“..... And there shall be a time of trouble, Such as never was since there was a nation, Even to that time. And at that time your people shall be delivered, Every one who is found written in the book.
Daniel 12:1b NKJV
“.... Haverá um tempo de angústia como nunca houve desde o início das nações até então. Mas naquela ocasião o seu povo, todo aquele cujo nome está escrito no livro, será liberto.
Daniel 12:1b NVI
Atu kompriende "Libru Maromak nian" iha Daniel 12:1, ita tenke kompriende katak Bíblia mensiona libru oin rua. Libru ida kontein naran hosi ema sira ne'ebé partensi ba Maromak no dalaruma hanaran libru moris nian (Ref. Éxod. 32:32, Luk. 10:20, Sal. 69:28, Fil. 4:3).
Alende Libru moris nian, eskritura mós mensiona kona-ba Libru ne'ebé hakerek ka grava kona-ba ema nia hahalok sira (Ref. Sal. 56:8, Mal. 3:16).
Libru sira ne'e mak sei uza iha tribunál Lalehan nian atu determina ema idaidak nia komitmentu ba Maromak. Libru sira ne'e hanesan database Lalehan nian ne'ebé kontein ema nia naran no sira nia hahalok hotu durante sira nia moris tomak. Buat hotu ne'ebé ita halo iha ita nia moris tomak sei grava hotu, buat ne'ebé ita halo iha kuartu laran ka iha li'ur; iha nakukun ka naroman; iha ai-laran ka iha fatuk-kuak; nsst buat hotu la subar iha Maromak Nia futar-oin. Tanbasá? Na'i Maromak Nia futarlia ko'alia "Na'i nia matan haree ba fatin hotu, Nia kontinua hateke ba ema aat no ema diʼak" Provérbios 15:3.
Haree ba versu iha leten la iha ita ida mak bele ses no la merese tama kadunan santu, loos ka lae? Maibé, novidades di'ak mak ne'e, bainhira ita komete ita nia moris ba Kristu no halo tuir Nia ukunfuan sira hotu, ita nia naran sei hakerek iha libru moris nian no ita nia hahalok aat sira sei apaga iha julgamentu tribunál Lalehan nian.
Gravasaun lelehan ida ne'e fornese evidensia judisiál ba universu tomak katak ita partensi ba Na'i Jesus tan ne'e iha direitu atu hetan protesaun iha tempu susar. Relasiona hó Pandemia Corona Virus Disease 2019 (COVID-19), ne'ebé habelar ona ba mundu tomak, tempu agora tempu susar. Mai ita submete ita nia an ba Maromak iha tempu susar ida ne'e.
✝️✝️✝️✝️✝️✝️✝️✝️✝️✝️✝️✝️✝️
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15
Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16
Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7
Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12
Maromak akonpaña ita hotu nia moris ohin loron no ba oin.
Mídia Dalan ba Lalehan.
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
 |
| Daniel 12:1b |
Amen 🙏✝️
ReplyDelete