Hela iha Maromak Nia uma

Buat ida mak ha'u husu ona ba Nai, no ha'u sei buka ida ne'e de'it: katak ha'u bele hela iha Nai nia uma durante ha'u-nia moris tomak, hodi ha'u bele haree Nai nia oin furak, no medita iha Ninia templu. Salmu 27:4 BK 

Salmu 27:4

Salmo 27 hakerek hosi liurai David iha tempu susar. Inimigu sira hale'u nia, no perigu mós besik nia. Maibé, duke husu uluk Maromak atu fo salvasaun ka vitória, David husu buat prinsipál ida: nia hakarak hela iha Nai nia uma. Ida-ne'e hatudu saida mak importante liu ba nia: moris besik ba Maromak. 

Iha Biblia nia tempu, "Nai Nia uma" mak fatin adorasaun nian, iha ne'ebé sira bele haree Maromak nia prezensa iha sira-nia leet. Liurai David la'ós de'it hakarak atu vizita fatin ne'e, maibé atu moris iha Maromak nia prezensa loroloron. Nia hakarak haree Maromak Nia furak, katak Maromak Nia karakter: Ninia domin, laran-sadi'a no santu. 

Atu hela hamutuk ho Maromak la signifika katak ita tenke hela iha templu laran ba nafatin. Ida-ne'e signifika katak halo Maromak sai sentru iha ita-nia hanoin, iha ita-nia desizaun no iha ita-nia moris loroloron. Ida-ne'e signifika katak ita bele adora Maromak ho domin, tau fiar ba Maromak iha tempu susar, no buka Ninia matadalan liuhusi orasaun no Ninia Liafuan. 

Liurai David hatene katak besik ba Maromak sei lori dame maski iha tempu susar. Kuandu ita hela hamutuk ho Nai, sentimentu ta'uk sai ki'ik, no ita-nia fé sai forte liután. Maromak sai ita-nia fatin refujiadu ba protesaun, mestre no esperansa. 

Ohin loron, Maromak mós konvida nafatin ita atu hela hamutuk ho Nia. Liuhusi Jesus, ita bele mai ho aten-barani iha Maromak Nia prezensa. Ita bele la'o hamutuk ho Maromak iha uma, iha serbisu fatin, no iha fatin ne'ebé de'it ita ba. Moris ne'ebé hamutuk ho Maromak mak moris ne'ebé nakonu ho ojetivu no esperansa. 

Kuandu ita hili atu hela iha Nai Nia prezensa loroloron ida ne'e sei forma ita-nia laran ne'ebé nakonu ho domin no lia-loos. Moris besik ba Maromak agora, no ida-ne'e sei prepara ita atu moris hamutuk ho Nia ba nafatin no ajuda ita hodi la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak halo loron Sabdu ba ema

Depois Nia hatete ba sira, “Maromak halo loron Sabdu ba ema, laos ema ba loron Sabdu.” Marcos 2:27 BK 

Marcos 2:27

Atu komprende versikulu ne'e, ita presiza haree kona-ba ninia kontestu. Iha Marcos 2, Jesus ho Ninia dixipulu sira la'o liu hosi toos trigu nian iha loron Sabadu. Dixipulu sira foti trigu balu atu han tanba sira hamlaha. Ema farizeu sira kritika dixipulu sira tanba fiar katak hahalok ne'e viola ukun-fuan Sabadu nian. Sira-nia fokus mak kona-ba regras ne'ebé ema halo, la'ós kona-ba Maromak Nia ojetivu orijinál. 

Jesus hatán hodi fó-hanoin sira kona-ba Eskritura. Nia ko'alia kona-ba David han paun ne'ebé konsagra ona iha templu bainhira nia presiza (1 Samuel 21). Tuirmai Jesus hatete: “Maromak halo loron Sabdu ba ema, laos ema ba loron Sabdu.” Ne'e signifika katak loron Sabadu mak prezente husi Maromak, la'ós todan ida. 

Husi tempu uluk kedas, Maromak estabelese loron Sabadu (Jenesis 2: 2-3). Loron ne'e estabelese atu sai hanesan loron deskansa nian, bénsaun nian, no atu dezenvolve relasaun di'ak ho Maromak. Iha loron Sabadu Biblia nian, ita bele prátika hahalok laran-sadi'a, nesesidade no adorasaun. Kura ema moras, fó-han ema hamlaha, no halo buat di'ak nunka kontra Maromak nia ukun-fuan. Buat ne'ebé Jesus korrije mak la'ós loron Sabadu ne'e, maibé ema nia tradisaun ka regras ne'ebé sala konaba observasaun loron sábado.

Loron Sabadu hanorin ita atu tau fiar ba Maromak, deskansa husi ita-nia serbisu, no hanoin Nia nu'udar Kriador no Salvador. Loron Sabadu ne'e Maromak estabelese atu restaura fali ita-nia isin, ita-nia neon no ita-nia laran. Kuandu ita kontinua observa loron Sabadu tuir Maromak nlNia Liafuan, loron Sabadu lori ksolok, dame, no hakmatek ho Maromak. 

Jesus la halakon loron Sabadu, maibé Nia restaura fali ninia signifikativu ne'ebé loos. Nia hatudu katak domin, laran-sadi'a, no halo tuir Maromak nia Liafuan mak importante tebes atu halo iha loron Sabadu. 

Kuandu ita simu loron Sabadu nu'udar prezente ne'ebé Maromak fó no halo tuir Ninia Liafuan duke ema nia tradisaun, ita hakbesik liután ba Maromak. Halo tuir Jesus no deskansa hamutuk ho Nia, ida-ne'e sei ajuda ita atu moris no la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak bele renova ita-nia moris

Nune'e ami la sai fraku. Maski ami nia isin iha liur bele sai aat, ami nia laran sai foun fila fali loron ba loron. 2 Korinto 4:16 BK 

2 Korinto 4:16

Serake  ita esperiensia sentimentu kole demais? La'ós de'it iha ita-nia isin, maibé iha ita-nia laran. Moris bele hetan susar. Ita bele sofre moras. Ita bele hasoru problema. Ita mós  bele iha prekupasaun oinoin. Hosi loron ba  oron, ita-nia idade aumenta tan. 

Apóstolu Paulo mós sente hanesan ne'e. Maibé nia hatete ba ita segredu ida: "Ita labele  rende" Tanbasa? Tanba Maromak halo buat ne'ebé furak tebes iha ita-nia laran. 

Loos duni, ita-nia isin-lolon parte liur sai tuan hosi tempu ba tempu. Ne'e akontese ba ema hotu. Maibé ba ema ne'ebé la'o tuir Jesus, buat ida diferente akontese iha sira-nia laran. Maromak halo sira-nia espíritu sai foun hosi loron ba loron. 

Ida ne'e signfika katak Maromak fó forsa ba ita kuandu ita fraku. Nia fó esperansa foun mai ita kuandu ita triste. Nia fó dame mai ita kuandu ita hanoin barak kona-ba buat ruma. Karik ema haree hanesan la iha mudansa iha ita-nia li'ur, maibé iha laran, Maromak transforma ita. Nia halo ita sai hanesan Jesus hosi  loron ba loron. 

Entaun ohin, keta hateke de'it ba ita-nia problema sira. Keta sente de'it  Ita-nia isin kole. Haree ba ita-nia laran. Husu ba Maromak: "Favór  renova ha'u agora. Fó Ita-nia forsa mai ha'u." Ko'alia ba Maromak. Lee Ninia Biblia sagrada. Husik Nia halo ita nakonu ho Ninia domin no podér. Karik problema sira iha li'ur sei iha nafatin, maibé ita sei hasoru problema sira-ne'e ho laran foun. 

Dalan ba lalehan mak viajen ida. Maski ita-nia isin la'o  hela iha dalan ne'ebé fraku. Maibé ita-nia espíritu iha hela Maromak Nia dalan - dalan ba lalehan,  iha ne'ebé Maromak halo ita sai forte liután no foun liután loroloron  to'o  bainhira  ita hela hamutuk ho nia loron ida. Entaun keta rende an. Tamba Maromak renova ita atu halo viajen  ba lalehan. 

Orasaun:  Nai, ami-nia isin kole ona. Maibé ami agradese  tanba Ita bele halo ami sai foun iha laran ohin. Favór, fó Ita-nia forsa no dame mai ami. Ajuda ami atu kontinua la'o iha dalan ba lalehan. Hodi Jesus nia naran, ami harohan,  Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube:  Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More