Hahi'i Nai ho laran-tomak

Ha'u sei fó agradese ba Nai ho ha'u-nia fuan-larantomak, ha'u sei konta Ó-nia milagre hotu. Salmu 9:1 BK

Salmu 9:1

Iha Salmo 9: 1, David hatudu oinsá mak ita bele hahi'i Maromak - la'ós ho laran-ruarua, maibé ho ita-nia laran tomak. Hahi'i Maromak la'ós de'it liuhosi kanta knananuk ka ko'alia liafuan di'ak sira. Maibé hahi'i Maromak mak fo agradese ba Maromak ho laran-moos, haksolok, no laran tomak. Hahi'i Maromak liuhusi hanoin-hetan buat hotu ne'ebé Maromak halo ona ba ita no fó Nia onra ne'ebé nia merese. 

Liurai David hasoru susar barak iha ninia moris - hanesan ta'uk, funu, hasoru inimigu, no momentu triste sira. Maibé nia sei hili nafatin atu hahi'i Maromak ho ninia laran tomak. Ida-ne'e hanorin mai ita katak hahi'i Maromak la'ós de'it iha loron di'ak sira. Maibé hahi'i Maromak mós iha tempu susar sira. Kuandu ita fó hahi'i Maromak iha tempu susar sira, ita-nia laran sai forte liután no ita-nia fiar sai kle'an liután. 

Versikulu ne'e mós hatete: "Ha'u sei konta Ó nia milagre hotu". Hahi'i Maromak signifika katak hanoin-hetan Ninia laran-di'ak sira. Hanoin kona-ba tempu ne'ebé Nia proteje ita, kura ita, fó perdua ba ita, ka fó matadalan ba ita. Bénsaun hotu-hotu mak razaun ida atu fó obrigadu ba Maromak. 

Kuandu ita fó hahi'i ba Maromak, ita muda ita-nia matan husi ita-nia problema ba Maromak nia kbiit boot. Hahi'i Maromak lori dame. Hahi'i Maromak lori ksolok. Hahi'i Maromak lori Ninia prezensa mai ita-nia moris. 

Ohin loron, foti tempu atu hahi'i Maromak ho Ita-nia laran tomak. Ko'alia ho lian maka'as buat ne'ebé Nia halo ona ba ita. Kanta knananuk ida. Halo orasaun hodi fó agradesementu. Husik Ita-nia laran nakonu ho gratidaun. 

Laran ne'ebé hahi'i Maromak la'o besik ho Nia - no ida-ne'e halo ita la'o iha dalan loos hodi la'o ba oin ho laran-metin iha dalan ba lalehan. 

Orasaun: Nai, ami hahi'i Ita ho ami-nia laran tomak. Obrigadu ba Ita-Boot nia hahalok furak sira iha ami-nia moris. Hakonu ami-nia laran ho agradese no ajuda ami moris loroloron iha Ita-Nia prezensa bainhira ami la'o iha dalan ba lalehan. Amen.

Salmu 9:1

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak ne'ebé lori ita-nia todan

Adora ba Nai ne'ebé lori ita loro-loron, ba Maromak ne'ebé fó salvasaun mai ita. Salmu 68:19 BK

Salmu 68:19

Iha ita-nia moris, ita lori todan barak. Todan balu ita bele haree - hanesan moras, problema finanseiru, ka problema família nian. Problema balu subar an iha ita-nia laran - hanesan ta'uk, hanoin resin, sente mesak de'it, ka moras ne'ebé ita la bele esplika. Maibé Salmo 68: 19 fó ita promesa furak ida: Maromak lori ita-nia todan loroloron. 

Versikulu ne'e hatete "loron-loron" tanba Maromak ajuda ita la'os dala ruma de'it. Nia la'os de'it apoia ita kuandu ita sente forte. Nia ajuda ita loroloron, maski ita sente fraku ka kole. Nia la'ós Maromak ne'ebé haree ita hosi dook de'it. Nia mak Aman domin na'in ne'ebé besik no lori ita-nia todan hotu ne'ebé ita labele lori. 

Dala barak, ita koko atu lori buat hotu mesak de'it. Ita koko atu rezolve ita-nia problema hotu, hadi'a ita-nia situasaun hotu, no koko atu haforsa an mesak deit. Maibé Maromak nunka husu ita atu halo ida ne'e. Maibé, Jesus konvida ita hodi dehan "mai ba ha'u... no ha'u sei fó deskansa ba imi". Maromak hakarak ita intrega ita-nia todan ba Nia - liuhusi orasaun, fiar, no intrega an ba Nia. 

Kuandu ita fó ita-nia todan ba Nai, Nia fó dame mai ita. Nia fó forsa ba ita ohin no esperansa ba aban. Nia troka ita-nia ta'uk ho aten-barani, no ita-nia triste ho komfortu.

Entaun ohin, foti tempu atu tau ita-nia todan iha Maromak nia oin. Hatete ba Nia buat ne'ebé todan iha ita-nia laran. Fiar katak Nia sei foti todan ne'e, dirije ita, no la'o hamutuk ho ita. 

Kuandu ita husik Maromak lori ita-nia todan, ita bele la'o ho kman liu, libre liu, no forte liu hodi lao iha dalan ba lalehan. 

Orasaun: Nai, obrigadu, tamba lori ami-nia todan loroloron. Ajuda ami tau fiar ba Ita no entrega buat hotu ne'ebé hatodan ami. Fó dame no forsa mai ami bainhira ami la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Moris ho laran- luak

Fó ba, no imi sei hetan. Nia sei sukat di-diak, hanehan tuun, doko tan, enxe resin no tau iha imi nia hitin. Tanba buat ne'ebé imi sukat ba ema, nune'e ema sei sukat fali ba imi. Lucas 6:38 BK

Lucas 6:38

Jesus hanorin ita iha versíkulu ida-ne'e katak moris ho laran-luak lori bénsaun boot - la'ós de'it ba ema seluk, maibé mós ba ita. Laran-luak mak liu fali fó osan. Ne'e mak fó ita-nia tempu, kuida, perdua, hadomi no ajuda ema ne'ebé presiza. 

Iha Jesus Nia tempu, ema uza raga hodi sukat trigu. Bainhira ema ida hakarak hatudu laran-luak, sira hanehan trigu ne'e tun, baku atu halo fatin barak liután, no tau tan trigu to'o resin. Ida-ne'e mak imajen ne'ebé Jesus uza atu hatudu oinsá Maromak rekompensa ba ema ne'ebé laran-luak. Kuandu ita fó buat hotu ho laran-luak, Maromak sei fó fali bénsaun sira ne'ebé nakonu to'o resin.

Maibé Jesus la hanorin ita atu fó de'it atu ita bele simu. Nia hakarak ita atu iha laran hanesan Ninian - laran-di'ak, nakloke no iha dezezu atu fahe. Laran-luak hatudu Maromak-Nia domin ba mundu. Kuandu ita ajuda ema seluk, ita refleta Jesus Nia hahalok ne'ebé fó Ninia moris ba ita. 

Dala ruma ita hanoin katak ita la iha buat barak atu fó. Maibé Maromak mós bele uza hahalok laran-di'ak ne'ebé ki'ik liu, hanesan oin-midar, orasaun, vizita, no hahán atu book ema nia laran. Buat ne'ebé importante mak la'ós prezente ne'ebé boot, maibé domin ne'ebé sai ita-nia motivu. 

Entaun ohin, husu Maromak atu halo ita sai ema laran-luak. Buka ema ne'ebé Ita bele fo bensaun. Fo ho laran-haksolok tamba ita hatene katak Maromak haree asaun karidade hotu ne'ebé ita halo no sei fó fali buat ne'ebé boot liu fali buat ne'ebé ita bele imajina. 

Kuandu ita moris ho laran-luak, ita la'o tuir Jesus nia hakat sira, no ita ajuda gia ema seluk atu la'o iha dalan ba lalehan. 

Orasaun: Nai, fó laran-luak mai ami. Ajuda ami fahe buat ne'ebé ami iha ho ksolok no domin. Uza buat ne'ebé ami fo atu haraik bénsaun ba ema seluk no lori sira la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More