Husik Maromak diriji ita-nia hakat sira

Ema ida nia fuan laran halo planu kona ba ninia dalan, maibé Na'i sei diriji ninia hakat sira. Provérbiu 16:9 TL

Provérbiu 16:9 

Di'ak ba ita atu halo planu. Ita halo planu ba eskola, serbisu, família no futuru. Maibé Biblia fó-hanoin ita katak maski ita halo planu barak, maibé Maromak mak dirije ita-nia hakat sira. Ita moris seguru liu Kuandu ita halo tuir Maromak nia matadalan. 

Dala ruma, buat ne'ebé ita planu la akontese hanesan saida mak ita espera. Ida-ne'e bele halo ita konfuzaun ka desapontadu. Maibé Maromak haree buat ne'ebé boot liu. Nia hatene saida mak di'ak liu ba ita, maski ita la komprende. Hanesan Proverbios 3: 5-6 hatete: "Fiar ba Na'i ho ó-nia fuan laran tomak, no keta sadere ba ó-nia kompriensaun rasik. Iha ó-nia dalan hotu, hanoin ba Nia, no Nia sei diriji ó-nia dalan sira"

Husik Maromak dirije ita-nia hakat sira signifika ita husu uluk Maromak iha orasaun antes halo desizaun. Ida-ne'e signifika katak ita tenke halo tuir Ninia Liafuan no fiar ba Ninia tempu. Maromak Nia planu la sempre fasíl, maibé Maromak Nia planu sempre lori dame no bénsaun. 

Kuandu ita hala'o ita-nia moris obedese ba Maromak Ninia hanorin sira ho fé, Maromak sei lori ita iha dalan ne'ebé loos, ne'ebé lori ita ba moris rohan-laek. Ita-nia viajen iha mundu ida ne'e sei iha valor bainhira Maromak mak dirije ita. 

No lembra: husik Na'i Maromak diriji ita-nia planu sira no moris tuir Maromak Ninia hanorin sira mak sei lori ita la'o iha dalan ba Lalehan.

Orasaun: Nai, ajuda ami atu tau fiar ba Ita ho ami-nia planu sira. Hanorin ami atu rona Ita-nia Liafuan no husik Ita dirije ami-nia hakat sira kada loron. Halo ami la'o iha dalan loos - Ita-nia dalan - dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hahalok hanesan Jesus

Ema ne'ebé dehan katak nia hela iha Jesus tenki la'o ho hahalok hanesan Jesus nian. 1 João 2:6

1 João 2:6

Sai ema kristaun signifika halo tuir Jesus - la'ós de'it ho ita-nia liafuan, maibé mós ho ita-nia hahalok. Iha versíkulu ne'e, apóstolu Joao fó-hanoin ita katak se ita hatete katak ita hatene Maromak, ita tenke la'o tuir Jesus Nia dalan. Ne'e signifika katak moris hanesan Nia, hadomi hanesan Nia, no halo tuir Maromak hanesan Nia. 

Iha versíkulu sira antes ne'e, apóstolu Joao ko'alia kona-ba halo tuir Maromak nia mandamentu sira (1 Joao 2: 3-5). Nia hatete katak se ita halo tuir Ninia Liafuan, ita bele hatene katak ita mak Maromak Nia ema. Domin ba Maromak hatudu liuhusi obedese ba Ninia hanorin sira iha Sagrada Eskritura. Jesus rasik hatete: "Se ó hadomi ha'u, kumpre ha'u-nia mandamentu sira." João 14:15

Jesus halo tuir Ninia Aman ho perfeitu. Nia moris ho haraik-an, fó perdua ba sira ne'ebé hakanek Nia, no sempre hatudu laran-di'ak no laran-sadi'a. Nia gasta tempu hodi halo orasaun no tau fiar tomak ba Maromak maski Nia hetan terus. La'o tuir Jesus signifika halo tuir Jesus Nia ezemplu loroloron - hatudu domin duke odi, fó perdua duke hirus, no obedese duke hanoin an de'it. 

Lao tuir Jesus la fasil, maibé ita la mesak de'it. Kuandu ita simu Jesus, espíritu santu ajuda ita atu moris hanesan Nia. Kada pasu ne'ebé ita halo ho fé, laran-di'ak, no halo tuir Maromak sei lori ita hakbesik liután ba Maromak no ajuda ita kontinua la'o iha dalan ba lalehan. 

Orasaun: Na'i Jesus, ajuda ami atu la'o tuir Ita-Boot nia dalan. Hanorin ami atu hadomi ema seluk, halo tuir Ita-nia Liafuan, no moris loroloron ho haraik-an. Haforsa ami liuhusi Ita-nia espíritu atu nune'e ami-nia moris bele hatudu duni katak ami mak Ita-nian hodi lao iha dalan ba lalehan. Amen.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Saida mak riku-soin ne'ebé dura ba nafatin?

Keta haloot riku-soin ba ó-nia aan rasik iha mundu ne'e. Tanba ular no ferujen halo riku-soin ne'e sai aat, no naok-teen sira bele tama no na'ok. Mateus 6:19 BK

Mateus 6:19 

Ema barak gasta sira-nia moris tomak hodi halibur sasán mundu nian - hanesan osan, uma, roupa, ka gadgets (sasán electronic sira). Buat sira-ne'e bele halo ita-nia moris fasil liu, maibé Jesus fó-hanoin ita katak buat sira-ne'e sei la dura ba nafatin. Roupa di'ak sira bele lahuk, feruzen bele estraga karreta, no na'ok-teen bele foti buat ne'ebé ita iha. Riikusoin sira iha mundu bele lakon kualkér momentu. 

Na'i Jesus hakarak ita fokus ba rikusoin lalehan nian - buat sira ne'ebé sei nunka lakon. Saida de'it mak rikusoin sira-ne'ebe nunka lakon? Sira ne'e mak hahalok karidade, laran-di'ak, fiar, no halo tuir Maromak Ninia hanorin sira hotu hosi Sagrada Eskritura. Kuandu ita ajuda ema ne'ebé presiza, fó perdua ba ema seluk, ka fahe liafuan di'ak kona-ba Jesus ba ema seluk, ita rai hela rikusoin iha lalehan. Rikusoin sira-ne'e sei dura ba nafatin tanba ita hetan liuhosi relasaun di'ak ho Maromak. 

Hanorin ne'e la signifika katak ita labele iha buat di'ak ka serbisu maka'as iha ita-nia moris. Maibé ida-ne'e fó-hanoin atu ita tau ita-nia laran iha fatin ne'ebé loos. Ita labele hadomi ita-nia sasan liu fali Maromak. Kuandu ita-nia laran fokus ba buat Lalehan nian ne'ebé dura ba nafatin, ita-nia moris iha valór no nakonu ho dame. 

Mai ita moris loroloron hodi sempre tau lalehan iha ita-nia hanoin - hodi serbí Maromak, ajuda ema seluk, no halo tuir ninia Liafuan sira iha Biblia. Sira ne'e mak rikusoin ne'ebé sei dura ba nafatin no fó matadalan ne'ebé seguru ba ita iha dalan ba lalehan. 

Orasaun: Nai, ajuda ami atu la duni tuir buat ne'ebé bele lakon. Hanorin ami atu rai rikusoin iha lalehan liuhosi hadomi Maromak no serbí ema seluk. Kuida ami-nia laran atu fokus ba buat ne'ebé bele dura ba nafatin no atu la'o nafatin ho ita-Boot iha dalan ba Lalehan 

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More