Pascoa Inglês, hanaran Easter. Iha easter cards (Kartu ucapan selamat paskah) dala Barak Kristu la'os Sai ona sentru maibé Coelho no chocolate manu-tolun mak sai sentrál ba Kartaun sira ne'e. Paskua/Pascoa/Easter loloos ne'e ema halo atu selebra resuresaun Na'i Jesus nian, maibé tradisaun Jentiu balu mós infiltra iha laran.
Chocolate ho modelu manu-tolun no Coelho hola parte mós iha selebrasaun pascoa maibé ita la hetan iha eskritura (Iha Timor-Leste tradisaun ida ne'e ita ladún Haree, barak liu ita haree iha ema eropa sira).
Manu tolun koloridu nee mai hosi tradisaun alemaña nian ne'ebé introdus bá Amerika iha sekúlo 17 depois hebelar ba mundu tomak, maibé tradisaun pinta manu-tolun ema prátika nanis ona iha sekúlo 13 iha alemaña.
Orijin hosi Coelho hola parte iha selebrasaun pascoa nian mai hosi selebrasaun ema Jentiu nian iha ne'ebé sira adora "Fertility goddess" (Dewa kesuburan) iha festival ida hanaran Festival Eostre ne'ebé nia simbolu mak Coelho.
Tanba coelho koñesidu ho sira nia 'energetic breeding". Coelho normalmente iha oan barak(oan entre 1 to'o 14 ho media 6) tanba nee tradisionalmente sai simbolu ba fertilidade no moris foun. Coelho hola parte ba selebrasaun pascoa mazumenus iha sekúlo 17.
Ema eropeu sira nia beiala mós observa "the spring Equinox" hanesan selebrasaun ba Maromak loromatan (sun God) ne'ebé sira selebra iha tempu spring/Primavera. Spring ka primavera iha Europa akontese entre fulan Marsu no Maiu. Passover tuir kalendariu judeu sira nian ba tinan 2019 purezemplu selebra hosi 19- 27 de Abril 2019 no iha 2020 selebra hosi 8-16 de Abril 2020 (selebrasaun durante loron 7, tuir eskritura - Éxodos 12:15 ). Tuir Kalendariu (Julian no Gregorian) Easter ka pascoa selebra entre 22 fulan Marsu to'o 25 Abril tinan-tinan). Tanba selebrasaun ne'ebé halo kuaze iha tempu ne'ebé hanesan, halo ema hanoin tradisaun ne'e mai hosi bíblia.
Konsidera Na'i Maromak Nia futarlia tuir mai: "Bainhira Na'i, imi-nia Maromak, halakon nasaun sira neʼebé imi sei duni sai, no imi hela ona iha sira-nia rai, kuidadu bá atu imi la monu ba lasu bainhira sira lakon ona husi imi-nia oin. Keta husu kona-ba sira-nia maromak sira, hodi dehan: ‘Oinsá mak uluk nasaun sira-neʼe adora sira-nia maromak sira? Haʼu mós sei halo hanesan neʼe.’ Imi labele adora Na'i l, imi-nia Maromak, iha dalan hanesan neʼe, tanba nasaun sira-neʼe adora sira-nia maromak hodi halo buat aat oioin neʼebé Na'i odi, no sira mós sunu sira-nia oan-mane no oan-feto sira iha ahi nuʼudar sakrifísiu ba sira-nia maromak sira. Imi tenke halo tuir ho didiʼak liafuan hotu neʼebé haʼu fó sai ba imi. Imi labele aumenta ka hamenus liafuan ida husi liafuan sira-neʼe. Deuteronomio 12:29-32
Na'i Maromak Nia liafuan iha leten bandu ita atu labele halo tuir tradusaun ne'ebé la mai hosi Bíblia no la permiti ita atu muda ka hamenus Na'i Maromak Nia liafuan.
Iha parte seluk Na'i Maromak Nia futarlia mós ko'alia katak karik se de'it (Inklui anju hosi Lalehan) mak haklaken buat ne'ebé lahanesan ho saida mak hakerek iha Bíblia sei kona malisan. "Maibé, se ami ka anju ida husi lalehan fó sai ba imi liafuan diʼak neʼebé la hanesan ho liafuan diʼak neʼebé ami fó sai ona ba imi, husik nia hetan malisan bá" Galatia 1:8
✝️✝️✝️✝️✝️✝️✝️✝️✝️✝️✝️✝️✝️
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15
Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16
Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7
Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12
Maromak akonpaña ita hotu nia moris ohin loron no ba oin.
Mídia Dalan ba Lalehan.
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
 |
| Deuteronómio 12:30 |
0 comments:
Post a Comment