Naroman boot

Hamriik no leno ba, tanba ita-nia naroman mai ona, no Nai nia glória sa'e ona no leno ba ita. Isaias 60:1 BK 

Isaias 60:1 BK 

Isaias 60 hakerek ba Maromak Nia povu durante tempu ne'ebé sira sente fraku, deskorajen, no hale'u ho nakukun. Sira hasoru susar oioin, senti lakon no esperansa senti dook hosi sira. Iha situasaun hanesan ne'e, Maromak ko'alia liafuan korajen ba sira. Nia haruka sira hamriik no sai nabilan, la'ós tanba sira forte, maibé tanba Ninia naroman mosu ona ba sira. 

"Naroman" iha versíkulu ida-ne'e mak Nai Nia glória. Ne'e la'ós naroman ne'ebé ema mak halo. Ne'e mak Maromak Nia prezensa, lia-loos no salvasaun rasik. Nakukun reprezenta sala, ta'uk, no la iha esperansa. Maibé Maromak promete katak Ninia naroman sei boot liu fali nakukun. Kuandu Maromak Nia naroman mosu, nakukun sei lakon. 

Promesa ne'e mós indika ba Jesus Kristu. Jesus mai nu'udar naroman ne'ebé loos no naroman ne'ebé boot liu iha mundu (João 8: 12, João 1:4-5). Liuhusi Jesus, Maromak Nia glória hatudu ho klaru. Jesus fó perdua, kura, no esperansa ba ema hotu ne'ebé fiar. Ninia naroman kontinua fo roman to'o ohin loron ba ema sira ne'ebé fiar ba Nia. 

Kuandu Maromak Nia naroman fó roman mai ita, nia bolu ita atu hamrik. Ida-ne'e katak ita la bele ta'uk nafatin ka desperadu. Ita hamriik metin iha fiar no moris iha dalan foun. Ita bele refleta Nai Nia naroman liuhusi ita-nia liafuan, asaun no oinsa ita hala'o ita-nia moris loroloron. Hahalok laran-di'ak simples ida bele hatudu naroman ba ema seluk. 

Ita la kria naroman, maibé Maromak fó naroman ne'e. Ita-nia parte mak simu naroman ne'e no husik ida-ne'e nabilan iha mundu ne'ebé nakukun. 

Kuandu ita la'o iha Maromak nia glória Nia naroman boot no la'o tuir Jesus loroloron, ita-nia moris lori ema seluk ba Jesus. Moris iha Ninia naroman halo ita kontinua la'o ho laran-metin no haksolok iha dalan ba lalehan.

Isaias 60:1 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hela iha Maromak Nia uma

Buat ida mak ha'u husu ona ba Nai, no ha'u sei buka ida ne'e de'it: katak ha'u bele hela iha Nai nia uma durante ha'u-nia moris tomak, hodi ha'u bele haree Nai nia oin furak, no medita iha Ninia templu. Salmu 27:4 BK 

Salmu 27:4

Salmo 27 hakerek hosi liurai David iha tempu susar. Inimigu sira hale'u nia, no perigu mós besik nia. Maibé, duke husu uluk Maromak atu fo salvasaun ka vitória, David husu buat prinsipál ida: nia hakarak hela iha Nai nia uma. Ida-ne'e hatudu saida mak importante liu ba nia: moris besik ba Maromak. 

Iha Biblia nia tempu, "Nai Nia uma" mak fatin adorasaun nian, iha ne'ebé sira bele haree Maromak nia prezensa iha sira-nia leet. Liurai David la'ós de'it hakarak atu vizita fatin ne'e, maibé atu moris iha Maromak nia prezensa loroloron. Nia hakarak haree Maromak Nia furak, katak Maromak Nia karakter: Ninia domin, laran-sadi'a no santu. 

Atu hela hamutuk ho Maromak la signifika katak ita tenke hela iha templu laran ba nafatin. Ida-ne'e signifika katak halo Maromak sai sentru iha ita-nia hanoin, iha ita-nia desizaun no iha ita-nia moris loroloron. Ida-ne'e signifika katak ita bele adora Maromak ho domin, tau fiar ba Maromak iha tempu susar, no buka Ninia matadalan liuhusi orasaun no Ninia Liafuan. 

Liurai David hatene katak besik ba Maromak sei lori dame maski iha tempu susar. Kuandu ita hela hamutuk ho Nai, sentimentu ta'uk sai ki'ik, no ita-nia fé sai forte liután. Maromak sai ita-nia fatin refujiadu ba protesaun, mestre no esperansa. 

Ohin loron, Maromak mós konvida nafatin ita atu hela hamutuk ho Nia. Liuhusi Jesus, ita bele mai ho aten-barani iha Maromak Nia prezensa. Ita bele la'o hamutuk ho Maromak iha uma, iha serbisu fatin, no iha fatin ne'ebé de'it ita ba. Moris ne'ebé hamutuk ho Maromak mak moris ne'ebé nakonu ho ojetivu no esperansa. 

Kuandu ita hili atu hela iha Nai Nia prezensa loroloron ida ne'e sei forma ita-nia laran ne'ebé nakonu ho domin no lia-loos. Moris besik ba Maromak agora, no ida-ne'e sei prepara ita atu moris hamutuk ho Nia ba nafatin no ajuda ita hodi la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak halo loron Sabdu ba ema

Depois Nia hatete ba sira, “Maromak halo loron Sabdu ba ema, laos ema ba loron Sabdu.” Marcos 2:27 BK 

Marcos 2:27

Atu komprende versikulu ne'e, ita presiza haree kona-ba ninia kontestu. Iha Marcos 2, Jesus ho Ninia dixipulu sira la'o liu hosi toos trigu nian iha loron Sabadu. Dixipulu sira foti trigu balu atu han tanba sira hamlaha. Ema farizeu sira kritika dixipulu sira tanba fiar katak hahalok ne'e viola ukun-fuan Sabadu nian. Sira-nia fokus mak kona-ba regras ne'ebé ema halo, la'ós kona-ba Maromak Nia ojetivu orijinál. 

Jesus hatán hodi fó-hanoin sira kona-ba Eskritura. Nia ko'alia kona-ba David han paun ne'ebé konsagra ona iha templu bainhira nia presiza (1 Samuel 21). Tuirmai Jesus hatete: “Maromak halo loron Sabdu ba ema, laos ema ba loron Sabdu.” Ne'e signifika katak loron Sabadu mak prezente husi Maromak, la'ós todan ida. 

Husi tempu uluk kedas, Maromak estabelese loron Sabadu (Jenesis 2: 2-3). Loron ne'e estabelese atu sai hanesan loron deskansa nian, bénsaun nian, no atu dezenvolve relasaun di'ak ho Maromak. Iha loron Sabadu Biblia nian, ita bele prátika hahalok laran-sadi'a, nesesidade no adorasaun. Kura ema moras, fó-han ema hamlaha, no halo buat di'ak nunka kontra Maromak nia ukun-fuan. Buat ne'ebé Jesus korrije mak la'ós loron Sabadu ne'e, maibé ema nia tradisaun ka regras ne'ebé sala konaba observasaun loron sábado.

Loron Sabadu hanorin ita atu tau fiar ba Maromak, deskansa husi ita-nia serbisu, no hanoin Nia nu'udar Kriador no Salvador. Loron Sabadu ne'e Maromak estabelese atu restaura fali ita-nia isin, ita-nia neon no ita-nia laran. Kuandu ita kontinua observa loron Sabadu tuir Maromak nlNia Liafuan, loron Sabadu lori ksolok, dame, no hakmatek ho Maromak. 

Jesus la halakon loron Sabadu, maibé Nia restaura fali ninia signifikativu ne'ebé loos. Nia hatudu katak domin, laran-sadi'a, no halo tuir Maromak nia Liafuan mak importante tebes atu halo iha loron Sabadu. 

Kuandu ita simu loron Sabadu nu'udar prezente ne'ebé Maromak fó no halo tuir Ninia Liafuan duke ema nia tradisaun, ita hakbesik liután ba Maromak. Halo tuir Jesus no deskansa hamutuk ho Nia, ida-ne'e sei ajuda ita atu moris no la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More