Bá no labele halo sala tan

"Ha'u mós la kondena ó, bá no labele halo sala tan" João 8:11 (Pois eu também não condeno você. Vá e não peque mais! João 8:11 NTLH).

Ema Farizeu sira lori feto ida ne'ebé komete adultériu ba Na'i Jesus.  Lei Moizés nian hó klaru hatete katak kastigu ba komete adultériu mak mate  (Levitico 20:10; Deuteronomo 22:22). La iha dúvida katak, feto ne'e halo sala ona. Maibé ema ida ne'ebé hamriik iha feto ne'e nia oin sala la iha  (Ebreu 4:15), no perfeitu  (João 8:46), tan ne'e la iha pergunta karik Nia hakarak kastigu. Maibé Na'i Jesus Nia aproximasaun oin seluk

Na'i Jesus dezafia feto ne'e nia akuzadór sira katak tuir loloos ema  sira ne'e mós la kumpri lei Moizés nian hotu.   Purezemplu, tuir lei, akuzadór sira mak tenke tuda fatuk dahuluk  (Deuteronomo 17:7). Lei mós hatete katak, bainhira kaer toman ema komete adultériu, feto no mane sala hotu no sira na'in rua tenke kastigu mate hotu, maibé iha kazu ida ne'e sira akuza de'it mak feto. Na'i Jesus hatudu iregularidade sira ne'e no ho hakerek seluk tan ne'ebé la spesika iha rai, Na'i Jesus Nia inimigu sira retira idaidak to'o hotu.

Na'i Jesus, iha versu ida ne'e hatudu grasa ne'ebé boot tebes ba feto ne'e no fó atensaun ba feto ne'e atu labele komete adultériu tan.

Ida ne'e ezemplu di'ak ida ba ema Kristaun. Iha kazu ne'e tuir loos Na'i Jesus bele kastigu feto ne'e, maibé Nia la halo ida ne'e. Saida mak Na'i Jesus halo mak julgamentu ne'ebé loos   (João 7:24), hatudu grasa  ka laran luak (Provérbios 21:10; Zecharias 7:8–9; Mateus 23:23), maibé  sei nafatin ko'alia kontra pekadu.  Dalaruma ita Iha direitu ka podér atu halo buat ne'ebé loos la signifika ida ne'e opsaun ne'ebé di'ak liu; dalaruma, buat ne'ebé loos atu halo mak perdua ema ne'ebé halo sala no hatudu laran-luak no pasiénsia (Mateus 12:7; João  13:35; 1 João 2:16).

Iha ita nia tempu, ema ne'ebé komete adultériu la hetan kastigu mate, tan ne'e ema balu kontinua prátika ida ne'e. Data kona-ba adultériu iha Timor-Leste la iha, maibé peskiza  kona-ba infidelidade ka adultériu hosi General Social Survey (GSS) ne'ebé halo kada tinan desde   1972 hosi  University of Chicago durante tinan  37 hatudu katak emjerál  kada tinan 10% kazál sira komete adultériu- 12% mane no 7% feto.

Ema komete adultériu, tanba hakarak goza moris, maibé ita haree katak ema barak mak sofre tanba konsekuensia hosi adultériu. Ema ne'ebé komete adultériu, mesmu la hetan kastigu mate iha tempu ida ne'e, maibé ita sei la libre iha Na'i Maromak Nia julgamentu ne'ebé sei mai. Ema ne'ebé komete adultériu sei la hola parte iha reiñu Lalehan (1Kor 6:9-10).

Mai ita konvida Na'i Jesus mai moris iha ita nia uma kain idaidak atu kazál sira mantein fiél ba malu to'o mate de'it mak haketak.


✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏

João 8:11

Read More

Naroman mai ona mundu

Bainhira ita hanoin hikas Na'i Jesus mai moris  iha mundu nakukun ne'e,   Nia hanesan roman ne'ebé mai fo naroman ba mundu ne'ebé nakukun.

Iha inisiu bainhira Na'i Maromak kria mundu ne'e, Na'i ko'alia no naroman haketak an hosi nakukun Génesis 1:1-4). Na'i Maromak Nia prezensa mak fó roman.  Maibé roman  ne'e, hela la kleur no lakon bainhira Adão no Eva monu ba sala. No bainhira sira monu ba sala, Na'i Maromak Nia prezensa no Nia roman haketak an hosi ita ema.  Iha momentu neebá, istoria redensaun tenke hakerek.

Na'i Maromak Nia dezezu mak hakarak halo relasaun di'ak hó ita ema, tan ne'e Nia haruka roman ne'e atu lori ita sai hosi nakukun no fila fali ba Na'i Maromak Nia prezensa. Naroman ne'e mak Na'i Jesus ne'ebé mai moris iha ita leet (João 1:9).

João 1:9

Na'i Maromak Nia Oan-mane mesak mai moris iha mundu atu nune'e liuhosi perdaun ba sala ita bele iha  rekonsiliasaun hó Na'i Maromak. Atu hatutan fali relasaun ne'ebé kotu iha Jardin Eden.

Separasaun hó Na'i Maromak ne'ebé akontese iha Jardin Eden, halo ita moris iha nakukun laran. Na'i Jesus rezolve ida ne'e hó Nia  roman. Na'i Jesus hatete "Haʼu mak naroman ba mundu. Ema neʼebé laʼo tuir haʼu sei la laʼo iha nakukun laran, maibé sei hetan naroman neʼebé fó moris" João 8:12

Maun-alin sira iha Kristu, iha moris ne'e, saida de'it mak ita hasoru ohin loron, saida de'it mak ita halo ona, atu problema kiik ka boot, Na'i Maksoin mundu nian to'o mai ona ba ita (ba ó no ha'u). Biarbá Nia roman fo naroman iha fatin nakukun iha ita nia moris no restaura saida mak  lakon ona iha nakukun laran. Naroman ne'e iha ne'e ona no  ita la presiza moris iha nakukun laran tan.

Maun-alin sira iha Kristu, mai ita konvida Na'i Jesus mai moris iha ita nia moris loronloron, la'os tinan ida dala ida. Atu nune'e ita bele  esperiensia Na'i Nia domin iha ita nia moris loronloron.

✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin.

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏

João 1:9

Read More

Loron moris Na'i Jesus nian

Loron Natál besik ona. Ema barak hanoin Na'i Jesus moris iha 25 Dezembru, maibé ida ne'e la loos. La iha ema ida hatene loron moris Na'i Jesus nian! Bíblia la temi loron moris Na'i Jesus nian no la iha instrusaun atu komemora Na'i Jesus Nia loron moris, entaun tanbasá ema selebra Jesus nia loron moris iha 25 Dezembru?

Tuir istória, Loron 25 Dezembru mosu iha kalendáriu Romanu nian hanesan selebrasaun  natál dahuluk iha 25 Dezembru 336 AD durante emperor Constantine (Emperor Romanu dahuluk ne'ebé sai Kristaun). Depois tinan hira tuir mai, Papa Julius I mak ofisiálmente deklara loron moris Na'i Jesus atu selebra iha loron 25 Dezembru.

Data 25 Dezembru antes deklara hanesan  loron atu komemora loron moris Na'i Jesus nian, loron ne'e baibain ema jentiu Romanu sira selebra nanis hanesan loron boot Saturnalia no Dies Natalis Solis Invicti. Dekorasaun natál ne'ebé ema halo ohin loron, la iha diferente ho dekorasaun Saturnalia. Ezemplu dekorasaun ai-saturnalia mak hanesan tuir mai:

Dekorasaun Saturnalia

Iha Israel fulan Dezembru, ne'e tempu zelu nian (Winter). Iha tempu ne'e temperatura tun no udan maka'as, tan ne'e la permiti ema atu hamriik ka hela iha li'ur.

Mai ita lee evidensia hosi Bíblia sagrada kona-ba kondisaun fulan Dezembru (Kislev, fulan dasia tuir kalendariu Ebreu sira nian).  Iha Ezra 10:9, 13 hakerek hanesan tuir Mai:  "9Tan neʼe, mane hotu husi suku Judá no Benjamim halibur hamutuk iha Jeruzalein iha loron tolu nia laran, neʼe katak iha loron 20 FULAN-SIA. Sira hotu tuur iha pátiu  iha Maromak loos nia uma ho nakdedar tanba problema neʼe no mós tanba udan tau makaʼas.13 Maibé, ami ema barak tebes, no agora mak tempu udan hela. Tan neʼe, ami labele hamriik deʼit iha liʼur, no problema neʼe mós labele hadiʼa iha loron ida ka rua deʼit nia laran, tanba ami halo ona sala boot hasoru Maromak".  Tuir versu iha leten hatete katak durante fula-sia sira "labele hamriik deʼit iha liʼur".

Ezemplu seluk mak ita lee iha Jeremias 36:22  "Liurai tuur hela iha ninia palásiu tempu malirin nian. Tempu neʼebá mak FULAN-SIA no iha ninia oin, iha ahi-matan neʼebé lakan atu nia bele haneruk" (Fulan-sia mak Kislev ka Novemberu/Dezembru).

Hanesan loron nia naran, orden/urutan fulan tuir Bíblia uza númeru hanesan tuir mai: (https://www.chabad.org/library/article_cdo/aid/526874/jewish/The-Jewish-Month.htm)

1. Nissan (Marsu/Abril)
2. Iyar (Abril/Maiu)
3. Sivan (Maiu/Juñu)
4.Tammuz (Juñu/Jullo)
5.Menachem Av (Jullo/Augustu)
6. Elul (Augustu/Setembru)
7.Tishrei (Setembru/Outobru)
8. Marcheshvan (Out/Nov)
9. Kislev (Novemberu/Dez)
10. Tevet (Dezembru/Janeiru)
11. Shevat (Jan/Fevereiru)
12. Adar (Fevereiru/Marsu)

Maibé se ita lee iha istoria Na'i Jesus Nia moris, purezemplu iha Evanjellu Lukas 2:8-12 ko'alia katak bibi-atan balu hein hela sira-nia bibi-lubun iha rai-luan. Ne'e signifika katak kondisaun iha momentu Na'i Jesus moris la'os malirin nomós la udan.

Mai ita lee "Iha área neʼebá, bibi-atan balu hein hela sira-nia bibi-lubun iha rai-luan durante kalan tomak. 9 Derrepente deʼit, Na'i nia anju ida hamriik iha sira-nia oin, no Na'i nia glória nabilan haleʼu sira, no sira sai taʼuk tebes.10 Maibé anju neʼe hatete ba sira: “Labele taʼuk, tanba haʼu fó sai ba imi liafuan diʼak neʼebé sei lori ksolok boot ba ema hotu. 11 Ohin, salvadór ida moris ona ba imi iha David nia sidade, nia mak Kristu no Naʼi. 12 Neʼe mak sinál ba imi: Imi sei hetan bebé ida neʼebé falun hela ho hena no hatoba iha animál nia han-fatin.” Lukas 2:8-12.

Pergunta mak ne'e, seráke sala komemora Na'i Jesus mai moris iha mundu atu salva ita? Lae, la sala. Maibé atu dehan Na'i Jesus moris iha 25 Dezembru, ne'e mak la loos. Tanba loron 25 Dezembru ne'e loron
Dies Natalis Solis Invicti (Loron ne'ebé ema selebra Maromak loron-matan nia loron moris ka Saturnalia). Se ita halo ida ne'e, hanesan de'it troka ema ida nia loron moris ba ema seluk nian, no vinje katak ida ne'e loos, maibé realidade la loos.

Seráke ita hanoin Na'i Jesus Nia moris tinan ida dala ida de'it? Lae, ita tenki hanoin no konvida Na'i Jesus mai moris iha ita fuan no laran loronloron iha ita nia vida tomak. Atu nune'e Nia bele transforma ita nia moris tuir Na'i Maromak Nia hakarak.

Mai ita hamoris Na'i Jesus iha ita moris loronloron, to'o loron ida Nia bolu ita atu deskansa hó paz ka to'o loron ida Nia mosu mai iha kalohan leten tuir Nia promesa iha João 14:1-3.

✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️✝️
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15

Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16

Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7

Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12

Maromak akonpaña ita hotu nia moris ohin loron no ba oin🙏🙏🙏

Mídia Dalan ba Lalehan.

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane  mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏

Lukas 2:8-9

Read More