Bainhira Jesus mate iha kruz, Ninia dixipulu sira hanoin katak buat hotu remata ona. Maibé Jesus Ninia mate la'os rohan, Maromak Ninia obra seidauk hotu. Maromak hamoris fila fali Jesus. Iha Lukas 24:36 ita haree Jesus aparese ba Ninia dixipulu sira no hatete "Bainhira sira koalia hela hanesan nee, Jesus rasik hamriik iha sira nia leet. No Nia dehan ba sira, “Dame hela ho imi!”
Bainhira Jesus mosu ba sira, sira ta'uk no dúvida (Jesus dehan ba sira, “Tanba saa mak imi laran taridu? No tanba saa mak imi laran ru-rua? Lukas 24:38), maibé Jesus prova ba sira katak Nia moris hi'as duni "Haree took Hau nia liman no Hau nia ain. Ida nee mak Hau rasik. Kaer Hau no haree ba. Mate klamar la iha isin no ruin hanesan imi haree katak Hau iha” Lukas 24:39
Jesus moris no mate tinan 2000 liuba, maibé Nia iha ne'e, moris to'o ohin loron.
Referensia
Lukas 24:36-53 BK
Jesus Mosu Ba Eskolante Sira
36 Bainhira sira koalia hela hanesan nee, Jesus rasik hamriik iha sira nia leet. No Nia dehan ba sira, “Dame hela ho imi!”
37 Maibee sira tauk tebes no hakfodak tanba sira hanoin katak sira haree mate klamare ida.
38 Jesus dehan ba sira, “Tanba saa mak imi laran taridu? No tanba saa mak imi laran ru-rua?
39 Haree took Hau nia liman no Hau nia ain. Ida nee mak Hau rasik. Kaer Hau no haree ba. Mate klamar la iha isin no ruin hanesan imi haree katak Hau iha.”
40 No bainhira Nia koalia nunee, Nia hatudu Ninia liman no ain ba sira.
41 Sira seidauk fiar tanba sira haksolok demais no admira. Nunee Nia dehan ba sira, “Imi iha buat ruma iha nee atu haan ka?”
42 No sira foo ikan tunu pedasuk ida ba Nia.f
43 Nia foti ikan nee no haan iha sira nia oin.
44 No Nia dehan ba sira, “Hau koalia ona liafuan sira nee bainhira Hau sei hamutuk ho imi. Hau dehan katak buat hotu tenki kumpri kona ba Hau nebee hakerek nanis ona iha Lei hosi Moisés, iha profeta sira, no iha Salmu sira.g
45 Depois Nia loke sira nia neon hodi sira bele kompriende Eskritura.
46 Nia dehan ba sira, “Ida nee hakerek nanis ona, katak Kristu tenki hetan terus no iha loron terseiru Nia sei moris fali hosi mate,
47 no katak ema bele arepende no hetan perdua ba sala sira hodi Ninia naran, no liafuan nee sei haklaken iha nasaun hotu, hahuu hosi Jerusalém.
48 Imi mak sasin kona ba buat sira nee.
49 Tebes, Hau sei haruka promesa ida ba imi hosi Hau nia Aman. Maibee hein iha sidade nee, too imi simu kbiit hosi leten.”
> Jesus Sae Ba Lalehan
50 Jesus lori sira sai ba Betánia. No Nia foti Ninia liman hodi foo bensaun ba sira.
51 Bainhira Nia foo dadaun bensaun ba sira, Nia husik sira no sae ba lalehan.
52 Sira adora Nia, no fila fali ba Jerusalém ho haksolok boot.
53 No sira hela nafatin iha Templu hodi hahii Maromak.
0 comments:
Post a Comment