Maromak sei hamaran matan been hotu hosi sira nia matan. La iha tan mate, no la iha tan laran susar, tanis ka moras. Tanba buat sira nebee uluk nian liu tiha ona. Apokalipse 21:4 BK
Liafuan murak ne'e mai iha Eskritura nia rohan, bainhira Maromak hatudu lalehan foun no mundu foun ninia furak. Depoisde luta, presegisaun, triste, no funu hotu ne'ebé ita hasoru iha istória mundu nian, ita hetan imajen moris rohan-laek furak iha Lalehan ne'ebé fo ksolok no komfortu.
Nota oinsa mensajen ne'e hato'o ho laran mamar: Nia sei halakon matan-been hotu. La'ós anju ida. Maibé Maromak rasik hakbesik an atu fó komfortu ba Ninia povu.
Kada matan-been konta istória ida. Matan-been monu tamba lakon ema ne'ebé ita hadomi. Matan-been tun tamba desapontadu, traisaun iha uma-kain, traisaun iha serbisu fatin, laran-susar, laran - moras, la iha justisa, no moris mesamesak. Iha mundu ne'e, ita la bele sees hosi susar sira-ne'e. Maibé versíkulu ne'e fó-hanoin ita katak moras, susar, terus, matan-been la permanente.
Mate sei la iha tan. Triste sei lakon. Ema nia laran-susar ne'ebé todan sei hasai kompletamente. Buat ne'ebé agora ita hasoru hanesan rahun, susar no terus sei restaura fali.
Promesa ne'e la hamenus terus ohin loron nian. Maibé promesa ne'e fó perspetiva ida. Susar sira ne'ebé ita hasoru ne'e reál - maibé susar sira-ne'e temporariu de'it. Tristeza ne'ebé ita sente ne'e kle'an tebes, maibé tristeza sira ne'e sei la permanese.
Ba ema fiar-na'in sira, esperansa ne'e reál,tamba esperansa ne'e maihusi Maromak nia karakter ne'ebé fiél. Maromak ne'ebé la'o hamutuk ho ita liuhusi terus laran sei prepara ita ba futuru ne'ebé di'ak liu.
Se ita nakonu ho matan-been ohin, kaer metin ba promesa ne'e. Maromak haree ema ida-idak nia matan-been. Nia kontinua sura matan-been sira ne'e. No tempu sei to'o mai bainhira Ninia liman rasik sei hamaran matan-been hotu.
Maibe molok, to'o iha loron ne'eba, ita moris iha esperansa. Ita tahan ho fé. Ita hein momentu gloriozu ne'e, bainhira tristi sei troka ho ksolok rohan-laek iha mundu no lalehan foun. Maibe molok to'o loron neebá mai ita kontinua la'o dalan ba lalehan.
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
