laran nakonu ho sentimentu agradese no hadook ita hosi foti aan. 

Orasaun liga ita ho Maromak iha ita-nia luta sira; hahi'i liga ita ho Maromak bainhira ita haksolok. Orasaun no hahi'i hamutuk hametin ita-nia relasaun ho Kriador. Maski ita tanis ka haksolok, fatin ne'ebé di'ak liu atu ba mak sempre Maromak. 

Entaun ohin loron, se ita-nia laran kanek karik, ko'alia ba Maromak. Se ita hamnasa karik, kanta ba Maromak. Iha momentu hotu, loke ita-nia laran hodi halo orasaun no hahi'i. Ida-ne'e mak segredu atu la'o besik ho Maromak - pasu pur pasu la'o iha dalan ba lalehan. 

Orasaun: Nai, hanorin ami atu halo orasaun bainhira ami hasoru susar no hahi'i kuandu ami kontente. Ajuda ami atu nafatin hakbesik ba Ita iha ami-nia moris tomak. Ajuda ami atu nafatin la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Korajen bainhira hein Na'i

Forsa ba, no hetan korajen iha imi nia fuan laran, imi hotu ne'ebé hein Na'i! Salmu 31:24 BK

Salmu 31:24 

La fasil atu hein. Karik, ita hein hela resposta ba orasaun, kurativu, oportunidade foun, ka mudansa iha ita-nia situasaun difisil sira. Iha situasaun sira hanesan ne'e, susar ba ita atu hatudu pasiénsia. Dala ruma ita sente katak Maromak nonok de'it ka dook hosi ita. Maibé iha versíkulu ne'e, liurai David fó-hanoin ba ita atu forsa no iha korajen bainhira ita hein hela, tanba ita-nia esperansa iha Na'i. 

Liurai David hatene oinsá hein ne'e. Nia ordena ona nu'udar liurai ba Izrael, maibé nia tenke hein tinan barak antes promesa ne'e sai loos. Durante tempu ne'e, nia hasoru sentimentu ta'uk, hasoru inimigu, no esperiensia tristeza barak. Maibé, liuhusi esperiensia sira ne'e, nia aprende atu fiar katak Maromak nia tempu sempre perfeitu. 

Kuandu ita hein ho fiar, Maromak serbisu iha kotuk, fatin ne'ebé ita la haree. Nia hametin ita-nia laran, forma ita-nia karakter, no prepara ita ba buat ne'ebé boot liu ne'ebé sei mai iha futuru. Tempu ne'ebé ita hein, sei la saugati de'it - tamba liuhosi hein Maromak hanorin ita oinsá atu depende ba Nia liu tan.

Nia xave mak iha ne'ebé no iha se ita tau ita-nia esperansa. Se ita tau esperansa ba ema ka situasaun, ita sei falla. Maibé se ita tau esperansa ba Maromak, ita sei forsa nafatin maski haree hanesan buat ida la akontese. Ninia promesa sira nunka falla, no ninia domin rohan la iha. 

Entaun ohin loron, se ita hein hela resposta balu ba ita-nia orasaun, keta rende. Sai forte, iha korajen nafatin, no tau ita-nia esperansa iha Maromak. Iha Nia tempu rasik, Maromak sei hatán, no Ninia planu sira sempre di'ak ba sira ne'ebé la'o ho fiél iha dalan ba lalehan. 

Orasaun: Nai, fó korajen mai ami bainhira ami hein. Ajuda ami atu tau fiar nafatin ba Ita-nia tempu no kaer metin ba Ita-nia promesa sira, bainhira ami la'o dadauk hamutuk ho Ita iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hatais armamentu Maromak nian

Hatais Maromak nia armas tomak, atu imi bele hamriik hasoru Diabu nia planu aat. Éfezu 6:11 BK

Éfezu 6:11

Iha versíkulu ne'e, apóstolu Paulo fó-hanoin ita katak sai Jesus nia dixipulu mak hanesan soldadu iha funu espirituál nian. Ita la'ós funu hasoru ema, maibé hasoru sala, tentasaun, no Diabu ne'ebé koko atu dada ita sai husi Maromak. Atu ita bele nafatin forte, ita tenke hatais Maromak nia armas tomak. 

Armas ne'e la'ós halo husi besi ka kulit. Liuhosi armas ne'e mak Maromak fó protesaun espirituál ba ema fiar-na'in hotu. Apóstolu Paulo esplika kona-ba armas sira ne'e iha Efeso 6:13-17 - armas sira ne'e mak: sintu lia-loos nian, besi belar hirus matan lia loos ka justisa nian, sapatu dame nian, eskudu fiar nian, kapasete salvasaun nian, no surik espíritu nian - ne'e mak Maromak nia Liafuan. 

Kada parte hosi armamentu ne'e importante: 

 - Lia-loos halo ita onestu no firmi iha saida mak ita fiar.  

 - Moris ka hahalok loos proteje ita-nia laran husi sala. 

 - Dame ajuda ita fahe Maromak Nia domin ba ema seluk. 

 - Fé ka fiar proteje ita husi duvida no ta'uk. 

 - Salvasaun fó-hanoin ita katak ita mak Jesus nian. 

 - Maromak nia Liafuan fó forsa mai ita atu luta kontra lia bosok ho lia-loos. 

Kuandu ita hatais ita-nia armas sira-ne'e liuhusi orasaun, fé, no obedese, ita bele hamriik metin hasoru inimigu nia atake hotu. Maromak lakohi ita atu ta'uk, maibé nia hakarak ita prontu hasoru funu ne'e. 

Entaun kada loron, antes ita sai ba mundu, keta haluha tau Maromak nia armas sira. Ho Maromak nia protesaun, ita bele la'o ho seguru no fiar-aan iha dalan ba lalehan. 

Orasaun: Nai, ajuda ami atu hatais Ita-nia armas tomak loroloron. Hametin ami-nia fiar atu firmi iha lia-loos, atu nune'e ami bele hamriik hasoru diabu no kontinua la'o iha dalan ba lalehan. Amen.

Éfezu 6:11

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More