Dalaruma iha ita nia leet iha misionariu sira, pastor sira no ema ne'ebé terus, ne'ebé Na'i Maromak ko'alia mai ita nia laran atu ajuda ka serbí sira. Fó buat ida ba ema ne'e hanesan sakrifisiu ida. Fó buat sira ne'e hó laran, atu nune'e bele hetan bensaun hosi Na'i Maromak.
Versu reflesaun Filipenses 4:15-20
15 Tuir loloos, imi ema Filipe sira, imi mós hatene katak foufoun bainhira imi aprende tiha liafuan diʼak, no bainhira haʼu sai husi Masedónia, la iha kongregasaun ida mak ajuda haʼu, só imi deʼit mak fó ajuda.16 Tanba bainhira haʼu iha Tesalónika, imi haruka buat ruma ba haʼu hodi ajuda haʼu laʼós dala ida deʼit maibé dala rua. 17 Neʼe laʼós katak haʼu buka prezente ruma, maibé haʼu hakarak hatete katak imi-nia hahalok diʼak sira halo imi sai riku liután. 18 Maibé, haʼu iha ona buat hotu neʼebé haʼu presiza no barak liután. Agora haʼu la falta buat ida tanba haʼu simu ona buat neʼebé imi haruka liuhusi Epafrodito. Prezente neʼebé imi haruka mai haʼu mak hanesan sakrifísiu neʼebé morin, neʼebé Maromak simu no monu loos ba Maromak nia laran. 19 Nuneʼe mós, haʼu-nia Maromak sei fó buat hotu neʼebé imi presiza tuir ninia rikusoin glória nian liuhusi Kristu Jesus. 20 Fó glória ba ita-nia Maromak no Aman tinan ba tinan nafatin. Amen.
✝️✝️✝️✝️✝️✝️✝️✝️✝️✝️✝️✝️✝️
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15
Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16
Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7
Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12
Maromak akonpaña ita hotu nia moris ohin loron no ba oin.
Mídia Dalan ba Lalehan.
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
 |
| Filipenses 4:18c |
0 comments:
Post a Comment