Oinsá mantein relasaun ho Maromak?

Hela iha Ha'u, no Ha'u iha imi. Hanesan uvas sanak la bele fó fuan mesak, maibé tenki hela iha uvas huun, nune'e mós imi la bele fó fuan, só imi hela iha Ha'u. João 15:4 BK 

João 15:4

Iha João 15, Jesus hanorin Ninia dixipulu sira oinsá atu nafatin iha relasaun ho Maromak. Nia uza imajen uvas-hun no ramu sira. Hanesan sanak ida tenke iha ligasaun nafatin ho uvas-hun atu bele moris no fó fuan, ita mós tenke iha ligasaun nafatin ho Jesus atu bele iha moris espirituál ne'ebé loos. 

Iha versíkulu 9 no 10, Jesus esplika oinsá mak relasaun ho Maromak bele akontese. Nia hatete: "Hanesan Aman hadomi Hau, nunee mos Hau hadomi imi. Hela nafatin iha Hau nia domin" João 15:9. Ida-ne'e hatudu katak ita-nia relasaun di'ak ho Maromak estabelese bazeia ba domin. Jesus hadomi ita ho domin ne'ebé hanesan ne'ebé Nia simu husi Aman. Kuandu ita fiar ba domin ne'e no simu domin ne'e, ita hakbesik nafatin ba Maromak. 

Tuirmai Jesus hatete: "Se imi halo tuir Hau nia ukun fuan sira, imi sei hela nafatin iha Hau nia domin" João 15:10. Obedese ka halo tuir ne'e la'ós tamba ta'uk ka obriga ita nia aan atu sai di'ak. Maibé obedese ne'e hanesan resposta ba Maromak Nia domin. Kuandu ita hadomi Jesus, ita hakarak halo tuir Ninia hanorin sira. Obedese halo ita-nia relasaun ho Jesus sai metin no moris nafatin. 

Mantein relasaun ho Maromak signifika halo buat simples 3 tuirmai: tau fiar ba Jesus, moris iha Ninia domin, no halo tuir ninia Liafuan sira. Ita halo ida-ne'e liuhusi orasaun, lee Biblia, no hili atu moris hanesan dalan ne'ebé Jesus hanorin ita. Kuandu ita hela iha Jesus, ita-nia moris sei fo fuan ne'ebé di'ak hanesan: domin, pasiénsia, laran-di'ak no fiar. 

Maski Dala ruma ita lakon/falla, Jesus konvida ita atu hela nafatin iha Nia. Nia laran-maus no fiél, sempre prontu atu hadi'a ita-nia relasaun. 

Kuandu ita mantein moris iha Jesus, moris iha Ninia domin, no halo tuir Ninia Liafuan, ita sei iha relasaun di'ak ho Maromak. Relasaun loroloron ho Kristu hametin ita-nia fiar no fó matadalan atu ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Hahú buat foun

Lalika hanoin buat uluk sira ne'e, no lalika hanoin buat ne'ebé iha tempu antigu. Tebes, Hau sei halo buat foun; agora buat ne'e mosu mai, imi sei la hatene ka? Ha'u sei halo dalan iha rai fuik, no mota sira iha rai maran. Isaias 43:18-19 BK 

Isaias 43:18-19

Iha Isaias 43, Maromak ko'alia daudaun ba povu Izrael ne'ebé kole, ta'uk no deskorajen. Sira hasoru susar barak ona tanba sira-nia sala no sira sente la iha esperansa ba futuru. Antes versíkulu sira-ne'e, Maromak fó-hanoin sira oinsá Nia salva sira iha tempu uluk, oinsá Nia lori sira sai husi rai-Ejitu no lori sira hakur tasi mean. Maibé tuirmai Maromak hatete ba sira buat ne'ebé surpreza: Keta fokus ba buat sira ne'ebé akontese iha tempu antigu/uluk. 

Kuandu Maromak hatete: "Haluha tiha buat uluk nian," nia la dehan katak ita tenke haluha Ninia laran-di'ak sira ba ita iha pasadu. Nia hatete katak ita labele hakesian ba falla sira iha tempu uluk, laran moras /kanek sira, nein vitória sira iha tempu uluk. Maromak hakarak Ninia povu atu haree ba oin ho fiar, tanba Nia sei halo buat foun ida. 

Maromak promete katak Nia sei halo dalan iha rai-fuik no mota sira iha rai-fuik maran. Ida-ne'e katak, maski moris ne'e sente maran, mamuk, ka imposivel, maibé Maromak bele lori moris foun no esperansa ba ita. Buat ne'ebé ita haree hanesan la iha esperansa iha ita-nia moris, maibé ho Maromak sempre iha esperansa. Nia bele muda ita-nia situasaun, kura laran kanek sira, no loke dalan foun ba ita. 

Mensajen ne'e mós ba ita ohin loron. Ema barak leva sira-nia todan sira hosi pasadu: hanesan sala no memoria aat sira iha tempu uluk ne'ebé halo sira sente laran-kanek. Maromak konvida ita atu labele fokus akontesementu sira iha tempu uluk no fiar katak Nia bele ajuda hafoun fali ita-nia moris. Iha Jesus, Maromak fó perdua, kura no moris foun. 

Hahú moris foun la'ós katak moris sei fasil de'it, maibé ida ne'e signfika katak Maromak sei la'o hamutuk ho ita. Nia fó forsa ba ita ohin loron no esperansa ba loron aban. 

Kuandu ita tau fiar ba Maromak Nia promete atu hahú buat foun iha ita-nia moris no halo tuir Ninia matadalan sira, Nia fó esperansa mai ita. La'o ho fiar aan no halo tuir Maromak Nia hanorin sira sei ajuda ita la'o ba oin nafatin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Nai nia laran-sadi'a sai foun dader-dader

Tanba Nai nia domin metin, nune'e ami la lakon hotu; Ninia laran-luak nunka para; buat sira ne'e sai foun dadeer-dadeer; Ó-nia fidelidade mak boot. Lamentasaun 3:22-23 BK 

Lamentasaun 3:22-23

Livru Lamentasaun hakerek iha tempu triste tebes ba Maromak nia povu. Babilonia harahun ona Jeruzalein, no povu hetan terus tanba sira-nia sala no rezultadu husi sira-nia hahalok-aat. Iha softementu ne'e nia laran, hakerek-nain ba Libru Lamentadaun hanoin-hetan buat importante ida: katak Maromak sei hatudu laran-sadi'a nafatin. 

Maromak nia laran-sadi'a signifika katak Nia la trata ita tuir buat ne'ebé ita merese tuir ita-nia sala. Maski povu Izrael falla halo tuir Maromak, maibé Maromak la rende buka tuir sira. Duke rende an, Nia hatudu domin no laran-sadi'a. Versíkulu ne'e fó-hanoin ita katak tanba Maromak Nia laran-sadi'a mak ita sei moris too ohin loron no iha esperansa nafatin. 

"Sai foun Dadeer-dadeer" signifika katak loron-loron ita iha biban atu hahú relasaun foun fali ho Maromak. Pekadu horiseik nia la presiza kontrola ita-nia moris ohin loron nian. Kuandu ita hadeer mai kada dader, Maromak Nia laran-sadi'a hein ona ita. Kada dader, Maromak nia perdua, pasiénsia, no domin, prontu fali ona, la prekupa saida mak akontese ona horseik.

Lia-loos ne'e fó kmaan ba ita-nia laran ne'ebé sente kole. Moris bele sai todan, no dala ruma ita sente fraku ka deskorajen. Maibé Maromak nia fidelidade la muda. Ema bele halo ita falla, ita-nia aan bele halo ita falla, maibé Maromak mantein fiél nafatin loroloron. 

Kuandu ita hatene ida-ne'e bele ajuda ita atu moris ho esperansa. Ita bele hakbesik ba Maromak liuhusi orasaun, konfesa ita-nia sala, no tau fiar ba nia atu ajuda ita hahú foun fali. Ninia laran-sadi'a fó forsa mai ita atu kontinua la'o ba oin no korajen hodi hasoru kada loron foun. 

Kuandu ita tau fiar ba Maromak Nia laran-sadi'a ne'ebé nunka falla, no moris loroloron depende ba Nia fidelidade, ita-nia moris sei renova ka hafoun fali kada loron. La'o iha Ninia laran-sadi'a loron-loron, lori ita hakat ba oin ho esperansa atu nafatin la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More