Mesias moris ona

Tanba ohin, iha sidade David nian, Salvadór ida moris mai ba imi. Nia mak Nai Kristu. Lucas 2:11 BK 

Lucas 2:11

Lucas 2: 11fov avizu kona-ba momentu ida-ne'ebé boot liu iha istória. Anju ida hatete ba bibi-atan sira katak Salvador moris ona. Labarik ne'e la'ós bebé baibain ida. Nia mak Mesias, ida ne'ebé Maromak promete ona iha tempu uluk kedas. Nia mós bolu nu'udar Nai, hodi hatudu katak Nia mai ho Maromak Nia autoridade no podér. Versíkulu ne'e hatudu ho klaru katak Maromak kumpre Ninia promesa atu haruka Salvador ida. 

Bainhira Jesus mai moris iha Belein, ne'e mak Jesus Ninia mai ba dahuluk. Nia mai ho haraik-an, moris iha sidade ki'ik ida, moris iha bibi luhan, no bibi-atan sira mak simu nia. Bainhira Jesus mai dahuluk, Nia mai atu serbí, hanorin lia loos no fo dalan salvasaun ba ia ema maksalak. Nia moris iha ema nia leet, hatudu Maromak Nia domin, kura ema ne'ebé moras, hamoris ema mate no ikusmai fó Ninia moris hodi kasu ita-nia sala sira iha foho klKalvariu. Liuhusi Jesus nia mate no moris-hias, ema hotu ne'ebé fiar ba Nia bele hetan salvasaun. 

Kuandu ita selebra Natal, ita hanoin fila fali Jesus Ninia mai dahuluk. Maibé ne'e la'ós de'it selebrasaun ba buat ne'ebé akontese iha tempu pasadu. Selebrasaun natál mós fo hanoin ita kona-ba futuru. Jesus ne'ebé hanesan ne'ebé mai nu'udar bebé iha Belein, promete ona atu mai fali (João14:1-3). Jesus Ninia mai ba dala rua, sei la ho haraik-an, maibé Nia sei mai ho glória (Mateus 24:30, Mateus 25:31, Lucas 21:27). Nia sei fila fali nu'udar Liurai hodi tesi-lia ba mundu (Apóstolu 17:30:31, João 5:22, 27) no halibur Ninia povu sira ne'ebé fiar no halo tuir Ninia hanorin sira iha sagrada Eskritura. 

Tan ne'e, bainhira ita halo selebrasaun ba Mesias nia moris, ita tenke prepara ita-nia laran. Ita presiza moris ho fiar, halo tuir Ninia hanorin sira no prontu atu simu Nia bainhira Nia mai fali ba daruak. Ita la'ós de'it hateke fali ba kotuk, maibé ita mós tenke hateke ba oin hodi hein ho esperansa. 

Bainhira ita selebra Jesus Ninia mai ba dahuluk iha Belein, ita mós tenke prepara an ba Ninia fila-fali ba daruak tuir Ninia promesa iha joão 14:1-3. Ita tenke moris ho fíel ba Maromak hosi loron ba loron. Bainhira ita tau fiar ba Jesus no la'o tuir Ninia hanorin sira iha sagrada Eskritura, ita sei prontu nafatin hodi simu Nia no kontinua la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Notísia di'ak ba ema hotu

No tebes, Nai nia anju ida mosu ba sira, no Nai Nia glória nabilan haleu sira. No sira sai ta'uk tebes. Anju ne'e dehan ba sira, “Keta ta'uk, tanba tebes, ha'u hato'o liafuan diak ne'ebé sei fó haksolok boot ba povu hotu.” Lucas 2:9-10 BK

Lucas 2:9-10 

Lucas 2: 9-10 fó-hatene ba ita kona-ba momentu furak bainhira Maromak fahe notísia di'ak ba mundu. Bibi-atan sira hein sira-nia bibi iha kalan bainhira derrepente de'it Nai nia anju ida mosu. Maromak Nia glória nabilan hale'u sira, no sira ta'uk tebes. Ida-ne'e hatudu ba ita katak ita ema naturalmente hamta'uk duni Maromak nia santidade no podér. 

Maibé anju ne'e ko'alia lalais hodi dehan: "Keta ta'uk." Maromak la mai atu halo ema ta'uk, maibé atu haraik bénsaun ba sira. Tuirmai anju ne'e fó sai notísia di'ak ne'ebé sei lori ksolok boot ba ema hotu. Notísia di'ak ne'e mak kona-ba Jesus Kristu, Salvadór nia moris. 

Importante atu nota se mak simu mensajen ne'e dahuluk. Anju ne'e la ba hasoru liurai, ema riku, ka ulun-nain relijiaun sira. Nia mai hasoru bibi-atan sira, ema baibain iha komunidade nia leet. Ida-ne'e hatudu katak Maromak nia notísia di'ak ne'e ba ema hotu, la'ós ba ema balu de'it. La prekupa ho ita-nia background, edukasaun, ka pozisaun iha ita-nia moris, Maromak konvida ita hotu atu simu Ninia ksolok. 

Notísia di'ak mak Jesus mai atu salva ema sala-na'in sira, fó esperansa ba sira ne'ebé lakon, no lori dame ba sira ne'ebé laran susar. Bainhira Jesus mai, ita-nia ta'uk troka ho ksolok, nakukun ho naroman, no silensiu ho hahi'i. Mensajen ne'e sei loos nafatin to'o ohin loron. Jesus sei sai nafatin Salvador, no Ninia liafuan di'ak sei muda nafatin ita-nia moris. 

Kuandu ita simu notísia di'ak ne'e, ita-nia laran nakonu ho esperansa. Ita la presiza tan moris ho ta'uk ka sentimentu sala. Maromak hakbesik ona ba ita liuhusi Nai Jesus. 

Bainhira ita fiar no fahe notísia di'ak ne'e ba ema seluk, ita la'o ho ksolok no fé. Simu Jesus no tau fiar ba Maromak mak halo ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Prepara fatin ba Jesus

No nia tuur ahi oan-mane primeiru. Nia falun ninia oan ho hena no hatoba nia iha animál nia haan fatin, tanba la iha fatin iha uma ida atu hela. Lucas 2:7 BK 

Lucas 2:7

Lucas 2: 7 fó-hatene lia-loos ne'ebé simples maibé forte kona-ba Jesus Nia moris. Kuandu mundu nia Salvador moris, la iha fatin ba nia iha uma aluga sira. Jesus la mai iha fatin luxu hanesan palásiu ka uma ne'ebé komfortavél. Sira tau Nia iha fatin ai-han animál nian, ka fatin atu fó-han ba animál sira. Ida-ne'e hatudu katak nia haraik-an tebes. 

Ema iha Belein okupadu tebes. Sidade ne'e nakonu tanba sensus. Odamatan barak mak tak, la'ós tanba ema laran-aat, maibé tanba sira okupadu. Ida-ne'e fó-hanoin ita kona-ba lisaun importante ida: ita bele sai okupadu no lakon Jesus. 

Ohin loron, Jesus sei mai iha ita-nia moris ho laran-maus. Nia la obriga Ninia an atu tama ba ita-nia fatin. Nia hein ita atu prepara fatin ba Nia iha ita-nia laran. Dala ruma ita-nia laran nakonu ho prekupasaun, serbisu, osan, planu moris nian, ka atividade loron-loron nian. Bainhira ita prekupa ho buat sira ne'e, ita sei la bele fornese fatin mamuk ba Jesus. 

Fornese fatin ba Jesus signifika tau Jesus hanesan prioridade dahuluk iha ita-nia moris. Ida-ne'e signifika katak simu Nia iha ita-nia hanoin, desizaun no hahalok loroloron nian. Ita prepara fatin ba Jesus liuhusi halo orasaun, lee Biblia, halo tuir Ninia Liafuan sira, no tau fiar ba 3nia iha ita-nia moris. Jesus la presiza ema ne'ebé iha laran perfeitu, maibé nia presiza de'it ema ne'ebé laran nakloke ba Nia. 

Maski la iha fatin ida iha uma-aluga sira iha tempu Jesus moris, maibé Maromak Nia planu la para. Jesus mai nafatin- lori esperansa, dame no salvasaun ba mundu. 

Kuandu ita hili atu prepara fatin ba Jesus iha ita-nia laran, Nia halo ita-nia moris nakonu ho naroman no dame. Simu Jesus loroloron, sei ajuda ita atu la'o ho laran-metin iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More