Ema labele moris deʼit ho paun

Hakerek nanis ona: ‘Ema labele moris deʼit ho paun   maibé ho liafuan hotu neʼebé sai husi Na'i nia ibun " Lukas 4:4

Jesus respondeu: “Está escrito: ‘Nem só de pão viverá o homem” Lucas 4:4 NVI

Hafoin hetan Batismu hosi João Batista, Diabu lori Na'i Jesus ba rai fuik atu tenta Na'i Jesus.  Maibé Na'i Jesus hatene Nia forsa bainhira Nia depende ba Aman Maromak. Na'i Jesus moris hanesan ema (João 1:14), Na'i Jesus hakarak Maromak Nia oan sira depende ba Maromak no  Nia  Promesa sira.

Maromak nia futarlia mak ita nia surik (Ebreu 4:12). No fiar ba Maromak mak ita Nia  liafuan mak ita Nia eskudu (Shield) (Efeso 6:16).

Maromak iha dalan barak atu fornese ka tulun Nia ema sira, tanba ne'e ita tenke depende tomak ba Maromak.

Diabu nia promesa sira ne'e bosok-teen hotu; no bainhira ita permiti nia atu influensia hatudu riku-soi mundu nian no gloria mundu nian nia uza hanesan lasu de'it atu lori ita ba destruisaun.

Tan ne'e ita tenke rejeita kedas iha biban ne'ebé de'it bainhira ita hetan tentasaun  hosi diabu atu hetan buat ruma hanesan riku-soi, haksolok mundu nian hanesan sex etc. Ita tenke buka riku-soi, onra no haksolok iha serbisu no adorasaun ba Maromak mesak de'it.

Kristu sei la adora Diabu tanba de'it Diabu hakarak oferese riku-soi mundu nian, tanba Na'i Jesus hatene katak buat hotu iha mundu Aman Maromak sei fó ba Nia.

Diabu tenta Na'i Jesus atu oho Nia an liuhosi  haksoit tun hosi templu Nia kakuluk,  ho promesa ida katak Maromak Nia anju santu sira sei tane Nia. Diabu uza versu Bíblia nian iha Salmo 91:11 lori tenta Na'i Jesus.

Mai ita labele uza sala eskritura hodi koko Maromak maibé mai ita estuda, buka hatene, buka protesaun hosi Maromak Nia futarlia bainhira ita hetan asalta.

Biarbá Maromak Nia futarlia hela hó ita, tanba ida ne'e mak halo ita moris. Ita nia Na'i Maksoin manan tentasaun tanba Nia uza Maromak Nia futarlia lori defende Nia an no to'o ikus mai Diabu hakotu nia tentasaun. Kristu husik Diabu tenta Nia hó nia forsa tomak no Na'i Jesus manan.

Maromak Nia futarlia dehan "Tan neʼe, hakruʼuk ba Maromak; no kontra hasoru Diabu, no nia sei halai husi imi" Tiago 4:7

Bainhira ita rezisti Diabu nia sei halai hosi ita. Maibé nia ses iha tempu ida no  buka tempu seluk atu tata Na'i Jesus Nia ain-klor maibé Na'i Jesus sei harahun nia ulun, Ge 3:15.  Ida ne'e akontese iha foho kalvariu, Diabu konsege uza ema Judeu balu no autoridade Roma nian lori oho Na'i Jesus maibé Na'i Jesus moris hi'as, manan Sala no manan mate. Iha tempu ikus Na'i Jesus sei harahun Diabu Nia ulun liuhosi soe tama ba ahi infernu.

Loos duni bainhira ita rezisti Diabu nia sei halai hosi ita (Tiago 4:7). Maibé kuidadu nafatin tanba " Imi-nia inimigu, Diabu, laʼo bá-mai hanesan leaun ida  buka atu han ema ruma" 1Pedro 5:8

Mai ita medita Na'i Maromak nia futarlia loron no kalan atu proteje ita nia an hosi diabu nia tentasaun.

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.
Atu lee kona-ba topiku seluk-seluk, favor vizita dalanbalalehan.blogspot.com ka like ka vizita webpage Facebook: Dalan ba Lalehan

Lukas 4:4