La'o liuhosi foho leet mate nian

Maski ha'u la'o iha foho leet ne'ebé iha lalatak mate nian, ha'u la ta'uk buat aat, tanba Ó hamutuk ho ha'u; Ó-nia rota no Ó-nia ai tonka mak konsola ha'u. Salmu 23:4 BK

Salmo 23:4

Moris la'ós sempre fasil. Dala ruma ita la'o liuhusi tempu nakukun no ta'uk - hanesan tempu moras, tempu perigu, tempu ita lakon ema ne'ebé ita hadomi, tempu konfuzaun, ka momentu triste sira. Iha Salmo 23: 4, liurai David bolu fatin ne'e nu'udar "foho leet lalatak mate nian". Ne'e mak imajen ida kona-ba situasaun susar liu iha ita-nia moris, kuandu buat hotu sente la serteza no sentimentu ta'uk koko atu kontrola ita-nia laran.

Maibé David fó-sai lia-loos ne'ebé iha kbiit boot mai ita: ita la la'o liu foho leet rai nakukun mesak de'it. Nai, ita-nia Bibi-atan, hamutuk ho ita. Nia la husik ita, maski ita-nia dalan sente todan no moras. Ninia prezensa mak ita-nia protesaun boot liu hotu. 

Liurai David hatete: "Hau sei la ta'uk buat aat." Nia la ta'uk, la'os tanba foho leet ne'e seguru - maibé tanba Maromak besik ho nia. Maromak nia ai-tonka mak hanesan instrumentu ne'ebé bibi-atan uza atu proteje no dirije bibi sira. Nune'e mós, Maromak uza Ninia podér atu defende ita no ho Ninia lian Nia dirije ita. Ninia Liafuan no Ninia Espíritu fó-hanoin ita katak Maromak mak kontrola buat hotu maski ita la serteza kona-ba moris. 

Versikulu ne'e la promete katak ita sei nunka hasoru susar. Maibé versikulu ne'e promete buat ne'ebé di'ak liu: Maromak rasik sei la'o besik ita-nia sorin. Nia sei lori ita bainhira ita fraku, fó kmaan mai ita kuandu ita laran kanek, no fó matadalan mai ita kuandu ita la haree dalan ba oin. 

Entaun, ohin. bainhira ita hasoru ita-nia foho leet mate nian, foti ita-nia matan ba Bibi-Atan. Tau fiar ba Ninia prezensa. Kaer metin ba Ninia Liafuan sira. Husik Maromak dirije ita pasu pur pasu iha dalan ba Lalehan 

Ho Maromak nu'udar ita-nia Bibi-atan, ita sei kontinua la'o ba oin ho laran-metin no seguru iha dalan ba lalehan. 

Orasaun: Nai, kuandu ami la'o liuhosi foho leet mate nian ne'ebé nakukun no susar, fó-hanoin ami katak Ita hamutuk ho ami. Hasai tiha ami-nia ta'uk no hakonu ami ho Ita-nia komfortu no dame. Lori ami ho seguru iha dalan ba lalehan. Amen.

Salmo 23:4

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Dedika an ba orasaun loroloron

Imi tenki badinas iha orasaun. Matan moris ba iha orasaun ho agradese. Kolose 4:2 BK

Colossenses 4:2 

Dediquem‑se à oração, vigiando por meio dela com ações de graças. Colossenses 4:2 NVI

Iha versíkulu ne'e, apóstolu Paulo hanorin ema kristaun iha Koloso atu iha abitu halo orasaun loroloron. Liafuan "devosaun" katak kontinua halo buat ida ho fidelidade, la rende an maski ita sente okupadu ka susar. Apóstolu Paulo hakerek karta ne'e bainhira nia iha komarka laran, maibé nia nafatin fó korajen ba ema seluk atu halo orasaun. Ida-ne'e hatudu oinsá orasaun importante tebes ba ema kristaun hotu. 

"Matan-moris nafatin" signifika presiza espiritualmente hadér nafatin. Ita tenke tau atensaun ba buat ne'ebé Maromak halo hale'u ita no proteje ita-nia laran husi buat ne'ebé bele hafraku ita-nia fiar. Kuandu ita halo orasaun ho matan nakloke no ita-nia laran nakloke, ita bele haree ho klaru Maromak Nia ajuda no Maromak Nia matadalan sira. 

Apóstolu Paulo mós hatete katak ita tenke agradese. Laran ne'ebé agradese sempre hanoin Maromak nia laran-di'ak sira. Kuandu ita fó agradese ba Maromak iha ita-nia orasaun, maski iha tempu susar, halo ita-nia fé sai forsa. Agradese muda ita-nia laran susar sai fali adorasaun ba Maromak no fó-hanoin ita katak Maromak sempre kontrola buat hotu. 

Orasaun la'ós de'it atu husu Maromak buat ruma, maibé atu la'o besik ho Nia loroloron. Orasaun mak ko'alia ho ita-nia Aman, rona ba Ninia lian liuhusi Sagrada Eskritura, no tau fiar ba Ninia resposta sira. Ita-nia moris ne'ebé nakonu ho orasaun halo ita-nia laran sai mamar, ita-nia neon sai moos, no ita-nia fiar sai metin. 

Ohin loron, mai ita hafoun fali ita-nia komitmentu atu halo orasaun. Hahú ho hakat ki'ik sira: minutu balu iha dadeer, orasaun badak ruma durante serbisu, no orasaun agradesementu molok ba toba. Kuandu ita prátika ida ne'e beibeik, naturalmente orasaun sai parte ida husi ita-nia moris loroloron nian, ne'e mak prezente ida-ne'ebé bele liga ita ho Maromak nia kbiit no dame. 

Kuandu ita krese iha orasaun, ita hakbesik nafatin ba Maromak no kontinua la'o ho laran-metin iha dalan ba lalehan. 

Orasaun: Na'i, hanorin ami atu halo orasaun loroloron ho matan-moris no laran ne'ebé nakonu ho agradesementu. Ajuda ami atu hakbesik nafatin ba Ita no depende ba Ita iha ami-nia moris tomak. Kontinua haforsa ami bainhira ami la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Liuhusi bee no ahi-lakan

Bainhira ó la'o liu hosi tasi, Ha'u sei hamutuk ho ó; no bainhira ó hakur mota, sira sei la taka ó; no bainhira ó la'o liuhosi ahi, ahi ne'e sei la haan ó; no ahi lakan ne'e sei la sunu ó. Isaias 43:2 BK

Isaias 43:2

Atu komprende versikulu ne'e, ita presiza haree didi'ak versíkulu ne'e nia kontestu. Iha Isaias 43, Maromak ko'alia daudaun ba Ninia povu Izrael ne'ebé hasoru susar, ta'uk no dadur. Sira sente katak Maromak husik hela sira no la serteza kona-ba sira-nia futuru. Maibé Maromak fó-hanoin sira: "Imi mak ha'u-nian... Ha'u kria ó... Keta ta'uk." Tuirmai Nia fó promesa furak ida-ne'e iha versíkulu 2. 

Maromak la hatete: se sira la'o liu bee ka ahi - Nia dehan bainhira. Ida-ne'e hanorin ita katak Maromak Nia oan sira mós sei liuhusi bee kle'an (problema/susar) no liuhusi ahi-lakan (moras no luta sira) iha sira-nia moris. Sai ema kristaun la halakon susar no dezafiu sira. Maibé Maromak promete buat ida-ne'ebé boot liu: Ninia prezensa no protesaun iha anin-fuik hotu.

"Bee" reprezenta problema boot sira no . 

 "Ahi-lakan" reprezenta situasaun sira ne'ebé halo ita sente laran-kanek. 

Maibé Maromak hatete: "Hau sei hamutuk ho ó." Bee sei la halo ó mout, ahi sei la destroi ó. 

Ida ne'e la dehan katak problema sei lakon, maibé ida ne'e signfika katak Maromak sei lori no hamutuk ho ita liuhusi problema sira-ne'e. Hanesan nia loke tasi mean (Exodus 14), proteje mane nain-tolu iha fornu ahi nian (Daniel 3), no hametin fiar-na'in barak, Nia mós sei hamutuk ho ita iha ita-nia tempu susar sira. 

Ohin, se ita la'o liu bee kle'an, kaer metin ba Maromak Nia promesa sira. Ita la mesak de'it. Maromak la'o iha ita-nia sorin, haforsa ita, no lori ita ho seguru liuhusi susar hotu. 

Tau fiar ba Nia - tanba Ninia prezensa mak fatin ne'ebé seguru liu iha dalan ba lalehan. 

Orasaun: Nai, obrigadu ba ita-nia promesa atu hamutuk ho ami liuhusi bee no ahi-lakan hotu. Ajuda ami atu tau fiar ba Ita kuandu hetan susar iha moris. La'o hamutuk ho ami, proteje ami no dirije ami bainhira ami kontinua la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More