Hetan kura tamba Jesus Nia isin kanek

Kristu rasik mak lori ita-nia sala iha Ninia isin lolon iha ai huun ne'e, atu ita bele mate ba sala, no moris ba hahalok loos. Liuhosi Ninia kanek mak ita hetan kura. 1 Pedro 2:24 BK

1 Pedro 2:24

Versikulu ne'e fó sai lia-loos ida-ne'ebé furak liu iha Biblia - katak Jesus hetan terus atu nune'e ita bele hetan kura. Bainhira Jesus prega tiha iha kruz, Nia lori ita-nia sala, moras no sala hotu. Nia simu kastigu ne'ebé loloos ne'e ita mak merese atu simu - atu ita bele hetan perdua no sai loos iha Maromak Nia futar oin. 

Apóstolu Pedro fó-hanoin ema fiar-na'in sira katak Jesus Nia terus la saugati de'it. Ninia kanek sira, ne'ebé lori kura, la'ós de'it ba ita-nia moras fiziku, maibé liuliu ba ita-nia moras espirituál nian - ne'e mak sala. Sala haketak ita husi Maromak (Isaias 59:2), maibé liuhusi Jesus nia mate no moris-hias, ita bele fila fali ba Maromak.

Tanba Jesus Nia sakrifísiu - agora ita bele "mate ba sala no moris ba lia-loos". Ida-ne'e signifika katak ita labele moris tan hanesan hahalok aat uluk nian - hanesan: halo buat ne'ebé kontra Maromak Ninia hanorin, maibé la'o hodi obedese, hadomi no moris santu. Ita-nia kurativu hosi ita-nia moras espirituál, lori ita ba moris foun, ne'ebé halo ita tuir Jesus nia ezemplu kada loron. 

Isaias 53: 5 mós hatete: "Maibee Nia simu kanek tanba ita nia sala aat, Nia hetan isin metan tanba ita nia hahalok aat; Nia simu kastigu hodi ita bele hetan dame. Liu hosi Ninia kanek mak ita hetan kura". Domin ne'ebé furak tebes! Jesus tau nia aan iha ita-nia fatin atu ita bele hetan dame no moris rohan-laek. 

Kuandu ita hanoin-hetan krús, ita haree katak ita-nia salvasaun kustu boot tebes. Mai ita moris hodi fó agradese, hasees an husi sala no moris loos tuir Biblia nia hanorin. Ne'e mak kurativu ne'ebé lori ita ba dalan ba lalehan. 

Orasaun: Nai Jesus, obrigadu tanba Ita lori ona ami-nia sala no ami-nia kanek sira ba Ita-nia an rasik. Tanba Ita-nia kanek sira, ami hetan ona kura no perdua. Ajuda ami atu moris iha moris ne'ebé fó onra ba Ita no ajuda ami atu kontinua la'o iha dalan ba lalehan. Amen.

1 Pedro 2:24

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Luta iha funu fiar nian ho di'ak

Ha'u luta tiha ona iha funu di'ak, ha'u halai taru ona to'o rohan, ha'u kaer metin ona iha fiar. 2 Timóteo 4:7 BK

Timóteo 4:7

Iha versíkulu ne'e, apóstolu Paulo besik to'o ona rohan hosi ninia moris. Nia hateke fali ba kotuk no hatete ho fiar an katak nia halo ona funu fiar nian ne'ebé di'ak, halai ona to'o rohan, no kaer metin ninia fiar nafatin. Ninia liafuan sira fó-hanoin ba ita katak moris hanesan ema kristaun la fasil - moris hanesan ema Kristaun tenke hasoru funu fé nian kontra buat aat, tenke obedese, no kontinua tahan nafatin atu la'o tuir hanorin ne'ebé loos. 

Apóstolu Paulo hasoru susar barak hanesan komarka, hamlaha, rejeisaun no terus. Maibé nia nunka rende tanba nia hateke ba Jesus. Nia hatene katak buat hotu ne'ebé nia halo atu fo glória ba Maromak ne'e merese duni. Iha versíkulu 8, apóstolu Paulo hatete katak "koroa moris loos nian" hein hela nia, ne'e mak premiu husi Nai rasik. 

Atu "luta iha funu ho di'ak" ne'e signifika mantein fiar bainhira hasoru susar iha ita-nia moris. Ne'e signifika katak hili atu halo buat ne'ebé loos maski susar. Ita luta hasoru buat aat ho domin, orasaun, perdua, pasiénsia, no lia-loos. Ita-nia forsa mai husi Maromak, la'ós husi ita-nia an rasik. Hanesan Efeso 6: 11 hatete: "Hatais Maromak nia armas tomak, atu imi bele hamriik hasoru Diabu nia planu aat"

Kada loron hanesan pasu ida tan iha ita-nia halai taru fiar nian. Kuandu ita kontinua tau fiar ba Jesus no halo tuir Ninia Liafuan sira, ita sei hakbesik liután ba ita-nia ojetivu lalehan nian. 

Entaun keta rende! Kontinua luta hasoru susar no buat aat ho di'ak, kontinua halai taru fiar nian, no loron ida, ita sei remata no hetan moris rohan-laek hamutuk ho Jesus, ne'ebé sai ita-nia dalan ba lalehan. 

Orasaun: Nai, fó forsa mai ami atu halo luta fiar nian ne'ebé di'ak. Ajuda ami atu fiél nafatin, obedese ba ita-nia hanorin sira iha Sagrada Eskritura, no tau esperansa ba Maromak to'o moris nia rohan. Ajuda Ami atu kontinua hateke ba Jesus bainhira ami la'o no halai iha dalan ba lalehan. Amen.

Timóteo 4:7

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak iha planu ba ita

Tanba Ha'u hatene Ha'u-nia planu ne'ebé Ha'u halo kona-ba imi, hatete Na'i, planu dame nian no la'os planu aat, hodi fó ba imi futuru ida ne'ebé iha esperansa. Jeremias 29:11 BK

Jeremias 29:11

Moris la sempre la'o tuir saida mak ita espera. Dala ruma ita hasoru problema, moras, ka hein buat ruma ne'ebé halo ita pergunta: " iha situasaun sira hanesan ne'e, Maromak iha ne'ebé?" Maibé Biblia fó-hanoin ita katak maski moris la iha serteza, maibé Maromak iha planu - planu ne'ebé di'ak ba ita hotu. 

Bainhira Maromak fó promesa ne'e liuhusi profeta Jeremias, povu Israel moris iha Babilonia nu'udar dadur. Sira dook husi rai moris fatin no sente la iha esperansa. Maibé Maromak haruka sira atu la rende. Nia la haluha sira. Iha Ninia tempu ne'ebé perfeitu, Nia sei lori fila fali sira no haraik bénsaun ba sira. 

Versíkulu ne'e hanorin ita atu tau fiar ba Maromak maski ita la haree hetan no la serteza ba buat hotu. Ninia planu la sempre hanesan ho ita-nian, maibé Ninia planu sempre ba ita-nia di'ak. Roma 8:28 hatete: "Ita hatene katak buat hotu hala'o hamutuk hodi halo di'ak ba sira ne'ebé hadomi Maromak, ba sira ne'ebé Maromak bolu tuir Ninia planu". 

Ita bele hatudu ita-nia fiar liuhosi halo tuir Ninia Liafuan sira, halo orasaun ho laran-metin, no tau ita-nia esperansa iha Nia. Kuandu ita la'o tuir Maromak Nia dalan, ita bele serteza katak ita-nia hakat hotu sei lori ita besik liután ba futuru ne'ebé Nia prepara ona - planu ne'e mak moris rohan-laek hamutuk ho Nia. 

Orasaun: Nai, obrigadu tanba Ita iha planu ba ami-nia moris. Ajuda ami atu tau fiar ba Ita maski ami la komprende. Fó matadalan ba ami-nia laran atu la'o tuir Ita-nia dalan sira no ajuda ami la'o ho laran-metin iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More