“Haʼu-nia Maromak, haʼu-nia Maromak, tanbasá mak Ita husik hela haʼu?”

No iha tuku 3 lokraik Jesus hakilar ho lian makaʼas: “Eli, Eli, lama sabaktani?”, neʼe katak: “Haʼu-nia Maromak, haʼu-nia Maromak, tanbasá mak Ita husik hela haʼu?” Marco 15:34

Iha domin ne'ebé boot entre membru trinidade. Sira hadomi Malu hó domin divinu nian ne'ebé houri uluk kedas ezisti no sei kontinua nafatin no domin ne'ebé rohan la iha tanba Maromak ne'e domin.

Uniaun ne'ebé ezisti entre Aman, Oan no Espiritu Santo sai kotu iha foho kalvariu, bainhira Na'i Jesus halo nian an sala ba ó no Ha'u. Loron matan subar nia roman halo nakukun durante oras 3 nia laran to'o Na'i Jesus hakilar hó lian maka'as bainhira ita nia sala separa Na'i Jesus hó Aman Maromak.

Pekadu tenke selu hosi ida ne'ebé sakrifika nia an ba Sala no ida ne'e ezizi Aman no Espiritu Maromak fakar sai sira nia sira nia hirus tomak ba Maromak nia oan mane, sira haree ses tia hosi ida ne'ebé sira hadomi houri uluk kedas hó domin Rohan-laek.

Tan ne'e mak Maromak oan hakilar
“Haʼu-nia Maromak, haʼu-nia Maromak, tanbasá mak Ita husik hela haʼu?”Marco 15:34 ba Aman Maromak

Na'i Jesus mak leva pekadu mundu tomak, sala ita hotu nian tau iha nia kabás. Ita ema nia Hanoin labele kompriende moras, terus no moe ne'ebé Na'i Jesus sente. Maibé Na'i Jesus kompriende tanbasá mak Nia tenke simu terus sira ne'e hotu. Tanba Na'i Jesus hakarak halo redensaun ba ema mundu tomak.

Obrigadu ba Na'i Jesus tanba Nia hemu kalis moruk Maromak nian - atu nune'e ó no Ha'u ne'ebé fiar ba Na'i Jesus Nia naran sei la mate maibé hetan moris Rohan-laek hó Nia.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Marco 15:34

Read More

Lori ida-idak nia kruz, la'o tuir Na'i Jesus

 “Se ema ruma hakarak tuir haʼu, nia tenke nega ninia an rasik no lori ninia kruz no  laʼo tuir haʼu. Marco 8:34

Iha Marco 8:33, Na'i Jesus hasoru tentasaun hosi diabu atu hanesan hó tentasaun datoluk iha rai-fuik maran   (Mateus 4:8–10): atu foti dalan ne'ebé fasíl ne'ebé haree hanesan dalan salvasaun maibé lori ba infernu. Na'i Jesus hanorin mai ita katak ita sei hasoru tentasaun ne'ebé hanesan. Rona-na'in Marco nian balu moris iha presegisaun hosi Roma, tenki lori ai-kruz reál duni tanba sira nia fé, inklui Marco nia fonte informasaun, Pedro.

Ita hotu-hotu tenke rejeita dalan ne'ebé fasíl, fé ne'ebé egois, fé ne'ebé la kle'an, fé ne'ebé halo kontenti an de'it.  Ita tenke intrega ita nia an tomak ba Maromak.  Karik ita la prontu nega ita nia an no la  la'o tuir Na'i Jesus iha ita nia asaun, ida ne'e hatudu katak ita la la'o tuir Na'i Jesus.

"Nega" maihosi liafuan  Greek aparneomai no signfika ezizi katak ó la asosia hó ema ida. Nega ita nia an signifika haluha ita nia interese privadu rasik. Ita presiza abandona haksolok mundu nian ka isin nian ne'ebé impede ita atu la'o tuir Na'i Jesus. Saida mak ita tenke nega, depende ba ita nia situasaun. Ida ne'e bele liga ba familia no ita nia moris iha pasadu (Luke 9:57–62).

Na'i Jesus bolu ema lubun boot, hafoin nia hatete atu ema idaidak ne'ebé hakarak tuir nia tenke nega nia an no lori Nia kruz tuir Nia. Ida ne'e signifika Nia bolu ema hotu-hotu atu halo ida ne'e la'os de'it ba lideransa sira de'it.

Mai ita la'o tuir Na'i Jesus loronloron. Mai ita medita Na'i Maromak Nia futarlia Loron no kalan, Maromak fó bensa ba ita nia atividade hotu.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Marco 8:34

Read More