Sai naroman liután hosi loron ba loron

Maibé ema justu nia dalan mak hanesan naroman nabilan, ne'ebé sai naroman liu no naroman liu tan to'o loro aas. Provérbiu 4:18 BK.

Provérbiu 4:18

Ema kristaun nia moris kompara ho loro-matan ne'ebé sa'e dadauk. Iha dadeer, naroman ne'e ki'ik. Neineik- neineik, naroman ne'e sai forte liután. Nakukun komesa lakon dadauk. Maizumenus iha meiudia, naroman ne'e sai forti tebes. 

Ne'e mak dalan ne'ebé Maromak halo ba ema fiar-na'in nia moris. 

Kuandu ita foin hatene Maromak, karik ita hatene uitoan de'it. Karik ita-nia fé sei kiik. Karik ita sei nafatin luta ho ita-nia hahalok aat sira ka dúvida sira. Maibé kuandu ita la'o hamutuk ho Nia loroloron, buat furak ida akontese. Ninia naroman sai boot liután iha ita. 

Ita komesa komprende ho klaru liután Ninia Liafuan. Ita hatudu pasiénsia barak liután. Ita hili laran-di'ak liután. Ita ho firmi hasees an husi sala liután. Pasu pur pasu Espíritu santu forma ita-nia laran. 

Kresimentu la akontese kedas iha tempu ida. Hanesan loro-matan ne'ebé sa'e neineik, kreximentu espirituál mós akontese gradualmente hosi loron ba laron. Karik loron balu ita sente kalohan metin. Dala ruma ita hetan susar. Maibé, maski iha kalohan nia kotuk, loron matan sei sa'e nafatin. Maromak sei serbisu hela iha situasaunhotu. 

Versíkulu ne'e fó-hanoin ita katak ema laran-loos sira sei la la'o iha nakukun laran ba nafatin. Sira-nia dalan sira sei sai naroman liután. Iha progresu. Iha esperansa. 

Se Ita sente deskorajen ka laran-tun tanba Ita la iha situasaun ne'ebé Ita hakarak, hanoin-hetan promesa ne'e. Kontinua la'o iha dalan ne'ebé loos. Kontinua halo orasaun. Kontinua lee Maromak Nia Liafuan. Kontinua tau fiar ba Nia. 

Bainhira ita fiél nafatin, Ninia naroman iha ita-nia moris sei sai naroman no naroman liután, to'o loron ida ita hamriik iha Ninia naroman ne'ebé perfeitu iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Família ne'ebé serbí Nai

Maibé, se imi senti la di'ak hodi serví ba Nai, hili ohin kedas see mak imi sei serví: se karik maromak sira ne'ebé imi-nia bei-ala sira serví iha Mota Eufrates nia sorin ba, ka maromak sira hosi ema Amoreu sira, mak rai nain ba rai iha nebee imi hela agora. Maibé, ha'u ho ha'u-nia família sei serví ba Nai. Josué 24:15 BK 

Josué 24:15 

Iha Josue nia moris rohan, nia halibur povu Izrael hodi fo opsaun 2 ba sira atu hili. Sira bele hili atu la'o tuir maromak falsu husi nasaun seluk, ka sira bele serbí Maromak ida ne'ebé loos. Josue hatete ho korajen no fiar metin: "Maibé, ha'u ho ha'u-nia família sei serví ba Nai." 

Serví Maromak hahú ho desizaun ida. Josue la hein atu haree saida mak ema seluk sei halo. Nia mak hili ulukliu. Nia fó matadalan ba Ninia família. 

Ohin loron, família barak rona lian barak hodi dada sira ba dalan oioin. Mundu ne'e fó "maromak" hanesan osan, susesu, ksolok, no komforu". Maibé família ida-ne'ebé serví Nai hili dalan ne'ebé diferente. Sira hili halo orasaun duke foti-an. Sira hili obedese ba Maromak duke popularidade. Sira hili fiar duke ta'uk. 

Serbí Nai la dehan katak família ne'e perfeitu. Maibé ne'e katak familia ne'e iha komitmentu. Sira lee Maromak Nia Liafuan hamutuk. Sira halo orasaun ba malu. Sira fó perdua lalais. Sira koko atu fó glória ba Maromak iha sira-nia moris loroloron nian: iha uma, iha serbisu, iha eskola. 

Inan-aman sira iha papél importante. Labarik sira aprende liuhusi haree. Bainhira sira haree inan-aman pratika fé ho laran-moos no domin, ida-ne'e sei marka ka book sira-nia laran.

Ohin loron, Josue nia liafuan sei dezafia ita. Se mak ita-nia umakain sei serví? Desizaun atu serví tenke halo ho objetivu ne'ebéloos. 

Biarba ita hatudu aten-barani hodi hatete: "la prekupa ema seluk atu hili saida de'it atu serví, maibé ami-nia uma-kain sei serbí Nai." No bainhira ita halo ida ne'e, Maromak sei dirije, proteje no haraik bénsaun ba família ida-ne'ebé la'o ho laran-metin hamutuk ho Nia iha Dalan ba Lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Sai hanesan Nia

Halo tuir Maromak, nu'udar Ninia oan doben sira. Efezu 5:1 BK  

Efezu 5:1

Labarik sira dala barak kopia ka halo tuir sira-nia inan-aman. Sira repete fali sira-nia liafuan, halo tuir sira-nia hahalok ka asaun sira, no koko atu iha halohalok hanesan sira. Iha versíkulu ne'e, apóstolu Paulo fó instrusaun ne'ebé simples maibé kbiit boot ba ema kristaun sira, hodi dehan: imita Maromak!. 

Instrusaun ida-ne'e hanesan identidade ida. Maromak bolu ita nu'udar "oan doben sira". Ita la imita Maromak atu sai Ninia oan, tanba ita Maromak Ninia oan nanis ona. Ninia domin ba ita mak sai fundasaun ida. No hosi domin ne'e suli dalan foun moris nian. Dalan ne'ebé tuir Maromak Nia hanorin.

Atu sai hanesan Maromak signifika refleta Maromak Nia karakter. Ida ne'e katak hatudu laran-di'ak bainhira ema seluk hakanek ita. Ida-ne'e katak fó perdua ba ema ne'ebé halo sala ba ita. Ne'e katak hadomi la'ós de'it bainhira tempu fasil, maibé mós bainhira tempu susar. Hanesan Maromak hatudu ona laran-sadi'a mai ita, ita mós tenke hatudu laran-sadi'a ba ema seluk. 

Ita haree imajen Maromak ne'ebé klaru liu iha Jesus Nia moris. Nia hatudu kompaixaun, laran-sadi'a, haraik-an, pasiénsia, no sakrifísiu. Liuhosi hahalok sira-ne'e Nia hatudu hahalok Maromak nian. Kuandu ita halo tuir Kristu Nia ezemplu, ita aprende oinsá atu la'o tuir ita-nia Aman iha lalehan. 

Imita Maromak la signifika ita sai perfeitu. Maibé, ne'e signifika ita krexe daudaun iha Maromak Nia dalan. Hosi loron ba loron, Espíritu Santu forma ita-nia laran atu nune'e ita-nia hanoin, liafuan no hahalok sira komesa refleta liután Maromak Nia karakter. 

Ohin loron, husu ba ita-nia an: serake ema seluk bele haree Maromak Nia domin iha ita? Serake ita-nia desizaun sira refleta lia-loos no grasa? 

Nu'udar Maromak Nia oan doben sira, mai ita hakarak sai hanesan ita-nia Aman ne'ebé moris ho domin, fó perdua, no fó naroman iha mundu ne'ebé nakukun. No bainhira ita halo ida ne'e ita la'o hela iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More