La'os ema hotu ne'ebé dehan mai Ha'u, ‘Nai, Nai,’ sei tama ba reinu lalehan, maibé nia deit ne'ebé halo tuir Ha'u-nia Aman iha lalehan Nia hakarak. Mateus 7:21 BK
Jesus Nia liafuan sira-ne'e nia ko'alia iha rohan hosi sermaun iha foho leten. Iha posibilidade katak ita, ko'alia liafuan ne'ebé loos, fó sai ita-nia fiar hosi liur de'it, maibé iha laran, ita la halo tuir buat ne'ebé ita ko'alia ho ibun.
Bainhira ita dehan "Nai, Nai" hatudu rekoñesimentu no antuasismu. Maibé Jesus hatete ho klaru katak ema ne'ebé hakarak tama ba reinu lalehan la'ós de'it ho liafuan ne'ebé loos. Fiar ne'ebé loos hatudu ninia an liuhusi moris ne'ebé obedese ba Aman nia hakarak sira.
Maromak la buka deklarasaun ka liafuan ne'ebé mamuk. Nia buka laran ne'ebé hakarak entrega ba Maromak.
Obedese ne'e la'ós kona-ba buat ne'ebé perfeitu, maibé kona-ba diresaun moris nian. Ida-ne'e kona-ba desizaun hodi hili halo tuir Kristu, atu aliña ita-nia moris tuir ninia hanorin sira, no atu hatán ba konviksaun espíritu santu iha ita-nia laran. Kuandu ita bolu duni Maromak nu'udar "Nai", ita rekoñese katak Nia mak ukun ita-nia desizaun, atitude no ita-nia prioridade sira hotu.
Versíkulu ne'e konvida ita atu ezamina didi'ak ita-nia fiar. Serake Ita-nia asaun refleta ita-nia liafuan sira? Serake Ita-nia moris loroloron demonstra fé ba Maromak? Serake ita rona lalais no prontu atu halo tuir Maromak, maski ita la komfortavél?
Novidades di'ak mak ne'e: obedese mosu tamba relasaun di'ak ho Maromak. Ita obedese la'os atu manan salvasaun, maibé ita obedese tamba ita partensi ba Maromak. Ita obedese tamba ira hetan ona salvasaun. Obedese hanesan rezultadu hosi salvasaun ne'e rasik. Laran ne'ebé transformadu iha dezezu hakarak atu halo kontente Maromak ne'ebé salva nia.
Se iha fatin balu ne'ebé ita-nia liafuan no hahalok la han malu, keta laran-taridu. Lori realidade sira ne'e ba Nai ho haraik-an. Husu Maromak atu forma ita-nia laran sai loos atu nune'e ita liafuan no asaun ka hahalok bele han malu.
Biarba Ita sai ema sira ne'ebé la'os ko'alia de'it, maibé hatudu liuhosi asaun saida mak ita ko'alia ona. Biarba ita sai ema Kristaun neʼebé la'os bolu de'it "Nai, Nai" maibé ita mós ho kontente atu la'o tuir Ninia hakarak iha dalan ba lalehan.
🙏 MAROMAK FO BENSAUN🙏🏻
🎗️🎗️🎗️🎗️🎗️🎗️🎗️🎗️🎗️🎗️🎗️
Estuda Maromak ninia lia-fuan 📝
Youtube: Hope Channel Timor Leste
Facebook : Hope Channel Timor-Leste
#hopechanneltimorleste #AWRTimoLeste
🪷🪷🪷🪷🪷🪷🪷🪷🪷🪷🪷🪷🪷🪷🪷🪷
Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona
Favór fahe tutan KARIK LA MOE kona-ba Maromak Nia futarlia.
"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26
🙏🌹🙏🌹🙏🌹🙏🌹🙏🌹🙏
0 comments:
Post a Comment