Moses halo intersesaun ba Nasaun

Depois Moisés ba hasoru fali Nai no hatete, “Povu ne'e halo ona sala boot. Sira halo maromak hosi osan mean. Favór ida, fó perdaun ba sira nia sala, se lae, hamoos tiha hau nia naran hosi Ó-nia livru ne'ebé Ó hakerek ona.” Exodu 32:31-32 BK 

                    Exodu 32:31-32 

Moises la'ós de'it sai nu'udar lider ba Izrael, maibé nia mós ema ne'ebé halo orasaun maka'as. Ezemplu ida-ne'ebé boot liu mak ita bele haree iha livru Exodo 32:31-32. Bainhira ema Izrael halo sala hodi adora estatua karau-oan halo hosi osan-mean, Moises ba iha Maromak Nia oin no halo orasaun ba sira. Nia hatete: "Favór ida, fó perdaun ba sira nia sala, se lae, hamoos tiha hau nia naran hosi Ó-nia livru ne'ebé Ó hakerek ona.” Moises hadomi tebes povu to'o nia prontu atu sofre tanba sira. 

Ida-ne'e hatudu laran ne'ebé loos hosi intersesor. Intersesor mak ema ne'ebé halo orasaun ho laran-tomak ba ema seluk. Moises la haluha povu nia sala, maibé nia nafatin husu Maromak nia laran-sadi'a no perdua. 

Durante Moises nia moris tomak, dala barak nia halo orasaun ba ema Izrael iha situasaun susar sira. Iha livru Exodo 15: 25, nia halerik ba Nai bainhira bee ne'ebé moruk. Iha livru Exodo 17: 2-6, nia halo orasaun bainhira povu la iha bee. Maski povu Israel murmura hasoru nia, maibé Moises kontinua buka Maromak atu ajuda. 

Dala barak, nia sente ninia responsabilidade todan tebes. Livru Numeru 11: 11-15 hatudu katak Moises fó sai todan ne'ebé nia sente ba Maromak. Maibé nia la para atu halo orasaun. 

Moises mós tau fiar ba Maromak Nia laran-sadi'a no promesa sira. Livru Exodo 34:6 deskrebe Maromak hanesan laran sadi'a, grasa wain, pasiénsia, no nakonu ho domin. Moises hanoin-hetan Maromak Nia aliansa ho Abrão, Isaac, no Jacob (Exodo 32:13, no nia hatene katak Maromak Nia domin ba Ninia povu ne'e boot tebes (Deuteronomio 7:8).

Dala barak Moises halo orasaun ba nasaun Israel. Livru Deuteronomio 9: 19 no Livru Deuteronomio 10: 10 hatudu katak nia kontinua halo orasaun intersesaun. Nia la rende. 

Iha Testamentu foun, Jesus mós hanorin lisaun ne'ebé hanesan iha Evanjellu Lucas 18: 1-8, nia enkoraje ema kristaun atu halo orasaun no la lakon sira-nia esperansa. 

Ohin loron, Maromak mós bolu ita atu halo orasaun ba ema seluk, hanesan ita-nia família, ita-nia igreja, ita-nia nasaun, no sira ne'ebé dook husi Maromak. Hanesan Moises, ita tenke halo orasaun ho domin, fiar, no perseveransa.

Kuandu ita hamriik iha Maromak Nia oin hodi halo orasaun ba ema seluk, ita hatudu ninia laran-sadi'a no kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Moises, Lider ne'ebé hamta'uk Maromak

Moisés hataan, “Se O nia prezensa la baa hamutuk ho ami, keta haruka ami husik fatin ida nee.” Exodu 33:15 BK 

                                 Exodu 33:15

Moises mak ezemplu di'ak ida kona-ba ulun-nain ne'ebé fiél ba Maromak. Nia la ukun ho kbiit ka foti-an, maibé nia lidera ho relasaun ne'ebé di'ak ho Maromak. Iha livru Exodo 33:15: Moisés hataan, “Se O nia prezensa la baa hamutuk ho ami, keta haruka ami husik fatin ida nee.” Ida-ne'e hatudu katak Moises sadere tomak ba Maromak. Nia hatene katak susesu la mai husi ema nia forsa, maibé husi Maromak Nia prezensa. 

Antes ne'e, bainhira povu Israel ta'uk iha Foho Sinai, Moises hamriik entre sira no Maromak. Livru Exodo 20: 18-21 hatudu katak bainhira povu Israel ta'uk, Moises hakbesik ba Maromak. Ema ne'ebé ukun ho Maromak Nia podér, la ta'uk atu hakbesik ba Maromak, maski ema seluk hakiduk. 

Moises mós hatudu domin boot ba povu Israel maski sira halo sala. Iha livru Exodo 32:1–14, 31–34, povu Israel adora estatua karau-oan ne'ebé halo hosi osan-mean. Maromak prontu atu fó kastigu ba sira, maibé Moises halo orasaun no husu Maromak atu fó perdua ba sira. Nia hamriik iha sira-nia klaran. Livru Deuteronomio 9:20 hatete katak Moises mós halo orasaun ba Arão kuandu nia halo sala. 

Moises mós halo orasaun ho lalais ba ema seluk iha tempu ne'ebé presiza. Iha livru Numeru 12: 13 nia halerik hodi husu Maromak atu kura Miriam. Ida-ne'e hatudu katak nia fó perdua ba ema. 

Iha Testamentu foun, Jesus mós hanorin ho espíritu ne'ebé hanesan. Iha Mateus 5:44 Jesus hatete ba ita atu hadomi ita-nia inimigu sira no halo orasaun ba sira ne'ebé hakanek ita. Koloso 3: 13 mós hanorin ita atu fó perdua ba malu, hanesan Nai fó perdua ba ita. 

Moises hanorin ita katak ulun-nain ida-ne'ebé hamta'uk Maromak mak ida ne'ebé hakbesik ba Maromak, halo orasaun ba ema seluk, no fó perdua ba ema seluk maski susar. Nia lidera ema ho haraik-an, domin, no fiar. 

Ohin loron, Maromak bolu ita ida-idak atu iha laran ne'ebé hanesan ne'e. Maski ita lidera família, grupu, ka ita-nia moris rasik, ita bele halo tuir Moises nia ezemplu. 

Kuandu ita sadere ba Maromak Nia prezensa, halo orasaun ba ema seluk, no la'o ho domin, ita krexe liután nu'udar lider ne'ebé hamta'uk Maromak no la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Enoc la'o no ko'alia ho Maromak

Liu tiha ne'e, bainhira nia hetan ona Matusalém, Enok lao hamutuk ho Maromak tinan atus tolu (300), no nia hetan tan oan mane no oan feto sira. Nune'e Enok moris to'o tinan atus tolu neen-nulu resin lima (365). Enok la'o hamutuk ho Maromak depois nia la iha ona, tanba Maromak foti nia. Jénesis 5:22-24

                                 Jénesis 5:23-24

Enoc mak ema espesiál ida iha Biblia laran. Bíblia hatete katak nia la'o ho Maromak. Ne'e katak nia moris besik ho Maromak loroloron. Nia la'ós fiar de'it Maromak, maibé nia iha relasaun loroloron ho Maromak. 

Iha livru Jenesis 5: 22-24, ita lee katak Enoc la'o hamutuk ho Maromak, no depois Maromak foti nia ba lalehan. Ida-ne'e hatudu katak nia besik tebes ho Maromak. Ninia moris iha relasaun di'ak no besik los ho Maromak tan ne'e to'o loron ida nia ba hamutuk ho Maromak. 

La'o ho Maromak signfika sáida? Ida ne'e katak moris loroloron hamutuk ho Maromak - liuhusi ko'alia ho Nia, tau fiar ba Nia, no halo tuir Ninia dalan sira. Enoc la'os la'o ho Maromak dala ruma de'it, maibé nia kontinua la'o hamutuk ho Maromak loroloron. 

Bíblia fó korajen mai ita atu moris hanesan ne'e. Roma 12: 12 hatete katak ita tenke fiél iha orasaun. Ida-ne'e katak ita tenke kontinua ko'alia ho Maromak regularmente, hanesan Enoc. 

Ita bele ko'alia ho Maromak iha tempu ne'ebé de'it no iha fatin ne'ebé de'it. Livru Salmo 139: 7-12 fó-hanoin ita katak ita labele subar an husi Maromak Nia prezensa. Maski ita iha naroman ka nakukun laran, Maromak sempre hamutuk ho ita. Ida-ne'e fó komfortu ba ita, tanba ita nunka mesak. 

Maski iha tempu susar, ita bele bolu ba Maromak. Livru Lamentasaun 3:55-57 hatudu katak kuandu ita halerik ba Maromak, Nia rona ita no besik mai ita. Maromak rona orasaun hotu ne'ebé ema halo ho laran moos.

Enoc nia moris hanorin ita lisaun simples ida: ita bele la'o no ko'alia ho Maromak loroloron. Ita la presiza liafuan espesiál ka fatin espesiál ida. Ita presiza de'it laran ne'ebé hakarak hakbesik ba Maromak. 

Kuandu ita hili atu la'o hamutuk ho Maromak loroloron, ko'alia ho Nia iha orasaun, no tau fiar ba Nia iha situasaun hotu, ita hakbesik liután ba Nia pasu pur pasu. 

No bainhira ita la'o hamutuk ho Maromak hanesan Enoc, ita la'o daudaun iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More