Oinsá atu salva ita-nia moris

Tanba ema ne'ebé hakarak salva ninia moris, sei lakon ninia moris ne'e; no ema ne'ebé lakon ninia moris, tanba Ha'u no tanba evanjelhu, nia sei hetan fali ninia moris ne'e. Marcos 8:35 BK

Marcos 8:35

Iha Marcos kapítulu 8, Jesus hanorin Ninia dixipulu sira kona-ba kustu ne'ebé loos atu la'o tuir nia. Antes versíkulu ne'e, Jesus ko'alia kona-ba nega an, foti krús, no la'o tuir nia. Nia hakarak sira atu komprende katak la fasil atu la'o tuir nia, maibé ida-ne'e sempre iha valor-boot. 

Kuandu Jesus hatete: "Ema hotu ne'ebé hakarak salva sira-nia moris sei lakon," Nia la ko'alia de'it kona-ba moris fiziku nian. Nia ko'alia kona-ba moris ba ita-nia an de'it - hanesan ita-nia komfortu, foti-an, no ita-nia hakarak rasik. Kuandu ema moris ba sira-nia an de'it no ignora Maromak, sira bele hetan ksolok temporariu de'it, maibé ikusmai sira lakon buat ne'ebé loos. 

Tuirmai Jesus fó promesa furak ida. Nia dehan katak ema ne'ebé prontu atu fó sira-nia moris ba Nia no ba Evanjellu sei salva sira-nia moris. Hodi "lakon moris ba Jesus" signifika tau Jesus uluk iha ita-niamoris. Ida-ne'e signifika ita hili obedese duké hanoin an de'it, hili fiar duké ta'uk, no hili Maromak duké ita-nia planu rasik. 

Hanorin ne'e haree hanesan difisíl, maibé ida-ne'e nakonu ho esperansa. Jesus la husu ita atu lakon ita-nia moris hodi la fó buat ne'ebé di'ak liu. Kuandu ita entrega ita-nia moris ba Jesus, ita simu moris foun ne'ebé nakonu ho ojetivu, dame, no esperansa rohan-laek. Ita hetan ksolok ne'ebé loos hodi moris ba Maromak no serbí ema seluk. 

Tuir Jesus, salva ita-nia moris katak tau fiar kompletamente ba Nia. Ne'e signifika fiar katak ninia dalan mak di'ak liu fali ita-nia dalan rasik. Kuandu ita la'o tuir Jesus, ita hatene saida mak moris ne'ebé loos. 

Kuandu ita hili atu fó ita-nia moris ba Jesus no halo tuir nia ho laran-metin, ita sei la lakon maibé ita sei hetan moris rohan-laek. Moris ba Kristu loroloron lori ita ho seguru iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Ita bele sai ezemplu ida

Keta husik ema ida hatún ó tanba de'it ó sei joven. Maibé sai ezemplu ba fiar na'in sira iha liafuan, iha hahalok, iha domin, iha fiar no iha laran moos. 1 Timóteo 4:12

1 Timóteo 4:12

Serake ita pernah sente katak ita ne'e joven liu, ladún iha esperiénsia, ka ladún di'ak atu Maromak uza? Karik ita hanoin: "Hau ema baibain de'it. Ha'u la iha buat barak atu oferese." Maibé Maromak Nia Liafuan iha mensajen ne'e diferente - ida-ne'ebé iha podér boot. 

Kuandu apóstolu Paulo hakerek karta ba Timoteo, Timoteo mak leader joven ida. Karik ema hatún nia tanba nia idade nurak. Maibé apóstolu Paulo haruka nia atu la husik ema ida hatún nia. Maibé nia fó korajen ba Timoteo atu sai ezemplu.

Maromak la buka ema ne'ebé perfeitu. Nia buka ema ne'ebé prontu. Nia hakarak uza ita liuhusi Ita-nia liafuan, Ita-nia hahalok, Ita-nia domin, Ita-nia fiar, no Ita-nia laran moos atu hatudu ba ema seluk oinsá signifika hosi la'o tuir Jesus. 

Ita la presiza sai evanjelista ka mestri atu sai ezemplu ida. Ita bele hatudu ezemplu hodi hatudu laran-di'ak ba ema seluk ne'ebé ema ignora. Ita bele hatudu fiar liuhusi tau fiar ba Maromak kuandu ita hasoru susar oinoin. Ita bele moris ho laran moos hodi fó glória ba Maromak maski la iha ema ida mak haree. 

Dalan ba lalehan la'ós de'it kona-ba to'o iha lalehan loron ida. Dalan ba lalehan mak kona-ba oinsá ita la'o hamutuk ho Jesus hosi loron ba loron. No kuandu ita la'o hamutuk ho Jesus, ema seluk haree hela. Ita-nia moris bele hatudu ema seluk oinsa atu la'o iha dalan ba lalehan. Tan ne'e, keta hein to'o ita sai idade boot liu ka sente prontu liu. Hahú agora. Husik ita-nia moris sai ezemplu di'ak kona-ba Maromak Nia domin no lia-loos. 

Orasaun: Nai, ajuda ami atu hanoin katak Ita bele uza ami agora. Husik ami-nia liafuan, hahalok, domin, fiar, no hahalok moos dirije ema seluk ba Maromak. Obrigadu ba uza ami sai ezemplu atu ema la'o iha dalan ba lalehan. Hodi Jesus nia naran, Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Labele haluha

Hahii Nai, Oh ha'u-nia klamar, no la bele haluha buat di'ak hotu ne'ebé Nia halo. Salmu 103:2 BK

Salmu 103:2 

Salmu 103 hakerek husi David nu'udar knananuk hahi'i nian. Iha salmu ne'e, David ko'alia ba ninia aan rasik. Nia fó-hanoin nia an atu labele haluha buat ne'ebé Maromak halo ona. Ida-ne'e hatudu katak fasil ba ita atu haluha Maromak Nia laran-di'ak, liuliu kuandu ita-nia moris sai okupadu ka bainhira hasoru susar. 

"Haluha" la signifika ita lakon ita-nia memoria. Maibé ida ne'e signfika falla atu hanoin-hetan Maromak Nia bénsaun sira ho gratidaun. Dala barak, ema hanoin-hetan sira-nia problema liu fali Maromak nia laran-di'ak sira. Liurai David bolu nia an no ita atu para no hanoin buat di'ak hotu ne'ebé Maromak fó ona ba ita. 

Iha versíkulu sira tuirmai, David alista kona-ba bénsaun sira-ne'e. Maromak fó perdua ba ita-nia sala hotu. Nia kura ita-nia moras sira. Nia salva ita-nia moris husi destruisaun. Nia koroa ita ho domin no laran-sadi'a. Prezente sira-ne'e la'ós prezente ki'ik. Prezente sira ne'e hatudu Maromak nia laran-sadi'a no kuida ba Ninia povu. 

Hanoin-hetan Maromak Nia bénsaun sira, ajuda hametin ita-nia fiar. Kuandu ita hateke fali ba kotuk no haree oinsá Maromak fó perdua, proteje no fó fornese ba ita, ita-nia laran nakonu ho agradesementu. Gratidaun muda ita-nia hahalok no lori ita hakbesik liután ba Maromak. 

Versíkulu ne'e mós hanorin ita atu hahi'i Maromak, la'ós de'it kuandu buat hotu la'o di'ak, maibé iha tempu hotu. Hahi'i ajuda ita atu fokus liután kona-ba se mak Maromak, la'ós de'it fokus kona-ba susar ne'ebé ita hasoru. Kuandu ita hanoin Maromak Nia laran-di'ak, ita-nia laran-susar sai ki'ik liu, no ita-nia fiar sai boot liután.

Maromak hakarak Ninia povu atu moris ho agradese. Ema ne'ebé agradese ba Maromak fo onra ba Maromak no lori dame ba sira-nia moris. 

Kuandu ita hili atu hanoin-hetan Maromak Nia laran-di'ak no hahi'i Nia ho laran ne'ebé agradese, ita-nia fiar sai metin liután. Moris ho agradese ajuda ita atu la'o loroloron ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More