Roupa saida mak Na'i Maromak hakarak nia ema sira hatais?

Kuaze eskola hotu-hotu obriga alunu sira hatais farda. Maibé maioria hosi alunu sira ne'e la gosta hatais farda, sira prefere hili rasik roupa ida ne'ebé sira gosta liu atu hatais loronloron.

Iha Kolose   3:12-14, Na'i Maromak nia futarlia alista mai ita roupa ne'ebé trendy tebes - ropa ne'ebé ninia fashion nunka hotu.   Ropa ne'e mak: Kompaixaun, laran-diʼak, haraik an, laran-maus, pasiénsia  no perdua. Roupa modelu ida ne'e perfeitu ba tempu ne'ebé de'it no iha fatin ne'ebé de'it.

Halo desizaun, bainhira Maromak permiti ita hader kada loron no prontu atu hatais Kompaixaun, laran-diʼak, haraik an, laran-maus, pasiénsia  no perdua. Hó Na'i Maromak nia Espiritu Santu, hatais ropa ne'e loronloron no nunka hasai hosi ita nia isin.   No bainhira ita hatais roupa ne'e loronloron, dalan ba Lalehan sei nakloke ba ita.

✝️✝️✝️✝️✝️✝️✝️✝️✝️✝️✝️✝️✝️

Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏

Kolose 3:12-14