.... “Too ona, Oh Nai. Agora, hasai hau nia vida ba. Tanba hau la diak liu hau nia bei-ala sira.” 1 Liurai 19:4 BK
Elias mak Maromak Nia profeta ne'ebé iha kbiit boot. Nia foin hetan vitória iha Foho Karmel, iha ne'ebé Maromak hatudu Ninia kbiit iha dalan ne'ebé furak. Maibé lakleur depoisde Elias hetan vitória, nia hasoru krizi boot. Liurai-feto Jezabel ameasa atu oho nia, no ta'uk hakonu nia laran.
Iha 1 Liurai 19: 1-18, ita haree Elias halai ba rai-fuik. Nia sente kole, deskorajen no mesak. Maromak Nia atan sira ne'ebé maka'as mós bele esperiensia momentu fraku sira. Maibé duke rende kompletamente, nia halo orasaun. Nia hatete ba Maromak oinsá nia sente no husu ajuda. Ida-ne'e hatudu katak orasaun importante tebes iha tempu susar.
Maromak la rejeita Elias. Duke rejeita nia, Maromak tau matan ba nia. Nai fornese ai-han, deskansa no korajen. Maromak mós fó-hanoin Elias katak nia sei serbisu iha dalan ne'ebé nia la bele haree no kompriende. Maski Elias hanoin katak nia mesak de'it, maibé Maromak dehan sei iha ema barak ne'ebé fiél nafatin.
Istória ne'e fó-hanoin ita kona-ba lia-loos importante ida iha livru Isaias 55:8-9. Maromak hatete katak Ninia hanoin la'ós ita-nia hanoin, no Ninia hanoin mak aas liu fali ita-nian. Kuandu ita hasoru problema ruma, karik ita la komprende saida mak Maromak halo daudauk. Maibé ita bele fiar katak Maromak hatene buat hotu. Ninia planu sira mak diak liu fali ita-nian.
Elias aprende katak Maromak Nia prezensa la'ós de'it iha anin boot, rai-nakdoko, ka ahi. Maromak mós ko'alia ho laran-maus. Ida-ne'e hanorin ita katak iha tempu susar nian, ita presiza hakmatek atu rona didi'ak ba Maromak nia lian.
Kuandu ita sente ta'uk, deskorajen, ka laran-tun, ita tenke halo tuir Elias nia ezemplu no halo orasaun ba Maromak. Maromak rona, tau matan, no fó forsa ba ita kada loron foun.
Maski iha krizi laran, Maromak la dook hosi ita. Kuandu ita tau fiar ba Ninia dalan sira ne'ebé aas liu no halo orasaun ho laran-moos, Nia sei dirije ita atu nafatin la'o iha dalan ba lalehan.
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
#dalanbalalehan.blogspot.com
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
0 comments:
Post a Comment