Saida mak akontese bainhira ita lee Maromak nia Liafuan?

Nune'e Ha'u nia lia-fuan ne'ebé sai hosi Ha'u-nia ibun, nia sei la fila mai Hau ho mamuk, maibé Nia sei halo tuir Ha'u-nia hakarak hotu, no Nia sei hetan susesu iha buat neʼebé Ha'u haruka Nia halo. Isaias 55:11 BK 

                                  Isaias 55:11

Ema barak iha Biblia, maibé la'ós ema hotu lee Biblia. Balu husik hela iha rak ka almari laran. Sira seluk loke de'it semana ida dala ida bainhira sira ba igreja iha loron Sabadu ka Domingu. Maibé Maromak la fó Biblia mai ita atu rai de'it iha uma. Nia fó Biblia atu transforma ita-nia moris. 

Entaun, saida mak akontese bainhira ita lee Maromak Nia Liafuan? 

Ulukliu, Maromak ko'alia ba ita liuhusi Biblia. Bíblia la'ós livru baibain ida. Biblia mak Maromak Nia mensajen ba ita. Kuandu ita lee livru ne'e ho haraik-an, Maromak hanorin ita, fó komfortu mai ita, korrije ita, no hatudu dalan ne'ebé loos atu hala'o ita-nia moris (2 Timoteo 3: 16-17). 

Segundu, ita-nia fiar sai metin liután. Roma 10:17 hatete: "Nunee fiar mai liu hosi buat neʼebé ema rona. No ema rona liu hosi Kristu Nia liafuan". Bainhira ita lee liután Biblia, ita aprende liután atu tau fiar ba Maromak no Ninia promesa sira. 

Terseiru, Maromak Nia Liafuan ajuda ita atu dehan "Lae" ba pekadu. David hatete: "Hau rai Ó-nia liafuan iha ha'u-nia fuan laran, hodi nune'e hau la bele halo sala hasoru Ó. Salmu 119:11." Kuandu Maromak Nia Liafuan nakonu iha ita-nia laran, ida-ne'e ajuda ita atu halo desizaun ne'ebé di'ak. 

Ba dala haat, Maromak Nia Liafuan fó esperansa no forsa mai ita. Moris la'ós sempre fasíl. Ita hotu sei hasoru problema, moras no desapontadu. Maibé Maromak Nia promesa sira fó korajen mai ita no fó-hanoin ita katak Nia sempre hamutuk ho ita. 

Isaias 55:11 hatete mai ita katak Maromak Nia Liafuan nunka falla. Maromak Nia lia-fuan sempre alkansa buat ne'ebé Maromak hakarak atu halo. Dala ruma Maromak Nia Liafuan muda ita lalais. Dala ruma Maromak Nia Lia-fuan muda ita neineik-neineik. Maibé se ita kontinua lee Biblia no halo tuir, Maromak Nia hanorin sira, Maromak sei kontinua serbisu iha ita-nia laran. 

Ohin loron, halo desizaun atu labele husik ita-nia Biblia taka ho rai-rahun. Loke no lee loron-loron, maski ita lee de'it versíkulu balu. Halo orasaun antes lee. Husu Maromak atu ajuda ita komprende Ninia mensajen no fó forsa ba ita atu halo tuir Nia hanorin sira.

Gasta minutu balu hodi lee Maromak Nia Lia-fuan, bele muda ita-nia hanoin, maneira ita ko'alia, no dalan moris nian. Maromak promete katak Ninia Lia-fuan sei nunka fila mamuk.

Bainhira ita rona Maromak Nia lian liuhusi Biblia no moris tuir Ninia lia-loos, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

#GodsWord #hopechannel #hopechanneltimorleste #awrtimoleste #RTL#dalanbalalehan.blogspot.com

Read More

Serake ita adora Maromak ho Ita-nia laran ka ho Ita-nia ibun de'it?

Povu ne'e fó onra mai Ha'u ho sira nia ibun tutun; maibé sira-nia laran dook hosi Hau. Sira adora Ha'u saugati de'it, tanba sira hanorin ema nia ukun fuan sira nudar doutrina.Mateus 15:8-9 BK

                               Mateus 15:8

Ema barak dehan katak sira hadomi Maromak. Sira kanta iha igreja, halo orasaun, no lee versíkulu sira husi Biblia. Balu mós bolu sira-nia an nu'udar ema kristaun. Maibé Jesus hatete katak dalaruma ita hahi'i Maromak ho ita-nia ibun de'it, maibé ita-nia laran dook husi nia. 

Ida-ne'e katak sá? 

Ne'e katak ita bele ko'alia liafuan ne'ebé loos, maibé realidade, ita la hadomi ka la halo tuir Maromak Nia hanorin. Karik ita hatete: "Nai, ha'u tau fiar ba Ita," maibé depoisde ko'alia ida ne'e, ita moris konformi dalan ne'ebé ita hakarak. Karik ita ba igreja kada semana, maibé ita ignora Maromak Nia Liafuan durante loron seluk iha semana nia laran tomak. Maromak la haree de'it ba buat ne'ebé ita ko'alia. Nia haree ba ita-nia laran.

Iha Jesus nia tempu, ulun-nain relijiaun barak haree hanesan santu tebes iha li'ur. Sira halo orasaun iha publiku no halo tuir tradisaun barak relijiaun nian. Maibé dala barak sira ignora Maromak Nia mandamentu sira. Jesus hatete: "Sira adora Ha'u saugati de'it, tanba sira hanorin ema nia ukun fuan sira nudar doutrina" Mateus 15:9. Ida-ne'e katak adorasaun sai mamuk bainhira ema halo tuir ema nia tradisaun duke Maromak nia Liafuan. Ema barak fiar katak sira adora Maromak, maibé se sira-nia fiar mai husi tradisaun, kultura, ka hanoin duke Biblia, sira la adora Maromak tuir Ninia hakarak. 

Maromak hakarak ita atu hatene Ninia lia-loos liuhusi Biblia (João 17:17). Antes ita fiar ka halo buat ruma, ita tenke husu: "Serake Biblia hanorin ida-ne'e?" Se lae, ita tenke halo tuir Maromak Nia Liafuan duke hanorin husi ema.

Maromak sempre hakarak ita-nia laran. Iha Deuteronomio 6:5, nia hatete: "Imi sei hadomi Nai, imi-nia Maromak, ho imi-nia fuan laran tomak, ho klamar tomak no ho forsa tomak. Adorasaun ne'ebé loos hahú ho laran ne'ebé hadomi Maromak. 

Kuandu ita hadomi duni Maromak, domin ne'e ema sei haree iha ita-nia dalan moris loroloron. Jesus hatete: "Se ó hadomi ha'u, halo tuir ha'u-nia mandamentu sira." (João 14:15). Ita sei la manan salvasaun tamba obedesementu, maibé obedesementu hatudu katak ita-nia domin ba Jesus ne'e reál duni. 

Ohin loron, husu ba ita-nia an: " Serake ha'u adora Maromak ho ha'u-nia ibun de'it ka ha'u adora Nia ho ha'u-nia laran tomak?" Maromak la impresionadu ho ita-nia liafuan furak de'it. Nia hakarak laran ne'ebé tau fiar ba Nia, hadomi Nia, no halo tuir Nia loroloron. 

Mai ita sai ema kristaun la'os de'it ho naran. Mai ita halo tuir Jesus ho laran-tomak. Atu nune'e ita-nia liafuan, ita-nia hahalok no ita-nia moris sei fó onra ba Maromak. 

Bainhira ita adora Maromak ho ita-nia laran iha ita-nia moris, ita kontinua la'o ho laran-metin iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu Estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Atu lee kona-ba topiku seluk-seluk, favor vizita ka follow dalanbalalehan.blogspot.com ka like ka vizita webpage Facebook: Dalan ba Lalehan ka Instagram: hakerek_nanis.ona

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More

Saida mak akontese bainhira ita rejeita Maromak nia mensajen?

Maibé sira kontra nia no ko'alia aat hasoru nia. Nune'e nia liki tiha ninia ropa no dehan ba sira, “Husik imi nia raan fila fali ba imi-nia ulun. Ha'u moos ona. Hosi agora ba oin, ha'u sei ba ema Jentiu sira.” Apostolu 18:6

                                Apostolu 18:6

Kuandu apóstolu Paulo haklaken kona-ba Jesus, ema balu ho kontente simu liafuan ne'e. Maibé ema seluk lakohi rona. Sira mós kontra Paulo no insulta nia. Tuirmai Paulo hatete: "“Husik imi nia raan fila fali ba imi-nia ulun. Ha'u moos ona. Hosi agora ba oin, ha'u sei ba ema Jentiu sira.” Apostolu 18:6

Apostolu Paulo la hirus. Nia so dehan de'it: "Hau halo ona ha'u-nia parte. Ha'u fahe ona Maromak Nia mensajen ba imi. Agora imi hili, atu simu ka rejeita?" 

Maromak fó ona liberdade ba ema hotu atu hili. Nia la obriga ema ida atu la'o tuir Nia. Nia ho domin konvida ita atu simu Ninia salvasaun, maibé ita tenke deside ba ita-nia an rasik. 

Saida mak akontese bainhira ema rejeita Maromak Nia mensajen? 

Ulukliu, sira lakon bénsaun ne'ebé Maromak hakarak atu fó ba sira. Jesus hatete: "Mai ba Ha'u... no Ha'u sei fó deskansa ba imi." Mateus 11:28. Ema sira ne'ebé rejeita Maromak Nia konvite, sira kontinua lori sira-nia pekadu nia todan rasik. 

Segundu, sira-nia laran bele sai toos liután. Kuandu ema ida hatete "Lae" ba Maromak, fasil liu atu ignora Ninia lian. Ebreu 3: 15 hatete: "Ohin, se imi rona Ninia lian, keta halo imi-nia laran toos." 

Terseiru, ema ida-idak responsavel ba sira-nia desizaun rasik. Ita labele du'un ita-nia inan-aman, igreja, kolega, ka pastor sira. Loron ida, ita ida-idak sei hatán ba Maromak kona-ba desizaun hotu ne'ebé ita halo ona durante ita-niamoris tomak (Roma 14: 12). 

Liafuan di'ak mak ne'e: bainhira ita sei moris hela, Maromak sei nafatin bolu ita. Maromak ne'e pasiénsia no lakohi ema ida atu mate (2 Pedro 3:9). Hanesan aman iha istória kona-ba oan-mane ne'ebé lakon, Maromak sempre prontu simu ema ne'ebé fila fali ba Nia (Luc 15:20-24). 

Ohin loron, se Maromak ko'alia ona ba ita-nia laran liuhusi Biblia, keta ignora Ninia lian. Keta hein to'o loron aban. Ohin, loke ita-nia laran ba Jesus. Ninia mensajen la'ós atu julga, maibé atu salva Ita. 

Husu ba ita-nia an: "Serake ha'u simu ka ignora ona Maromak Nia mensajen?" Desizaun ne'ebé ita halo ohin loron sei afeita ita-nia futuru no ita-nia moris rohan-laek nian. 

Bainhira ita ho haksolok simu Maromak Nia Liafuan no halo tuir Jesus loroloron, ita kontinua la'o iha dalan ba lalehan.

🙏 MAROMAK FO BENSAUN🙏🏻

🎗️🎗️🎗️🎗️🎗️🎗️🎗️🎗️🎗️🎗️🎗️

Click iha ne'e atu estuda Maromak ninia lia-fuan 📝

Youtube: Hope Channel Timor Leste

Facebook : Hope Channel Timor-Leste

#hopechanneltimorleste #AWRTimoLeste

#dalanbalalehan.blogspot.com

🪷🪷🪷🪷🪷🪷🪷🪷🪷🪷🪷🪷🪷🪷🪷🪷

Favor vizita dalanbalalehan.blogspot.com no like, follow no share webpage Facebook: Dalan ba Lalehan ka Instagram: hakerek_nanis.ona ka TikTok DBL

Favór fahe tutan KARIK LA MOE kona-ba Maromak Nia futarlia.

"Tanba ema se deʼit neʼebé moe kona-ba haʼu no kona-ba haʼu-nia liafuan, Oan-Mane mós sei moe kona-ba ema neʼe bainhira nia mai iha ninia glória no Aman nia glória hamutuk ho anju santu sira-nia glória". Lukas 9:26

🙏🌹🙏🌹🙏🌹🙏🌹🙏🌹🙏

Maluk sira ne'ebé Kristu hadomi, 

Ami konvida ita-boot sira atu like, share no follow pájina Dalan ba Lalehan. Ami-nia misaun mak atu fahe Maromak Nia Liafuan ho língua ne'ebé simples no fasil atu nune'e ema hotu bele komprende mensajen salvasaun nian liuhusi Jesus Kristu.

Favór like, follow, no share pájina ida ne'e ba ita-nia família no kolega sira. Atu nune'e, bele ajuda habelar lia-loos husi Maromak no tau esperansa ba ema hotu iha mundu tomak. 

Obrigadu ba imi-nia suporta. Ha'u espera katak Maromak sei haraik bénsaun barak ba imi bainhira ita halo viajen espirituál hamutuk iha dalan ba lalehan. 

 Like • Follow • Share • Maromak fo bensaun! 🙏📖✨

Read More