Serake ita bele hetan bénsaun se ita la serbisu?

Tanba bainhira ami hamutuk hela ho imi, ami fó mandamentu ba imi nune'e: “Se ema ida lakohi servisu, nia la bele haan.” 2 Tesalónika 3:10 

                         2 Tesalónika 3:10

Ema hotu hakarak Maromak Nia bénsaun. Ita halo orasaun husu hahán, osan, saúde di'ak, no moris di'ak. Maromak gosta haraik bénsaun ba Ninia oan sira. Maibé Biblia mós hanorin katak ita iha responsabilidade. Ita labele espera hetan bénsaun bainhira ita lakohi serbisu. 

Apóstolu Paulo hakerek: "Se ema ida lakohi servisu, nia la bele haan.” 2 Tesalónika 3:10. Paulo la ko'alia kona-ba ema ne'ebé moras, ferik-katuas, ka sira ne'ebé fizikamente la permiti atu serbisu. Nia ko'alia kona-ba ema ne'ebé iha kapasidade atu halo serbisu maibé hili sai ema baruk-teen. 

Husi tempu uluk kedas, Maromak fó serbisu ba ema. Maromak tau Adão iha jardín Eden atu tau matan ba jardin ne'e (Genesis 2:15). Serbisu ne'e la'ós kastigu. Serbisu mak Maromak nia prezente ida. Liuhusi serbisu ne'ebé onestu, ita fornese ba ita-nia família no bele ajuda ema seluk. 

Bíblia mós hatete: "liman ne'ebé badinas halo ema sai riku." Proverbio 10:4. Serbisu maka'as hamutuk ho Maromak Nia bénsaun lori rezultadu di'ak. Proverbios 6: 6-8 hatete mai ita atu aprende husi nehek. Nehek maski ki'ik, maibé sira serbisu maka'as no prepara an ba futuru. 

Ema balu, hetan ona serbisu iha ministeriu oi-oin, la'o tun sa'e,   baruk-teen, abandona serbisu ho razaun ne'ebé la klaru, maibé hein fulan to'o ba simu osan de'it. Ema balu gasta tempu barak liu hodi hein milagre atu akontese duke halo serbisu ne'ebé Maromak fó ona ba sira. Ita konserteza tenke halo orasaun no tau fiar ba Maromak, maibé ita mós tenke halo ita-nia parte. Maromak haraik bénsaun ba liman sira ne'ebé kaer serbisu. Dala barak Maromak hatán ba ita-nia orasaun hodi fó forsa, matenek no oportunidade ba ita atu serbisu. 

Bíblia fó-hanoin ba ita katak: "No iha buat saida de'it neʼebé imi halo, halo ho laran tomak, hanesan ba Nai, no la'os ba ema".

Kolose 3:23. Maski ita mak toos-nain ida, mestre, badaen, kondutór, estudante, ka sira ne'ebé halo serbisu iha uma-kain, ita tenke halo serbisu ho onestu no fiél tanba ita serbí Maromak. 

Ohin loron, husu ba ita-nia an: "Serake ha'u halo ona serbisu ne'ebé Maromak fó mai ha'u ho di'ak?" Labele baruk. Halo serbisu ho onestu, tau fiar ba Maromak loroloron, no fó agradese ba nia ba bénsaun hotu. Maromak kontente ho sira ne'ebé serbisu ho fiél no sadere ba nia. 

Bainhira ita serbisu ho liman ne'ebé badinas no tau fiar ba Maromak hodi fornese ba ita-nia presiza, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak akontese bainhira ita lee Maromak nia Liafuan?

Nune'e Ha'u nia lia-fuan ne'ebé sai hosi Ha'u-nia ibun, nia sei la fila mai Hau ho mamuk, maibé Nia sei halo tuir Ha'u-nia hakarak hotu, no Nia sei hetan susesu iha buat neʼebé Ha'u haruka Nia halo. Isaias 55:11 BK 

                                  Isaias 55:11

Ema barak iha Biblia, maibé la'ós ema hotu lee Biblia. Balu husik hela iha rak ka almari laran. Sira seluk loke de'it semana ida dala ida bainhira sira ba igreja iha loron Sabadu ka Domingu. Maibé Maromak la fó Biblia mai ita atu rai de'it iha uma. Nia fó Biblia atu transforma ita-nia moris. 

Entaun, saida mak akontese bainhira ita lee Maromak Nia Liafuan? 

Ulukliu, Maromak ko'alia ba ita liuhusi Biblia. Bíblia la'ós livru baibain ida. Biblia mak Maromak Nia mensajen ba ita. Kuandu ita lee livru ne'e ho haraik-an, Maromak hanorin ita, fó komfortu mai ita, korrije ita, no hatudu dalan ne'ebé loos atu hala'o ita-nia moris (2 Timoteo 3: 16-17). 

Segundu, ita-nia fiar sai metin liután. Roma 10:17 hatete: "Nunee fiar mai liu hosi buat neʼebé ema rona. No ema rona liu hosi Kristu Nia liafuan". Bainhira ita lee liután Biblia, ita aprende liután atu tau fiar ba Maromak no Ninia promesa sira. 

Terseiru, Maromak Nia Liafuan ajuda ita atu dehan "Lae" ba pekadu. David hatete: "Hau rai Ó-nia liafuan iha ha'u-nia fuan laran, hodi nune'e hau la bele halo sala hasoru Ó. Salmu 119:11." Kuandu Maromak Nia Liafuan nakonu iha ita-nia laran, ida-ne'e ajuda ita atu halo desizaun ne'ebé di'ak. 

Ba dala haat, Maromak Nia Liafuan fó esperansa no forsa mai ita. Moris la'ós sempre fasíl. Ita hotu sei hasoru problema, moras no desapontadu. Maibé Maromak Nia promesa sira fó korajen mai ita no fó-hanoin ita katak Nia sempre hamutuk ho ita. 

Isaias 55:11 hatete mai ita katak Maromak Nia Liafuan nunka falla. Maromak Nia lia-fuan sempre alkansa buat ne'ebé Maromak hakarak atu halo. Dala ruma Maromak Nia Liafuan muda ita lalais. Dala ruma Maromak Nia Lia-fuan muda ita neineik-neineik. Maibé se ita kontinua lee Biblia no halo tuir, Maromak Nia hanorin sira, Maromak sei kontinua serbisu iha ita-nia laran. 

Ohin loron, halo desizaun atu labele husik ita-nia Biblia taka ho rai-rahun. Loke no lee loron-loron, maski ita lee de'it versíkulu balu. Halo orasaun antes lee. Husu Maromak atu ajuda ita komprende Ninia mensajen no fó forsa ba ita atu halo tuir Nia hanorin sira.

Gasta minutu balu hodi lee Maromak Nia Lia-fuan, bele muda ita-nia hanoin, maneira ita ko'alia, no dalan moris nian. Maromak promete katak Ninia Lia-fuan sei nunka fila mamuk.

Bainhira ita rona Maromak Nia lian liuhusi Biblia no moris tuir Ninia lia-loos, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

#GodsWord #hopechannel #hopechanneltimorleste #awrtimoleste #RTL#dalanbalalehan.blogspot.com

Read More

Serake ita adora Maromak ho Ita-nia laran ka ho Ita-nia ibun de'it?

Povu ne'e fó onra mai Ha'u ho sira nia ibun tutun; maibé sira-nia laran dook hosi Hau. Sira adora Ha'u saugati de'it, tanba sira hanorin ema nia ukun fuan sira nudar doutrina.Mateus 15:8-9 BK

                               Mateus 15:8

Ema barak dehan katak sira hadomi Maromak. Sira kanta iha igreja, halo orasaun, no lee versíkulu sira husi Biblia. Balu mós bolu sira-nia an nu'udar ema kristaun. Maibé Jesus hatete katak dalaruma ita hahi'i Maromak ho ita-nia ibun de'it, maibé ita-nia laran dook husi nia. 

Ida-ne'e katak sá? 

Ne'e katak ita bele ko'alia liafuan ne'ebé loos, maibé realidade, ita la hadomi ka la halo tuir Maromak Nia hanorin. Karik ita hatete: "Nai, ha'u tau fiar ba Ita," maibé depoisde ko'alia ida ne'e, ita moris konformi dalan ne'ebé ita hakarak. Karik ita ba igreja kada semana, maibé ita ignora Maromak Nia Liafuan durante loron seluk iha semana nia laran tomak. Maromak la haree de'it ba buat ne'ebé ita ko'alia. Nia haree ba ita-nia laran.

Iha Jesus nia tempu, ulun-nain relijiaun barak haree hanesan santu tebes iha li'ur. Sira halo orasaun iha publiku no halo tuir tradisaun barak relijiaun nian. Maibé dala barak sira ignora Maromak Nia mandamentu sira. Jesus hatete: "Sira adora Ha'u saugati de'it, tanba sira hanorin ema nia ukun fuan sira nudar doutrina" Mateus 15:9. Ida-ne'e katak adorasaun sai mamuk bainhira ema halo tuir ema nia tradisaun duke Maromak nia Liafuan. Ema barak fiar katak sira adora Maromak, maibé se sira-nia fiar mai husi tradisaun, kultura, ka hanoin duke Biblia, sira la adora Maromak tuir Ninia hakarak. 

Maromak hakarak ita atu hatene Ninia lia-loos liuhusi Biblia (João 17:17). Antes ita fiar ka halo buat ruma, ita tenke husu: "Serake Biblia hanorin ida-ne'e?" Se lae, ita tenke halo tuir Maromak Nia Liafuan duke hanorin husi ema.

Maromak sempre hakarak ita-nia laran. Iha Deuteronomio 6:5, nia hatete: "Imi sei hadomi Nai, imi-nia Maromak, ho imi-nia fuan laran tomak, ho klamar tomak no ho forsa tomak. Adorasaun ne'ebé loos hahú ho laran ne'ebé hadomi Maromak. 

Kuandu ita hadomi duni Maromak, domin ne'e ema sei haree iha ita-nia dalan moris loroloron. Jesus hatete: "Se ó hadomi ha'u, halo tuir ha'u-nia mandamentu sira." (João 14:15). Ita sei la manan salvasaun tamba obedesementu, maibé obedesementu hatudu katak ita-nia domin ba Jesus ne'e reál duni. 

Ohin loron, husu ba ita-nia an: " Serake ha'u adora Maromak ho ha'u-nia ibun de'it ka ha'u adora Nia ho ha'u-nia laran tomak?" Maromak la impresionadu ho ita-nia liafuan furak de'it. Nia hakarak laran ne'ebé tau fiar ba Nia, hadomi Nia, no halo tuir Nia loroloron. 

Mai ita sai ema kristaun la'os de'it ho naran. Mai ita halo tuir Jesus ho laran-tomak. Atu nune'e ita-nia liafuan, ita-nia hahalok no ita-nia moris sei fó onra ba Maromak. 

Bainhira ita adora Maromak ho ita-nia laran iha ita-nia moris, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More