Nai nia laran-sadi'a sai foun dader-dader

Tanba Nai nia domin metin, nune'e ami la lakon hotu; Ninia laran-luak nunka para; buat sira ne'e sai foun dadeer-dadeer; Ó-nia fidelidade mak boot. Lamentasaun 3:22-23 BK 

Lamentasaun 3:22-23

Livru Lamentasaun hakerek iha tempu triste tebes ba Maromak nia povu. Babilonia harahun ona Jeruzalein, no povu hetan terus tanba sira-nia sala no rezultadu husi sira-nia hahalok-aat. Iha softementu ne'e nia laran, hakerek-nain ba Libru Lamentadaun hanoin-hetan buat importante ida: katak Maromak sei hatudu laran-sadi'a nafatin. 

Maromak nia laran-sadi'a signifika katak Nia la trata ita tuir buat ne'ebé ita merese tuir ita-nia sala. Maski povu Izrael falla halo tuir Maromak, maibé Maromak la rende buka tuir sira. Duke rende an, Nia hatudu domin no laran-sadi'a. Versíkulu ne'e fó-hanoin ita katak tanba Maromak Nia laran-sadi'a mak ita sei moris too ohin loron no iha esperansa nafatin. 

"Sai foun Dadeer-dadeer" signifika katak loron-loron ita iha biban atu hahú relasaun foun fali ho Maromak. Pekadu horiseik nia la presiza kontrola ita-nia moris ohin loron nian. Kuandu ita hadeer mai kada dader, Maromak Nia laran-sadi'a hein ona ita. Kada dader, Maromak nia perdua, pasiénsia, no domin, prontu fali ona, la prekupa saida mak akontese ona horseik.

Lia-loos ne'e fó kmaan ba ita-nia laran ne'ebé sente kole. Moris bele sai todan, no dala ruma ita sente fraku ka deskorajen. Maibé Maromak nia fidelidade la muda. Ema bele halo ita falla, ita-nia aan bele halo ita falla, maibé Maromak mantein fiél nafatin loroloron. 

Kuandu ita hatene ida-ne'e bele ajuda ita atu moris ho esperansa. Ita bele hakbesik ba Maromak liuhusi orasaun, konfesa ita-nia sala, no tau fiar ba nia atu ajuda ita hahú foun fali. Ninia laran-sadi'a fó forsa mai ita atu kontinua la'o ba oin no korajen hodi hasoru kada loron foun. 

Kuandu ita tau fiar ba Maromak Nia laran-sadi'a ne'ebé nunka falla, no moris loroloron depende ba Nia fidelidade, ita-nia moris sei renova ka hafoun fali kada loron. La'o iha Ninia laran-sadi'a loron-loron, lori ita hakat ba oin ho esperansa atu nafatin la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá halo Maromak kontente?

Keta haluha atu halo di'ak no atu fahe buat ne'ebé ita iha. Tanba Maromak kontenti kona ba sakrifísiu hanesan ne'e. Ebreu 13:16 BK 

Ebreu 13:16

Livru Ebreu hanorin ema fiar-na'in oinsá atu moris ho laran-metin nu'udar Jesus nia dixipulu. Iha kapítulu ikus, hakerek-nain fó matadalan kona-ba prátika moris Kristaun loroloron nian. Ebreu 13: 16 fó-hanoin ita katak halo Maromak kontente la'ós de'it ho liafuan ka aktu relijiaun de'it, maibé kona-ba oinsá ita trata ema seluk. 

Maromak kontente kuandu ita halo buat di'ak. Halo di'ak signifika hatudu laran-di'ak, fó perdua, no tau matan ba ema ne'ebé presiza. Karik hahalok sira-ne'e mak buat ki'ik ida, maibé folin-boot ba Maromak. Asaun sira ne'e hatudu katak Ninia domin moris iha ita-nia laran. 

Versikulu ne'e mós ko'alia kona-ba fahe (buat ruma) ho ema seluk. Fahe la'ós de'it osan. Fahe iha forma oinoin: bele fahe hahán, tempu, fó liafuan korajen, ka fó komfortu. Kuandu ita fahe buat ne'ebé Maromak fó mai ita, ita hatudu fiar ba Maromak no hadomi ema seluk. Maromak bolu aktu ida hanesan ne'e nu'udar "sakrifísiu" tanba dala barak aktu sira ne'e presiza haka'as an, sakrifika ita-nia tempu, ka presiza sai hosi ita-nia zona komfortu. 

Iha Testamentu Antigu, ema hasa'e sakrifísiu animál atu halo Maromak kontente. Maibé iha Testamentu Foun, Maromak hakarak atu ita hasa'e hasa'e sakrifísiu ne'ebé diferente - ne'e mak moris nakonu ho domin. Kuandu ita halo buat ne'ebé di'ak no fahe ho ema seluk, ita hasa'e ita-nia moris ba Maromak hodi fó onra ba Nia. 

Hanorin ne'e ajuda ita atu komprende katak ema hotu bele halo Maromak kontente. Ita la presiza sai riku, famozu, ka iha edukasaun boot. Ita presiza de'it Ita-nia vontade atu halo tuir Maromak no hadomi ema seluk. 

Kuandu ita moris ho laran-di'ak, laran-luak, no domin, ita sei fó ksolok ba Maromak Nia laran. Moris obedese ba Maromak no serbí ema seluk loroloron, ida-ne'e sei ajuda ita atu la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Halo buat hotu ba Maromak Nia glória

Entaun, se imi haan ka hemu, ka iha buat hotu ne'ebé imi halo, halo buat hotu-hotu ba Maromak Nia glória. 1 Korinto 10:31 BK 

1 Korinto 10:31

Iha 1 Korinto 10, apóstolu Paulo hanorin ema kristaun oinsá atu moris iha dalan ne'ebé fó glória ba Maromak iha sira-nia moris loroloron nian. Antes versíkulu ne'e, nia ko'alia kona-ba kuidadu atu la halo ema seluk sidi no hili buat ne'ebé di'ak, la'ós de'it ba ita-nia an rasik, maibé mós ba ema seluk. Ida-ne'e ajuda ita atu komprende sentidu hosi versíkulu 31. 

Halo buat ruma ba Maromak Nia glória, ida-ne'e katak moris iha dalan ne'ebé hatudu Maromak Nia laran-di'ak, domin, no lia-loos. Apóstolu Paulo uza ezemplu ne'ebé simples, han no hemu, atu hatudu katak buat ki'ik mós importante ba Maromak. Ida-ne'e signifika katak ita-nia moris loroloron nian la'ós de'it iha igreja mós tenke fó onra ba Maromak. 

Fo glória ba Maromak la rekere talentu espesiál ka asaun publika boot sira. Fo glória ba Maromak bele hatudu liuhusi onestu iha ita-nia serbisu fatin, hatudu laran-di'ak ba ita-nia família, pasiénsia ba ema seluk, no fiél ba ita-nia responsabilidade sira. Kuandu ita hili buat ne'ebé loos no hatudu domin, ita refleta Maromak Nia karakter. 

Versíkulu ne'e mós hanorin ita atu hanoin didi'ak molok halo buat ida. Tanbasa?, tamba ita-nia desizaun afeta ema seluk. Kuandu ita moris ho domin, ita ajuda ema seluk, atu bele haree Kristu iha ita. Ida-ne'e fó glória ba Maromak, tanba ema haree Maromak Nia domin iha ita-nia asaun sira. 

Moris hodi fó glória ba Maromak mós ajuda ita halo desizaun. Kuandu ita la serteza kona-ba ba saida mak ita bele halo, ita bele husu: "Serake ida-ne'e fó glória ba Maromak?" Pergunta simples ne'e bele proteje ita husi desizaun ne'ebé sala no lori ita ba moris ne'ebé di'ak liu tuir Maromak Nia hanorin.

Kuandu ita hili atu fó onra ba Maromak iha buat hotu ne'ebé ita halo (kiik ka boot), ita-nia moris sai nu'udar sasin ba Maromak Nia grasa. Moris ba Ninia glória loroloron ajuda ita la'o ho laran-metin nafatin iha dalan ba lalehan.

1 Korinto 10:31

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More