Hatene Jesus liuhusi ninia Liafuan

Imi buka hatene Eskritura sira, tanba imi hanoin katak iha Eskritura mak imi hetan moris rohan laek. No Eskritura fó sasin kona-ba Ha'u. João 5:39 BK 

                                    João 5:39 

Bíblia la'ós de'it livru baibain ida atu lee, maibé lee Biblia mós dalan ida atu hatene Jesus. Ema barak lee Biblia, maibé sira lakon ninia ojetivu prinsipál. Jesus rasik esplika kona-ba ida ne'e iha Evanjellu João 5:39. Nia hatete katak ema estuda Eskritura tanba sira hanoin katak sira sei hetan moris, maibé loloos ne'e eskritura hatudu kona-ba Jesus. Ne'e katak Biblia mak matadalan ida-ne'ebé lori ita ba Jesus. 

Hatene Jesus mak buat ne'ebé importante liu iha ita-nia moris. Iha Evanjellu João 17: 3, Jesus hatete katak moris rohan-laek mak hatene Maromak loos mesak de'it no Jesus Kristu ne'ebé Nia haruka mai. Moris rohan-laek la'ós de'it kona-ba moris ba nafatin, maibé moris rohan-laek mak kona-ba relasaun ne'ebé loos ho Jesus. 

Maibé hatene Jesus la'ós automatikamente akontese. Banhira Nia konvida ita, ita tenke hatán. Iha livru Apokalipse 3:20, Jesus hatete: "Haree, ha'u hamriik iha odamatan no dere." Nia hein hela ita atu loke ita-nia odamatan laran nian. Se ita loke odamatan, Nia sei tama no hamutuk ho ita. 

Ida-ne'e hanorin ita lisaun importante ida. Lee Biblia de'it la sufisiente. Ita tenke loke ita-nia laran ba Jesus. Kuandu ita lee Eskritura, ita tenke husu: "Saida mak versikulu sira-ne'e hanorin ha'u kona-ba Jesus?" Tuirmai ita tenke konvida Nia mai ita-nia moris. 

Jesus sempre besik, sempre bolu, no sempre prontu atu tama mai ita-nia laran. Nia hakarak atu iha relasaun di'ak ho ita. Bíblia ajuda ita atu rona Ninia lian, maibé ita tenke hili atu rona no responde.

Ohin loron, mai ita la'ós de'it lee Biblia maibé loke ita-nia laran ba Jesus. Kuandu ita halo nune'e, ita sei hatene duni Maromak no hetan esperiénsia moris ne'ebé Nia promesa ona. 

No bainhira ita hatene liután kona-ba Jesus loroloron, ita la'o hela pasu pur pasu iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Bénsaun dobradu

Nai Maromak mak fó nanál matenek ba ha'u, hodi ha'u bele koalia liafuan diak ba nia ne'ebé kole. Nia fanu ha'u dadeer-dadeer, Nia fanu ha'u-nia tilun hodi rona hanesan ema matenek mak rona. Isaias 50:4 BK 

                             Isaias 50:4 

Estuda Biblia mak bénsaun boot ida. Maibé iha buat ida mak di'ak liután ' ne'e mak fahe buat ne'ebé ita aprende ona ba ema seluk. Kuandu ita estuda Maromak Nia Liafuan no fahe liafuan sira-ne'e, ita hetan bénsaun dobradu. 

Bíblia hanorin katak Maromak fó ita matenek atu ajuda ema seluk. Livru Isaias 50: 4 hatete katak Nai fó nanál ne'ebé matenek atu ita bele ko'alia liafuan korajen iha tempu ne'ebé loos ba sira ne'ebé kole, desperadu, deskorajen no desapontadu. Ida-ne'e katak Maromak Nia hanorin ne'ebé ita simu, la'ós ba ita-nia an rasik de'it, maibé mós bele mós fó korajen ba ema seluk. 

Kuandu ita fahe buat ne'ebé ita aprende, buat espesiál ida akontese. Ita komprende ho klaru liután Maromak Nia mensajen. Bainhira ita esplika MaromakNiaLiafuan, ita-nia hanoin sai forte liután no organizadu liután. Ida-ne'e ajuda ita atu lembra Maromak Nia Liafuan. Iha tempu hanesan, ema ne'ebé ita fahe Maromak Nia Liafuan mós hetan bénsaun. Parte rua (ida ne'ebé fahe no ida ne'ebé simu) sira-nia fiar krexe - ida ne'e bensaun dobradu.

Moris kristaun hanesan viajen ida ne'ebé progresu ba oin. Filipe 3:14 fó-hanoin ita atu duni tuir premiu lalehan nian iha Kristu Jesus. Fahe Maromak Nia Liafuan ajuda ita kontinua la'o ba oin. Fahe Maromak Nia Liafuan hametin ita-nia fiar no fó korajen mai ita atu mantein fokus ba Maromak. 

Importante liu mak fahe Maromak Nia Liafuan ajuda ita atu hatene Maromak di'ak liután. Evanjellu João 17: 3 hatete katak moris rohan-laek mak hatene Maromak loos no Jesus Kristu. Kuandu ita ko'alia kona-ba Maromak ho ema seluk, ita-nia relasaun ho Maromak sai kle'an liután. 

Dala ruma ita sente moe ka hanoin katak ita-nia matenek la sufisiente. Maibé ita la presiza hein atu sai perfeitu. Ita bele fahe de'it buat ne'ebé ita aprende ona, maski iha liafuan simples de'it. Maromak bele uza ita-nia esforsu simples sira atu haraik bénsaun ba ema seluk. 

Tan ne'e, depoisde lee tiha Biblia, uza tempu balu atu fó-hatene ba ema seluk buat ne'ebé ita aprende ona - hanesan kolega, família, ka grupu ki'ik ida. Bainhira ita halo nune'e, ita sei hetan bénsaun, no sira mós sei hetan bénsaun. 

Kuandu ita estuda Maromak Nia Liafuan no fahe ba ema seluk, ita hetan bénsaun dobradu no kontinua la'o hamutuk ho Maromak iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More

Estuda Biblia kle'an

Hau sei medita ba Ó-nia mandamentu sira, no haree tu-tuir Ó-nia dalan sira. Ha'u sei haksolok tebes ho Ó-nia estatutu sira; ha'u sei la haluha Ó-nia liafuan. Salmu 119:15-16 BK 

 

                          Salmu 119:15-16

Bíblia la'ós atu lee ho lalais de'it. Maromak hakarak ita hanoin kle'an kona-ba Ninia Liafuan. Iha Samlo 119:15-15 Salmista hatete: "Hau sei medita ba Ó-nia mandamentu sira, no haree tu-tuir Ó-nia dalan sira. Hau sei haksolok tebes ho Ó-nia estatutu sira; hau sei la haluha Ó-nia liafuan". Ida-ne'e katak ita presiza gasta tempu atu komprende, haksolok, no halo tuir Maromak Nia Liafuan iha ita-nia moris. 

La susar atu estuda Biblia ho kle'an. Estuda Biblia bele sai simples no signifikativu, maski ba ema ne'ebé foin komesa estuda. Ita bele komesa ho livru badak ida kona-ba Biblia hanesan Jonas, Marcos, Filipe, ka 1 Joao. Tuirmai ho neineik lee versíkulu ida ida iha tempu ida. 

Dalan ne'ebé fasil atu estuda Biblia mak tuirmai ne'e: 

Ulukliu, halo orasaun. Husu Maromak atu dirije Ita-nia hanoin no halo Ita-nia laran sai mamar atu bele komprende Ninia Liafuan. 

Segundu, hili versíkulu ida ka perikop ka leitura badak ida. Keta ansi. Foti parte ki'ik ida no foka liu ba versikulu ne'ebé ita hili ona.

Terseiru, hakerek iha notebook ida. Hakerek bele ajuda ita lembra no hanoin ho klaru liután. 

Dahaat, lee fali versikulu sira ne'ebé ohin ita hili no lee neineik-neineik no subliña ideia ka liafuan importante sira. 

Dalimak, hanoin to'ok kona-ba saida versikulu sira ne'e nia signifikativu. Husu: "Saida mak Maromak hanorin ha'u iha ne'e?" Hakerek Ita-nia hanoin sira ho liafuan simples. 

Daneen, halo fali orasaun. Husu Maromak atu ajuda ita moris tuir buat ne'ebé ita aprende ona. 

Ikusliu, fahe ba ema ida. Kuandu ita fahe Maromak Nia Liafuan, ida-ne'e bele fó bénsaun ba ema seluk no ajuda ita-nia fé sai forte liután. 

Estuda Biblia kle'an la'ós kona-ba lee kapítulu barak iha tempu ida. Ne'e mak kona-ba husik Maromak Nia Liafuan tama ba Ita-nia laran no muda Ita-nia moris. Kuandu ita uza tempu atu medita kona-ba Eskritura, ita komesa hadomi liután Eskritura ne'e no komprende di'ak liután. 

Bainhira ita estuda Biblia ho kle'an no aplika Biblia loroloron, Maromak Nia Liafuan sei gia ita atu la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click  iha ne'e  atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Read More