Nai, hau fiar ona; ajuda ba bainhira hau la fiar!

No labarik nia aman hakilar kedas, no dehan ho matan been, “Nai, ha'u fiar ona; ajuda ba bainhira ha'u la fiar!” Marcos 9:24 BK 

                               Marcos 9:24

Favór lee ninia istória kompletu iha Evanjellu Marcos 9.

Ema kristaun barak hanoin katak fé signifika la iha dúvida. Maibé Biblia hatudu ba ita katak ema ida bele fiar Maromak, maibé sei luta nafatin mós ho ta'uk no inserteza sira. Ida-ne'e mak esperiénsia husi aman ne'ebé lori ninia oan-mane ne'ebé demonia tama ona ba nia laran. Nia fiar katak Jesus bele ajuda, maibé kuandu nia haree nia oan terus ba tinan barak, nia laran sei iha duvida ba buat balu. Duke subar ninia frakuleza sira ne'e, nia halerik ho onestu: "Nai, hau fiar ona; ajuda ba bainhira hau la fiar!" 

Ida-ne'e hanorin ita lisaun importante ida. Fiar la signifika la iha dúvida iha ita-nia moris. Fé ka fiar mak hili atu lori ita-nia dúvida ba Jesus no husu Nia atu hametin ita-nia fiar. Fiar ne'ebé fraku ne'ebé sadere ba Jesus di'ak liu fali fiar ne'ebé metin maibé depende de'it ba ita-nia an rasik. 

Bíblia fó ezemplu seluk tan kona-ba ema fiar-na'in sira ne'ebé luta ho sira-nia dúvida. Pedro la'o iha bee leten, bainhira nia hateke ba Jesus, maibé nia komesa mout bainhira nia hateke ba anin-boot no ta'uk (Mateus 14:29-31). Dixipulu Tomé la fiar katak Jesus moris hi'as ona to'o nia haree Jesus ho ninia matan rasik, maibé ho pasiénsia Jesus ajuda nia fiar (João 20:24-29). Jesus la husik sira, maibé Nia hametin sira-nia fiar. 

Oinsá mak ita bele halakon ita-nia dúvida ne'ebé halo ita lakon fiar? Ulukliu, onestu ho Maromak kona-ba Ita-nia dúvida sira. Segundu, gasta tempu lee Maromak Nia promesa sira iha Biblia. Terseiru, hanoin-fali oinsá mak Maromak ajuda Ita iha tempu pasadu. Ikusmai, kontinua halo orasaun no obedese ba Maromak maski ita-nia fiar kiik hela. Fé sai forte liután bainhira ita la'o hamutuk ho Kristu loroloron. 

Hili tau fiar ba Jesus maski ita hasoru susar no dúvida ruma sei ajuda ita fiél nafatin bainhira ita kontinua la'o iha dalan ba lalehan. Bainhira ita lori ita-nia dúvida ba Kristu, Nia hametin ita-nia fiar ho pasiénsia no lori ita besik liután ba Ninia reinu lalehan nian.

🙏 MAROMAK FO BENSAUN🙏🏻

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Nai mak fó, no Nai mak foti fali

Nia dehan, “Molik ha'u sai hosi ha'u-nia inan nia kabun laran, no molik hau sei fila fali ba. Nai mak fó, no Nai mak foti fali. Hahi'i ba Nai Nia naran.” Job 1:21 BK .

                                       Job 1:21

Job mak ema ida ne'ebé riku tebes. Nia iha animál barak, atan barak no família boot. Maibé iha loron ida de'it, nia lakon kuaze buat hotu. Ninia rikusoin lakon hotu, no ninia oan sira mate hotu. Iha tempu susar ne'e nia laran, Job hatete: "Nai mak fó, no Nai mak foti fali. Hahi'i ba Nai Nia naran.” 

Ohin loron, ema kristaun barak okupadu los hodi buka osan, atu hetan susesu, no atu hetan sasán. La iha buat ida-ne'ebé sala atu serbisu maka'as hodi fornese ba ita-nia família. Maibé, problema sira mosu bainhira ita uza tempu hodi buka osan sai importante liu duke uza tempu hamutuk ho Maromak. 

Ema balu okupadu tebes harii sira-nia negósiu to'o sira la iha tempu atu halo orasaun. Ema seluk serbisu ba tempu naruk, maibé sira kuaze la iha tempu loke sira-nia Biblia. Karik sira iha osan barak iha banku, maibé sira-nia relasaun ho Maromak sai fraku. Sira haluha tiha katak buat hotu ne'ebé sira iha mai husi Maromak. 

Job komprende lia-loos importante ida: tuir loloos, la iha buat ida mak partensi ba ita. Ita-nia saúde, serbisu, uma, família, no osan mak prezente husi Maromak. Maromak husik ita goza buat sira ne'e ho haksolok, maibé Nia bele foti fali iha kualkér tempu. Moris ne'e la iha serteza, maibé Maromak nunka muda. 

Ida-ne'e la dehan katak Maromak hakarak ita sai kiak. Maibé Nia hakarak ita atu hatene katak Nia mak folin-boot liu fali buat hotu ne'ebé ita iha. Rikusoin bele lakon iha kalan ida, maibé ita-nia relasaun ho Maromak sei dura ba nafatin. 

Ohin loron pauza no husu ita-nia an: "Serake ha'u okupadu demais too la iha tempu ba Maromak?" Se ita-nia serbisu no riku-soin troka ona Maromak Nia fatin, agora mak tempu atu tau Maromak nu'udar prioridade fila fali. 

Tau Maromak liu fali osan, susesu, no riku-soin sira, ajuda ita fiél nafatin ba Kristu no halo ita kontinua la'o iha dalan ba lalehan. Kuandu ita hanoin katak bénsaun hotu mai husi Maromak, ita sei tau fiar ba Maromak liu fali rikusoin sira iha mundu ne'e.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak sinal katak diabu domina ona ita-nia moris?

Hanoin di-diak no matan moris ba. Tanba imi-nia inimigu Diabu la'o ba-mai hanesan liaun ida ne'ebé hasai lian haka'as no buka ema atu haan. 1 Pedro 5:8 BK 

                                 1 Pedro 5:8

Bíblia hanorin katak Satanas no ninia anju aat sira ezisti duni. Maibé, ita tenke kuidadu atu la akuza diabu iha problema hotu ne'ebé ita hasoru. La'ós moras, fraku, ka susar hotu kauza husi Diabu. Tamba saida? Tamba sofrementu balu ita hasoru hanesan konsekuénsia hosi ita-nia pekadu rasik. Bíblia hatudu sinál balu ne'ebé hatudu katak Diabu domina no kontrola ona ita-nia moris. 

Sinál ida mak hadomi hahalok pekadór nian no lakohi halo tuir Maromak Nia hanorin sira. Jesus hatete katak Satanas mak bosok-teen sira nia aman (João 8:44). Kuandu ita kontinua rejeita Maromak Nia lia-loos no hili atu moris iha sala laran, ita husik inimigu lohi no kontrola ita-nia hanoin. 

Sinál seluk tan mak ita iha toman aat sira. Iha Marcos 5: 1-20, ema ne'ebé diabu tama laran, ninia moris kontrola hosi Diabu atu kontinua halo toman aat ne'ebé estraga ninia moris rasik no ema seluk. Ohin loron, iha ema balu mak sira-nia moris hetan kontrola hosi sira-nia hahalok no toman-aat ne'ebé estraga sira-nia isin. Ezemplu hahalok sira ne'e mak hanesan : dependensia ba substansia sira ne'ebé halo ema addicted hanesan droga, alkohol, hahalok odi, hahal9k violénsia, ka hahalok-aat seluk ne'ebé haketak ita husi Maromak. 

Sinál terseiru mak odi Maromak no buat espirituál sira. Bíblia hatudu katak espíritu aat kontra Maromak Nia serbisu (Apos 16: 16-18). Sinál ida-ne'ebé klaru mak "alerjia ba lia-loos Biblia nian". Ema ida bele sai hirus kuandu: Eskritura hatudu ninia sala, lakohi simu koresaun hosi Biblia, ka lakohi rona Maromak nia Liafuan. Duke hadomi lia-loos, sira kontra fali lia-loos. Hahalok hanesan ne'e hatudu katak ita komesa hadook an husi Maromak no loke ita-nia an ba inimigu nia influénsia. 

Oinsá mak ita bele manán diabu? Ulukliu, ita tenke halo orasaun loroloron no husu Jesus atu ukun Ita-nia laran. Segundu, lee Biblia maski ida-ne'e soke no korrije Ita. Terseiru, konfesa Ita-nia sala sira no hasees an husi sala sira-ne'e. Dahaat, hale'u ita-nia an ho ema kristaun sira ne'ebé bele fó korajen ba ita atu la'o tuir Kristu. Ikusmai, hanoin-ba katak Jesus forte liu fali Satanas no Nia fo manán ba sira ne'ebé tau fiar ba Nia (Tiago 4: 7). 

Hadomi Maromak Nia lia-loos ajuda ita atu fiél nafatin ba Kristu bainhira ita kontinua la'o iha dalan ba lalehan. Kuandu ita simu Maromak Nia Liafuan ho haraik-an no entrega ita-nia moris ba Jesus loroloron, Nia proteje ita husi inimigu nia kbiit no prepara ita ba Ninia reinu rohan-laek.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Fiar ne'ebé kura

Jesus dehan ba nia, “Oan feto, ó-nia fiar salva ona ó. La'o ba ho dame, no sai di'ak hosi ó-nia moras ne'e.” Marcos 5:34 BK 

                               Marcos 5:34

Ema barak ohin loron buka atu hetan kura. Ema balu sofre tamba moras, maibé ema seluk lori kanek iha sira-nia laran. Karik sira sente mesamesak, deskorajen, hanoin barak, ka sente kulpadu tanba pekadu. Bíblia konta istória kona-ba feto ida-ne'ebé hetan moras ba tinan 12. Nia gasta ona ninia osan hotu atu hetan kura, maibé la iha ema ida mak bele kura nia (Mark 5:25-26). 

Bainhira nia rona kona-ba Jesus, nia fiar katak Jesus bele ajuda nia. Feto ne'e dudu ema-lubun no konsege kaer kona Jesus Nia roupa ninin de'it. Nia hatete ba nia an: “Se hau kona deit Ninia ropa, ida ne'e mós sei salva ha'u.” Marcos 5:28 BK. Imediatamente nia hetan kura. 

Saida mak halo diferensa? Feto ne'e hetan kura la'ós tamba nia liman kona Jesus Nia ropa. Maibé nia hetan kura tamba ninia fiar ba Jesus. Feto ne'e tau fiar ba Jesus kuandu nia haree katak nia la iha esperansa ona ba buat seluk. Tuirmai Jesus hatete: "“Oan feto, ó-nia fiar salva ona ó"

Fé la signifika fiar de'it katak Jesus ezisti. Fiar mai husi ita-nia nesesidade loroloron nian no tau fiar ba Maromak atu halo buat ne'ebé di'ak liu ba ita. Dala ruma Maromak kura ita-nia isin ne'ebé moras. Dala ruma nia kura ita-nia laran ne'ebé rahun. Dala ruma Maromak fó forsa mai ita atu tahan hasoru susar sira. Maibé Nia sempre responde ba fiar ne'ebé loos. 

Jesus konvida ema hotu atu mai ba Nia. Iha Mateus 11:28-29, Nia hatete: "Mai iha Hau, imi hotu neʼebé kole no lori naha todan, no Ha'u sei fó deskansa ba imi. Simu Ha'u-nia todan, no aprende hosi Ha'u. Tanba Ha'u laran maus no haraik aan; no imi-nia klamar sei hetan deskansa" Mateus 11:28-29 BK. La iha todan ida-ne'ebé todan liu ba Nia. La iha problema ida mak susar liu ba Nia atu rezolve. 

Dalan ba lalehan hahú ho fé ba Jesus. Hanesan feto ne'ebé kaer kona Jesus Ninia roupa, ita mós tenke mai hasoru Nia ho fiar no haraik-an. Bainhira ita tau fiar ba Kristu, Nia lori kurativu ba ita-nia laran, dame ba ita-nia neon, no esperansa ba moris rohan-laek. Bainhira ita tau fiar ba Jesus no halo tuir Ninia hanorin sira, ita asegura ita-nia dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Anin-boot moris nian

Nune'e Nia hamriik, no siak anin, no dehan ba tasi ne'e, “Nonook lai, hakmatek ba!” No anin ne'e para ona, no tasi mós hakmatek los. Marcos 4:39 BK 

                            Marcos 4:39

Ema hotu hasoru anin-fuik iha sira-nia moris. Anin-fuik sira-ne'e bele mosu iha forma oinoin hanesan moras, problema finanseiru, problema família nian, susar, ka lakon ema ne'ebé ita hadomi. Kuandu susar sira-ne'e mosu mai, karik ita sente ta'uk no hanoin se Maromak haluha ona ita. 

Dixipulu sira hasoru anin-fuik maka'as bainhira sira hakur Tasi Galileia hamutuk ho Jesus. Anin huu maka'as, laloran baku makaas ro, no sira haree katak sira sei mout. Maibé Jesus hamutuk ho sira iha ró laran hela. Iha sira-nia ta'uk, dixipulu sira hakilar dehan: "Mestri, Ó la haree ita besik atu mate ona ne'e?” Marcos 4:38.

Ita barak mós husu pergunta ne'ebé hanesan bainhira hasoru anin-fuik moris nian. Ita halo orasaun, maibé problema sei mosu nafatin. Ita tanis, maibé lalehan haree hanesan nonook de'it. Maibé Jesus la abandona Ninia dixipulu sira. Iha tempu ne'ebé loos, nia hamriik hodi hasee anin no tasi hodi dehan: "“Nonook lai, hakmatek ba!” imediatamente, anin-fuik para!. 

Dala ruma Maromak hakalma anin-fuik ne'ebé hale'u ita. Iha tempu seluk, Maromak hakalma ita-nia sentimentu ta'uk iha ita-nialaran. Maneira ida ne'ebé de'it mak Maromak hili, fiar katak Maromak sempre kontrola buat hotu. Tuirmai Jesus husu ba Ninia dixipulu sira: “Tanbasá mak imi tauk hanesan nee? Nusaa mak imi la fiar?”. Marcos 4:40

Fé ka fiar katak tau fiar ba Maromak maski ita la komprende saida mak akontese. Hanesan Paulo hatete, "Tanba ita lao liu hosi fiar, la'os liuhosi buat neʼebé ita haree (2 Korinto 5:7). Karik ita la haree oinsá mak ita bele hetan solusaun, maibé ita bele tau fiar ba Maromak ne'ebé kaer metin ita-nia futuru. 

Dalan ba lalehan dala ruma la'o liuhusi anin-fuik laran. Maibé kuandu Jesus iha ita-nia ró laran, ita la iha buat ida atu ta'uk. Tau fiar ba Nia, la'o hó fiar, no Nia sei dirije ita ho seguru ba Ninia reinu rohan-laek. Saida mak akontese, mai ita nafatin iha dalan ba lalehan 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

click iha ne'e atu estuda  Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Tanbasá mak ema di'ak sofre no ema aat moris di'ak?

Tanba ha'u laran moras ba ema neʼebé loko aan, bainhira ha'u haree ema aat moris hakmatek. Salmu 73:3 BK 

                                  Salmu 73:3 

Ema barak husu: "Tanbasa mak ema di'ak sira hetan terus bainhira ema aat sira haree hanesan moris-di'ak hela de'it?" Ne'e la'ós pergunta foun ida. Maski Asaf, autor ba Salmo 73, mós husu pergunta hanesan. Nia haree ema aat sira moris hakmatek, bainhira ema di'ak sira hasoru terus no susar oinoin. 

Dala ruma ida-ne'e la justu. Ema ne'ebé onestu no laran-di'ak bele hasoru moras, kiak, deskorajen no desapontadu. Iha tempu hanesan, ema aat sira goza rikusoin, susesu, no podér. Karik ita hanoin no pergunta: serake serbí Maromak no sai ema di'ak iha vantajen ruma? 

Maibé, Asaf nia komprensaun muda bainhira nia mai ba Maromak Nia prezensa. Nia realiza katak susesu iha mundu mak temporariu de'it. Rikusoin, naran-boot, no podér sei la dura ba nafatin. Salmu 73:17-18 hanorin katak ema aat sira bele haree hanesan seguru agora, maibé se sira-nia futuru sei sai perigu, se sira la iha Maromak. Sira-nia prosperidade mak ba tempu badak de'it. 

Bíblia mós hanorin katak Maromak permiti terus balu ba ema di'ak ho objetivu balu. Roma 5: 3-4 hatete katak terus halo ita tahan/perseveransa, forma ita-nia karakter no hanorin ita esperansa. Dala barak Maromak uza susar atu hametin ita-nia fiar liután no atu ita hakbesik liután ba Nia. Job hetan sofrementu boot, maibé nia fiél nafatin no to'o ikus Maromak fó bénsaun ba nia. 

Bainhira ita hasoru susar, importante liu mak ita tenke hanoin-hetan Jesus Nia sofrementu. Nia di'ak loos, maibé nia hetan terus barak liu fali ema hotu. Liuhusi Ninia terus, Nia lori salvasaun ba mundu. Ida-ne'e fó-hanoin ita katak terus la sempre hatudu katak Maromak la kontente. 

Loron ida, Maromak sei tesi-lia ba ema hotu ho justu. Iha loron ne'ebá, ema sei hetan kolen ba hahalok loos hotu, no ema aat sei hetan kastigu-mate. 

Maun-alin sira, dalan ba lalehan la sukat ho susesu mundu nian, maibé sukat ho oinsa ita fiél ba Jesus. Maski moris haree hanesan la justu agora, tau fiar ba Maromak. Nia sei fo rekompensa ba ema di'ak sira ho moris rohan-laek. Ema ne'ebé fiél nafatin ba Jesus sei la desapontadu.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda  Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Serake ita husik espíritu santu halo serbisu iha Ita-nia moris?

No bainhira Nia mai, Nia sei fó hanoin ba mundu kona ba sala, moris loos no julgamentu. João 16:8 BK 

                                        João 16:8

Ema barak hakarak moris di'ak liu, maibé sira la hatene iha ne'ebé mak sira bele hetan kbiit atu muda. Novidades di'ak mak: Maromak fó ona Espíritu Santu mai ita hodi ajuda ita. 

Jesus hatete katak Espíritu Santu sei fó hatene kona-ba ema-nia sala (João 16: 8). Ne'e katak Maromak ajuda ita atu haree saida mak sala iha ita-nia moris. Kuandu ita sente sala bainhira ko'alia lia-bosok, ko'alia liafuan maka'as, ka halo buat ruma ne'ebé halo Maromak la kontente, karik elEspíritu Santu mak ko'alia ba ita-nia laran. Nia halo ida-ne'e tanba Maromak hadomi ita no hakarak salva ita. 

Espíritu Santu la hatudu de'it ita-nia sala. Jesus promete katak ita-nia Aman iha lalehan prontu atu fó Espíritu Santu ba sira ne'ebé husu Nia (Luc 11: 13). Ita la presiza luta hasoru susar oioin iha ita-nia moris mesamesak. Loron-loron ita bele halo orasaun no husu Maromak atu halo ita nakonu ho Ninia Espíritu Santu. 

Jesus mós hatete: "Hela iha ha'u" (João 15: 4). Hanesan uvas nia sanak ida tenke mantein ligadu ho uvas-hun atu bele moris, ita mós tenke iha ligasaun ho Jesus liuhusi orasaun, estuda Biblia, no obedese ba Ninia hanorin sira. Kuandu ita hela iha Kristu, Espíritu Santu fó forsa mai ita atu moris ba Maromak. 

Bíblia mós fó avizu ba ita atu labele halo Espíritu Santu triste (Efeso 4:30). Ita halo Espiritu Santu triste bainhira ita finje ka kontinua halo sala no lakohi halo tuir Maromak Nia hanorin sira. Duke halo nune'e, ita tenke rona bainhira Espiritu ko'alia ba ita-nia laran no halo tuir ninia instrusaun sira. 

Dalan ba lalehan mak la'ós de'it hatene kona-ba Jesus, maibé mós permite Espíritu Santu muda ita-nia laran loroloron. Kuandu ita rona ba Ninia lian, mantein ligadu ho Kristu, no halo tuir Maromak Nia matadalan, nia prepara ita atu nafatin la'o iha dalan ba lalehan.

                                  João 16:8

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click  iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Oinsá ita bele hatais Kristu Nia roupa moris loos nian?

“No Noiva nee hetan lisensa atu hatais aan ho hena linhu diak, nebee nabilan no moos.” Hena linhu diak nee katak santu sira nia hahalok loos. Apokalipse 19:8 BK

                         Apokalipse 19:8

Iha ita-nia devosaun uluk nian, ita aprende katak Kristu fó roupa ne'ebé folin-boot liu ba ita, ne'e mak Ninia roupa moris loos nian. Maibé oinsá mak ita hatais roupa ne'e iha ita-nia moris loroloron? 

Hatais roupa hahalok loos Kristu Nian la'ós de'it kona-ba buat ne'ebé ita fiar, maibé mós kona-ba oinsá ita hala'o ita-nia moris loroloron. Maibé kuandu Jesus moris iha ita-nia laran, ita-nia hahalok komesa refleta Kristu Nia karakter. 

Ita hatais Kristu-Nia roupa bainhira ita hili onestu duke bosok, ko'alia ho lian mamar duke ko'alia ho liafuan maka'as, no fó perdua duke halo vingansa. Ita hatais roupa Kristu nian kuandu ita ajuda ema ne'ebé presiza, ko'alia lia-loos ho domin, no hatudu respeitu ba ema seluk. Ita mós hatais Kristu-Nia roupa kuandu ita halo orasaun, estuda Maromak-Nia Liafuan, no buka Maromak-Nia konsellu iha ita-nia desizaun loroloron nian. 

Dala ruma ita falla no monu ba sala. Kuandu ida-ne'e akontese, ita labele subar ita-nia an husi Maromak. Duke subar, ita tenke konfesa ita-nia sala, husu perdua, no tau fiar ba Jesus atu hamoos fali ita-nia sala. Loron-loron, ita presiza entrega ita-nia moris ba Maromak no husik Espíritu Santu forma ita-nia hanoin, liafuan no asaun sira. 

Hena "Liñu di'ak" ne'ebé temi iha Apokalipse 19: 8 reprezenta Maromak-Nia povu Nia hahalok loos sira. Hahalok di'ak sira-ne'e la salva ita, maibé hahalok di'ak sira ne'e hatudu katak Kristu serbisu iha ita-nia moris. Hanesan roupa hatudu status ruma kona-ba ema ne'ebé hatais, nune'e mós ita-nia hahalok loroloron nian hatudu katak ita la'o hamutuk ho Jesus ka lae. 

Dalan ba lalehan ita hetan la'os tamba ita-nia hahalok-loos rasik, maibé tanba Kristu Nia hahalok loos. Kuandu ita simu Ninia prezente salvasaun nian no husik Nia transforma ita-nia moris loroloron, ita sei hatais Ninia roupa moris loos nian no prontu atu hasoru nia kuandu nia mai atu lori ita ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click  iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Roupa ne'ebé karung liu

“No Noiva ne'e hetan lisensa atu hatais aan ho hena liñu di'ak, ne'ebé nabilan no moos.” Hena liñu di'ak ne'e katak santu sira-nia hahalok loos. Apokalipse 19:8 BK 

                        Apokalipse 19:8

Iha tempu antigu, rikusoin ida-ne'ebé folin-boot liu mak roupa furak ida. Liurai sira hatais an ho liurai nia roupa atu hatudu sira-nia podér, no ema riku sira hatais roupa di'ak atu hatudu sira-nia status. Maski nune'e, roupa ne'ebé folin-boot liu hotu ne'ebé oferese la'ós halo husi osan-mean, ka material folin-boot sira. Maromak fó roupa moris loos nian ba Ninia povu. 

Lia-fuan roupa temi dahuluk iha Biblia ligadu ho humanidade monu ba sala. Depoisde Adão no Eva monu ba sala, sira hatene katak sira molik no koko atu taka sira-nia an ho ai figeira nia tahan (Genesis 3: 7). Sira-nia roupa ne'ebé sira halo rasik reprezenta ema nia esforsu atu rezolve problema sala liuhusi esforsu rasik. Maibé, la iha ema ida mak bele taka sala iha Maromak santu Nia oin. 

Iha tempu naruk, iha historia tomak, ema kontinua tenta atu suku sira-nia "ropa hosi figeira tahan". Ema balu tau fiar ba sira-nia hahalok-di'ak sira, serimonia relijiaun nian, asaun karidade sira, ka sira-nia personalidade morál nian. Maski nune'e, la iha buat hirak ne'e mak bele halo ita sai loos iha Maromak nia oin. Tuir Jesus nia ai-knanoik kona-ba, roupa kaben nian, Nia revela lia-loos ne'e. Bainhira konvidadu ida tama iha festa kazamentu nian la hatais roupa propriu, ema duni sai nia tanba nia la hatais roupa ne'ebé liurai fornese ona (Mateus 22: 1-14). Lisaun ne'e hatudu ho klaru katak Maromak fornese roupa ne'e, no ita tenke simu roupa ne'e. 

Roupa ne'ebé deskrebe iha Apokalipse 19: 8 mak presioza tebes tamba sosa ho folin-boot tebes. Roupa ida-ne'e sosa liuhusi Jesus Kristu Nia sakrifísiu iha krús. Maski ita bele hetan salvasaun gratuita, maibé lalehan selu roupa ne'e ho kustu boot tebes. Kristu fó Ninia moris atu nune'e ema sala-na'in sira bele hatais Ninia roupa hahalok loos nian no bele merese hamriik iha Maromak nia futar-oin. 

Roupa ne'e mós furak tebes no la iha komparasaun. Paulo hatete ba ita katak Kristu hakarak aprezenta Ninia igreja ba nia an "Nebee la iha noda ka namkurut ka buat seluk hanesan nee, maibee atu igreja bele santu no moos" Éfezu 5:27. Maromak Nia planu la'ós de'it atu fó perdua mai ita, maibé atu transforma ita sai ema ne'ebé refleta Ninia karakter. Hena liñu deskrebe hanesan hena ne'ebé "moos no nabilan", ne'ebé hatudu moris ne'ebé furak tamba hetan transformasaun hosi Maromak Nia grasa. 

Jesus mós fó-hanoin ita katak ita labele rai rikusoin iha mundu, iha ne'ebé bele hetan estraga no sai feruzen, maibe rai riku-soin iha lalehan (Mateus 6:19-21). Roupa mundu nian sei sai tuan, aat, no ikusmai destroi. Kristu Nia roupa moris loos nian sei nunka lakon. Roupa ne'e mak buat ne'ebé folin-boot liu hotu ne'ebé ita bele hetan tanba prepara ita ba moris rohan-laek. 

Ohin loron, konvite ne'e nafatin nakloke ba ita. Ita bele kontinua tau fiar nafatin ba ita-nia roupa ne'ebé hosi halo hosi ai-figeira tahan, ka ita bele simu roupa ne'ebé Kristu oferese ho livre ne'ebé sosa ho nia raan. Roupa neʼebé karung liu iha universu tomak, tamba sosa ona ho Salvador nia moris rasik. Pergunta mak ne'e: ita hakarak simu no hatais ka lae?

Pergunta reflesaun nian: 

 1. Serake ita sadere ba Ita-nia di'ak rasik, ka ba Kristu nia hahalok loos atu hetan salvasaun? 

 2. "Figeira tahan" ida ne'ebé mak dala barak ema uza hodi kobre sira-nia nesesidade espirituál? 

 3. Oinsá mak koñesimentu ba kustu ba ita-nia salvasaun hakle'an ita-nia apresiasaun ba Maromak Nia grasa? 

Mai ita hatais roupa moris loos ne'ebé Kristu prepara ona ba ita, nafatin halo orasaun, lee Maromak Nia Liafuan loroloron atu ita nafatin la'o iha dalan loos, dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak Nia Grasa

Nai iha laran luak no grasa, Nia neineik atu sai hirus no Nia nakonu ho domin metin. Salmu 103:8 BK.

                                 Salmu 103:8 

Liafuan ida-ne'ebé furak liu iha Biblia mak grasa. Grasa mak Maromak Nia laran-sadi'a ne'ebé boot ba ema sala-na'in sira. Grasa mak Maromak Nia laran-di'ak ne'ebé fó mai ita, la'ós tanba ita merese, maibé tanba Nia hadomi ita. 

Salmu 103: 8 deskrebe kona-ba Maromak Nia karakter: "Nai iha laran luak no grasa, Nia neineik atu sai hirus no Nia nakonu ho domin metin." Maromak la trata ita tuir ita-nia hahalok-pekador nian. Duke halo nune'e, Nia hatudu kompaixaun no perdua ba ita. 

Lia-loos ne'e mós revela ba Moises. Iha Exodo 24: 1-10, Maromak fó sai Ninia an nu'udar Maromak ne'ebé laran-sadi'a, grasa wain, pasiénsia, no nakonu ho laran-di'ak no lia-loos. Maski ema Izrael halo ona sala hodi adora estatua karau-oan osan-mean, maibé Maromak prontu fó perdua ba sira ne'ebé arrepende an. Ninia grasa boot liu fali sira-nia sala. 

Jesus ilustra Ninia grasa iha istória kona-ba kobradór impostu, ne'ebé halo orasaun hodi dehan: "Maromak, hatudu laran-sadi'a ba ha'u, sala-na'in ida!" (Lc 18:13). La hanesan ho ema farizeu ne'ebé foti-an, mane ne'e hatudu haraik-an no simu Maromak Nia favor. Ema ne'ebé rekoñese katak sira presiza Maromak, mak simu Ninia grasa.

Maromak nlNia grasa ne'e disponovél ba ema hotu. Apokalipse 3:20 hatudu katak Jesus hamriik iha odamatan no dere. Ho pasiénsia, Nia konvida ita atu loke ita-nia laran ba Nia. Nia nunka obriga Ninia an tama ba ita-nia laran, maibé Nia hein ho domin ba ita-nia responde.

Grasa la'os de'it perdua, maibé mós restaurasaun. Iha Zacarias 3: 4, Maromak hasai tiha Josue nia roupa ne'ebé fo'er no hatais roupa ne'ebé moos. Ne'e mak buat ne'ebé Maromak halo ba ita. Nia hasai tiha ita-nia sala no taka ita ho Kristu Nia hahalok loos. 

Bíblia hatete katak "Tanba sala nia kolen mak mate, maibee Maromak nia prezenti mak moris rohan laek iha ita nia Nai Kristu Jesus" Roma 6:23. Salvasaun la'ós buat ne'ebé ita hetan. Ne'e mak prezente grasa nian. 

Roma 5: 20-21 hanorin katak iha fatin ne'ebé sala aumenta, grasa mós aumenta liután. La iha pekadu ne'ebé boot liu fali Maromak Nia grasa, Kuandu ita arrepende an no mai hasoru Nia. Roma 5: 8 hatutan tan katak kuandu ita sei sala-na'in hela, Kristu mate ba ita. Maromak nia domin alkansa ita antes ita buka nia. 

Ohin loron, hanoin-ba katak Maromak Nia grasa boot liu fali ita-nia sala, ita-nia fraku no sala sira iha tempu uluk. Mai hasoru Nia ho haraik-an. Simu Ninia perdaun, Ninia hahalok loos, no Ninia prezente moris rohan-laek. 

Bainhira ita moris loroloron iha Maromak Nia grasa ne'ebé furak, ita hakbesik liután ba Jesus no kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Arrependementu ne'ebé loos

Maibé buat neʼebé Maromak fó sai nanis ona liu hosi profeta hotu nia ibun, katak Kristu sei hetan terus, buat ne'e Nia kumpri ona. Nune'e arepende ba, no fila fali ba Maromak hodi Nia bele hamoos imi-nia sala, no imi bele hetan tempu hakmatek iha Nai Nia prezensa. Apostolu 3:18-19 BK 

                           Apostolu 3:19

Arependementu mak hanorin ida ne'ebé importante liu iha Biblia. Maibé ema barak komprende sala kona-ba arependementu. Ema balu hanoin katak arrependementu mak sentimentu triste de'it ba hahalok sala. Ema seluk fali hanoin katak arependementu mak konfesa asaun ka hahalok sala sira. Bíblia hanorin katak arrependementu iha signifikativu ne'ebé kle'an tebes. Arependementu mak mudansa iha ita-nia laran no ida-ne'e rezulta ba transformasaun iha ita-nia moris espirituál.

Mensajen arrependementu mak sai sentru ba João Batista no Jesus nia serbisu haklaken nian. João hatete: “Arepende ba, tanba reinu lalehan besik ona" (Mateus 3: 2). Jesus haklaken: “Tempu too ona, no Maromak Nia reinu besik ona. Arepende ba, no fiar evanjelhu.” Marcos 1:15. Depois Jesus moris hi'as fali, Nia haruka atu haklaken konaba arependementu no perdaun ba nasaun hotu (Lc 24:46-47). 

Iha Apostolu 3:18-19, Pedro bolu ema atu "Arepende ba, no fila fali ba Maromak hodi Nia bele hamoos ita-nia sala". Arrependementu involve hasees an husi sala no hakbesik an ba Maromak. Arependementu la'ós triste tamba hetan konsekuénsia hosi sala, maibé triste tamba ofonde ona Maromak ne'ebé hadomi ita.

Liafuan di'ak mak ne'e: Maromak rasik mak lori ita ba arrependementu. Roma 2: 4 hanorin katak Maromak Nia laran-di'ak mak lori ita ba arrependementu. Maromak la obriga ita. Maibé, Ninia domin, laran-sadi'a, no pasiénsia mak book ita-nia laran atu fila fali ba Nia. Tuir loloos, 2 Pedro 3: 9 hatete katak Maromak lakohi ema ida atu mate, maibé Nia hakarak ema hotu tenke arrepende an. 

Arrependementu inklui mós konfesa. 1 Joao 1: 9 promete katak se ita konfesa ita-nia sala, Maromak sei fó perdua ba ita no hamoos ita husi ita-nia sala hotu. Arrependementu mós inklui simu Maromak nia disiplina. Jesus hatete: "Hau koriji no disiplina sira nebee Hau hadomi. Entaun laran manas ba no arepende" Apokalipse 3:19

Arrependementu no fé sempre la'o hamutuk. Paulo sumariza Ninia ministériu hanesan bolu ema atu " Arepende ba Maromak no tau fiar ba ita nia Nai Jesus Kristu" Apostolu 20:21. Ita hasees an husi sala no tau fiar ba Jesus. 

Arrependementu ne'ebé loos prodús fuan. Jesus hanorin iha João 15: 2-8 katak ema ne'ebé hela iha Nia sei fó fuan barak. Ikusmai laran ne'ebé transformadu sei bele haree iha moris ne'ebé transformadu. Ita la hetan salvasaun tanba hahalok di'ak sira, maibé arrependementu ne'ebé loos, rezulta ba kreximentu espirituál no obedesementu ba MaromakNia hanorin. 

Ikusmai, arrependementu mak prezente husi Maromak. Bainhira ema kristaun sira haree konversaun hosi ema jentiu sira, sira fó glória ba Maromak, hodi dehan “Entaun Maromak fó mós ba ema Jentiu sira atu arepende hodi hetan moris.” Apostolu 11:18. Prezente furak tebes! Maromak la'ós de'it fó perdua ba ema sala-na'in sira, maibé nia mós fó kbiit no hakarak ba sira atu fila fali ba nia. 

Ohin, se espíritu santu ko'alia ba ita-nia laran, keta demora. Mai ba Jesus. Konfesa Ita-nia sala sira, tau fiar ba ninia laran-sadi'a, no husik nia transforma Ita-nia moris. Arrependementu ne'ebé loos, lori perdaun, restorasaun, no la'o besik liután ho Maromak. 

Bainhira ita hasees an husi sala no hakbesik ba Kristu loroloron, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Marta vs Maria iha Moris Moderna

Marta iha alin feto ida naran Maria, ne'ebé tuur iha Jesus nia ain hodi rona Ninia liafuan. Maibé Marta preokupa ho servisu barak atu serví sira. No nia hakbesik ba Jesus no dehan, “Nai, O la hanoin ka katak ha'u-nia alin husik hela hau mesak atu serví? Nunee haruka nia ajuda hau ba.” No Jesus hataan ba nia, “Marta, Marta, ó preokupa no hanoin resin kona ba buat barak. Maibé ó presiza buat ida deit. Maria hili tiha ona parte ida ne'ebé diak, no ema ida sei la foti ida ne'e hosi nia.” Lucas 10:39-42 BK 

                           Lucas 10:1-42

Iha istória kona-ba Marta no Maria, Jesus hanorin lisaun importante ida-ne'ebé iha relevansia tebes ba ita-nia moris modernu ohin loron. Marta kontinua serbí hodi tau matan ba responsabilidade barak, no Maria tuur iha Jesus Nia ain hodi rona ba Jesus Nia liafuan sira. Marta prekupa kona-ba buat barak hodi serbí Jesus, maibé Jesus hatete katak Maria hili ona "parte di'ak liu" ne'ebé ema sei labele foti husi nia. 

Ita barak moris hanesan Marta. Ita okupadu tebes ho serbisu, responsabilidade família nian, média sosiál sira, kompras, atividade halimar nian, no atividade loroloron nian ne'ebé konta la hotu. Maski atividade sira-ne'e importante, maibé atividade sira ne'e fasil foti ita-nia tempu tomak no atensaun to'o ita la iha tempu ho Maromak. Hanesan Marta, ita mós bele hanoin barak, stress, no halo ita desapontadu. 

Maria fó-hanoin ita katak importante tebes atu tau uluk Jesus. Nia hatene katak uza tempu ho Jesus mak importante liu fali atividade seluk. Maromak sei buka nafatin ema ne'ebé buka Nia ho sira-nia laran tomak. Salmu 53: 2 hatete katak Maromak hateke tun husi lalehan hodi haree se iha ema ruma ne'ebé komprende no buka Nia.

Lisaun seluk tan husi istória ne'e mak katak ita-nia hakaas-an rasik la bele halo ita sai loos iha Maromak nia oin. Marta okupadu tebes atu halo serbisu, maibé salvasaun so mai husi buat ne'ebé Kristu halo ona ba ita. Isaias 64: 6 hatete ba ita katak ita-nia hahalok loos mak hanesan tapete ne'ebé foer. Ita presiza buat loos ne'ebé Maromak fornese. 

Liafuan di'ak mak: Jesus hasai tiha ita-nia roupa foer sala nian no hatais ita ho Ninia hahalok loos. Iha Zacarias 3:4, Maromak hasai tiha roupa ne'ebé fo'er no troka ho roupa ne'ebé moos. Apokalipse 7: 14 hatete katak Maromak Nia povu mak ema ne'ebé fase ona sira-nia roupa iha Bibi-Oan Nia raan. Isaias 61:10 haksolok tanba hatais roupa salvasaun nian no hatais hahalok loos hosi Maromak. 

Serbí mak buat ne'ebé importante, maibé ida-ne'e tenke rezulta husi relasaun di'ak ho Kristu. Antes ita bele serbí ho didi'ak ba Jesus, ita tenke uza tempu hamutuk ho Jesus. Maria hili atu iha relasaun di'ak ho Jesus antes serbí Nia, no Jesus hatete katak nia hili buat ne'ebé di'ak liu. 

Ohin, husu ba ita-nia an: serake ha'u okupadu tebes to'o ha'u haluha atu uza tempu hamutuk ho Maromak? Hanesan Maria, mai ita loron-loron hili atu tuur iha Jesus Nia ain liuhusi orasaun no estuda Biblia. Kuandu ita tau uluk Maromak iha ita-niamoris, buat seluk sei hatur iha ida-idak nia fatin propriu.

Bainhira ita hili loroloron atu buka Jesus liu fali prekupasaun moris no buat seluk mundu nian no simu roupa moris loos nian hosi Kristu, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Arrepende an no perdua

Se ita konfesa ita-nia sala, Nia mak fiél no justu no Nia sei fó perdaun ba ita-nia sala, no hamoos ita hosi hahalok aat hotu. 1 João 1:9 BK 

1 João 1:9

Bénsaun boot ida iha ita-nia moris kristaun nian mak: ita hatene katak Maromak prontu atu fó perdua. Maski ita monu to'o dook halo nusa mós, Maromak konvida ita atu fila fali ba Nia liuhusi arrependementu no fiar. 

1 Joao 1: 9 hatete: "Se ita konfesa ita-nia sala, Nia mak fiél no justu no Nia sei fó perdaun ba ita-nia sala, no hamoos ita hosi hahalok aat hotu" Maromak la'ós de'it fó perdua, maibé Nia mós hamoos no restaura fali ita-nia relasaun ho Maromak. 

Arrepende la'ós de'it sente triste ba ita-nia pekadu. Arependementu katak ita hadook an husi sala no fila fali ba Maromak. Bainhira povu Izrael fila kotuk ba Maromak, Maromak bolu sira atu fila fali ba Nia (Livru Oseias 6). Arependementu ne'ebé loos, rezulta ba renovasaun relasaun di'ak ho Maromak. 

Hafoin, Jesus mate no moris hi'as, apóstolu Pedro haklaken: "Nunee arepende ba, no fila fali ba Maromak hodi Nia bele hamoos imi nia sala, Apostolu 3:18-19. Arrependementu loke dalan ba Maromak atu fó perdua no renova ita-nia vida espirituál.

Bíblia hanorin katak sala sei lori konsekuensia boot. Roma 6:23 hatete: "Tanba sala nia kolen mak mate, maibé Maromak Nia prezenti mak moris rohan laek iha ita-nia Nai Kristu Jesus". Sala haketak ita husi Maromak. Maibé liuhusi Jesus, ita bele hetan perdua no moris rohan-laek. 

Maromak hatudu an ba Moises katak Nia Maromak ne'ebé "hatudu laran-sadi'a, grasa wain, pasiénsia, no nakonu ho lia-loos no buat di'ak" (lee livru Exodo 34:1-10). Iha historia tomak, Maromak hatudu ona Ninia dezezu atu fó perdua bainhira ema laran-moos mai hasoru Nia. 

Iha ai-knanoik kona-ba festa kazamentu nian (Mateus 22: 1-14), Maromak konvida ema hotu atu simu Ninia prezente atu hetan salvasaun. Ita labele mai hasoru Nia ho ita-nia hahalok loos rasik. Ita presiza roupa ne'ebé Maromak fornese. Ida-ne'e fó-hanoin ita katak perdaun ne'e mak prezente grasa nian, la'ós buat ne'ebé ita hetan tamba ita-nia esforsu. 

Tanba Maromak Nia laran-sadi'a, ita bele haksolok. Livru Isaias 61:10 hatete katak Maromak fo hatais ita ho roupa salvasaun nian no taka ita ho roupa moris loos nian. Liuhusi Kristu, ita-nia sala sira hetan perdua, no Maromak simu fali ita.

Ohin loron, se iha sala ruma iha ita-nia moris, keta subar sala ne'e. Lori sala ne'e ba Jesus. Konfesa ita-nia sala ho laran-moos, arrepende an ho laran-tomak, no tau fiar ba Ninia promesa sira. Nia fiél atu fó perdua no restaura fali ita-nia relasaun ho Maromak.

Bainhira ita hetan Maromak Nia perdaun no arepende loroloron hodi arrepende an, ita hakbesik liután ba Kristu no kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Serake hatene Maromak de'it bele tama reinu lalehan?

La'os ema hotu ne'ebé dehan mai Ha'u, ‘Nai, Nai,’ sei tama ba reinu lalehan, maibé nia de'it ne'ebé halo tuir Ha'u-nia Aman iha lalehan Nia hakarak. Mateus 7:21 BK 

                                  Mateus 7:21

Ema barak hatene kona-ba Maromak, sira ba igreja, no lee Biblia. Maibé Jesus hanorin katak hatene lia-loos de'it la sufisiente. Ita mós tenke aplika lia-loos ne'e iha ita-nia moris. 

Iha Evanjellu Mateus 7:21, Jesus hatete: "La'os ema hotu ne'ebé dehan mai Ha'u, ‘Nai, Nai,’ sei tama ba reinu lalehan, maibé nia de'it ne'ebé halo tuir Ha'u-nia Aman iha lalehan Nia hakarak." Liafuan sira-ne'e mak liafuan sériu. Jesus hanorin katak fé ne'ebé loos la'ós de'it iha ita-nia liafuan, maibé mós iha ita-nia hahalok moris loronloron nian. 

Problema hatene lia-loos maibé la halo tuir ne'e, la'ós buat foun ida. Maromak ko'alia liuhusi profeta Oseias, hodi dehan katak la iha lia-loos ka koñesimentu kona-ba Maromak iha rai ne'e (Livru Oseias 4: 1). Liutiha tempu balu, Nia hatete tan: "Hau-nia povu lakon tanba la iha koñesimentu." Maibé kestaun ne'e la'ós de'it la hatene ka falta informasaun. Ema hatene buat barak kona-ba Maromak, maibé sira lakohi halo tuir. Tan ne'e mak sira lakon sira-nia relasaun ho Maromak (Livru Oseias 4: 10).

Jesus mós esplika katak moris rohan-laek la'ós de'it hatene lia-loos kona-ba Maromak. Evanjellu João 17: 3 hatete katak moris rohan-laek mak hatene Maromak no Jesus Kristu personalmente. Ita-nia relasaun personál ho Kristu halo ita obedese ba Maromak no transforma ita-nia moris espiritualmente. 

Jesus mós fó avizu katak iha loron ikus ema balu sei dehan katak sira halo ona serbisu relijioza boot hodi Ninia naran, maibé Nia sei dehan: "Hau nunka hatene imi" (Mateus 7:22-23). Sira halo atividade relijiaun nian, maibé sira la iha relasaun di'ak ho Maromak. 

Iha Jesus Nia diskursu iha foho nia rohan, Nia konta istória kona-ba ema nain-rua ne'ebé harii uma (Mateus 7:24-29). Badaen ne'ebé matenek la'ós de'it rona Jesus Nia liafuan, maibé nia mós halo tuir Jesus Nia liafuan sira. Ninia uma hamriik metin durante anin-fuik. Badaen ne'ebé beik rona liafuan ne'ebé hanesan, maibé nia la halo tuir, no ninia uma monu. 

Lisaun ne'e hatudu ho klaru katak Maromak hakarak liu fali koñesimentu iha ita-nia neon. Nia hakarak obedesementu iha ita-nia moris. Dixipulu ne'ebé loos la'ós de'it rona Maromak Nia Liafuan, maibé sira halo tuir. 

Ohin loron, husu ba ita-nia an: serake ha'u aprende de'it lia-loos husi Maromak, ka ha'u moris tuir lia-loos ne'e? Bénsaun ne'ebé boot liu mak kuandu koñesimentu lori ita obedese ba lia-loos no obedese ba lia-loos halo ita hakbesik liután ba Kristu. 

Bainhira ita hatene Jesus personalmente no halo tuir Ninia hanorin sira loroloron, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🎗️🎗️🎗️🎗️🎗️🎗️🎗️🎗️🎗️🎗️🎗️

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Signifikativu hosi Maromak tesi no aparu sanak uvas iha ita-niamoris?

Sanak hotu iha Ha'u ne'ebé la fó fuan, Nia hasai tiha. No sanak hotu ne'ebé fó fuan, Nia hamoos hodi bele fó fuan liu tan. João 15:2 BK 

                                   João 15:2

Iha Evanjellu João 15: 2 , Jesus hatete katak sanak hotu ne'ebé fó fuan, Nia sei aparu atu bele fó fuan barak liután. Jesus uza imajen kona-ba uvas-hun no sanak sira atu esplika kona-ba ita-nia relasaun ho Nia. Maromak hanesan toos-nain ida-ne'ebé tau matan ba Ninia ai-horis sira ho domin. 

Maibé saida mak signifikativu hosi aparu sanak sira iha realidade moris nian? 

Aparu mak bainhira toos-nain ida hasai ka tesi tiha ramu sira ne'ebé la saudavel ka la nesesáriu atu nune'e ai-horis refere bele sai forte liután no fó fuan barak liután. Espiritualmente, dala ruma Maromak hasai ka aparu buat ruma husi ita-nia moris ne'ebé hafraku ita-nia relasaun ho Nia. 

Dala ruma Maromak aparu ita-nia toman aat, hahalok sala-na'in, foti-an, hirus, hanoin an de'it, ka dezezu pekadu nian. Dala ruma mós, Maromak bele husik ita esperiénsia susar sira atu transforma ita-nia karakter, atu sadere liután ba Nia. 

Aparu iha ita-nia moris ne'e halo ita sente moras. Karik ita lakon ita-nia komfortu, lakon ita-nia relasaun di'ak, ita-nia planu, ka distraksaun ne'ebé halo ita dook husi Maromak. Dala ruma ita la komprende tanbasá mak Maromak husik susar balu kona ita. Maibé hanesan toos nain ne'ebé aparu uvas ho kuidadu, Maromak mós serbisu iha ita-nia moris ho matenek no domin.

Iha realidade moris nian, aparu bele akontese bainhira: 

1. Maromak hasé ita kona-ba hahalok sala ruma. 

2. Ita hasoru susar ruma atu ita aprende kona-ba pasiénsia no fiar. 

 3. Maromak hasees tiha buat sira ne'ebé foti ita-nia tempu no atensaun tomak ne'ebé halo ita haluha Maromak. 

4. Ita aprende oinsá haraik-an kuandu ita falla.  

5. Liuhusi susar sira, ita bele aprende atu sai ema ne'ebé hatudu domin, fó perdua, no sai maduru liután iha vida espirituál.

Maromak la aparu ita atu fo perigu ba ita. Nia aparu ita atu ita bele krexe espiritualmente no fó fuan espíritu nian hanesan: domin, ksolok, dame, pasiénsia, laran-di'ak, no kontrola an. 

Jesus hakarak ita atu nafatin iha ligasaun ho Nia. Sanak ne'ebé haketak an hosi uvas hun la bele moris. Nune'e mós iha ita-niamoris, ita presiza halo orasaun loroloron, estuda Biblia, no halo tuir Maromak Nia matadalan hodi bele nafatin saudavél espiritualmente. 

Kuandu Maromak tesi ka halakon buat-aat sira iha ita-nia moris, ida-ne'e bele halo ita laran-kanek iha tempu balu, maibé ida-ne'e bele hametin ita-nia fiar no halo ita besik liután ba Maromak. Bainhira Maromak aparu, Ninia objetivu mak la'ós atu fó kastigu maibé atu ita bele krexe espiritualmente. 

Tan ne'e, kuandu ita liuhusi susar ruma bainhira Maromak halo koresaun, fó dixiplina, ka hasoru tempu susar ruma, hanoin ba katak Maromak aparu hela ita ba ojetivu ne'ebé boot liután iha ita-nia moris. Tau fiar ba Ninia liman ne'ebé nakonu ho domin. 

Bainhira ita nafatin iha relasaun di'ak ho Kristu no husik Maromak transforma ita-nia moris, ita bele krexe espiritualmente no kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Serake Jesus apaga tiha mandamentu 10?

Keta hanoin katak Ha'u mai atu halakon Lei ka Profeta sira. Hau mai la'os atu halakon, maibé atu kumpri. Tebes, Hau hatete ba imi, to'o lalehan no rai lakon, pontu ida ka asentu ida sei la lakon hosi Lei, to'o buat hotu nee kumpri ona. Mateus 5:17-18 BK 

                         Mateus 5:17-18

Ema balu fiar katak Jesus halakon tiha Ukun-Fuan Sanulu bainhira Nia mai iha mundu. Maibé loloos ne'e, Jesus hatete saida ba sira? 

Iha Mateus 5:17-18, Jesus hatete ho klaru: "Keta hanoin katak Ha'u mai atu halakon Lei ka Profeta sira. Hau mai la'os atu halakon, maibé atu kumpri. Tebes, Hau hatete ba imi, to'o lalehan no rai lakon, pontu ida ka asentu ida sei la lakon hosi Lei, to'o buat hotu nee kumpri ona" Jesus esplika katak parte ki'ik liu husi ukun-fuan ne'e sei la lakon to'o buat hotu kumpridu. Ida-ne'e hatudu katak Jesus respeitu Maromak Nia ukun-fuan no la halakon ukun-fuan ne'e. 

Jesus mós hatete iha Evanjellu João 14:15: "Se imi hadomi ha'u, halo tuir ha'u-nia mandamentu sira." Obedese ba ukun-fuan la'ós dalan atu hetan salvasaun, maibé hanesan rezultadu hosi domin ba hadomi Kristu. 

Bíblia mós hanorin katak ita hetan salvasaun liuhusi fé, la'ós liuhusi ukun-fuan. Roma 3:28 hatete katak ema ida hetan salvasaun la'os tamba ukun-fuan. Galasia 2: 16 mós hanorin katak la iha ema ida mak hetan salvasaun husi ita-nia serbisu, maibé liuhusi fiar ba Jesus Kristu. 

Entaun, ukun-fuan nia objetivu mak saida? Ukun-Fuan hatudu ita katak ita pekadór no ita presiza Salvador. Ukun-fuan ne'e la bele salva ita, maibé ukun-fuan hatudu ba ita katak ita presiza Jesus. 

Roma 4: 13-16 esplika katak promesa ne'e mai husi fé no grasa Maromak nian, la'ós husi ema nia hakaas-an. Galasia 3: 13 hatete katak Kristu salva ita husi ukun-fuan nia malisan hodi mate ba ita iha krús. 

Tanba Jesus, ema fiar-na'in sira la koko atu hetan salvasaun liuhusi sira-nia hahalok rasik. Filipe 3: 9 hatete katak hahalok loos mai liuhusi fiar ba Kristu. 

Ukun-Fuan Sanulu sei hatudu nafatin Maromak nia karakter no hanorin ita oinsá atu moris ho domin ba Maromak no ba ema seluk. Ema kristaun halo tuir ukun-fuan la'os atu hetan salvasaun, maibé tanba sira hetan ona salvasaun no hadomi Jesus. 

Jesus la halakon lei morál ka ukun-fuan 10. Maibé, nia kumpre lei nia ojetivu no fó kbiit ba ema kristaun atu bele moris hodi obededese ba Ninia ukun-fuan sira.

Bainhira ita tau fiar ba Kristu no halo tuir Ninia mandamentu sira ho domin no fé, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak pekadu?

Ema hotu ne'ebé kontinua halo sala kontra hela lei. Tanba sala mak hahalok neʼebé kontra lei. 1 João 3:4 BK 

 

                               1 João 3:4

Ema barak ohin loron iha ideia oioin kona-ba sala/pekadu. Ema balu hanoin katak pekadu mak sala ne'ebé sériu, maibé ema seluk fiar katak pekadu ne'e la ezisti. Maibé Biblia esplika ho klaru saida mak pekadu. 

1 João 3: 4 hatete: "sala mak hahalok neʼebé kontra lei." Pekadu mak kontra Maromak Nia ukun-fuan no kontra Ninia hakarak sira. Hahalok pekadu inklui hahalok sala, liafuan sala, hanoin sala, no mós lakohi halo buat ne'ebé loos. 

Maromak Nia ukun-fuan hatudu ho klaru iha livru Exodo 20: 3-17. Ukun-fuan sira-ne'e hanorin ita oinsá atu hadomi Maromak no oinsá atu trata ema seluk. Jesus esplika liafuan sira-ne'e iha Evanjellu Marcos 12: 30-31 hodi dehan katak ita tenke hadomi Maromak ho ita-nia laran tomak no hadomi ita-nia maluk hanesan ita-nia an rasik. Pekadu mak buat ne'ebé kontra domin ne'e. 

Bíblia mós hanorin katak ukun-fuan bele ajuda ita hatene pekadu. Roma 3:20 hatete katak liuhusi ukun-fuan mak ema hatene sala. Ukun-fuan sira-ne'e hanesan espellu ida, hatudu ita-nia kondisaun espirituál nian. 

Pekadu la'ós de'it iha ita-nia li'ur, maibé mós iha ita-nia laran. Livru Salmo 51: 5 fó-hanoin ita katak ema hotu moris iha sala laran. Livru Jeremias 17: 9 hatete katak ita-nia laran nakonu ho lohi no fasil hadook ita husi Maromak. 

Maibé Maromak la husik ita la ho esperansa. Ebreu 1: 1-2 hatete katak Maromak ko'alia ona ba ita liuhusi Ninia Oan-Mane Jesus Kristu. Jesus mai atu salva ema sala-na'in sira no hatudu dalan ba ita atu fila fali ba Maromak. 

Bíblia mós hanorin katak halo tuir Maromak la'ós atu fó todan ba ita. 1 João 5: 3 hatete katak Maromak Nia ukun-fuan la todan. Kuandu ita hadomi Maromak, ita hakarak halo tuir Nia. 

Pekadu haketak ita husi Maromak, maibé Jesus fó perdua, hamoos no fó moris foun ba ita. Kuandu ita konfesa ita-nia sala no tau fiar ba Kristu, Nia muda ita-nia laran no ajuda ita atu obedese ba Nia. 

Ohin loron, mai ita husu Maromak atu ajuda ita komprende ho klaru saida mak pekadu no fó forsa mai ita atu moris tuir Ninia hakarak. Bainhira ita halo tuir Jesus no halo tuir Ninia Liafuan sira, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak sai bareira ba Ita-nia relasaun di'ak ho Kristu?

Maibé Ha'u dehan ba imi, see de'it ne'ebé fihir feto ida too kaan nia mak halo ona sala seksuál ho feto ne'e iha ninia fuan laran. Mateus 5:28 BK 

Mateus 5:28

Relasaun di'ak ho Kristu mak bénsaun boot ida-ne'ebé ita bele hetan iha ita-niamoris. Maibé dala ruma atitude/hahalok, asaun, no pekadu balu bele hafraku ita-nia relasaun di'ak ho Jesus. 

Iha Evanjellu Mateus 5:28, Jesus hanorin katak pekadu hahú iha ita-nia laran. Nia esplika katak hanoin fo'er bainhira haree feto ida, ita halo ona sala iha ita-nia laran. Ida-ne'e hatudu katak ita-nia relasaun ho Kristu la'ós de'it afeita ita-nia hahalok hosi liur, maibé mós kona ita-nia hanoin no hakarak sira iha fuan-laran. Maromak haree ba ita-nia nia laran. 

Hahalok foti-an no laran-makerek mós bele sai bareira no hafraku ita-nia relasaun di'ak ho Maromak. Iha Evanjellu Mateus 6:2, Jesus fó avizu atu labele halo hahalok-di'ak hodi ema seluk bele haree. Kuandu ita buka ema nia hahi'i liu fali Maromak, ita-nia moris espirituál sai fraku. 

Perigu seluk tan mak ita la kuidadu an kona-ba tentasaun. Eskritura 1 Korinto 10: 12 hatete: "Nunee ema nebee hanoin katak nia hamriik hela, nia tenki kuidadu katak nia la monu". Ita labele fiar an demais. Satanas hatene ita-nia frakeza sira no neineik-neineik koko hadook ita husi Maromak 

Julga ema seluk la ho razaun mós estraga ita-nia relasaun ho Kristu. Jesus hatete iha Evanjellu Mateus 7: 1-2 katak "Tanba ema sei fó sala ba imi tuir dalan neʼebé imi fó sala ba sira. No ho sasukat ne'ebé imi sukat ba ema seluk, nune'e mós ema seluk sei sukat fali ba imi". 1 Korinto 4: 5 fó-hanoin ita katak Maromak mak Juis ikus ne'ebé haree segredu sira ne'ebé ita subar iha ita-nia laran. 

La fó perdua no hirus-teen mós sai problema espirituál ne'ebé sériu. Jesus hanorin ita atu hadomi ita-nia inimigu sira (Mateus 5:44). Iha Evanjellu Mateus 5:22, Jesus fó avizu atu labele sai hirus no ko'alia liafuan odi nian. Ita-nia laran-nakali bele haketak ita-nia laran husi Maromak Nia espíritu. 

Jesus mós hatete iha Mateus 5:29 katak ita tenke hasai tiha buat saida de'it ne'ebé halo ita halo pekadu. Ida-ne'e katak ita tenke hanoin didi'ak kona-ba sala no hasees an husi buat ne'ebé hafraku ita-nia vida espirituál.

Liafuan di'ak mak ne'e: Jesus prontu atu fó perdua no restaura fali ita kuandu ita mai hasoru nia ho arrependementu no haraik-an (João 1:9). Nia hakarak ita atu moris besik nia loroloron. 

Ohin loron, mai ita ezamina ita-nia laran ho onestu. Mai ita hasai tiha buat saida de'it ne'ebé dada ita dook husi Kristu no buka nia ho laran-moos, haraik-an no domin. 

Bainhira ita entrega ita-nia laran tomak ba Jesus, ita hametin ita-nia relasaun ho nia no kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Prekupasaun moris vs tentasaun

Entaun nia fó hatene ba Delila buat hotu ne'ebé iha nia fuan laran, no nia dehan ba Delila, “Lámina nunka kona hau nia ulun fatuk. Dezde iha inan nia kabun laran, ....."Juis 16:17

                                   Juis 16:17

Lisaun aprende husi Livru Juis 14 no 16:1, 4, 16, 17 

Maromak hili Samson atu halo serbisu espesiál ida ba Izrael. Maromak fó forsa boot ba Samson, maibé nia iha frakeza boot ida - ne'e mak nia husik distraksaun (distraction) no tentasaun dada ninia laran dook husi Maromak. 

Iha livru Juizes 14, Samson komesa halo desizaun ne'ebé la ho kuidadu. Duke buka Maromak Nia hakarak, nia halo tuir ninia hakarak rasik. Liutiha tempu balu, iha livru Juizes 16: 1, 4, 16, 17, ita haree oinsá nia ho neineik tama lasu ba tentasaun ne'e. Delilah kontinua fo presaun ba nia to'o nia fó sai segredu kona-ba ninia forsa. Samson lakon ninia fokus espirituál iha tempu naruk molok nia lakon ninia forsa fiziku.

Ohin loron, Satanas serbisu ho maneira ne'ebé hanesan. Nia serbisu liuhosi atraksaun sexual. Nia hatene katak nia tenke halo esforsu maxímu atu hadook ema atu labele iha relasaun di'ak ho Maromak, liuliu iha tempu ikus antes Jesus fila fali mai. Dala ruma buat ne'ebé hanetik ita-nia relasaun di'ak ho Maromak la'ós sempre buat ne'ebé sala. Atividade sira hanesan serbisu loroloron nian, media sosiál, kompras, desportu, divertimentu, ka hahán, ne'ebé foti ita-nia tempu tomak no ita la iha tempu ka iha tempu uitoan de'it atu gasta ho Maromak. 

Kuandu ita-nia moris sai nakonu ho distraksaun no prekupasaun, ita-nia orasaun sai fraku liután, no ita-nia tempu estudu Biblia sai ladún importante, no ida-ne'e halo ita-nia forsa espirituál sai fraku. Diabu, ita-nia inimigu komprende ita-nia frakeza sira no uza ida-ne'e atu dada ita atu dook liután hosi Maromak. 

Jesus fó avizu kona-ba sentimentu apatia (antonimo hosi simpatia) iha livru Apokalipse 3:14-22. Jesus komprende ita-nia luta sira tanba Nia mós sente saida mak kole no hetan presaun (Evanjellu João 4: 6). Maski nune'e, Jesus halo buat ne'ebé importante tebes - dala barak Nia pauza no ba fatin hakmatek atu halo orasaun. Evanjellu Lucas 5:16, 6:12, Marcos 1:35, no Mateus 14:23 hatudu katak Jesus regularmente gasta tempu hakmatek hamutuk ho Ninia Aman. Nia hatene katak orasaun fó forsa ba Nia atu manan tentasaun. 

Bíblia hanorin ita atu "buka uluk Maromak Nia reinu" (Mateus 6:33). Maromak tenke sai prioridade numeru 1 iha ita-nia moris. 

Ohin loron, mai ita aprende husi Samson nia eru no husi Jesus Nia ezemplu di'ak sira. Ita tenke hasees an husi buat ne'ebé hanetik ita-nia laran atu buka Maromak, gasta ita-nia tempu loroloron ho Maromak, no buka forsa liuhusi orasaun no estuda ninia Liafuan. 

Kuandu ita hateke nafatin ba Jesus duke hanoin kona-ba hakarak no gostu mundu ne'e nian, ita kontinua hametin ita-nia relasaun ho Maromak no kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Pekadu, Evanjellu, no Ukun-Fuan

Ha'u sei nunka haluha Ó-nia mandamentu sira to'o tinan ba tinan, tanba ho liafuan ne'e Ó fó moris mai ha'u. Ha'u ne'e mak Ó nian, salva ha'u ba, tanba ha'u buka Ó-nia mandamentu sira. Salmu 119:93-94 BK 

                          Salmu 119:93-94 

Versíkulu sira-ne'e hatudu importansia hosi Maromak Nia ukun-fuan no Ninia Liafuan sira. Maromak Nia ukun-fuan sira la'ós atu destroi ita, maibé atu lori ita ba moris no lia-loos. 

Bíblia hanorin katak pekadu mak buat ida ne'ebé sériu. Iha livru Juizes 14, ita haree oinsá mak Samson nia desizaun ne'ebé halo la ho kuidadu, neineik-neineik halo nia la'o dook husi Maromak Nia planu. Pekadu bele kiik, maibé nia bele sai boot no rezulta ba sofrementu oinoin. Jesus mós fó avizu maka'as kona-ba pekadu iha Evanjellu Marcos 9:42-48. Nia hakarak ema atu komprende katak pekadu bele estraga ita-nia moris no haketak ita husi Maromak. 

Maromak Nia ukun-fuan ajuda ita atu hatene pekadu. Roma 3:20 hatete katak liuhusi ukun-fuan mak ita hatene pekadu. Ukun-fuan sira-ne'e hanesan espellu, hatudu ita-nia kondisaun reál. Ukun-fuan sei la salva ita, maibé ukun-fuan ajuda ita atu haree katak ita presiza Salvadór. 

Ho razaun ne'e mak ita iha Evanjellu. Evanjellu mak lia-fuan di'ak katak Jesus mai atu salva ita ema sala-na'in sira. Ita la hetan salvasaun tanba halo tuir ukun-fuan perfeitamente, tanba la iha ema ida mak bele halo ida ne'e. Roma 3:28 hanorin katak ita sai ema loos tamba fé la'os tamba ukun-fuan. Salvasaun mak prezente ida husi Maromak Nia grasa liuhusi Jesus Kristu.

Maibé ida-ne'e la dehan katak Maromak Nia ukun-fuan la iha folin. Jesus hatete iha Evanjellu Mateus 5:17-18 katak Nia la mai atu halakon ukun-fuan, maibé atu kumpre ukun-fuan sira. Maromak Nia mandamentu sira sei hatudu mai ita Maromak Nia karakter no hanorin ita oinsá atu moris ne'ebé loos. 

Jesus mós kompara Ninia hanorin sira ho fundasaun ne'ebé forte iha Mateus 7:24-29. Ema ne'ebé rona no halo tuir Maromak Nia liafuan mak hanesan ema ne'ebé harii uma iha fatuk ne'ebé metin. Bainhira ita obedese ba Maromak Nia ukun-fuan tenke ho motivu ne'ebé loos. Obedese ba Maromak ne'e mak rezultadu husi ita-nia laran ne'ebé transformadu. Obedese ba Maromak Nia ukun-fuan hanesan rezultadu hosi salvasaun ne'ebé ita hetan tamba Maromak nia grasa. 

Tan ne'e, ukun-fuan hatudu ita-nia pekadu, evanjellu oferese perdaun mai ita, no Jesus fó kbiit mai ita atu bele moris foun. Kuandu ita tau fiar ba Kristu no halo tuir Ninia Liafuan, ita bele hetan moris no esperansa ne'ebé loos. 

Bainhira ita simu Evanjellu no halo tuir Maromak Nia hanorin sira liuhusi fé, ita kontinua la'o ba oin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More