Jesus promete sei mai fali (João 14:1-3). Tempu bainhira Jesus mai fali, la iha ema ida mak hatene (Mateus 24:36). Iha Mateus 24 Jesus ko'alia kona-ba sinál sira ne'ebé ita bele observa. Sinal balu ita la serteza, maibé sinál balu klaru:
Sei mosu reklamasaun falsu kona-ba Jesus ninia segundu volta (Mateus 24:4–5,23–26)
Sei iha presegisaun, divizaun no monu ba dutrina ne'ebé la loos (Mateus 24: 6–12)
Ema barak ninia domin sai malirin ( Mateus 24: 12)
Bainhira Jesus mai fali ema hotu sei hatene, la'os sekretu (Mateus 24: 27–31).
Bainhira Jesus mai dahuluk, nia mai hanesan bebe fraku ida, maibé bainhira Nia mai fali ba dala rua, Nia sei mai ho poder boot no Gloria (Mateus 24: 27,30–31). Konsidera Na'i Jesus Ninia lia-fuan tuir mai:
Hanesan rai-lakan neʼebé mosu husi parte leste no naroman toʼo parte oeste, nuneʼe mós bainhira Oan-Mane husi Ema toʼo ona mai. Mateus 24:27 TMF
Tanba hanesan rai lakan mosu mai hosi parte lorosae, no nabilan too iha parte loromonu, nunee mos bainhira Oan Mane Hosi Ema mai. Mateus 24:27 BK
Porque assim como o relâmpago sai do Oriente e se mostra no Ocidente, assim será a vinda do Filho do homem.
Mateus 24:27 NVI
Sebab sama seperti kilat memancar dari sebelah timur dan melontarkan cahayanya sampai ke barat, demikian pulalah kelak kedatangan Anak Manusia.
Matius 24:27 TB
For as the lightning comes from the east and flashes to the west, so also will the coming of the Son of Man be.
Matthew 24:27 NKJV
✝️✝️✝️✝️✝️✝️✝️✝️✝️✝️✝️✝️
Agora ita rona ona Maromak Nia futarlia, no Maromak dehan nune'e:
Se ohin loron imi rona ba ninia lian, imi keta husik imi nia laran-toos hanesan iha tempu neʼebé imi-nia beiʼala sira provoka haʼu atu sai hirus tebes. Ebreu 3:15
Na'i Jesus dehan "Ema neʼebé rona ba imi rona mós ba haʼu. No ema neʼebé la simu imi la simu mós haʼu. Liután neʼe, ema neʼebé la simu haʼu la simu mós Ida neʼebé haruka haʼu mai.” Lukas 10:16
Maromak mós hatete nune'e:
Buka Na'i bainhira imi sei bele hetan nia. Bolu nia tanba agora nia sei besik imi. Ema aat tenke husik ninia dalan No ema laran-aat tenke husik ninia hanoin aat sira; Husik nia fila fali ba Maromak, neʼebé sei hatudu laran-sadiʼa ba nia, Fila fali ba ita-nia Maromak, tanba Maromak sei fó perdua ho laran-luak. Isaias 55:6-7
Tanbasá?
Tempu sei toʼo mai Bainhira haʼu halo hamlaha boot mosu iha rai neʼe, Neʼe laʼós hamlaha ba ai-han ka hamrook ba bee, Maibé hamlaha atu rona Maromak nia liafuan. Sira sei hakaʼas an laʼo husi tasi ida ba tasi seluk No husi parte norte ba parte leste. Sira sei laʼo-lemo hodi buka Maromak nia liafuan, maibé sira sei la hetan. Amos 8:11-12
Maromak akonpaña ita hotu nia moris ohin loron no ba oin.
Mídia Dalan ba Lalehan.
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
