Seraké ita preparadu ba Jesus nia mai fali daruak?

Nunee matan moris ba, tanba imi la hatene oras ne'ebé imi-nia Nai sei mai. Mateus 24:42 BK

Mateus 24:42

Iha evanjellu Mateus 24, Jesus hanorin Ninia dixipulu sira kona-ba Ninia tempu atu mai fali ba dala rua. Nia esplika katak la iha ema ida mak hatene loron ka oras - anju sira mós lahatene, dixipulu sira mós lahatene - so Aman Maromak deit. Tan ne'e, Jesus haruka ita atu matan-moris nafatin no prontu nafatin kualkér momentu. 

"Matan moris" la signifika katak ita hateke hela de'it ba lalehan. Maibé ida ne'e signfika moris loroloron ho laran ne'ebé prontu atu hasoru Jesus. Ida-ne'e signifika katak mantein ita-nia fidelidade, halo tuir Ninia Liafuan sira iha sagrada Eskritura, no la'o besik ho Nia hosi loron ba loron. Ema ne'ebé prontu atu simu Jesus la la'o tuir mundu nia hakarak, maibé la'o tuir Nai Jesus ho seriadade ka sinseridade.

Jesus fó ezemplu ida iha kapítulu ne'e: se uma na'in hatene bainhira mak na'ok-teen mai, nia sei hadeer nafatin proteje ninia uma. Nune'e mós, tanba ita la hatene bainhira mak Jesus sei fila fali mai, ita-nia laran tenke hadeer nafatin no hametin ita-nia fiar loron-loron. 

 Preparadu signifika: 

 *Hadook an husi pekadu 

 *Halo ita-nia laran sai moos no haraik-an 

 *Hadomi ema seluk hanesan Jesus hanorin 

 *Halo orasaun loroloron 

* Fiél nafatin maski iha susar laran 

 *Halo tuir Maromak nia Liafuan

Jesus Nia fila fali mai dala rua, la'ós buat ne'ebé halo ita ta'uk, maibé buat ne'ebé ita hein no espera. Ba sira ne'ebé tau fiar ba Maromak, ne'e mak loron ne'ebé sira hein no hetan ksolok, vitória, no moris rohan-laek. Maibé ita tenke prontu. Ita la bele hein to'o "tarde liu". Ohin loron mak tempu atu la'o tuir Nia ho laran-metin. 

Husu ba ita-nia an: Se Jesus fila fali mai ohin, seraké ha'u prepararadu? Se lae, mai la'o tuir Nia agora. Hili obedese, hili hahalok santu, hili Jesus. 

Ema ne'ebé sira-nia laran preparadu, sei la'o ho konfiansa hodi hein Nai Jesus Ninia mai ba daruak no la'o ho firmi iha dalan ba lalehan. 

Orasaun: Nai Jesus, ajuda ami atu matan-moris nafatin no prontu hodi hein ita-nia fila fali ba daruak. Halo ami-nia laran fiél nafatin, ami-nia moris moos nafatin, no hali ami la'o besik ho Ita. Prepara ami loron-loron bainhira ami kontinua la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Kaer-metin ba Maromak Ninia promesa sira

Rona lai, Maromak mak ha'u-nia salvasaun, ha'u sei fiar no ha'u la tauk, tanba Nia mak Nai ne'ebé ha'u-nia kbiit no ha'u-nia kanta, no Nia sai ona ha'u-nia salvasaun. Isaias 12:2 BK

Isaias 12:2

Isaias 12: 2 mak versíkulu furak ida kona-ba esperansa. Maromak promete ida-ne'e ba Ninia povu durante tempu susar sira. Sira hasoru perigu, ta'uk, no tempu la serteza sira. Maibé Maromak fó-hanoin sira katak Nia rasik mak sei sai sira-nia salvasaun - Maromak ida ne'ebé salva, proteje no fó forsa. 

Iha versíkulu ne'e, profeta Isaias hanorin ita atu tau fiar tomak ba Maromak. Nia hatete: "Hau sei tau fiar no la ta'uk." Ida-ne'e la dehan katak moris sei sempre fasil. Maibé ida ne'e signfika maski ita hasoru buat saida de'it, ita kaer-metin Maromak Nia promesa sira. Ita kaer metin ba Ninia Liafuan hanesan fatuk ne'ebé metin iha tempu hasoru anin-fuik. 

Maromak promete katak nia sei sai ita-nia salvasaun, ne'ebé signifika nia sei salva ita husi sala no husi situasaun hotu ne'ebé tenta halakon ita. Nia promete katak Nia sei sai ita-nia forsa kuandu ita sente fraku. No Maromak promete katak Nia sei defende ita, no nia sei halo funu kontra forsa nakukun nian ne'ebé ita labele halo ho ita-nia forsa rasik.

Kuandu sentimentu ta'uk tenta tama iha ita-nia laran, hanoin-hetan versikulu ne'e. Kuandu ita-nia problema sira sente todan liu, hanoin-hetan katak Maromak mak ita-nia forsa. Kuandu ita la hatene kona-ba moris nee atu sai oinsá los, hanoin-hetan katak Maromak mak ita-nia salvasaun. Ninia promesa sira nunka falla. 

Kaer-metin ba Maromak nia promesa sira, signifika hili tau fiar ba Maromak ninia lia-fuan sira liu fali ita-nia sentimentu ta'uk sira. Ne'e signifika katak ita tau fiar katak Maromak hamutuk ho ita, nia suporta ita, no Nia sei lori ita liuhosi tempu susar hotu iha ita-nia moris. 

Kaer-metin ba Ninia promesa sira ohin loron. Husik Ninia lia-loos enxe ita-nia laran ho dame no korajen. Kuandu ita tau fiar ba Maromak Nia salvasaun, ita la'o ho aten-barani no la'o ho seguru iha dalan ba lalehan. 

Orasaun: Nai, obrigadu ba Ita-Boot Nia promesa sira ne'ebé nunka falla. Ajuda ami tau fiar ba Ita ho ami-nia laran tomak no kaer metin ba Ita-nia Liafuan bainhira ami ta'uk. Sai ami-nia forsa no ami-nia salvasaun bainhira ami la'o iha dalan ba lalehan. Amen.

Isaias 12:2

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Lia-loos neʼebé fó liberdade

No imi sei hatene lia-loos, no lia-loos sei halo imi livre. João 8:32 BK

João 8:32

Iha versíkulu ne'e, Jesus ko'alia ba ema sira ne'ebé fiar ba Nia. Nia esplika katak liberdade ne'ebé loos mai husi koñesimentu no moris iha Ninia lia-loos. Ema barak hanoin katak liberdade signifika halo buat saida de'it ne'ebé sira hakarak, maibé Jesus hanorin buat ne'ebé diferente. Liberdade ne'ebé loos, so hetan iha Jesus - iha Jesus ita bele hetan liberdade husi sala, ta'uk, no lia-bosok sira. 

Jesus hatete: "Imi sei hatene lia-loos." Lia-loos ne'ebé Nia ko'alia, la'ós de'it informasaun. Ne'e mak Nia an rasik. Jesus hatete iha Joao 14:6: "Hau mak dalan, lia-loos no moris." Kuandu ita halo tuir Ninia hanorin sira, obedese ba Ninia Liafuan sira, no hakbesik nafatin ba Nia, ita sei hetan lia-loos ne'ebé lori dame no matadalan ba ita-nia moris. 

Pekadu lasu ita. Lia-bosok husi Diabu halo ita konfuzaun. Ta'uk kaer metin ita no dada ita ba kotuk. Maibé lia-loos husi Jesus halo rahun kadeli diabu nian sira-ne'ebe kesi metin ita. Ninia lia-loos hatudu ba ita se mak ita loloos - Maromak hadomi, fó perdua, no halo ita hetan moris foun. Ninia lia-loos hanorin ita buat ne'ebé loos no fó forsa mai ita atu la'o dook husi buat ne'ebé sala. 

Kuandu ita lee Biblia, halo orasaun, no halo tuir Maromak nia lian, lia-loos sei hakonu liután iha ita-nia laran. No bainhira Nia lia-loos hakonu ita-nia laran, ita sei esperiensia liberdade liután - liberdade atu moris ho ksolok, liberdade atu hili buat ne'ebé di'ak, no liberdade atu la'o ho fiar an ba Maromak. 

Ohin loron, loke ita-nia laran ba Jesus nia lia-loos. Husu ba Nia atu hasai tiha lia-bosok no ta'uk ne'ebé hanehan ita. Husik Maromak Nia Liafuan dirije ita-nia hakat sira. 

Bainhira ita la'o tuir Jesus Nia lia-loos sira, ita la'o iha liberdade ne'ebé loos - no ita sei kontinua la'o iha dalan ba lalehan. 

Orasaun: Nai Jesus, obrigadu tanba Ita mak lia-loos ne'ebé halo ami livre. Hakonu ami-nia laran ho Ita-nia Liafuan no fó matadalan mai ami loroloron. Ajuda ami la'o iha Ita-nia liberdade bainhira ami la'o dadaun iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hahi'i Nai ho laran-tomak

Ha'u sei fó agradese ba Nai ho ha'u-nia fuan-larantomak, ha'u sei konta Ó-nia milagre hotu. Salmu 9:1 BK

Salmu 9:1

Iha Salmo 9: 1, David hatudu oinsá mak ita bele hahi'i Maromak - la'ós ho laran-ruarua, maibé ho ita-nia laran tomak. Hahi'i Maromak la'ós de'it liuhosi kanta knananuk ka ko'alia liafuan di'ak sira. Maibé hahi'i Maromak mak fo agradese ba Maromak ho laran-moos, haksolok, no laran tomak. Hahi'i Maromak liuhusi hanoin-hetan buat hotu ne'ebé Maromak halo ona ba ita no fó Nia onra ne'ebé nia merese. 

Liurai David hasoru susar barak iha ninia moris - hanesan ta'uk, funu, hasoru inimigu, no momentu triste sira. Maibé nia sei hili nafatin atu hahi'i Maromak ho ninia laran tomak. Ida-ne'e hanorin mai ita katak hahi'i Maromak la'ós de'it iha loron di'ak sira. Maibé hahi'i Maromak mós iha tempu susar sira. Kuandu ita fó hahi'i Maromak iha tempu susar sira, ita-nia laran sai forte liután no ita-nia fiar sai kle'an liután. 

Versikulu ne'e mós hatete: "Ha'u sei konta Ó nia milagre hotu". Hahi'i Maromak signifika katak hanoin-hetan Ninia laran-di'ak sira. Hanoin kona-ba tempu ne'ebé Nia proteje ita, kura ita, fó perdua ba ita, ka fó matadalan ba ita. Bénsaun hotu-hotu mak razaun ida atu fó obrigadu ba Maromak. 

Kuandu ita fó hahi'i ba Maromak, ita muda ita-nia matan husi ita-nia problema ba Maromak nia kbiit boot. Hahi'i Maromak lori dame. Hahi'i Maromak lori ksolok. Hahi'i Maromak lori Ninia prezensa mai ita-nia moris. 

Ohin loron, foti tempu atu hahi'i Maromak ho Ita-nia laran tomak. Ko'alia ho lian maka'as buat ne'ebé Nia halo ona ba ita. Kanta knananuk ida. Halo orasaun hodi fó agradesementu. Husik Ita-nia laran nakonu ho gratidaun. 

Laran ne'ebé hahi'i Maromak la'o besik ho Nia - no ida-ne'e halo ita la'o iha dalan loos hodi la'o ba oin ho laran-metin iha dalan ba lalehan. 

Orasaun: Nai, ami hahi'i Ita ho ami-nia laran tomak. Obrigadu ba Ita-Boot nia hahalok furak sira iha ami-nia moris. Hakonu ami-nia laran ho agradese no ajuda ami moris loroloron iha Ita-Nia prezensa bainhira ami la'o iha dalan ba lalehan. Amen.

Salmu 9:1

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak ne'ebé lori ita-nia todan

Adora ba Nai ne'ebé lori ita loro-loron, ba Maromak ne'ebé fó salvasaun mai ita. Salmu 68:19 BK

Salmu 68:19

Iha ita-nia moris, ita lori todan barak. Todan balu ita bele haree - hanesan moras, problema finanseiru, ka problema família nian. Problema balu subar an iha ita-nia laran - hanesan ta'uk, hanoin resin, sente mesak de'it, ka moras ne'ebé ita la bele esplika. Maibé Salmo 68: 19 fó ita promesa furak ida: Maromak lori ita-nia todan loroloron. 

Versikulu ne'e hatete "loron-loron" tanba Maromak ajuda ita la'os dala ruma de'it. Nia la'os de'it apoia ita kuandu ita sente forte. Nia ajuda ita loroloron, maski ita sente fraku ka kole. Nia la'ós Maromak ne'ebé haree ita hosi dook de'it. Nia mak Aman domin na'in ne'ebé besik no lori ita-nia todan hotu ne'ebé ita labele lori. 

Dala barak, ita koko atu lori buat hotu mesak de'it. Ita koko atu rezolve ita-nia problema hotu, hadi'a ita-nia situasaun hotu, no koko atu haforsa an mesak deit. Maibé Maromak nunka husu ita atu halo ida ne'e. Maibé, Jesus konvida ita hodi dehan "mai ba ha'u... no ha'u sei fó deskansa ba imi". Maromak hakarak ita intrega ita-nia todan ba Nia - liuhusi orasaun, fiar, no intrega an ba Nia. 

Kuandu ita fó ita-nia todan ba Nai, Nia fó dame mai ita. Nia fó forsa ba ita ohin no esperansa ba aban. Nia troka ita-nia ta'uk ho aten-barani, no ita-nia triste ho komfortu.

Entaun ohin, foti tempu atu tau ita-nia todan iha Maromak nia oin. Hatete ba Nia buat ne'ebé todan iha ita-nia laran. Fiar katak Nia sei foti todan ne'e, dirije ita, no la'o hamutuk ho ita. 

Kuandu ita husik Maromak lori ita-nia todan, ita bele la'o ho kman liu, libre liu, no forte liu hodi lao iha dalan ba lalehan. 

Orasaun: Nai, obrigadu, tamba lori ami-nia todan loroloron. Ajuda ami tau fiar ba Ita no entrega buat hotu ne'ebé hatodan ami. Fó dame no forsa mai ami bainhira ami la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Moris ho laran- luak

Fó ba, no imi sei hetan. Nia sei sukat di-diak, hanehan tuun, doko tan, enxe resin no tau iha imi nia hitin. Tanba buat ne'ebé imi sukat ba ema, nune'e ema sei sukat fali ba imi. Lucas 6:38 BK

Lucas 6:38

Jesus hanorin ita iha versíkulu ida-ne'e katak moris ho laran-luak lori bénsaun boot - la'ós de'it ba ema seluk, maibé mós ba ita. Laran-luak mak liu fali fó osan. Ne'e mak fó ita-nia tempu, kuida, perdua, hadomi no ajuda ema ne'ebé presiza. 

Iha Jesus Nia tempu, ema uza raga hodi sukat trigu. Bainhira ema ida hakarak hatudu laran-luak, sira hanehan trigu ne'e tun, baku atu halo fatin barak liután, no tau tan trigu to'o resin. Ida-ne'e mak imajen ne'ebé Jesus uza atu hatudu oinsá Maromak rekompensa ba ema ne'ebé laran-luak. Kuandu ita fó buat hotu ho laran-luak, Maromak sei fó fali bénsaun sira ne'ebé nakonu to'o resin.

Maibé Jesus la hanorin ita atu fó de'it atu ita bele simu. Nia hakarak ita atu iha laran hanesan Ninian - laran-di'ak, nakloke no iha dezezu atu fahe. Laran-luak hatudu Maromak-Nia domin ba mundu. Kuandu ita ajuda ema seluk, ita refleta Jesus Nia hahalok ne'ebé fó Ninia moris ba ita. 

Dala ruma ita hanoin katak ita la iha buat barak atu fó. Maibé Maromak mós bele uza hahalok laran-di'ak ne'ebé ki'ik liu, hanesan oin-midar, orasaun, vizita, no hahán atu book ema nia laran. Buat ne'ebé importante mak la'ós prezente ne'ebé boot, maibé domin ne'ebé sai ita-nia motivu. 

Entaun ohin, husu Maromak atu halo ita sai ema laran-luak. Buka ema ne'ebé Ita bele fo bensaun. Fo ho laran-haksolok tamba ita hatene katak Maromak haree asaun karidade hotu ne'ebé ita halo no sei fó fali buat ne'ebé boot liu fali buat ne'ebé ita bele imajina. 

Kuandu ita moris ho laran-luak, ita la'o tuir Jesus nia hakat sira, no ita ajuda gia ema seluk atu la'o iha dalan ba lalehan. 

Orasaun: Nai, fó laran-luak mai ami. Ajuda ami fahe buat ne'ebé ami iha ho ksolok no domin. Uza buat ne'ebé ami fo atu haraik bénsaun ba ema seluk no lori sira la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

MAROMAK NIA ESPIRITU KO'ALIA LIUHOSI ITA

Tanba la'os imi rasik ko'alia, maibé imi nia Aman nia Espíritu sei koalia liu hosi imi. Mateus 10:20 BK

Mateus 10:20

Kuandu Jesus haruka Ninia dixipulu sira ba haklaken Evanjellu, nia fó avizu ba sira katak sira sei hasoru opozisaun. Ema balu sei rejeita sira, pergunta sira, ka ema balu sei ataka sira. Karik dixipulu sira sente ta'uk no hanoin kona-ba saida mak sira bele hatete ka oinsá atu defende sira-nia an. 

Maibé Jesus fo ba sira promesa furak ida: katak sira sei la ko'alia mesak de'it. Maromak nia Espíritu, Espíritu santu, sei ko'alia liuhusi sira. 

Versíkulu ne'e fó-hanoin ita katak Maromak la bolu ita atu serbí Nia ho ita-nia kbiit rasik. Kuandu ita fahe Ninia Liafuan, fó komfortu ba ema ruma, halo orasaun ba ema ruma, ka fó-hatene ema seluk kona-ba Jesus, Espíritu Santu fó liafuan ne'ebé loos mai ita iha tempu ne'ebé ita presiza. Maski ita sente fraku, moe, ka seidauk prepara an, maibé Maromak fo forsa nafatin. 

Ita-nia "Aman Nia Espíritu" hatudu katak Maromak besik ho ita. Nia la dook hosi ita. Nia hela iha ita-nia leet. Nia ajuda ita. Hanesan aman ida-ne'ebé hadomi ninia oan sira, Maromak mós dirije ita-nia hanoin, ita-nia liafuan, no ita-nia asaun. Kuandu ita sadere ba Maromak, Nia uza ita-nia liafuan simples sira hodi book ema-nia laran no muda ema-nia moris. 

Entaun keta ta'uk atu ko'alia kona-ba Ita-nia fiar. Keta hanoin barak kona-ba ko'alia ho perfeitu. Tau fiar de'it ba Maromak. Loke ita-nia laran, no husik Espíritu Santu serbisu liuhosi ita. Nia bele halo ita-nia liafuan ki'ik sira sai bénsaun boot ba ema ne'ebé presiza esperansa. 

Bainhira ita husik Maromak Nia Espíritu ko'alia liuhosi ita, ita fó naroman ba ema seluk, no ita ajuda sira atu la'o iha dalan ba lalehan. 

Orasaun: Aman, obrigadu tanba fó Ita-nia espíritu santu mai ami. Ajuda ami tau fiar ba Ita kuandu ami ko'alia Maromak Nia lia-fuan no sadere ba Ita-nia forsa, la'ós ami-nian forsa rasik. Uza ami-nia liafuan atu haraik bénsaun ba ema seluk no dirije sira iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

La'o liuhosi foho leet mate nian

Maski ha'u la'o iha foho leet ne'ebé iha lalatak mate nian, ha'u la ta'uk buat aat, tanba Ó hamutuk ho ha'u; Ó-nia rota no Ó-nia ai tonka mak konsola ha'u. Salmu 23:4 BK

Salmo 23:4

Moris la'ós sempre fasil. Dala ruma ita la'o liuhusi tempu nakukun no ta'uk - hanesan tempu moras, tempu perigu, tempu ita lakon ema ne'ebé ita hadomi, tempu konfuzaun, ka momentu triste sira. Iha Salmo 23: 4, liurai David bolu fatin ne'e nu'udar "foho leet lalatak mate nian". Ne'e mak imajen ida kona-ba situasaun susar liu iha ita-nia moris, kuandu buat hotu sente la serteza no sentimentu ta'uk koko atu kontrola ita-nia laran.

Maibé David fó-sai lia-loos ne'ebé iha kbiit boot mai ita: ita la la'o liu foho leet rai nakukun mesak de'it. Nai, ita-nia Bibi-atan, hamutuk ho ita. Nia la husik ita, maski ita-nia dalan sente todan no moras. Ninia prezensa mak ita-nia protesaun boot liu hotu. 

Liurai David hatete: "Hau sei la ta'uk buat aat." Nia la ta'uk, la'os tanba foho leet ne'e seguru - maibé tanba Maromak besik ho nia. Maromak nia ai-tonka mak hanesan instrumentu ne'ebé bibi-atan uza atu proteje no dirije bibi sira. Nune'e mós, Maromak uza Ninia podér atu defende ita no ho Ninia lian Nia dirije ita. Ninia Liafuan no Ninia Espíritu fó-hanoin ita katak Maromak mak kontrola buat hotu maski ita la serteza kona-ba moris. 

Versikulu ne'e la promete katak ita sei nunka hasoru susar. Maibé versikulu ne'e promete buat ne'ebé di'ak liu: Maromak rasik sei la'o besik ita-nia sorin. Nia sei lori ita bainhira ita fraku, fó kmaan mai ita kuandu ita laran kanek, no fó matadalan mai ita kuandu ita la haree dalan ba oin. 

Entaun, ohin. bainhira ita hasoru ita-nia foho leet mate nian, foti ita-nia matan ba Bibi-Atan. Tau fiar ba Ninia prezensa. Kaer metin ba Ninia Liafuan sira. Husik Maromak dirije ita pasu pur pasu iha dalan ba Lalehan 

Ho Maromak nu'udar ita-nia Bibi-atan, ita sei kontinua la'o ba oin ho laran-metin no seguru iha dalan ba lalehan. 

Orasaun: Nai, kuandu ami la'o liuhosi foho leet mate nian ne'ebé nakukun no susar, fó-hanoin ami katak Ita hamutuk ho ami. Hasai tiha ami-nia ta'uk no hakonu ami ho Ita-nia komfortu no dame. Lori ami ho seguru iha dalan ba lalehan. Amen.

Salmo 23:4

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Dedika an ba orasaun loroloron

Imi tenki badinas iha orasaun. Matan moris ba iha orasaun ho agradese. Kolose 4:2 BK

Colossenses 4:2 

Dediquem‑se à oração, vigiando por meio dela com ações de graças. Colossenses 4:2 NVI

Iha versíkulu ne'e, apóstolu Paulo hanorin ema kristaun iha Koloso atu iha abitu halo orasaun loroloron. Liafuan "devosaun" katak kontinua halo buat ida ho fidelidade, la rende an maski ita sente okupadu ka susar. Apóstolu Paulo hakerek karta ne'e bainhira nia iha komarka laran, maibé nia nafatin fó korajen ba ema seluk atu halo orasaun. Ida-ne'e hatudu oinsá orasaun importante tebes ba ema kristaun hotu. 

"Matan-moris nafatin" signifika presiza espiritualmente hadér nafatin. Ita tenke tau atensaun ba buat ne'ebé Maromak halo hale'u ita no proteje ita-nia laran husi buat ne'ebé bele hafraku ita-nia fiar. Kuandu ita halo orasaun ho matan nakloke no ita-nia laran nakloke, ita bele haree ho klaru Maromak Nia ajuda no Maromak Nia matadalan sira. 

Apóstolu Paulo mós hatete katak ita tenke agradese. Laran ne'ebé agradese sempre hanoin Maromak nia laran-di'ak sira. Kuandu ita fó agradese ba Maromak iha ita-nia orasaun, maski iha tempu susar, halo ita-nia fé sai forsa. Agradese muda ita-nia laran susar sai fali adorasaun ba Maromak no fó-hanoin ita katak Maromak sempre kontrola buat hotu. 

Orasaun la'ós de'it atu husu Maromak buat ruma, maibé atu la'o besik ho Nia loroloron. Orasaun mak ko'alia ho ita-nia Aman, rona ba Ninia lian liuhusi Sagrada Eskritura, no tau fiar ba Ninia resposta sira. Ita-nia moris ne'ebé nakonu ho orasaun halo ita-nia laran sai mamar, ita-nia neon sai moos, no ita-nia fiar sai metin. 

Ohin loron, mai ita hafoun fali ita-nia komitmentu atu halo orasaun. Hahú ho hakat ki'ik sira: minutu balu iha dadeer, orasaun badak ruma durante serbisu, no orasaun agradesementu molok ba toba. Kuandu ita prátika ida ne'e beibeik, naturalmente orasaun sai parte ida husi ita-nia moris loroloron nian, ne'e mak prezente ida-ne'ebé bele liga ita ho Maromak nia kbiit no dame. 

Kuandu ita krese iha orasaun, ita hakbesik nafatin ba Maromak no kontinua la'o ho laran-metin iha dalan ba lalehan. 

Orasaun: Na'i, hanorin ami atu halo orasaun loroloron ho matan-moris no laran ne'ebé nakonu ho agradesementu. Ajuda ami atu hakbesik nafatin ba Ita no depende ba Ita iha ami-nia moris tomak. Kontinua haforsa ami bainhira ami la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Liuhusi bee no ahi-lakan

Bainhira ó la'o liu hosi tasi, Ha'u sei hamutuk ho ó; no bainhira ó hakur mota, sira sei la taka ó; no bainhira ó la'o liuhosi ahi, ahi ne'e sei la haan ó; no ahi lakan ne'e sei la sunu ó. Isaias 43:2 BK

Isaias 43:2

Atu komprende versikulu ne'e, ita presiza haree didi'ak versíkulu ne'e nia kontestu. Iha Isaias 43, Maromak ko'alia daudaun ba Ninia povu Izrael ne'ebé hasoru susar, ta'uk no dadur. Sira sente katak Maromak husik hela sira no la serteza kona-ba sira-nia futuru. Maibé Maromak fó-hanoin sira: "Imi mak ha'u-nian... Ha'u kria ó... Keta ta'uk." Tuirmai Nia fó promesa furak ida-ne'e iha versíkulu 2. 

Maromak la hatete: se sira la'o liu bee ka ahi - Nia dehan bainhira. Ida-ne'e hanorin ita katak Maromak Nia oan sira mós sei liuhusi bee kle'an (problema/susar) no liuhusi ahi-lakan (moras no luta sira) iha sira-nia moris. Sai ema kristaun la halakon susar no dezafiu sira. Maibé Maromak promete buat ida-ne'ebé boot liu: Ninia prezensa no protesaun iha anin-fuik hotu.

"Bee" reprezenta problema boot sira no . 

 "Ahi-lakan" reprezenta situasaun sira ne'ebé halo ita sente laran-kanek. 

Maibé Maromak hatete: "Hau sei hamutuk ho ó." Bee sei la halo ó mout, ahi sei la destroi ó. 

Ida ne'e la dehan katak problema sei lakon, maibé ida ne'e signfika katak Maromak sei lori no hamutuk ho ita liuhusi problema sira-ne'e. Hanesan nia loke tasi mean (Exodus 14), proteje mane nain-tolu iha fornu ahi nian (Daniel 3), no hametin fiar-na'in barak, Nia mós sei hamutuk ho ita iha ita-nia tempu susar sira. 

Ohin, se ita la'o liu bee kle'an, kaer metin ba Maromak Nia promesa sira. Ita la mesak de'it. Maromak la'o iha ita-nia sorin, haforsa ita, no lori ita ho seguru liuhusi susar hotu. 

Tau fiar ba Nia - tanba Ninia prezensa mak fatin ne'ebé seguru liu iha dalan ba lalehan. 

Orasaun: Nai, obrigadu ba ita-nia promesa atu hamutuk ho ami liuhusi bee no ahi-lakan hotu. Ajuda ami atu tau fiar ba Ita kuandu hetan susar iha moris. La'o hamutuk ho ami, proteje ami no dirije ami bainhira ami kontinua la'o iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

JESUS BELE HALO BUAT NE'EBE IMPOSIVÉL

Maibé Jesus hateke ba sira, no dehan, “Ba ema, la bele; maibé ba Maromak, buat hotu bele.” Mateus 19:26 BK

Mateus 19:26

Atu komprende versikulu ne'e, ita presiza haree istória husi versíkulu anterior sira iha Mateus 19: 16-25. Mane joven ida-ne'ebé riku mai hasoru Jesus no husu: "Buat di'ak saida mak ha'u tenke halo atu hetan moris rohan-laek?" Nia hanoin katak nia bele ba lalehan liuhusi Ninia eforsu rasik. Jesus hatete ba nia atu halo tuir mandamentu sira, no mane joven ne'e dehan “Hau halo tuir ona buat sira nee hotu. Saida tan mak hau sei falta?” Mateus 19:20

Maibé Jesus hatene katak osan mak importante liu iha ninia laran. Tan ne'e, Jesus hatete: “Se o hakarak sai perfeitu, baa faan o nia sasaan, no foo ba ema kiak, no o sei hetan riku-soin iha lalehan. No mai tuir Hau.” Mateus 19:21. Mane joven ne'e la'o ho triste tanba nia hadomi liu ninia rikusoin duke Maromak. 

Tuirmai Jesus hatete ba ninia dixipulu sira katak susar tebes ba ema riku atu tama ba reinu lalehan - la'ós tanba osan ka riku-soin mak buat aat ida, maibé tanba ema tau fiar liu ba sira-nia rikusoin liu fali Maromak. Dixipulu sira hakfodak no husu: " Entaun se mak bele hetan salvasaun?" 

Jesus hatán ho lia-loos iha Mateus 19:26 “Ba ema, la bele; maibee ba Maromak, buat hotu bele.”

Ita labele salva ita-nia an liuhusi serbisu di'ak sira, osan, ka esforsu maka'as. Salvasaun ne'e imposivél ba ema, maibé posivél liuhusi Jesus Kristu. Nia mesak de'it mak bele fó perdua ba sala, muda ema nia laran, no fó moris rohan-laek. 

Buat saida de'it ne'ebé haree hanesan imposivél iha ita-nia moris - hanesan salvasaun ba ema neʼebé ita hadomi, relasaun familia ne'ebé aat, no problema ne'ebé ita hasoru iha moris. Karik ita hasoru problema sira ne'e, hanoin-ba katak Jesus bele halo buat ne'ebé imposivél. Bainhira ita tau fiar ba nia, ita tau ita-nia moris iha liman ne'ebé la iha limitasaun. 

La'o ho fé no fiar aan tamba ita hatene Jesus mak loke odamatan ba moris rohan-laek no lori ita atu la'o iha dalan ba lalehan. 

Orasaun: Nai Jesus, obrigadu tanba buat ne'ebé imposivél ba ami posivél ba ita. Ajuda ami tau fiar ba Ita-nia kbiit iha ami-nia moris tomak. Hametin ami-nia fiar bainhira ami la'o tuir Ita iha dalan ba lalehan. Amen.

Mateus 19:26

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Podér ne'ebé ita presiza

Tanba Espíritu ne'ebé Maromak fó ona ba ita laos Espíritu ta'uk maibé Espíritu ne'ebé iha kbiit, domin no halo ita kontrola aan. 2 Timóteo 1:7 BK

2 Timóteo 1:7

Iha versíkulu ida-ne'e, apóstolu Paulo hakerek ba pastor Joven ida naran Timoteo, ne'ebé dala ruma sente ta'uk no la iha serteza. Timoteo iha responsabilidade boot, no dezafiu sira ne'ebé hale'u nia halo nia la serteza. Apostolo Paulo fó-hanoin nia kona-ba buat ida ne'ebé importante tebes: ta'uk la mai husi Maromak. Maromak fó forsa, aten-barani no dame ba ninia oan sira. 

Lia-loos ne'e mós bale ba ita ohin loron. Dala barak ita sente ta'uk - ta'uk kona-ba futuru, ta'uk kona-ba fallansu, no ta'uk kona-ba oinsá ema nia hanoin ba ita. Maibé Maromak lakohi ta'uk atu kontrola ita-nia moris. Nia fó podér mai ita liuhusi Ninia espíritu santu. Podér ne'e bele ajuda ita hasoru problema oioin, hasoru tentasaun, no kontinua la'o ba oin maski hasoru susar iha moris. 

Maromak mós fó domin mai ita - domin ne'ebé ajuda ita atu fó perdua, hadomi ema seluk, no hatudu laran-di'ak. Kuandu domin hakonu ita-nia laran, ta'uk lakon ninia podér. 

No Maromak fó ita hanoin di'ak sira, ne'ebe signifika sabedoria, hanoin ne'ebé klaru, no kontrola ita-nia an. Ho Maromak nia ajuda, ita bele halo desizaun ne'ebé di'ak, hakmatek iha tempu susar, no tau fiar ba nia duke hanoin barak. 

Ohin loron, se ita sente fraku ka ta'uk, hanoin-hetan versikulu ne'e. Ita iha ona buat hotu ne'ebé ita presiza iha ita-nia laran tanba Maromak tau Ninia Espíritu iha ita-nia laran. Forsa ne'ebé Ita presiza mak la'os ita-nia forsa rasik - maibé Maromak nia forsa ne'ebé serbisu iha ita. 

La'o ho fiar aan. La'o ho domin. La'o ho dame. Kuandu Maromak hamutuk ho ita, la iha buat ida mak bele hapara Ninia hakarak ba ita-nia moris. No bainhira ita tau fiar ba Ninia Espíritu loroloron, Nia sei dirije ita ho seguru iha dalan ba lalehan. 

Orasaun: Nai, obrigadu tanba Ita la fó ami Espíritu ta'uk nian, maibé kbiit, domin, no hanoin ne'ebé loos. Ajuda ami atu tau fiar ba Ita-nia Espíritu no la'o ho korajen loroloron, bainhira ami la'o tuir Ita iha dalan ba lalehan. Amen.

2 Timóteo 1:7

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak Ninia domin ba labarik sira

Maibé bainhira Jesus haree ida ne'e, Nia la kontenti, no dehan ba sira, “Husik labarik kiik-oan sira hakbesik mai Ha'u, no keta bandu sira. Tanba reinu lalehan mak sira nian.” Marcos 10:14 BK

Marcos 10:14

Iha versíkulu ne'e, Jesus hatudu Ninia domin ne'ebé kle'an ba labarik sira. Kuandu ema balu koko atu hapara labarik sira atu mai hasoru Nia, Jesus la kontente. Nia hatete ho klaru ba sira: "Husik labarik kiik-oan sira hakbesik mai Ha'u" Jesus simu sira ho liman nakloke. Nia haraik bénsaun ba sira, tau matan ba sira, no hatudu katak labarik sira folin-boot ba Maromak. 

Versíkulu ne'e hanorin ba ita katak labarik hotu importante ba Jesus. Nia haree sira-nia fiar ne'ebé simples, sira-nia inosensia, no sira-nia laran ne'ebé onestu. Karik labarik sira la hatene buat hotu, maibé sira fasil atu fiar. Jesus hatete katak Maromak Nia reinu partensi ba ema sira ne'ebé iha laran hanesan labarik - simples, haraik-an, no prontu atu fiar. 

Jesus nia domin ba labarik sira mós fó-hanoin ba ita katak ita tenke tau matan ba labarik sira, proteje sira, no lori sira ba Jesus. Maromak hakarak labarik ida-idak hatene katak Maromak hadomi sira, no sira importante no folin-boot iha MaromakNia oin. Maski labarik ida riku ka kiak, forte ka fraku, Jesus konvida sira hotu. La iha ema ida-ne'ebé ki'ik liu ka nurak liu atu hetan Ninia domin. 

Versíkulu ne'e mós ko'alia kona-ba ita nu'udar ema-boot. Jesus hakarak ita hasoru Nia ho fiar hanesan labarik - tau fiar tomak ba Nia, depende ba nia loroloron, no fiar Ninia promesa sira la ho laran ruarua. Kuandu ita haraik-an hanesan labarik ki'ik sira, ita-nia laran sai nakloke ba Maromak nia grasa no bénsaun. 

Ohin loron, hanoin-hetan katak Ita mak Maromak Nia oan doben ida. La prekupa ita-nia idade hira, Ninia liman nakloke atu simu Ita. La'o ba Nia ho laran hanesan labarik ida, no husik Ninia domin lori ita loroloron atu la'o iha dalan ba lalehan. 

Orasaun: Nai, obrigadu tanba Ita hadomi labarik hotu, inklui ami boot sira. Fó ba ami laran ne'ebé haraik-an hanesan labarik ki'ik sira. Ajuda ami atu hatudu Ita-nia domin ba labarik sira ne'ebé hale'u ami bainhira ami hotu la'o hamutuk ho Ita iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak Nia lia-fuan mak moris

Tanba Maromak nia liafuan mak moris no iha podér, no kro'at liu fali surik ne'ebé kro'at iha sor-sorin. Liafuan ne'e sei sona to'o fahe mós klamar no espíritu, fukun no dolen, no bele hatudu fuan laran nia hanoin no kompriensaun. Ebreu 4:12 BK

Ebreu 4:12

Versíkulu ne'e hanorin ita buat ida ne'ebé poderozu tebes: Biblia la'ós de'it livru antigu ida. Bíblia ne'e moris. Maromak Nia Liafuan iha Ninia podér iha laran no iha tempu ita lee ka medita Maromak ninia lia-fuan, Maromak serbisu iha ita-nia laran. 

Binhira Bíblia hatete katak liafuan ne'e "moris no ativu", ne'e signifika katak liafuan ne'e ko'alia ba ita-nia moris ohin loron. Biblia fó matadalan mai ita, fó kmaan mai ita, no ajuda ita atu hakbesik liután ba Maromak. La prekupa dala hira ita lee biblia ona, bainhira ita lee fali, Maromak sempre hatudu buat foun ba ita. 

Versu ne'e mós hatete katak Maromak Nia Liafuan mak hanesan surik ne'ebé kro'at. Nia ko'a kle'an - la'os atu hakanek ita maibé atu ajuda ita. Maromak Nia liafuan hatudu lia-loos kona-ba ita-nia laran. Maromak Nia liafuan hatudu pekadu sira ne'ebé ita subar, atitude sira ne'ebé sala, no hahalok foti-an sira. Iha tempu hanesan, Maromak Ninia lia-fuan mós lori kurativu, esperansa no forsa. Maromak uza Ninia Liafuan atu forma ita-nia hahalok no halo ita sai hanesan Jesus. 

Dala ruma lia-loos husi Biblia sente hanesan dezafia ita, maibé Biblia sempre di'ak no hatu Maromak Ninia domin. Maromak uza Ninia Liafuan atu hamoos ita-nia laran, dirije ita-nia desizaun, no proteje ita-nia hakat sira. Kuandu ita rona no halo tuir Maromak Nia liafuan, ita-nia moris sai metin no nakonu ho dame. 

Tan ne'e, ohin, mai ita loke ita-nia Biblia ho laran tomak. Husik Maromak ko'alia ba ita. Husik Maromak Nia Liafuan ne'ebé moris fó matadalan ba ita-nia hakat hotu no muda ita-nia moris. Kuandu ita rona barak liután Maromak nia Liafuan, ita sei preparadu liután atu la'o ho laran-metin iha dalan ba lalehan. 

Orasaun: Nai, obrigadu tanba Ita-Boot nia Liafuan mak moris no ativu. Ko'alia ba ami-nia laran bainhira ami lee. Uza Ita-nia Liafuan atu fó matadalan, korrije no hametin ami bainhira ami la'o tuir Ita iha dalan ba lalehan. Amen.

Ebreu 4:12

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak ne'ebé halo imposivé

Tanba ho Maromak la iha buat ida ne'ebé la bele. Lucas 1:37

Lucas 1:37

Anju Gabriel ko'alia liafuan sira-ne'e ba Maria bainhira nia rona katak nia sei tuur-ahi ba Jesus. Maria mak feto-klosan ida-ne'ebé simples, atu hahoris Salvador, haree hanesan imposivél. Nia la iha podér, la iha pozisaun espesiál, no la iha planu ba milagre hanesan ne'e. Maibé anju ne'e fó-hanoin nia katak Maromak bele halo buat ne'ebé ema la bele halo. 

Versíkulu ne'e hanorin ita buat importante ida kona-ba Maromak: Ninia kbiit la iha limitasaun. Nia bele halo liu fali ema nia forsa, siénsia, logika, no ka saida de'it mak ita bele imajina. Buat ne'ebé imposivél ba ita mak buat ne'ebé Maromak bele halo. 

Iha Biblia laran, ita lee Maromak fera tasi, kura ema moras, halo ema mate moris hi'as fali, no muda sira-nia laran. Nia fó oan ba feto sira ne'ebé idade ona, proteje Ninia povu husi perigu, no lori esperansa ba sira ne'ebé la iha esperansa. Ninia podér sei hanesan nafatin to'o ohin loron.

Karik agora dadauk ita hasoru situasaun ne'ebé ita sente katak imposivél - problema ne'ebé boot demais, ka moris ne'ebé todan liu nakonu ho problema. Lembra Lukas 1:37. Maromak la limita ba Ita-nia situasaun. Ita-nia frakeza sira la hanetik Nia. Nia mak Maromak ne'ebé ko'alia no milagre sira akontese. 

Ita-nia serbisu mak la'os atu komprende oinsá Maromak halo Ninia serbisu. Maibé Ita-nia serbisu mak atu tau fiar katak Maromak bele halo buat hotu. Kuandu ita tau ita-nia moris iha Ninia liman, Nia bele loke odamatan, muda situasaun, no lori esperansa ba fatin nakukun sira. 

Ohin loron, intrega ita-nia prekupasaun hotu ba Maromak. Fiar katak Maromak bele halo buat hotu. La'o ba oin ho fé, hatene-ba katak Maromak ne'ebé bele halo buat ne'ebé imposivél la'o hamutuk ho ita iha dalan ba lalehan. 

Orasaun: Nai, obrigadu tanba Ita Maromak ne'ebé bele halo buat ne'ebé imposivél. Ajuda ami atu tau fiar ba Ita-nia podér, maski iha situasaun ne'ebé la iha esperansa. Fó ba ami fé atu fiar katak Ita bele halo buat boot ne'ebé imposivél bainhira ami la'o tuir hela Ita iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

MAROMAK HADOMI TEBES MUNDU

Tanba Maromak hadomi tebes mundu, to'o Nia fó Ninia Oan Mane mesak, atu ema hotu ne'ebé fiar ba Nia sei la lakon, maibé sei hetan moris rohan laek. João 3:16 BK

João 3:16

Joao 3:16 mak versíkulu ida-ne'ebé famozu no iha kbiit boot liu iha Biblia tanba versikulu ne'e esplika kona-ba Evanjellu ka lia-fuan di'ak ho liafuan simples ida de'it: "Maromak hadomi ita". Nia hadomi mundu tomak - la'ós de'it ema di'ak, la'ós de'it ema ne'ebé ba igreja, la'ós de'it ema ne'ebé hahalok-di'ak. Nia hadomi ema hotu, inklui mós sira ne'ebé sente lakon, laran kanek, ka dook husi Nia. 

Maromak hatudu Ninia domin boot hodi fó ninia Oan-Mane mesak, Jesus. Jesus mai iha mundu, moris ho moris ne'ebé perfeitu, no mate iha kruz hodi kasu ita-nia sala sira. Nia halo ida-ne'e atu nune'e ema hotu bele hetan perdua no moris rohan-laek. Ne'e mak prezente ne'ebé boot liu hotu ne'ebéMaromak foʻ. 

Versíkulu ne'e mós dehan katak ema se de'it ne'ebé fiar Maromak sei la mate. "Ema se de'it signifika ó, ha'u, no ema hotu iha mundu ne'e. Fiar ba Jesus katak tau fiar ba Nia nu'udar ita-nia Salvador no la'o tuir nia hanorin sira ho ita-nia laran tomak. Kuandu ita fiar, Maromak fó ita moris foun, esperansa, no futuru ba nafatin hamutuk ho Nia. 

Ne'e mak mensajen domin nian ne'ebé muda buat hotu. Maromak hafolin tebes Ita. Maromak hakarak ita. Maromak hadomi tebes Ita. 

Ohin loron, hanoin-ba katak Maromak Nia domin mak ba ita rasik. Simu Ninia prezente ho fiar no gratidaun. Kuandu ita fiar ba Jesus, Nia kaer ita ho liman no lidera ita la'o iha dalan ba lalehan. 

Orasaun: Aman, obrigadu tanba Ita hadomi tebes mundu ne'e to'o Ita fó Jesus ba ami-nia salvasaun. Ajuda ami atu fiar no la'o tuir nia loroloron. Hakonu ami-nia laran ho Ita-nia domin bainhira ami la'o hamutuk ho Ita iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More