Versu ne'e hanorin mai ita katak, karik ita hela iha Kristu, Na'i Maromak sei la julga ita. Na'i Maromak sei la julga signifika, ita sei hetan salvasaun hosi ita nia sala. Ita lee iha versu seluk iha Bíblia, iha kondisaun balu ne'ebé ita tenki prienxe atu hetan salvasaun ne'e. Salvasaun ne'e ba ema sira ne'ebé iha fé ba Kristu (Roma 3:23–26). Sei la iha dalan seluk, uniku so Na'i Jesus de'it (Apostolu 4:12), no sira ne'ebé rejeita salvasaun hosi Kristu sei hetan kondenasaun (João 3:18).
Bainhira ita tau ita nia fé ba Kristu, Na'i Maromak identifika ita hanesan Nia oan (Kristu) no Na'i Jesus Nia moris santu (sala la iha), moris ne'ebé loos no Maromak simu Na'i Jesus Nia mate atu selu sala hotu ne'ebé lori ita ba mate rohan-laek.
Iha 2 Kor 5:21 St. Paulo hatete nune'e: "Tanba ita ema, ida neʼebé la hatene sala, Maromak halo nia sai sala, atu nuneʼe liuhusi nia ita bele sai ema loos iha Maromak nia oin"
Tanba ne'e, se Na'i Maromak julga ita no haree Na'i Jesus Nia moris loos, oinsá ita bele hetan kondenasaun? Na'i Maromak sei nunka kondena Na'i Jesus. Tan ne'e Na'i Maromak sei la kondena sira ne'ebé moris, hela no halo tuir Kristu. Oinsá ita bele hela no moris hó Kristu? Liuhosi tau fiar ba Nia no halo tuir Nia hanorin iha Sagrada Bíblia (Roma 5:1, João 14:15, Efeso 2:8–9, Tiago 2:26).
✝️✝️✝️✝️✝️✝️✝️✝️✝️✝️✝️✝️✝️
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15
Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16
Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7
Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12
Maromak akonpaña ita hotu nia moris ohin loron no ba oin.
Mídia Dalan ba Lalehan.
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
 |
| Roma 8:1 |
0 comments:
Post a Comment