Loron no oras ne'ebé Na'i Jesus atu mai ita sei lahatene (Mateus 24:36). Tanba ne'e Na'i Jesus hatete katak ita tenki preparaan iha kualker tempu. Konsidera versu sira tuir Mai ne'e:
"Maibé kuidadu didiʼak imi-nia an bá, atu nuneʼe imi-nia laran la todan tanba han demais no lanu, no hanoin resin kona-ba moris neʼe,no derrepente deʼit loron neʼe toʼo ba imi hanesan lasu ida.Tanba loron neʼe sei toʼo ba ema hotu neʼebé hela iha mundu tomak. Lukas 21:34-35
Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15
Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7
Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.
Maromak akonpaña ita hotu nia moris ohin loron no ba oin🙏🙏🙏
Mídia Dalan ba Lalehan.
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan
 |
| Lukas 21:27 |
0 comments:
Post a Comment