Ema neʼebé mate ona la hatene buat ida.

Ema neʼebé mate ona la hatene buat ida. Tebes ka? Mai ita lee  Ecclesiastes 9:5-6 ne'ebé hatete "
Tanba ema neʼebé moris hela hatene katak sira sei mate, maibé ema neʼebé mate ona la hatene buat ida, no sira la simu tan kolen,  tanba ema haluha ona buat hotu kona-ba sira. No sira-nia domin, sira-nia odi no sira-nia laran-moras mós lakon mohu ona, no sira la hola parte tan iha buat neʼebé ema halo iha loro-matan okos"

“Ema neʼebé moris hela hatene katak sira sei mate". Bainhira ita katuas ka ferik, lais ka kleur ita sei mate. Ema joven ka bebé mós dala ruma mate lais liu tanba kauza oinoin. Bainhira ita sei nurak ita ladún hanoin barak kona-ba mate. Tan ne'e mak dala barak ita haree joven sira halo asaun ne'ebé dala barak perigu ba sira nia moris no ema seluk.  Joven sira dala ruma hanoin katak mate ne'e akontese ba ema seluk la'os sira.

Maromak Nia futarlia iha Ebreu 9:27 hatete "Determina ona katak ema ida-idak mate dala ida, depois neʼe sira ida-idak simu julgamentu". Bainhira ema mate ona, sira lahatene buat ida ona, no sira labele arepende ona hosi sira nia sala, no se la iha arependementu, sei la iha perdaun ba sala, se la iha perdaun ba sala, ita nia pekadu sei mantein, no Bíblia hatete katak "Tanba sala nia kolen mak mate"....maibé prezente neʼebé Maromak fó mak moris rohan-laek liuhusi Kristu Jesus ita-nia Naʼi. Roma 6:23

Maromak Nia futarlia iha 1 Korintu 15:51 ko'alia mai ita katak "Haʼu dehan ba imi misteriu ida: Laʼós ita hotu sei toba, maibé ita hotu sei nakfila an". Toba iha bíblia refere ba mate (ezemplu  lee João 11:11-14)

Se ema mate toba, bainhira mak sira hadér? Mai ita lee João 5:28-29
"Keta hakfodak kona-ba neʼe, tanba oras sei toʼo mai kuandu ema hotu neʼebé iha rate laran sei RONA NINIA LIAN no SAI HUSI RATE. Sira neʼebé halo buat diʼak sei moris-hiʼas atu hetan moris rohan-laek, no sira neʼebé halo hahalok aat sei moris hiʼas atu hetan julgamentu".

Bainhira Na'i Jesus mai fali ba dala rua tuir Nia Promesa iha João 14:1-3, ita balu ne'ebé mate ona iha Kristu, maibé ita balu mós ne'ebé moris iha Kristu sei moris. Maromak Nia futarlia deskrebe katak ema mate no moris  iha Kristu sei ba Lalehan hamutuk, la'os ema mate iha Kristu mak ba uluk Lalehan.

Mai ita lee Maromak Nia futarlia iha 1Tesalonika 4:16-17 "tanba Naʼi rasik sei tun husi lalehan ho arkanju  nia lian maka'as no  Maromak nia trombeta sei lian, no sira neʼebé mate ona iha Kristu, sei moris hiʼas uluk. Depois neʼe, ita neʼebé moris hela, sei saʼe bá iha kalohan laran hamutuk ho sira atu hasoru Naʼi  iha leten, nuneʼe ita sei hamutuk ho Naʼi ba nafatin"

Nota katak Lalehan so prepara ba sira ne'ebé mate no moris iha Kristu). Ba ita sira ne'ebé hatete katak ita fiar ba Kristu maibé la prekupa hó Na'i Jesus Nia hanorin, Lalehan la'os ba ita nia fatin. Na'i Jesus Nia liafuan iha João 14:15 hatete "Se imi hadomi haʼu, imi sei halo tuir haʼu-nia ukun-fuan sira". Atu hatene Maromak Nia ukunfuan sira lee iha Éxodos 20:3-17.

Ba ita sira ne'ebé moris iha Kristu to'o Na'i Jesus fila hikas mai ba dala rua, ita sei la mate.

Maromak Hadomi tebes ita, tan ne'e mak Nia haruka Nia oan mane mesak mai iha mundu atu soi ita (João 3:16). Mai ita Hadomi Maromak oan liuhosi halo tuir Nia ukunfuan sira.

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Ecclesiastes 9:5

Read More

Halloween

Selebrasaun Halloween iha Timor-Leste ladún populer kompara hó loron santu sira nian ka bainbain ita bolu dehan loron matebian.

Selebrasaun Halloween popular liu iha America no Europa kompara hó loron matebian nian. Iha Amerika purezemplu, ema gasta orsamentu mazumenus  biliaun 9 ka liu Kada tinan atu selebra Halloween ( boot Liu ita Nia OGE) tinan tinan.

Halloween bainbain ema selebra iha 31 de Outobru.  Saida mak Bíblia ko'alia kona-ba Halloween? Halloween di'ak ka aat?  Karik iha info ruma ne'ebé hatete katak ema Kristaun presiza selebra?

Saida mak Bíblia ko'alia kona-ba  Halloween?

Dahuluk, ita tenke kompriende katak Halloween ne'e kultura ema Europa sira nian no la iha referensia iha bíblia.  Maibé iha prinsipiu balu ne'ebé ita tenke analiza atu hatene seráke Halloween ne'e aliña hó Maromak Nia futarlia ka lae?

Atu kompriende liu oinsá Halloween no loron matebian relasiona hó Bíblia mai ita haree nia definisaun no historia.

Definisaun Halloween

Liafuan Halloween literalmente signifika kalan antes loron santu sira nian ka loron matebian sira nian ne'ebé selebra iha 1 de Novembru kada tinan.

Halloween mós hanesan liafuan badak hosi   "Allhalloween", Kalan loron santu sira nian ne'ebé selebra iha 31 de Outobru tinan-tinan.

Orijin hosi Halloween  komesa ona    tinan  1900  liuba iha Inglatera, Irlandia no Franca Norte.  Selebrasaun ida ne'e hanesan Selebrasaun "Celtic celebration of the new year" ne'ebé hanaran, "Samhain"  ne'ebé sira selebra iha 1 Novemberu. Iha loron ida ne'e sira fiar katak ema mate sira nia klamar sei mai hamutuk ita ema moris. 

Samhain popular nafatin to'o bainhira St. Patrick no misionariu Kristaun seluk to'o iha area neebá. Bainhira populasaun komesa konverte ka muda ba Fiar ba Kristaun Selebrasaun ida ne'e komesa lakon nia popularidade.  Maibé emves igreja eradika ka halakon prátika Jentiu sira nian hanesan  “Halloween” ka Samhain, igreja uza fali loron boot sira ne'e no muda de'it nia sentidu uitoan atu lori  ema Jentiu sira tama ba Relijiaun Kristaun ne'ebé desde papa Konstantin sai Relijiaun Estadu nian.

Tuir fiar tradisionál ema Europa sira nian, katak iha kalan 1 Novemberu, Demonia no espiritu aat sira la'o libre iha rai atu simu hó haksolok sira nia loron boot. Oinsá hó ita nian? Karik sei kiik to'o agora ita rona historia ne'ebé hanesan? Historia ne'e mai hosi ne'ebé? Mai hosi ita nia beiala sira? Lae, ne'e Mai hosi fiar tradisionál ne'ebé adopta mai igreja.

Tuir sira nia fiar, iha kalan neebá, Demonia goza, halo ta'uk, amiesa no halimar buat aat hó ema moris. Dalan ne'ebé sira foti atu evita atu Demonia labele halo ta'uk ka halo presegisaun ba sira mak atu halo oferta ba Demonia saida mak sira gosta liuliu hahaan ne'ebé di'ak no buat ne'ebé midar.

Dalan seluk atu ses hosi abuzu demonia sira nian mak ema tenke halo nia an hanesan Demonia liuhosi hatais hanesan matebian sira no hamutuk hó sira iha kalan matebian sira nian. Liuhosi dalan  ne'e Demonia hanoin katak ema hanesan sira nia maluk no sei la abuza ema. Tanba ne'e mak iha loron Halloween  ema hatais hanesan Diabu ka Demonia.

Iha tradusaun Roma nian, sira mós iha Selebrasaun atu fó onra ba goddess/Dewi  Pomona ne'ebé sira selebra iha 1 Novemberu.

Hosi tempu ba tempu, jerasaun ba jerasaun kostume ida ne'e iha mudansa tuir kultura modernu nian, maibé nia objetivu mantein mak halo oferta  ba Demonia atu labele halo aat ka abuza ema moris.

Pergunta mak ne'e, biblikamente Halloween no loron matebian ne'e tuir Bíblia ka lae? Ema Kristaun bele selebra loron boot sira ne'e ka lae?

Hanesan ema Kristaun ne'ebé kaer metin Bíblia hanesan fundasaun ba fiar nian, ita tenke tetu no analiza seráke Selebrasaun sira ne'e aliña hó Maromak Nia futarlia ka lae?

Bíblia bandu komunikasaun ka relasaun saida de'it hó Demonia, matan dook ka ema mate. Maromak Nia futarlia iha  Levitivo 20:27  katak "Imi tenke oho tiha mane ka feto neʼebé koko atu koʼalia ho ema mate ka siʼik futuru. Povu neʼe tenke tuda mate sira. Sira tenke lori todan ba sira-nia sala" (Os homens ou mulheres que, entre vocês, forem médiuns ou consultarem os espíritos, terão que ser executados. Serão apedrejados, pois merecem a morte”.
Levítico 20:27 NVI)

Deuteronomio 18:9-13  aumenta tan katak  “Bainhira imi tama ona ba rai neʼebé Na'i, imi-nia Maromak, sei fó ba imi, imi labele aprende atu halo tuir hahalok aat husi nasaun sira iha neʼebá. Iha imi-nia leet labele iha ema neʼebé sunu ninia oan-mane ka oan-feto iha ahi, ema neʼebé siʼik futuru,  ema neʼebé halo masonik, ema neʼebé buka sinál oioin atu siʼik futuru,  matan-dook, ema neʼebé fekit ema seluk, ema neʼebé husu ba ema neʼebé koko atu koʼalia ho ema mate ka husu ba ema neʼebé siʼik futuru,  ka ema neʼebé husu ema mate. Tanba Na'i hakribi ema neʼebé halo buat sira-neʼe, no tanba hahalok aat sira-neʼe mak Na'i, imi-nia Maromak, sei duni sai sira husi imi-nia oin. Imi tenke moris ho hahalok loos iha Na'i, imi-nia Maromak, nia oin"

Seráke Sala, atu halo Selebrasaun Halloween no loron matebian nian?
Mai ita haree saida mak Bíblia ko'alia kona-ba topiku ida ne'e iha Efeso 5:11, “Keta hola parte tan iha hahalok folin-laek neʼebé mai husi nakukun; maibé hatudu sai katak hahalok sira-neʼe mak folin-laek"

Maromak nia futarlia iha ne'e konsola ita atu labele asosia hó atividade nakukun ka Demonia nian maibé tenke fó naroman Lia Loos Maromak nian ba ita nia maluk sira.

Ita haree ona tuir historia katak Halloween  no loron matebian la'os maihosi Bíblia maibé igreja mak integra tradisaun Jentiu nian ba loron boot igreja nian.  Agora ita hatene ona Halloween nia definisaun, nia orijin no nia objetivu,  oinsá ema Kristaun modernu responde ba kestaun ne'e?

Maromak bolu ita atu tuir Nia no "Tan neʼe, sai husi sira-nia leet, no haketak imi-nia an’, Na'i dehan, ‘no keta kona buat neʼebé la moos; no haʼu sei simu imi" (2 Korinto 6:17).

Agora ita lee ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan

Levitico 20:27

Read More

Ema labele moris deʼit ho paun

Hakerek nanis ona: ‘Ema labele moris deʼit ho paun   maibé ho liafuan hotu neʼebé sai husi Na'i nia ibun " Lukas 4:4

Jesus respondeu: “Está escrito: ‘Nem só de pão viverá o homem” Lucas 4:4 NVI

Hafoin hetan Batismu hosi João Batista, Diabu lori Na'i Jesus ba rai fuik atu tenta Na'i Jesus.  Maibé Na'i Jesus hatene Nia forsa bainhira Nia depende ba Aman Maromak. Na'i Jesus moris hanesan ema (João 1:14), Na'i Jesus hakarak Maromak Nia oan sira depende ba Maromak no  Nia  Promesa sira.

Maromak nia futarlia mak ita nia surik (Ebreu 4:12). No fiar ba Maromak mak ita Nia  liafuan mak ita Nia eskudu (Shield) (Efeso 6:16).

Maromak iha dalan barak atu fornese ka tulun Nia ema sira, tanba ne'e ita tenke depende tomak ba Maromak.

Diabu nia promesa sira ne'e bosok-teen hotu; no bainhira ita permiti nia atu influensia hatudu riku-soi mundu nian no gloria mundu nian nia uza hanesan lasu de'it atu lori ita ba destruisaun.

Tan ne'e ita tenke rejeita kedas iha biban ne'ebé de'it bainhira ita hetan tentasaun  hosi diabu atu hetan buat ruma hanesan riku-soi, haksolok mundu nian hanesan sex etc. Ita tenke buka riku-soi, onra no haksolok iha serbisu no adorasaun ba Maromak mesak de'it.

Kristu sei la adora Diabu tanba de'it Diabu hakarak oferese riku-soi mundu nian, tanba Na'i Jesus hatene katak buat hotu iha mundu Aman Maromak sei fó ba Nia.

Diabu tenta Na'i Jesus atu oho Nia an liuhosi  haksoit tun hosi templu Nia kakuluk,  ho promesa ida katak Maromak Nia anju santu sira sei tane Nia. Diabu uza versu Bíblia nian iha Salmo 91:11 lori tenta Na'i Jesus.

Mai ita labele uza sala eskritura hodi koko Maromak maibé mai ita estuda, buka hatene, buka protesaun hosi Maromak Nia futarlia bainhira ita hetan asalta.

Biarbá Maromak Nia futarlia hela hó ita, tanba ida ne'e mak halo ita moris. Ita nia Na'i Maksoin manan tentasaun tanba Nia uza Maromak Nia futarlia lori defende Nia an no to'o ikus mai Diabu hakotu nia tentasaun. Kristu husik Diabu tenta Nia hó nia forsa tomak no Na'i Jesus manan.

Maromak Nia futarlia dehan "Tan neʼe, hakruʼuk ba Maromak; no kontra hasoru Diabu, no nia sei halai husi imi" Tiago 4:7

Bainhira ita rezisti Diabu nia sei halai hosi ita. Maibé nia ses iha tempu ida no  buka tempu seluk atu tata Na'i Jesus Nia ain-klor maibé Na'i Jesus sei harahun nia ulun, Ge 3:15.  Ida ne'e akontese iha foho kalvariu, Diabu konsege uza ema Judeu balu no autoridade Roma nian lori oho Na'i Jesus maibé Na'i Jesus moris hi'as, manan Sala no manan mate. Iha tempu ikus Na'i Jesus sei harahun Diabu Nia ulun liuhosi soe tama ba ahi infernu.

Loos duni bainhira ita rezisti Diabu nia sei halai hosi ita (Tiago 4:7). Maibé kuidadu nafatin tanba " Imi-nia inimigu, Diabu, laʼo bá-mai hanesan leaun ida  buka atu han ema ruma" 1Pedro 5:8

Mai ita medita Na'i Maromak nia futarlia loron no kalan atu proteje ita nia an hosi diabu nia tentasaun.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.
Atu lee kona-ba topiku seluk-seluk, favor vizita dalanbalalehan.blogspot.com ka like ka vizita webpage Facebook: Dalan ba Lalehan

Lukas 4:4

Read More