Tambasá Na'i Jesus bele mate?

Na'i Jesus ne'e Maromak (João 1:1), no Maromak labele mate. Maibé Na'i Jesus halo nia-an sai ema (João 1:14). Hanesan ema Nia bele mate atu soi ita (João 3:16). Na'i Jesus mate la'os Nia la iha forsa atu hasoru ema Judeu sira no soldadu Romanu sira. Se Na'i Jesus hakarak Nia bele husu Nia Aman Nia Anju sira defende Nia (Mateus 26:53). Na'i Jesus mate tanba Nia na'in rasik mak entrega Nia moris no hó podér Nia futarlia Nia foti fali Nia moris (João 10:17-18).

"Aman hadomi haʼu tanba haʼu mak entrega haʼu-nia moris, atu nuneʼe haʼu bele hetan fali. La iha ema ida mak hasai haʼu-nia moris, haʼu rasik mak hakarak atu entrega ida-neʼe. Haʼu iha direitu atu entrega haʼu-nia moris, no haʼu iha direitu atu hetan fali ida-neʼe.Haʼu simu mandamentu neʼe husi haʼu-nia Aman" João 10:17-18

Agora ita lee ona Maromak Nia futarlia, no Maromak dehan nune'e: 
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

João 10:17-18