Haraik-an vs Foti-an

Tanba ema ne'ebé foti aan, Nai sei hatuun nia; no ema ne'ebé haraik aan, Nai sei foti aas nia. Lucas 14:11 BK 

Lucas 14:11

Jesus hanorin lisaun importante ida kona-ba diferensa entre foti-an no haraik-an. Ema barak naturalmente hakarak hetan onra, respeitu, no tau iha fatin aas liu fali ema seluk. Maibé Jesus esplika katak iha Maromak nia ukun, valór sira ne'e diferente. Ema ne'ebé foti-an sei hatun, maibé ema ne'ebé haraik-an Maromak sei tane aas sira. 

Bíblia fó avizu ba ema fiar-na'in sira atu labele hadomi mundu ne'e nia sasán sira. Mundu nia hakarak sira hanesan foti-an, ambisaun ka hanoin an de'it, no dezezu atu hetan rekoñesimentu, la mai husi Maromak no ikusmai sei lakon hotu (1 João 2:15–17). Bainhira ema hanoin de'it kona-ba sira-nia an no sira-nia susesu, dala barak sira haluha katak sira presiza Maromak. 

Jesus esplika lisaun ne'e iha istória kona-ba ema farizeu no kobrador impostu. Ema farizeu ne'e ho orgullu ko'alia kona-ba ninia hahalok-di'ak sira, maibé kobradór impostu ho haraik-an husu Maromak Nia laran-sadi'a. Jesus hatete katak kobradór impostu fila ba uma justifikadu ka sai ema loos iha Maromak Nia prezensa (Lukas 18: 9-14). Istória ne'e hatudu katak Maromak hafolin liu ema nia laran ne'ebé haraik-an no laran-moos duke buat ne'ebé haree di'ak hosi li'ur de'it.

Hahalok haraik-an mós envolve rekoñese ita-nia sala no buka Maromak Nia perdaun. Bíblia promete katak se ita konfesa ita-nia sala, Maromak sei fó perdua ba ita no hamoos ita husi buat hotu ne'ebé la loos (1 João 1:9). Ema ne'ebé haraik-an rekoñese sala sira no depende ba Maromak Nia laran-sadi'a. 

Moises mak ezemplu ida tan kona-ba ema ne'ebé haraik-an. Maski nia iha oportunidade atu goza rikusoin no kbiit husi rai-Ejitu, maibé nia hili atu hetan terus hamutuk ho Maromak Nia povu duke haksolok temporariu sira (Ebreu 11:24-26). Ninia desizaun hatudu katak nia hafolin liu Maromak Nia promesa sira duke glória mundu nian. 

Jesus mak ezemplu boot liu kona-ba haraik-an. Kuandu Jesus Nia dixipulu sira ko'alia kona-ba se mak boot liu iha sira-nia leet, nia esplika katak ida ne'ebé boot liu mak ida ne'ebé serbí ema seluk (Lukas 22:24-27). Apóstolu Paulo mós esplika kona-ba oinsá mak Kristu haraik-an hodi husik glória iha lalehan no sai atan, no mós fó Ninia moris hodi mate iha krús (Filipe 2: 3-8). 

Foti-an foka liu ba ita-nia an rasik, maibé haraik-an foka liu ba Maromak no ema seluk. Kuandu ita hili haraik-an, ita permiti Maromak forma ita-nia karakter no dirije ita-nia moris. Bainhira ita halo tuir Kristu Nia ezemplu kona-ba haraik-an, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Immanuel, Maromak hamutuk ho ita

“Tebes, feto raan ida sei sai isin rua no tuur ahi oan-mane ida. No sira sei hanaran Nia Emanuel”  (nee katak Maromak hamutuk ho ita). Mateus 1:23 BK 

Mateus 1:23

Lia-loos ida-ne'ebé fó komfortu liu iha Biblia mak: Maromak hamutuk ho ita. Kuandu Jesus moris, ema bolu Nia nu'udar Immanuel, ne'ebé signifika "Maromak hamutuk ho ita". Naran ne'e hatudu katak Maromak la dook husi ema. Maibé, Nia hakbesik ba ita liuhusi Jesus Kristu. 

Jezus Ninia mai dahuluk iha mundu hanesan kumprimentu ba Maromak Nia planu atu revela ninia an no restaura fali relasaun entre Maromak ho ema. Liuhusi Jesus, ema bele haree Maromak Nia karakter, rona Ninia hanorin, no esperiénsia Ninia domin. 

Autór evanjellu sira ho kuidadu hakerek kona-ba eventu sira ne'ebé akontese ba Jesus atu nune'e ema fiar-na'in sira bele hatene lia-loos. Porezemplu, Lukas esplika katak, nia ho kuidadu investiga eventu sira kona-ba Jesus no hakerek atu nune'e lee-na'in sira bele hatene kona-ba buat ne'ebé sira aprende (Lukas 1: 3-4). Ida-ne'e ajuda ita atu fiar, katak Jesus mai duni moris hamutuk ho ita. 

Jesus mós hanorin Ninia dixipulu sira katak Nia sei kontinua hamutuk ho sira maski Nia fila fali ona ba Lalehan. Nia promete katak Nia sei haruka ajuda-na'in (Espiritu Santu) mai atu fó matadalan no hametin fiar-na'in sira (João 14). Liuhusi Maromak nia espíritu, Nia hamutuk nafatin ho Ninia povu.

Antes Jesus fila fali ba Lalehan, Nia halo promesa seluk ida: Nia dehan "Hau sempre hamutuk ho imi to'o mundu nia rohan." Mateus 28:20. Ne'e katak Kristu la husik Ninia ema sira mesak de'it. Iha situasaun hotu-hotu, maski iha ksolok, susar, ka iha situasaun la serteza, Maromak hamutuk nafatin ho ema ne'ebé tau fiar ba Nia. 

Mensajen husi Immanuel fó-hanoin ita katak Maromak la dook husi ita-nia moris. Nia komprende ita-nia susar sira no la'o hamutuk ho ita liuhusi susar sira ne'e. Tanba Jesus, ita bele esperiensia Maromak Nia prezensa, matadalan no komfortu loroloron. 

Kuandu ita hanoin-hetan katak Maromak hamutuk ho ita duni, ita-nia fiar sai metin liután no ita-nia laran sai nakonu ho esperansa. Tau fiar ba Ninia prezensa no halo tuir Ninia matadalan, ajuda ita atu la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak iha Kriasaun

Hahuu fo-foun, Maromak kria lalehan no rai. Génesis 1:1 BK

Génesis 1:1 

Bíblia hahú ho deklarasaun ne'ebé forte: Maromak mak Kriadór ba buat hotu. Antes mundu ne'e mosu, antes kriasaun fitun no rai no buat hotu, Maromak ezisti ona. Kriasaun la akontese tanba asidente. Kriasaun mak rezultadu husi Maromak Nia matenek, podér no domin. 

Ema nia moris ne'e rasik hatudu katak Maromak kuda ita. Bíblia hatete katak "Nai Maromak forma mane ida hosi rai rahun, no huu iis moris ba nia inus"Jénesis 2:7. Ne'e katak ita-nia moris mai direta husi Maromak. Ita iha tanba Maromak fó iis moris mai ita. 

Tanba Maromak mak ita-nia Kriador, ita nunka dook husi Nia. Bíblia hanorin katak Maromak hakarak ema atu buka Nia no hetan Nia, tanba iha Nia mak ita moris, book an ba mai no ezisti (Apóstolu 17:27-28). Ita-nia ezistensia depende kompletamente ba Maromak. 

Natureza rasik hatudu katak Maromak mak boot tebes. Livru Job konvida ita atu hanoin-hetan no hahi'i Maromak tamba Nia obra sira (Job 36:24). Kuandu ita haree kalohan, udan, rai-tarutu, no rai-lajan, ita haree evidénsia kona-ba Maromak nia podér no matenek iha mundu (Job 36:24-33; Jo 37). Buat furak sira-ne'e fó-hanoin ita katak Kriadór mak boot liu fali ema nia komprensaun. 

Kriasaun ne'ebé furak no no kriasaun sira ne'ebé la'o tuir orden mós hanorin ita katak Maromak tau matan ba Ninia mundu. Tempu no klima ne'ebé muda regularmente, fulan no planeta sira ne'ebé halo rotasaun regularmente, buat sira ne'e hotu hatudu katak Maromak sustenta Ninia kriasaun sira. 

Komprende Maromak nu'udar ita-nia Kriador, fó ojetivu ba ita-nia moris. Ita ezisti to'o ohin loron la'ós tamba asidente; ita ezisti to'o ohin loron tanba Maromak kria ita no tau matan ba ita. Kriasaun mós fó-hanoin ita katak ita iha responsabilidade ba Maromak no ita tenke hatudu respeitu no hahi'i ba Maromak ne'ebé halo buat hotu. 

Kuandu ita hateke ba mundu no natureza ne'ebé hale'u ita, hanesan lalehan, rai, tasi no kriatura moris hotu, ida ne'e fo hanoin ita kona-ba Maromak Nia kbiit no laran-di'ak. Rekoñese Maromak nu'udar ita-nia Kriador, lori ita ba adora Nia, tau fiar ba Nia, no halo tuir Ninia matadalan sira. 

Bainhira ita hafolin Maromak Nia kriasaun no hanoin-hetan katak ita-nia moris mai husi Nia, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak mak domin

Ema ne'ebé la hatudu domin la koñese Maromak, tanba Maromak mak domin. 1 João 4:8 BK 

1 João 4:8 

Bíblia hanorin lia-loos ida-ne'ebé furak liu kona-ba Maromak: Maromak mak domin. Domin la'ós de'it buat ne'ebé Maromak halo, maibé ida-ne'e mak parte husi ninia natureza rasik. Tuir Eskritura, ema ne'ebé hatene duni Maromak sei aprende atu hadomi ema seluk tanba domin mai husi Nia (1 João 4: 7-19). 

Husi inisiu kedas, Maromak kria ema tuir Ninia ilas rasik (Genesis 1:27). Ida-ne'e katak Maromak kria ita atu refleta Ninia karakter, inklui mós Ninia domin. Maibé ema barak sente la merese. Figura importante sira iha Biblia mós sente kiik no la vale iha Maromak Nia prezensa. Abrão husu ba Maromak saida mak nia bele hetan tanba nia la iha oan (Genesis 15: 2), no Gideon sente katak ninia família mak fraku liu iha ninia suku (Juiz 6:15). Maibé Maromak nafatin hadomi sira no bolu sira atu halo tuir Ninia hakarak. 

Nu'udar ita-nia Kriador no Aman, Maromak merese atu hetan onra no respeitu (Malakia 1:6). Ninia podér boot tebes to'o foho sira nabeen iha Ninia oin (Salmo 97:5). Maski nune'e, Maromak ne'ebé poderozu mós hatudu Ninia domin no kuida ba ita ema maksalak. 

Ita bele haree ezemplu ida-ne'ebé klaru kona-ba Maromak Nia domin iha Abrão no Isaac nia istória. Bainhira Abrão besik ona atu sakrifika ninia oan-mane, Isaac, Maromak fornese bibi-malae aman ida hodi troka nia (Genesis 22: 13-14). Eventu ne'e demonstra Maromak Nia domin ne'ebé boot tebes - bainhira Maromak fó Ninia Oan-Mane atu soi mundu.

Bíblia hatete: "Tanba Maromak hadomi tebes mundu to'o nia fó Ninia Oan-Mane mesak" (João 3:16). Kristu mate ba ita kuandu ita sei sala-na'in hela, ida ne'e hatudu katak Maromak hadomi tebes ita (Roma 5:8). 

Maibé pekadu bele haketak ema husi Maromak. Bíblia esplika katak la'ós Maromak Nia kbiit mak la to'o, maibé ita-nia sala mak halo bareira entre ita ho Maromak (Isaias 59: 1-2). Tan ne'e mak Maromak haruka Jesus mai atu restaura fali ita-nia relasaun ne'ebé aat ho Nia. 

Jesus revela Maromak Nia karakter perfeitamente. Kuandu ema haree Jesus, sira haree ona Aman Nia natureza no domin (João 14:9). Bíblia hatete katak Kristu mak reprezentasaun Maromak ne'ebé loos (Ebreu 1: 3). Liuhusi Jesus Nia moris, mate, no moris-hias, Nia dada ema hotu atu hakbesik ba Nia (João 12: 32). 

Domin ne'ebé loos mós deskrebe iha Eskritura. Domin mak pasiénsia, laran-di'ak, la foti-an, no domin nunka falla (1 Korinto 13: 4-8). Ne'e mak domin ne'ebé mai husi Maromak no tenke sai buras iha Ninia povu nia laran. 

Kuandu ita komprende katak Maromak mak domin, ita-nia moris komesa muda. Ita aprende atu tau fiar ba Maromak, simu Ninia perdaun, no hatudu Ninia domin ba ema seluk. Bainhira ita krexe liután iha domin ne'e no moris tuir Ninia karakter, ita kontinua la'o ho laran-metin iha Dalan ba Lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak mak santu

Imi tenki sai santu mai Ha'u, tanba Ha'u mak Nai neʼebé santu, no Ha'u haketak ona imi hosi povu seluk hodi sai Ha'u-nian. Levítiku 20:26 BK

Levítiku 20:26

Lia-loos importante ida kona-ba Maromak iha Biblia mak: Maromak ne'e santu. Ninia santuidade signifika katak Nia puru/moos, loos no perfeitu. La iha sala, hahalok-aat, ka hahalok sala iha Maromak Nia laran. Tanba Maromak ne'e santu, Nia bolu Ninia povu atu moris santu. 

Bíblia hatete ho klaru katak la iha ema ida mak hanesan Maromak iha Ninia santuidade. Hana. Profeta Samuel nia inan. iha antigu Testamentu hatete: "La iha ida nebee santu hanesan Nai, la iha ida seluk nebee hanesan O, la iha Fatuk ida hanesan ami nia Maromak (1 Samuel 2:2). Ida-ne'e fó-hanoin ita katak Maromak mak uniku no aas liu, importante liu no boot liu kriasaun hotu.

Maromak Nia santuidade mós hatudu Ninia kmanek no majestade. Profeta Isaias hatete katak Nai mak Maromak ne'ebé aas liu, no Nia moris ba nafatin no Ninia naran mak santu (Isaias 57:15). Maski Nia boot tebes no aas tebes, maibé Nia mós tau matan ba ema sira ne'ebé haraik-an no mós ba sira ne'ebé arrepende an. 

Maromak Nia santuidade mós sei revela ba mundu tomak. Iha futuru, Nai sei hatudu Ninia kmanek no santuidade iha nasaun barak nia oin atu nune'e ema bele hatene katak Nia mak Maromak ne'ebé loos (Ezequiel 38:23). Loron ida ema hotu sei rekoñese Ninia podér no glória. 

IhaLlalehan, Maromak Nia santuidade kontinua hetan hahi'i. Kriatura moris sira ne'ebé hale'u Ninia kadunan nunka para atu dehan: “Santu, santu, santu, Nai Maromak Kbiit Makaas, nebee iha uluk, no agora iha, no atu mai.” Apokalipse 4:8. Adorasaun ne'ebe kontinua iha Lalehan hatudu katak Maromak merese duni hetan glória no hahi'i.

Tanba Maromak mak santu, Nia bolu Ninia povu atu moris diferente ho mundu ne'e. Moris santu katak hili buat ne'ebé loos, hasees an husi sala, no moris iha dalan ne'ebé halo Maromak kontente. Ida-ne'e katak ita husik Maromak Nia karakter transforma ita-nia hanoin, liafuan no asaun sira. 

Kuandu ita hanoin-hetan katak Maromak mak santu, ita aprende atu hatudu respeitu ba Nia, obedese ba Nia no adora Nia ho ita-nia laran tomak. Bainhira ita buka atu moris santu no fiél nafatin ba Nia, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Imajen klaru kona-ba Maromak

Hanoin hetan buat tempu antigu nian, tanba Hau mak Maromak, no la iha ida seluk. Hau mak Maromak, no la iha ida nebee hanesan Hau, nebee deklara buat ikus hosi tempu hahuu, no hosi tempu antigu Hau foo sai buat sira nebee seidauk akontese, no dehan, ‘Hau nia liafuan sei metin, no Hau sei halo tuir Hau nia hakarak hotu,’ Isaias 46:9-10 BK

Isaias 46:9

Bíblia konvida ita atu haree Maromak ho klaru liután. Iha versíkulu ne'e, Maromak fó-hanoin Ninia povu katak Nia mesak de'it mak Maromak no katak Nia hatene kona-ba rohan husi inisiu kedas. La iha buat ida iha istória ka iha ita-nia moris ne'ebé mak forade Maromak Nia koñesimentu no hakarak. 

Dala ruma susar ba ita atu komprende tanbasá mak buat balu akontese iha ita-niamoris. Maski iha Job nia istória, Satanas la bele hakanek nia se Maromak la fó lisensa (Job 1:12). Ida-ne'e fó-hanoin ita katak Maromak mak ukun no kontrola buat hotu maski ita hasoru susar oioin. 

Maromak la'ós de'it iha podér, maibé Nia mós iha pasiénsia no kompaixaun. Bíblia hatete katak Nai hein atu hatudu laran-sadi'a no kompaixaun ba Ninia povu (Isaias 30:18). Nia mak Maromak ne'ebé fiél ne'ebé kaer metin Ninia aliansa no domin ba ema ne'ebé la'o tuir Nia (Deuteronomio 7:9). 

Dala ruma Maromak Nia laran-di'ak lori ita atu arrepende an no moris ne'ebé di'ak liután (Roma 2: 4). Ninia planu ba ita la'ós random, maibé Nia prepara ho kuidadu. Antes ita komprende buat sira-ne'e, Maromak prepara ona Ninia matenek no hakarak ba ita-nia di'ak (1 Korinto 2: 7). 

Kuandu ita sente fraku ka la iha forsa, Maromak fó-hanoin ita katak Ninia laran-di'ak sufisiente ba ita no Ninia podér sai perfeitu iha ita-nia fraku laran (2 Korinto 12:9). Liuhusi ita-nia fraku sira, ita aprende atu sadere liután ba Maromak. 

Maromak mós bolu Ninia povu atu halo tuir Ninia karakter sira. Porezemplu, Nia husu ita atu fó perdua ba ema seluk hanesan ita hakarak Nia fó perdua ba ita-nia sala sira (Mateus 6: 14). Moris tuir Maromak Nia hakarak ajuda ita atu esperiensia Ninia bénsaun ne'ebé nakonu.

Nai mós fó-hanoin ita katak Ninia planu sira ne'e di'ak. Nia promete futuru ida ne'ebé nakonu ho esperansa ba sira ne'ebé tau fiar ba Nia (Jeremias29:11). Liuhusi Jesus Kristu, Nia mós promete atu manán mate, hodi dehan katak Nia mak resuresaun no moris (João 11:25). 

Bíblia fó-hanoin ita katak Maromak ukun nasaun hotu no tuur iha Ninia kadunan santu (Salmo 47:8). Nia mós sai nu'udar fatin refujiadu ka fatin protesaun ba nafatin, no Ninia liman ne'ebé forsa ajuda ita iha situasaun hotu-hotu (Deuteronomio 33:27)

Kuandu ita haree Maromak ho klaru liután - Maromak Nia podér, Ninia laran-sadi'a, Ninia fidelidade, no Ninia domin halo ita-nia fiar sai metin liután. Tau fiar ba Maromak ne'ebé boot no fiél, ida-ne'e sei ajuda ita atu la'o ho fiar an, bainhira ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hatene Maromak

Ida ne'e mak moris rohan laek, katak sira bele koñese Ó, Maromak loos mesak de'it, no Jesus Kristu, ne'ebé Ó haruka mai. João 17:3 BK 

João 17:3

Jesus esplika ho klaru katak moris eterna la'ós de'it kona-ba moris rohan-laek, maibé mós kona-ba hatene Maromak no hatene Jesus Kristu. Moris ne'ebé loos hahú kuandu ita iha relasaun di'ak ho Maromak. 

Bíblia hahú hodi fó sai se mak Maromak. Iha inisiu, Maromak kria lalehan no rai (Genesis 1: 1). Nia mós kria ema no huu iis moris ba sira no sira sai klamar ne'ebé moris (Genesis 2: 7). Husi ne'eba kedas, Maromak hakarak atu iha relasaun ne'ebé besik ho Ninia kriasaun sira. 

Maibé, relasaun di'ak ne'e hetan estragu tamba pekadu. Iha jardín Eden, Diabu liuhosi samea lohi Adão no Eva hodi pergunta kona-ba Maromak Nia liafuan no fo promesa kona-ba koñesimentu ne'ebé la'os maihosi Maromak (Genesis 3: 1-5). Tanba lia-bosok ne'e, humanidade separadu husi sira-nia relasaun di'ak ne'ebé uluk sira iha ho Maromak. 

Maibé Maromak Nia hakarak mak atu iha nafatin povu ida-ne'ebé partensi ba Nia. Nia bolu Ninia povu atu sai santu no haketak an husi mundu (Levitico 20:26). Profeta Samuel dehan katak la iha ema ida mak santu hanesan Nai no la iha fatuk ida ne'ebé hanesan ita-nia Maromak (1 Samuel 2: 2). 

Revelasaun boot liu hosi Maromak mak, Nia fó sai Ninia an liuhusi Jesus Kristu. Kuandu Jesus moris, ema bolu Nia nu'udar Immanuel, ne'ebé signifika "Maromak hamutuk ho ita" (Mateus 1:23). Liuhusi Jesus, ema bele hatene ho loloos Maromak Nia karakter no domin. 

Bíblia hanorin katak hatene Maromak iha ligasaun ho domin. Ema ne'ebé hatene Maromak sei hadomi ema seluk, tanba Maromak rasik mak domin (1 João 4:7-19). Kuandu ita komprende Maromak Nia domin, ita-nia laran transformadu, no ita komesa refleta Ninia karakter iha ita-nia moris. 

Jesus mós promete katak Ninia prezensa sei hamutuk nafatin ho Ninia dixipulu sira to'o mundu nia rohan (Mateus 28: 20). Ida-ne'e signifika katak hatene Maromak la'ós de'it esperiénsia ida iha tempu uluk, maibé ita-nia relasaun ne'ebé kontinua krexe ho Maromak hosi loron ba loron. 

Hatene Maromak mak hatene Ninia domin, Ninia santidade, no Ninia prezensa iha ita-nia moris. Bainhira ita kontinua aprende kona-ba Nia no la'o hamutuk ho Nia loroloron, ita esperiensia sentidu ne'ebé loloos kona-ba moris rohan-laek no kontinua la'o ba oin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Mantein ligado ho uvas huun

Hau mak uvas-hun, imi mak sanak sira. Ema nebee hela iha Hau, no Hau iha nia, ema nee sei foo fuan barak. Tanba ketak hosi Hau, imi la bele halo buat ida. João 15:5 BK 

João 15:5

Jesus hanorin katak ema fiar-na'in sira hanesan ramu ka sanak sira ne'ebé ligadu ho uvas-hun. Ramu sira ne'e labele moris ka fó fuan mesak de'it; sira tenke mantein ligasaun ho uvas-hun. Nune'e mós, ita-nia moris espirituál depende kompletamente ba Kristu. Se la ho Kristu, ita labele krexe la hetan forsa, no la bele fó fuan espirituál sira. 

Maibé oinsá mak ema kristaun sira mantein ligasaun ho Kristu? Bíblia hanorin katak espíritu santu ajuda halo ligasaun ne'e posivél. Maromak fó Espíritu Santu ho laran-luak ba sira ne'ebé husu Nia (Lukas 11: 13). Liuhusi Espíritu Santu, Maromak dada ita atu hakbesik liután ba Nia ho Ninia domin rohan-laek (Jeremias 31:3).

Ita-nia relasaun ho Maromak hahú tanba Nia hadomi uluk ita (1 João 4:19). Domin ne'e tau iha ita-nia laran liuhusi Espíritu Santu Nia serbisu, hodi ajuda ita atu nafatin iha ligasaun ho Kristu. 

Bíblia mós hanorin katak Espíritu Santu moris iha ema kristaun nia laran. Se Maromak Nia Espíritu hela iha ita, ita mak Kristu Nian, no Espíritu ne'ebé fó moris-hias ba Jesus husi mate sei fó moris espirituál ba ita (Roma 8: 9-11). Podér ne'ebé fó moris mai ita, halo ita unidu nafatin ho Kristu. 

Jesus promete ba Ninia dixipulu sira katak Nia sei husu Aman atu haruka ajuda-na'in seluk, Espíritu Santu, ne'ebé sei hela hamutuk ho sira (João 14: 16-18). Espíritu Santu halo Jesus Ninia prezensa kontinua iha ema fiar-na'in nia moris. 

Espíritu santu mós fó sasin kona-ba Kristu no fó-hanoin ema fiar-na'in sira kona-ba Ninia lia-loos (João 15:26). Jesus esplika katak Nia presiza fila fali ba Aman atu nune'e Espíritu Santu bele mai gia ninia dixipulu sira (João 16: 7-8). Espíritu Santu hanorin ita lia-loos no ajuda ita atu komprende Maromak Nia hakarak (João 16: 13). 

Tanba Espíritu Santu, ema kristaun espiritualmente bele nafatin iha ligasaun ho Kristu. Espíritu Santu hametin ita-nia fiar, dirije ita-nia desizaun, no ajuda ita atu obedese ba Maromak no hatudu domin. 

Kuandu ita husik Espíritu Santu halo serbisu iha ita-nia laran, ita nafatin iha ligasaun firmi ho uvas-hun. Tuirmai, ita-nia moris komesa fó fuan ba Maromak, no ita kontinua la'o ho laran-metin iha Dalan ba Lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hakarak moris? Hela ho Kristu

Ha'u mak uvas huun, imi mak sanak sira. Ema neʼebé hela iha Ha'u, no Ha'u iha nia, ema neʼe sei fó fuan barak. Tanba ketak hosi Ha'u, imi la bele halo buat ida. João 15:5 BK 

João 15:5 

Jesus uza dezeñu ne'ebé simples maibé iha kbiit atu esplika kona-ba moris kristaun nian. Jesus dehan katak Nia mak uvas-hun no Ninia dixipulu sira mak ramu sira. Hanesan ramu sira tenke iha ligasaun ho uvas-hun atu hetan moris no fó fuan, ema kristaun mós tenke iha ligasaun ho Kristu hodi bele iha moris espirituál ne'ebé metin. 

Iha João 15: 1-11, Jesus esplika katak Aman Maromak mak toos-nain ne'ebé tau matan ba uvas. Nia aparu ramu sira atu nune'e sira bele krexe di'ak liu no fó fuan barak liután. Nune'e mós, Maromak serbisu iha ita-nia moris atu ajuda ita krexe iha fiar no karakter. Bainhira ita hela iha Kristu, Ninia moris refleta liuhusi ita no ita-nia moris hahú fó fuan espirituál hanesan domin, obedese no fidelidade. 

Hela ho Kristu mós katak halo tuir Ninia mandamentu sira. Bíblia hatete katak ita hatudu domin ba Maromak liuhusi halo tuir Ninia mandamentu sira, no Ninia mandamentu sira la todan (1 Joao 5: 3). Kuandu ita hadomi duni Kristu, halo tuir Ninia mandamentu hanesan buat neʼebé halo ita kontente la'os hanesan buat todan ida. 

Jesus mós fó konvite ba ema kristaun ida-idak. Nia dehan katak Nia hamriik iha odamatan no dere. Se ema ruma rona Ninia lian no loke odamatan, Nia sei tama no hamutuk ho sira (Apokalipse 3: 20). Ida-ne'e hatudu katak Kristu hakarak atu iha relasaun di'ak no besik ho ita. 

Se la ho Kristu, ita labele fó fuan espirituál ne'ebé dura. La ho Maromak, ita-nia forsa, matenek no laran-di'ak la sufisiente. Maibé kuandu ita nafatin iha relasaun di'ak ho Jesus liuhusi fiar, orasaun, no halo tuir nia ukun-fuan sira, Ninia moris sei refleta iha ita-nia moris. 

Hela ho Kristu lori moris ne'ebé loos, ksolok, no iha ojetivu moris nian. Bainhira ita iha relasaun di'ak ho Maromak loroloron no husik Ninia liafuan dirije ita-nia moris, ita iha fiar ne'ebé metin liután no kontinua la'o ho laran-metin iha Dalan ba Lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Domin rohan-laek

Nai hatudu aan ba ha'u hosi dook. “Hau hadomi ó ho domin rohan laek, nune'e Ha'u dada ó ho Ha'u-nia domin metin.” Jeremias 31:3 BK 

Jeremias 31:3 

Bíblia fó sai lia-loos furak ida kona-ba Maromak: Maromak Nia domin ba Ninia povu mak rohan-laek. Maromak Nia domin la hahú no remata hanesan ema nia domin. Maromak Nia domin ne'e la muda, fiél no ba nafatin. Maski ema falla, ka fila kotuk, maibé Maromak kontinua bolu fali sira ho Ninia laran-di'ak no nakonu ho domin. 

Husi tempu uluk kedas, Maromak kria ema atu moris iha relasaun domin ho Nia. Nia forma ema husi rai-rahun no huu iis moris ba sira (Genesis 2: 7). Iha jardín Eden, Maromak la'o hamutuk ho Adão no Eva hodi hatudu katak Nia hakarak atu hakbesik ba Ninia kriasaun sira (Genesis 3:8). 

Maibé, sala harahun relasaun ne'e. Bainhira Adão no Eva halo sala, sira subar husi Maromak tanba ta'uk (Genesis 3: 8-10). Maski nune'e, Maromak la abandona sira. Ninia domin rohan-laek nafatin kontinua hakbesik ba Ninia povu iha tempu hotu. 

Ema balu responde ba Maromak Nia domin ne'e ho fé. Porezemplu, Enoc la'o ho fiél ba Maromak no Maromak lori nia ba lalehan (Genesis 5:24). Ema seluk fali la hanoin kona-ba Maromak nia avizu, hanesan iha tempu Noe nian, bainhira Maromak haree katak mundu ne'e nakonu ho violénsia (Genesis 6: 13). 

Maski nune'e, Maromak ho Nia domin kontinua halo planu atu salva ema. Nia bolu Abrão atu husik ninia rai no la'o tuir Nia ho fé, hodi promete atu haraik bénsaun ba nia no halo nia sai bénsaun ba ema seluk (Genesis 12: 1-4). Maromak harii hela povu ida-ne'ebé hatene no serbí Nia. 

Bainhira Moises gasta tempu iha Maromak ninia prezensa, ninia oin mós nabilan ho Maromak nia glória (Exodo 34:29). Ida-ne'e hatudu katak ema ne'ebé la'o besik ho Maromak refleta Maromak Nia karakter no domin. 

Bíblia mós promete katak sei iha futuru ne'ebé furak ba sira ne'ebé mantein fiél. Kristu promete katak sira ne'ebé fiél no manán tentasaun sei tuur hamutuk ho Nia iha Ninia kadunan, hanesan Nia manán no tuur hamutuk ho ninia Aman (Apokalipse 3:21).

Maromak Nia domin rohan-laek. nafatin kontinua bolu ita ohin loron. Nia hakarak harii fali ita-nia moris, hametin ita-nia relasaun ho Nia, no dirije ita iha dalan fiar nian hosi loron-loron ba loron. Kuandu ita hatán ba Ninia domin no la'o besik ho Nia, ita kontinua la'o ba oin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Korrije, arrepende, no rekompensa

Hau koriji no disiplina sira ne'ebé Ha'u hadomi. Entaun laran manas ba no arepende. Apokalipse 3:19 BK 

Apokalipse 3:19

Kuandu Jesus haruka mensajen ba igreja Laodiseia, Nia fó avizu no mós fó konvite. Nia dehan "Hau koriji no fó disiplina sira ne'ebé Ha'u hadomi" Ida-ne'e hatudu katak bainhira Maromak fo dixiplina ka korrije ita, ida-ne'e la'ós sinál katak Nia rejeita ita maibé sinál domin nian. Bainhira Maromak fó sai ita-nia sala sira, ne'e tanba Nia hakarak atu hadi'a fali ita-nia hahalok no lori ita ba dalan loos. 

Antes versíkulu ne'e, Jesus esplika kona-ba igreja Laodiseia nia situasaun. Sira hanoin katak sira riku no iha buat hotu ne'ebé sira presiza, maibé realidade sira kiak, matan-delek no molik iha lia-loos (Apokalipse 3:17). Sira sente komfortavél no kontente, no sira haluha katak sira-nia presiza loloos mak Maromak. 

Tan ne'e, Jesus bolu sira atu arrepende an. Arrepende an katak ita rekoñese ita-nia kondisaun espirituál, hasees an husi sala, no fila fali ba Maromak ho laran-moos. Arependementu ne'ebé loos, rekere zelozu - dezezu ne'ebé maka'as atu muda hahalok no halo tuir Kristu ho fiél.

Tuirmai, Jesus fó konvite furak ida: "Haree ba, Hau hamriik iha odamatan no dere." Se ema ruma rona Ninia lian no loke odamatan, Nia promete katak Nqaia sei mai hamutuk ho sira (Apokalipse 3: 20). Ida-ne'e hatudu katak maski ema fiar-na'in sira la'o ses hosi lia loos, maibé Kristu sei bolu sira fila fali ho pasiénsia. 

Rezultadu finál hosi arrependementu mak rekompensa ne'ebé furak tebes. Sira ne'ebé manán tentasaun sei goza Kristu Nia vitória no ukun hamutuk ho Nia. Iha lalehan, kriasaun hotu adora Maromak, fó glória, onra no agradese ba nia tanba nia kria buat hotu (Apokalipse 4: 9-11). Anju barak no ema ne'ebé hetan salvasaun mós fó hahi'i ba Bibi-Oan ne'ebé merese atu hetan kbiit, rikusoin, matenek no kbiit (Apokalipse 5: 11-14). 

Ida-ne'e fó-hanoin ita katak ita-nia ojetivu moris nian mak atu adora no hahi'i Maromak. Kuandu ita simu Maromak nia hase ka koresaun sira, arrepende an no fiél nafatin, ita prepara ita-nia an atu tuir adorasaun iha lalehan. 

Maromak nia koresaun rezulta ba arrependementu no arrependementu rezulta ba rekompensa. Kuandu ita rona ba Ninia lian no hetán ho haraik-an, ita kontinua la'o ho laran-metin iha Dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Cek ita-nia kondisaun fé nian

Ba anju hosi igreja iha Laodiseia hakerek: ‘Liafuan hosi Nia ne'ebé Amén, sasin ne'ebé fiel no loos, ne'ebé huun ba Maromak Nia kriasaun. Ha'u hatene buat ne'ebé imi halo, katak imi la malirin ka manas. Ha'u hakarak katak imi malirin ka manas. Maibé imi morna deit, laos manas ka malirin. Nune'e Ha'u sei muta sai imi hosi Ha'u-nia ibun. Tanba imi dehan, “Ha'u riku ona. Ha'u halibur ona riku-soin barak. Ha'u la presiza buat ida.” Maibé imi la hatene katak imi iha terus, laran susar, moris kiak, matan delek no isin molik. Apokalipse 3:14-17 BK 

Apokalipse 3:15

Mensajen ba igreja iha Laodiseia mak konvite sériu ba ema kristaun atu ezamina didi'ak sira-nia kondisaun espirituál. Jesus hatete katak ema sira iha ne'ebá fiar katak espiritualmente sira riku no forte iha lia-loos, maibé iha realidade sira kiak, terus no matan-delek. Sira-nia fiar sai ona morna - sira la kompletamente dedika sira-nia moris no sira mós la kompletamente husik hela sira-nia hahalok mundu nian. Avizu ne'e fó-hanoin ita katak ita presiza regularmente ezamina kondisaun ita-nia fé. 

Dala ruma ema kristaun sira hanoin katak sira nia kondisaun fiar nian di'ak hela simplesmente tamba de'it sira ba igreja, hatene Biblia, ka hetan bénsaun barak. Maibé susesu ne'ebé ema haree iha li'ur la signifika katak sira-nia kondisaun espirituál mós di'ak. Maromak haree ita-nia laran, no Nia hatene serake ita-nia domin ba nia ne'e reál no ativu. 

Jesus la fó de'it mensajen ne'e atu kondena igreja, maibé atu ajuda sira muda sira-nia hahalok. Ho domin, Nia konvida sira atu simu rikusoin espirituál ne'ebé loos. Nia haruka sira atu sosa osan-mean ne'ebé purifika iha ahi laran atu nune'e sira bele sai riku ne'ebé loos, haruka sira hatais mutin atu taka sira-nia moe, no kose sira-nia matan ho salep matan nian atu nune'e sira bele haree ho klaru (Apokalipse 3:18). Símbolu sira-ne'e reprezenta fiar, hahalok loos, no komprensaun espirituál ne'ebé mai husi Kristu. 

Maromak mós fó-hanoin sira katak Ninia hasé ne'e hanesan aktu domin nian. Nia hatete: "Hau koriji no fo disiplina ba sira nebee Ha'u hadomi" Apokalipse 3:19. Fiar ne'ebé loos presiza haraik-an no prontu atu fila fali ba Maromak kuandu ita hatene ita-nia frakeza sira. 

Kristu mós fó konvite furak ida: Nia hamriik iha odamatan no dere no hein ema fiar-na'in sira atu loke sira-nia laran ba Nia (Apokalipse 3: 20). Bainhira ita hatán, Nia promete atu hamutuk ho ita no renova ita-nia relasaun ne'ebé di'ak liután. 

Ikusmai, Jesus promete katak Nia sei fó rekompensa boot ba sira ne'ebé manán tentasaun. Sira sei tuur hamutuk ho Nia iha Ninia kadunan, hodi goza Ninia vitória (Apokalipse 3:21). Promesa ne'e fó korajen mai ita atu fiél nafatin no komete ita-nia moris tomak ba Jesus. 

Cek kondisaun ita-nia fiar, sei ajuda ita atu espiritualmente matan-moris nafatin iha lia-loos. Kuandu ita ezamina ho onestu ita-nia laran, simu Kristu nia korrije, no renova ita-nia komitmentu ba Jesus, ita sei krexe espiritualmente iha ita-nia relasaun ho Maromak no kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Cek ita-nia realidade fiar nian

Hanesan Aman hadomi Ha'u, nune'e mós Ha'u hadomi imi. Hela nafatin iha Ha'u nia domin. João 15:9 BK

João 15:9

Jesus fó-hanoin Ninia dixipulu sira kona-ba lia-loos ne'ebé poderozu: Jesus hadomi tebes sira. Domin ne'ebé Aman Maromak fo ba Oan, Oan-Mane fo tutan ba fiar-na'in sira. Tan ne'e, Jesus mós bolu ita atu nafatin hela iha domin ne'e (João 15:9). Ida-ne'e hanesan cek realidade ba ema kristaun hotu - serake ita moris duni iha Kristu Nia domin, ka ita dook ona husi Nia? 

Husi tempu uluk kedas, Maromak kria ema atu moris iha relasaun besik ho Nia. Maromak forma ema husi rai-rahun no huu iis moris ba sira (Genesis 2: 7). Iha jardín Eden, Maromak la'o hamutuk ho Adão no Eva, maibé kuandu sala tama ba mundu, sira subar husi Ninia prezensa tanba ta'uk (Genesis 3: 8-10). Sala harahun ita-nia relasaun di'ak ne'ebé Maromak intende ba ita. 

Maibé Maromak la husik Ninia povu. Nia hatete: "Hau hadomi ona ó ho domin rohan-laek" no promete katak sei restaura fali sira (Jeremias 31:3-4). Domin ne'e revela liuhusi Jesus Kristu. 

Iha João 15: 1-11, Jesus esplika Ninia an nu'udar uvas-hun ne'ebé loos no Ninia dixipulu sira nu'udar ramu. Hanesan ramu tenke mantein ligadu ho uvas hun atu fo fuan, nune'e mós, ema kristaun tenke mantein ligadu ho Kristu atu bele moris espiritualmente.

Maibé, mensajen Jesus nian ba igreja iha Laodiseia hatudu katak ema fiar-na'in bele lakon ligasaun ne'e. Ema fiar na'in sira iha Laodiseia hanoin katak sira riku no sira sufisiente iha buat hotu, maibé realidade sira kiak no morna espiritualmente (Apokalipse 3:14-22). Kristu bolu sira atu loke sira-nia laran no fila fali ba Nia. 

Iha lalehan, kriatura no ansiaun sira kontinua adora Maromak tanba Nia kria buat hotu no merese hetan glória (Apokalipse 4: 9-11). Ida-ne'e fó-hanoin ita kona-ba ita-nia ojetivu ne'ebé loos - atu moris ba Maromak no fó onra ba Nia. 

Maromak Nia Espíritu mós ajuda ema kristaun atu moris iha Kristu. Se Espíritu Santu hela iha ita, kbiit ne'ebé halo Jesus moris hi'as husi mate mós sei fó moris ba ita (Roma 8: 9-11). Liuhusi Espíritu Santu, ita bele nafatin iha relasaun di'ak ho Kristu no kontinua krexe iha Ninia domin. 

Devosaun ida ne'e bolu ita atu ho onestu ezamina ita-nia moris espirituál. Serake ita hela duni iha Kristu, ka ita-nia fé espiritualmente morna hela? Kuandu ita nafatin hela iha Ninia domin no iha ligasaun ho Nia, ita-nia moris sei fo fuan barak no ita-nia moris sei iha folin liután. 

Bainhira ita fila fali ba Kristu loroloron no kontinua nafatin hela iha Ninia domin, ita kontinua la'o ho laran-metin iha Dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Mensajen hosi Jesus ba igreja Laodiseia

Hau hatene buat neʼebé imi halo, katak imi la malirin ka manas. Hau hakarak katak imi malirin ka manas. Maibé imi morna de'it, la'os manas ka malirin. Nune'e Ha'u sei muta sai imi hosi Ha'u-nia ibun. Apokalipse 3:15-16 BK

                             Apokalipse 3:16

Mensajen ne'e mós ko'alia ba igreja modernu ohin loron. Jesus hasé ema fiar-na'in sira iha ne'ebá tanba sira morna (la manas maibé mós la malirin) - ne'ebé signifika la kompletamente komete ka dedika sira-nia moris ba Kristu. Sira fiar katak, espiritualmente sira riku no forte iha lia-loos, maibé iha realidade sira fraku no la iha diferente ho ema mundu nian.

Mensajen ne'e mós ko'alia ba ema kristaun ohin loron. Ema kristaun barak ba igreja, lee Biblia, no halo orasaun, maibé sira-nia laran la dedika ba Maromak kompletamente. Sira-nia fiar sai komfortu no sai hanesan atividade rutina de'it, la'os halo ho kompaixaun. Iha tempu uluk liu, profeta Isaias fó avizu ne'ebé hanesan bainhira nia esplika kona-ba sidade ida-ne'ebé fiél ne'ebé ikus mai sai la fiél ba Maromak (Isaias 1:21). 

Maromak Nia resposta ba problema ne'e mak arrependementu. Liuhusi profeta Isaias, Maromak bolu Ninia povu atu fase sira-nia an, hapara halo buat-aat, no aprende atu halo buat ne'ebé di'ak (Isaias 1: 16-20). Hanesan ne'e mós, Jesus no Ninia apóstolu sira bolu ema atu arrepende an no fila fali ba Maromak (Mateus 3: 2; Mateus 4:17). Arrependementu ne'ebé loos, hamosu mudansa iha ita-nia moris, hanesan ai-fuan di'ak ne'ebé mai husi ai-huun ne'ebé di'ak (Mateus 3: 8-10; Mateus 12:33-37). 

Depoisde Jesus fila fali ba lalehan, apóstolu sira kontinua fó sai liafuan ne'e. Apóstolu Pedro hatete ba povu atu arrepende sira-nia sala no hetan batizmu (Apos 2: 38), no depoisde ida ne'e, nia bolu sira atu arrepende sira-nia sala no fila fali ba Maromak atu nune'e sira bele hetan perdua (Apos 3:19). Apóstolu Paulo mós hanorin katak Maromak haruka ema hotu atu arrepende an iha fatin hotu (Apos 17:30). Arrependementu ne'ebé loos, halo ita sente triste tamba ita-nia sala, ne'ebé lori salvasaun no transformasaun ba ita-nia moris (2 Korinto 7: 9-10). 

Bíblia bolu Maromak Nia povu atu hadeer no sai nabilan ho Ninia naroman iha mundu nakukun (Isaias 60: 1-3). Antes Kristu fila fali mai, Maromak Nia glória sei nabilan liuhusi Ninia povu ne'ebé fiél, no ema barak sei hetan konvite atu husik Babilonia espirituál no halo tuir lia-loos (Apokalipse 18: 1-4). 

Ikusmai, Kristu sei prepara igreja ida-ne'ebé moos no fiél no hatais ho roupa lia-loos loos nian (Apokalipse 19: 7-8). Ida-ne'e fó-hanoin ita katak Maromak lakohi ema fiar-na'in ne'ebé morna. Maromak bolu ita atu iha fiar, arrepende an no obedese ba Ninia hanorin sira. 

Hanesan mós karta ne'ebé haruka ba ema Laodiseia tenke fahe ba igreja sira (Koloso 4:16-18), mensajen ne'e mós fahe ba ita ohin loron no atu fahe tutan ba ema barakliután. Se ita rona Ninia lian no hatudu katak ita arrepende ho loos no fiél, ita sei prontu hamriik hamutuk ho Kristu no kontinua la'o ho laran-metin iha Dalan ba Lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Moris iha mundu maibé la'ós hosi mundu

.... Sira laos hosi mundu, hanesan Hau mos la'os hosi mundu. João 17:16 BK

                                João 17:16

Jesus halo orasaun ba Ninia dixipulu sira no dehan katak sira la'ós husi mundu, hanesan Nia la'ós husi mundu (João 17:16). Ida-ne'e katak maski ema kristaun sira moris iha mundu, maibé sira-nia valór, esperansa, no prioridade mai husi Maromak nia reiñu, la'ós husi mundu. 

Iha igreja uluk liu, ema fiar-na'in sira serbisu hamutuk bainhira sira moris iha mundu ne'ebé la sempre tuir Maromak Nia hanorin. Paulo temi kona-ba serbisu-nain sira hanesan Epafras, Lucas, Aristarkus no sira seluk ne'ebé serbí iha igreja no tau matan didi'ak ba fiar-na'in sira (Koloso 4:10-14). Ema sira ne'e hela iha mundu maibé dedika sira-nia moris ba Maromak Nia misaun. 

Bíblia fó avizu mai ita atu labele hadomi mundu ka buat ne'ebé iha mundu ne'e (1 João 2:15). Kuandu ita-nia laran belit ba hakarak sira iha mundu ne'e, ita komesa la'o dook husi Maromak. Duke halo nune'e, ema kristaun tenke moris diferente, ne'e mak moris tuir Maromak Nia lia-loos. 

                                 João 17:16

Jesus mós hanorin Ninia dixipulu sira atu matan-moris nafatin. La iha ema ida mak hatene loron ka oras ne'ebé Jesus sei fila fali mai, tan ne'e ema fiar-na'in sira tenke prontu nafatin (Marco 13: 32-37). Ida-ne'e presiza korajen atu halo orasaun, tanba tentasaun sempre mosu (Marco 14:38). 

Maromak Nia grasa hanorin ita atu rejeita buat ne'ebé la tuir Maromak Nia Liafuan no buat ne'ebé mundu nian, no kontrola ita-nia moris tuir Maromak Nia hanorin sira hodi hein Kristu ne'ebé sei fila fali mai (Tito 2: 11-14). Bíblia fó-hanoin ita katak mundu no buat hotu iha mundu ne'e sei lakon bainhira Nai Jesus mai fali ba dala rua (2 Pedro 3: 10-14). 

Igreja iha Laodiseia hetan avizu atu labele sai ema ne'ebé morna (la manas maibé mós la malirin) ba Maromak ka sente orgullu tanba hetan susesu iha mundu ne'e (Apokalipse 3:15-21). Ema kristaun tenke haraik-an nafatin, fiél nafatin, no iha komitmentu atu halo tuir Kristu Nia hanorin sira. 

Moris iha mundu ne'e maibé la'ós hosi mundu signifika kuida ita-nia laran atu fiél nafatin ba Maromak, matan moris hasoru tentasaun sira, no moris tuir Maromak Nia lia-loos hotu. Kuandu ita halo ida-ne'e, ita-nia moris sai nu'udar sasin ba ema seluk, no ita kontinua la'o ho laran-metin iha dalan ba lalehan.

                                  João 17:16

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hamriik perfeitu no kompletu iha Nai

Epafras, nebee hosi imi nia leet no Kristu nia atan ida, foo kumprimentus ba imi. Nia sempre badinas atu halo orasaun ba Maromak kona ba imi, atu imi bele hamriik perfeitu no kompletu tuir Maromak nia hakarak hotu. Tanba hau foo sasin kona ba nia, katak nia iha hanoin makaas kona ba imi, no ba sira nebee iha Laodiseia no iha Hierápolis. Kolose 4:12-13 BK

Kolose 4:12

Moris kristaun la'ós de'it kona-ba hahú ita-nia fiar, maibé atu ita-nia fiar sai forte no maduru. Bíblia hatete katak Epafras mak Kristu nia atan ne'ebé fiél no halo orasaun maka'as ba ema fiar-na'in sira. Nia hakarak sira hamriik perfeitu no kompletu (Koloso 4: 12-13). Ida-ne'e katak ita bele sai maduru espiritualmente no firmi iha ita-nia fiar. 

Bíblia hanorin katak ema fiar-na'in sira tenke kontinua tau fiar ba Maromak, tau matan ba sira-nia fiar, no labele husik hela Evanjellu nia esperansa (Koloso 1:23). Kreximentu espirituál presiza komitmentu no perseveransa. 

Orasaun iha papél importante tebes iha kresimentu ne'e. Apóstolu Paulo mós halo orasaun atu ema fiar-na'in sira bele hetan koñesimentu kona-ba Maromak nia hakarak, la'o tuir Nai nia hakarak, no sai forsa tamba Nai nia kbiit (Koloso 1: 9-11). Liuhusi orasaun, Maromak ajuda ita atu krexe iha fiar no obedese ba Ninia hanorin sira. 

Moris kristaun mós hanesan funu espirituál ida. Bíblia hatete katak ita tenke forsa iha Nai no tau Maromak nia armamentu tomak atu nune'e ita bele hamriik metin hasoru buat-aat hotu (Efeso 6:10-18). Maromak hatene sira ne'ebé Ninian, no Maromak bolu Ninia povu atu hasees an husi hahalok-aat (2 Timoteo 2:19). 

Jesus mós bolu ninia dixipulu sira atu krexe iha domin no karakter. Maromak mós haruka ita tenke hadomi ita-nia inimigu sira no sai perfeitu hanesan ita-nia Aman iha lalehan mak perfeitu (Mateu 5:44, 48). Maturidade hanesan ne'e mai pasu pur pasu. Apóstolu Paulo rasik hatete katak nia rasik seidauk sai perfeitu, maibé nia kontinua luta atu atinji ojetivu ida ne'e (Filipe 3:12-15). 

Ita la krexe ho ita-nia forsa rasik. Maromak suporta no hametin ninia atan sira, hanesan Nia hamriik hamutuk ho apóstolu Paulo no fó forsa ba nia atu kontinua ninia misaun (2 Timoteo 4:17). 

Hmariik perfeitu no kompletu signifika mantein fiél, krexe iha domin, no tau fiar ba Maromak nia forsa loroloron. Bainhira ita kontinua krexe ita-nia fiar iha Kristu no firmi iha ita-nia fiar, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Konetividade iha igreja

Aristarco ha'u-nia maluk dadur fó kumprimentus ba imi, no Marcos, Barnabé nia primu (imi simu ona liafuan kona ba nia - se karik nia ba to'o imi, simu nia ho di'ak), No mós Jesus, nebee ema bolu Justo. Ema sira ne'e de'it mak hosi grupu sirkunsizaun. Sira mak ha'u-nia maluk servisu na'in sira ba Maromak Nia reinu, no sira fó kamaan mai ha'u. Kolose 4:10-11 BK 

Kolose 4:10-11

Maromak nia igreja la'ós atu sai ema izoladu ida. Bíblia hatudu katak igreja iha ligasaun di'ak ba malu hanesan família, iha ne'ebá ema fiar-na'in sira apoia no fó korajen ba malu iha serbisu evanjellu nian.

Iha apóstolu Paulo nia karta, nia komprementa ema fiar-na'in sira husi serbisu-nain ba Evanjellu balu ne'ebé hamutuk ho nia. Aristarkus, Marcos, no Jesus bolu Justus nu'udar maluk serbisu-nain ne'ebé ajuda no fo komfortu ba apóstolu Paulo durante ninia tempu susar sira (Koloso 4:10-11). Serbisu na'in ba Evanjellu sira-ne'e iha relasaun ba malu iha fé no serbisu haklaken nian. 

Iha kapítulu hanesan iha versikulu anterior, apóstolu Paulo mós ko'alia kona-ba Tikiku no Onesimo, ne'ebé lori mensajen no hametin igreja sira (Koloso 4: 7-9). Liuhusi sira, ema fiar-na'in sira iha fatin oioin nafatin informadu no hetan korajen. Ida-ne'e hatudu katak komunikasaun no kooperasaun importante tebes iha igreja iha tempu uluk. 

Maski nune'e, ligreja nia relasaun la sempre fasil. Iha tempu ne'ebá, Marcos husik hela Paulo no Barnabe durante sira-nia viajen misionáriu (Apos 13: 13). Ikusmai, ida-ne'e hamosu problema entre Paulo no Barnabe (Apos 15:36-40). Maibé istória ne'e mós hanorin katak Maromak bele serbisu liuhosi ema sira ne'ebé la perfeitu no restaura fali sira-nia relasaun ba ninia serbisu misaun nian. 

Bíblia mós fó-hanoin ema kristaun atu hamriik metin iha Nai no hamriik hamutuk hasoru dezafiu espirituál sira (Efeso 6: 10-11). Hanesan mós ho soldadu sira ne'ebé iha tropa laran, ema kristaun tenke serbisu hamutuk atu halo Maromak Nia misaun (2 Timoteo 2: 1-4). 

Apóstolu Paulo nia ministeriu haklaken nian inklui misionáriu sira ne'ebé fiél hanesan Epafras, Lucas, no Demas, ne'ebé apoia haklaken Evanjellu (Koloso 4: 12-14). Ligasaun sira-ne'e ajuda igreja krexe liután. 

Igreja nia konektividade katak fahe misaun ne'ebé hanesan, apoia malu, no serbisu hamutuk ba Maromak nia reiñu. Kuandu ema fiar-na'in sira nafatin iha unidade ho sira-nia fiar no serbí Maromak, igreja sai forte liután no bele ajuda sira atu haklaken Maromak nia mensajen ho efetivu. 

Bainhira ita nafatin iha ligasaun di'ak ba malu iha fiar no iha serbisu, ita kontinua la'o hamutuk iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More