JESUS MAK NAROMAN MUNDU NIAN

Jesus koalia tan ba sira, no dehan, “Hau mak naroman mundu nian. Ema nebee tuir Hau sei la lao iha nakukun laran, maibee nia sei iha naroman moris nian.” João 8:12 Biblia Kadi (BK)

Versikulu ne'e hanorin ba ita katak, Jesus mak hanesan naroman ne'ebé ajuda ita atu haree ho klaru iha nakukun laran. Kuandu ita la'o tuir Na'i Jesus, ita la presiza tan atu moris iha sala laran no la iha tan konfuzaun. Nia fó dalan foun ba ita atu moris ho esperansa, dame no lia-loos. Tamba Na'i Jesus mak dalan loos (João 14:6).

Iha iha inisiu , iha Genesis 1: 3, buat primeiru ne'ebé Maromak hatete mak: "Sai naroman." No iha naroman. Antes ne'e, buat hotu nakukun no mamuk. Maromak lori naroman ba mundu, no agora Jesus lori naroman ne'e ba ita-nia laran. Hanesan mundu ne'e presiza naroman atu moris, ita-nia laran mós presiza Jesus atu moris. 

Ema balu la fiar Jesus (João 8: 13-17). Sira dehan katak nia la iha direitu atu ko'alia hanesan ne'e. Maibé Jesus esplika katak Ninia Aman iha lalehan mak Ninia sasin. Na'i Jesus la ko'alia de'it kona-ba nia an rasik. Aman Maromak konfirma duni katak Jesus mak verdade ka loos no merese atu ita tau fiar ba.

Maromak Ninia lia-fuan iha Roma 8: 1 fó novidade di'ak mai ita: "Nunee ema nebee iha Kristu Jesus sei la hetan kastigu" Ida ne'e signifika katak kuandu ita la'o tuir Jesus, ita la hetan tan tesi-lia kona-ba sala sira ne'ebé ita halo iha tempu uluk. Ita hetan perdua no liberdade. 

Entaun ohin, hili atu la'o tuir Jesus. La'o iha Ninia naroman. Keta hela iha sala ka ta'uk nia nakukun laran. Na'i Jesus sei dirije ita-nia hakat sira no fó dame no ksolok ba ita. Na'i Jesus mak naroman ne'ebé ita presiza ba moris ne'e no ba nafatin.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

ENTREGA ITA NIA SUSAR BA NAI

Entrega ita nia susar ba Nai, no Nia sei sustenta ita; Nia sei nunka husik ema nebee moris loos atu monu. Salmu 55:22 BK

Moris ne'e nakonu ho luta. Dala ruma ita sente kole, laran-taridu, no ta'uk. Salmu 55: 22 fo ba ita promesa furak ida. Versikulu ne'e hatete katak ita bele fó ita-nia problema no todan hotu ba Maromak. Ita la presiza lori todan sira ne'e mesak de'it. Maromak ne'e poderozu no domin boot. Nia sei lori ita liuhusi ita-nia terus no susar sira. 

Versíkulu ne'e hatete katak Maromak sei sustenta ita. Ne'e signifika katak Maromak sei fó forsa mai ita atu kontinua la'o ba oin. Nia sei la husik sira ne'ebé tau fiar ba Nia atu monu. Kuandu moris sente todan, ita la presiza ta'uk. Ita bele fiar katak Maromak sempre besik no sei ajuda ita. 

Apóstolu Pedro fó-hanoin ba ita kona-ba lia-loos ne'ebé hanesan iha 1 Pedro 5: 5-7. Nia hatete katak ita tenke haraik-an no tau fiar ba Maromak. Nia haruka ita atu soe ita-nia todan hotu ba Maromak tanba "Nia tau matan ba ita". Maromak la dook hosi ita. Nia haree ita-nia matan-been, rona ita-nia orasaun, no hatene ita-nia laran. 

Maibé ita tenke haraik-an. Ne'e signifika katak ita admite ka rekoñese katak ita la bele halo buat hotu ho ita-nia forsa mesak. Ida-ne'e katak ita mai ba Maromak hanesan oan ida mai hasoru inan-aman ho fiar an no husu ajuda. Bainhira ita halo ida-ne'e, Maromak promete atu tane ita iha tempu ne'ebé loos. 

Tan ne'e, ohin loron, buat saida de'it ne'ebé halo ita prekupa - ta'uk, moras, problema família nian, ka triste intrega hotu ba Maromak. Hatete: "Nai, ha'u fó ha'u-nia todan hotu ba Ita." No fiar katak Nia sei tau matan ba ita, tanba nia hadomi ita.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Maromak fiél ba ninia promesa sira

Nunee hatene katak Nai, imi nia Maromak, Nia mak Maromak. Nia mak Maromak ida nebee fiel, nebee halo tuir Ninia aliansa no hatudu domin metin ba sira nebee hadomi Nia no halo tuir Ninia ukun fuan too jerasaun rihun ida. Deuteronómiu 7:9 BK 

Versikulu ne'e fó-hanoin ita katak Maromak sempre fiél. Nia nunka la halo tuir Ninia promesa sira. Nia hatudu domin ba sira ne'ebé hadomi Nia no halo tuir Ninia mandamentu sira. 

Ita bele haree Maromak nia fidelidade husi tempu uluk kedas. Iha Genesis, Maromak halo aliansa ida ho Abrão, hodi dehan katak nia sei halo nia sai aman ba nasaun barak (Genesis 17: 4-7). Maromak kumpre promesa ne'e. 

Tuirmai, Maromak fó mandamentu sanulu iha Foho Sinai (Exodo 20). Mandamentu sira ne'e hatudu ba povu oinsá atu moris iha dalan ne'ebé halo Maromak kontente. Dala ida tan, ida-ne'e mak parte husi Ninia aliansa, katak Nia hakarak iha relasaun di'ak ho ninia povu. 

Maromak mós halo aliansa ho David iha 2 Samuel 7: 12-16 hodi promete katak ninia bei-oan ida sei sai liurai ba nafatin. Promesa ne'e sai loos ka kumpri iha Jesus Kristu, Liurai ba Liurai sira-nian. 

Iha Jeremias 31:31-34, Maromak promete atu halo aliansa foun ida. Aliansa foun ne'e la'ós atu hakerek iha fatuk, maibé atu hakerek iha povu nia laran. Ida-ne'e mós sai loos ka kumpri liuhusi Jesus. Iha 2 Korinto 1:20, Biblia hatete katak Maromak nia promesa hotu mak "Loos" iha Kristu. 

Ikusliu, iha Roma 15: 4, Paulo hatete katak Eskritura sira-ne'e hakerek ona atu hanorin ita no fó esperansa mai ita, tanba Maromak sempre kumpre Ninia liafuan. 

Maromak nia domin no fidelidade nunka falla. Nia kumpre Ninia promesa sira liuhusi jerasaun hotu. Ita bele tau fiar ba Nia, halo tuir Nia, no moris ho esperansa, tanba Maromak ne'e fiél.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More