Generosidade/laran-luak

Nia ne'ebé fó bensaun gratis deit sei sai bokur, no nia nebee foo bee sei hetan fali bee. Provérbiu 11:25 BK

                           Provérbiu 11:25

Versikulu iha Proverbios ne'e hanorin ita lia-loos ne'ebé furak kona-ba generosidade ka laran-luak. Maromak fo bensaun ba ema sira ne'ebé haraik bénsaun ba ema seluk. Kuandu ita fó ho laran - ita-nia tempu, ita-nia domin, ita-nia laran-di'ak, Maromak hakonu fali ita hodi kontinua fó bénsaun ba ema barak liután. 

Laran-luak la'ós de'it kona-ba osan. Ema ne'ebé laran-luak voluntarimente hakarak fahe korajen, ai-han, halo orasaun ba ema seluk, vizita ema ne'ebé moris mesamesak, fó perdua lalais, no ajuda ema neʼebé presiza. Kuandu ita laran-luak ba ema seluk, ita fó komfortu, forsa, no esperansa ba sira-nia moris. 

Maromak haree buat ki'ik hotu ne'ebé ita halo ho domin. Hahalok ki'ik sira mós importante. Liafuan di'ak ida bele enkoraje no hamoris ema nia espíritu. Orasaun simples ida bele fó korajen ba ema seluk. Prezente ki'ik ida bele fó-hanoin ema katak Maromak kuida. No bainhira ita fó komfortu ba ema seluk, Maromak mós fó komfortu mai ita. Nia fó ksolok, dame, forsa, no bénsaun foun ba ita. 

Generosidade ka laran-luak refleta Maromak nia hahalok. Nia mak Maromak ne'ebé laran-luak liu hotu - Nia fó ita iis moris nian, moris ne'e rasik, salvasaun, fó perdaun, no Ninia domin ne'ebé la iha rohan. Kuandu ita fó, ita banati-tuir Nia. No kuandu ita banati-tuir Nia, ita sai hanesan Jesus. 

Dala ruma ita sente ta'uk atu fó tanba ita hanoin katak ita la iha osan ka sasan ne'ebé sufisiente. Maibé Maromak promete katak ema ne'ebé laran-luak sei moris-di'ak - la'ós sempre ho osan, maibé ho bénsaun espirituál, dame iha laran, no ho laran-haksolok. 

Ohin, husu Maromak atu halo ita laran-luak. Buka ema ida atu bele fó bénsaun ba. Fó ho laran-manas no haksolok, hodi fiar katak Maromak sei kuida ita. 

Ema ne'ebé laran-luak hatudu Maromak-Nia domin ba mundu, no ajuda ema seluk atu la'o iha dalan ba lalehan. 

Orasaun: Nai, halo ami sai laran-luak hanesan Jesus. Ajuda ami atu fó kmaan ba ema seluk ho laran-di'ak no domin. Bainhira ami fó, hakonu fali ami ho Ita-nia bénsaun atu nune'e ami bele kontinua la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak mak ita-nia protejedor

Nai sei proteje ò, Nai mak ó-nia mahon iha ó-nia liman loos. Salmu 121:5 BK

Salmu 121:5

Salmu 121 mak knananuk fiar nian. Dala barak povu Izrael kanta salmu ne'e bainhira sira halo viajen liu husi foho perigu sira hodi ba adora Maromak. Sira-nia viajen dook no nakonu ho risku - hanesan animál fuik sira, na'ok-teen sira, rai-manas no la'o iha dalan ne'ebé kloot no perigu. Maibé sira fó-hanoin ba sira-nia an kona-ba lia-loos ida-ne'ebé iha kbiit boot: Nai mak sira-nia protejedor. 

Versíkulu 5 hatete katak Maromak "sei proteje ò". Ne'e katak nia nunka taka ninia matan, nunka husik ninia pozisaun, no nunka haluha ita. Maromak la'ós hanesan guarda ema ne'ebé bele sai kole. Nia sempre matan-moris, Ninia prezensa sempre iha, no sempre defende Ninia oan sira. 

Versikulu ne'e mós hatete katak Maromak mak "Ó-nia mahon iha ó-nia liman loos". Iha loro-matan ne'ebé manas iha medio oriente, mahon signifika seguransa, komfortu no protesaun husi rai-manas. Hanesan ne'e mós, Maromak fó komfortu espirituál mai ita - komfortu bainhira ita sente susar iha moris, dame bainhira ita hanoin resin kona-ba ita-nia moris, no forsa kuandu ita sente fraku. 

Maski ita hasoru susar oioin ohin loron - hanesan ta'uk, moras, problema iha ita-nia uma, ka dezafiu sira iha ita-nia serbisu fatin - hanoin ba katak Maromak hamriik besik ita-nia sorin. Nia besik, la dook ida. Nia proteje ita husi perigu ne'ebé ita haree no perigu ne'ebé ita la haree. Ninia kuida kobre ita iha tempu loron, tempu kalan, ita-nia hakat sira no ita-nia futuru. 

Ita la la'o mesak de'it. Na'i mak ita-nia protector, agora no ba nafatin. 

Tau fiar ba Nia, hakbesik nafatin ba Nia, no kontinua la'o tuir Nia ho laran-metin. Ho Nai ne'ebé proteje ita-nia moris, ita bele la'o ho seguru no ho fiar an iha dalan ba lalehan. 

Orasaun: Nai, obrigadu tanba Ita mak ami-nia protector. Tau matan ba ami-nia hakat sira no proteje ami husi buat-aat hotu. Ajuda ami tau fiar ba Ita-Boot bainhira ami kontinua la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Seraké ita preparadu ba Jesus nia mai fali daruak?

Nunee matan moris ba, tanba imi la hatene oras ne'ebé imi-nia Nai sei mai. Mateus 24:42 BK

Mateus 24:42

Iha evanjellu Mateus 24, Jesus hanorin Ninia dixipulu sira kona-ba Ninia tempu atu mai fali ba dala rua. Nia esplika katak la iha ema ida mak hatene loron ka oras - anju sira mós lahatene, dixipulu sira mós lahatene - so Aman Maromak deit. Tan ne'e, Jesus haruka ita atu matan-moris nafatin no prontu nafatin kualkér momentu. 

"Matan moris" la signifika katak ita hateke hela de'it ba lalehan. Maibé ida ne'e signfika moris loroloron ho laran ne'ebé prontu atu hasoru Jesus. Ida-ne'e signifika katak mantein ita-nia fidelidade, halo tuir Ninia Liafuan sira iha sagrada Eskritura, no la'o besik ho Nia hosi loron ba loron. Ema ne'ebé prontu atu simu Jesus la la'o tuir mundu nia hakarak, maibé la'o tuir Nai Jesus ho seriadade ka sinseridade.

Jesus fó ezemplu ida iha kapítulu ne'e: se uma na'in hatene bainhira mak na'ok-teen mai, nia sei hadeer nafatin proteje ninia uma. Nune'e mós, tanba ita la hatene bainhira mak Jesus sei fila fali mai, ita-nia laran tenke hadeer nafatin no hametin ita-nia fiar loron-loron. 

 Preparadu signifika: 

 *Hadook an husi pekadu 

 *Halo ita-nia laran sai moos no haraik-an 

 *Hadomi ema seluk hanesan Jesus hanorin 

 *Halo orasaun loroloron 

* Fiél nafatin maski iha susar laran 

 *Halo tuir Maromak nia Liafuan

Jesus Nia fila fali mai dala rua, la'ós buat ne'ebé halo ita ta'uk, maibé buat ne'ebé ita hein no espera. Ba sira ne'ebé tau fiar ba Maromak, ne'e mak loron ne'ebé sira hein no hetan ksolok, vitória, no moris rohan-laek. Maibé ita tenke prontu. Ita la bele hein to'o "tarde liu". Ohin loron mak tempu atu la'o tuir Nia ho laran-metin. 

Husu ba ita-nia an: Se Jesus fila fali mai ohin, seraké ha'u prepararadu? Se lae, mai la'o tuir Nia agora. Hili obedese, hili hahalok santu, hili Jesus. 

Ema ne'ebé sira-nia laran preparadu, sei la'o ho konfiansa hodi hein Nai Jesus Ninia mai ba daruak no la'o ho firmi iha dalan ba lalehan. 

Orasaun: Nai Jesus, ajuda ami atu matan-moris nafatin no prontu hodi hein ita-nia fila fali ba daruak. Halo ami-nia laran fiél nafatin, ami-nia moris moos nafatin, no hali ami la'o besik ho Ita. Prepara ami loron-loron bainhira ami kontinua la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More